ᓄᓘᔮᓕᕆᓂᖅ−ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᖃᑎᒌᒍᑏᑦ.
ᕿᑭᖅᑕᓂᒃᑯᑦ ᖁᕕᐊᓱᑉᐳᑦ ᐱᒋᐊᖅᑎᑦᑎᔭᕆᐊᔅᓴᖅ ᑐᑭᓯᐅᒪᑎᑦᑎᒋᐊᕐᓂᕐᒧᑦ ᐊᑐᐊᒐᖅᑖᖅᑲᐅᓂᑦ ᓄᓘᔮᖕᓂ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᖃᑎᒌᒍᑎᓂᑦ. ᐊᑐᐊᒐᑦ ᐃᓄᓐᓂᑦ ᑕᑯᔪᓐᓇᕐᓯᑎᑦᑎᓯᒪᔪᑦ ᐱᕚᓪᓕᕈᑎᔅᓴᓕᒫᓂᑦ ᐋᔩᕋᕈᑕᐅᓯᒪᔪᓂᑦ ᑖᒃᑯᓇᓂ ᐊᖏᕈᑎᓃᑦᑐᓂᑦ ᐊᑐᖅᑐᑎᒃ ᓈᓴᐅᑎᑎᒍᑦ ᑐᑭᓯᐅᒪᔾᔪᑎᔅᓴᓂᑦ ᐊᒻᒪᓗ ᑐᑭᓯᓇᕐᓯᑎᑕᐅᒋᐊᕐᓯᒪᔪᓂᑦ ᑕᒪᒃᑮᓐᓂᒃ ᐃᓄᒃᑎᑑᖓᔪᓂᑦ ᖃᓪᓗᓈᑎᑑᖓᔪᓂᓪᓗ.
ᓄᓘᔮᓕᕆᓂᖅ−ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᖃᑎᒌᒍᑏᑦ.
ᓄᓘᔮᓂ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐱᕚᓪᓕᕈᑎᒃᓴᓄᑦ ᐊᖏᕈᑏᑦ ᐊᖏᖃᑎᒌᒐᓱᐊᕈᑕᐅᓚᐅᖅᑐᑦ ᑖᒃᑯᓇᙵᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐊᒻᒪ ᓄᓘᔮᑦ ᐅᔭᕋᖕᓂᐊᕐᕕᒃ ᒪᓕᒃᖢᒋᑦ ᓄᓇᕗᒥ ᐊᖏᕈᑏᑦ. ᑖᒃᑯᐊ ᓄᓇᕗᒥ ᐊᖏᕈᑏᑦ ᑐᓂᓯᓯᒪᔪᑦ ᐊᕕᒃᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᐱᔪᓐᓇᐅᑎᓂᒃ ᐊᖏᖃᑎᒌᒐᓱᐊᕈᑎᖃᕈᓐᓇᕐᓂᕐᒧᑦ ᓄᓘᔮᓂ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐱᕚᓪᓕᕈᑎᒃᓴᓄᑦ ᐊᖏᕈᑎᓂᒃ. ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐊᖏᖃᑎᒌᒐᓱᐊᖅᑎᐅᔪᑦ ᑖᒃᑯᓂᖓ ᐃᓄᖕᓄᑦ ᐱᕚᓪᓕᕈᑎᒃᓴᓂᒃ ᑭᒡᒐᖅᑐᖅᖢᒋᑦ ᕿᑭᖅᑕᓂ ᐃᓄᐃᑦ. ᓄᓘᔮᓂ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐱᕚᓪᓕᕈᑎᒃᓴᓄᑦ ᐊᖏᕈᑏᑦ ᓯᕗᓪᓕᖅᐹᒥ ᐊᑎᓕᐅᖅᑕᐅᓚᐅᖅᑐᑦ ᐊᕐᕌᒍᐊᓂ 2013 ᐊᒻᒪ ᐋᖅᑭᒋᐊᖅᑕᐅᓪᓗᑎᒃ ᐊᕐᕌᒍᐊᓂ 2018. ᐃᓄᖕᓄᑦ ᐱᕚᓪᓕᕈᑎᒃᓴᑦ ᓇᓗᓇᐃᔭᐃᔪᑦ ᐃᑲᔫᓯᐊᒃᓴᖏᓐᓂᒃ ᐃᓄᐃᑦ ᐱᔪᓐᓇᖅᑕᖏᓐᓂᒃ.
ᑖᒃᑯᐊ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐱᕚᓪᓕᕈᑎᒃᓴᓄᑦ ᐊᖏᕈᑏᑦ ᐅᖃᐅᓯᖃᖅᑐᑦ ᐱᒻᒪᕆᐅᔪᓂᒃ ᓲᕐᓗ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᑦ ᐊᒻᒪ ᐃᓕᓐᓂᐊᖅᑎᑕᐅᓂᖏᑦ, ᐃᑲᔪᖅᓱᖅᑕᐅᓂᖏᑦ ᓄᓇᓖᑦ, ᐱᓕᕆᐊᓂᒃ ᓇᐅᑦᓯᖅᑐᐃᓂᖅ ᐊᒻᒪ ᐊᕙᑎᓕᕆᓂᕐᒧᖅ ᐋᖅᑭᒃᓯᒪᔾᔪᑕᐅᒋᐊᓖᑦ ᐊᒻᒪ ᑳᓐᑐᕌᒃᑎᑕᐅᔪᓐᓇᕐᓂᖅ.
ᓄᓘᔮᓂ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐱᕚᓪᓕᕈᑎᒃᓴᓄᑦ ᐊᖏᕈᑏᑦ ᑐᑭᓯᒋᐊᕈᑎᑦ
ᑖᒃᑯᐊ ᓄᓘᔮᓄᑦ ᑐᑭᓯᒋᐊᕈᑎᑦ ᐊᒡᒍᖅᑐᖅᓯᒪᔪᑦ ᐱᖓᓱᐃᓕᖅᑲᖓᓪᓗᑎ ᐅᓂᒃᑲᓯᓖᑦ ᑖᒃᑯᓂᖓ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐱᕚᓪᓕᕈᑎᒃᓴᓄᑦ ᐊᖏᕈᑏᑦ: ᖃᑯᖅᑕᐃᑦ ᒪᒃᐱᒐᖅ, ᖁᖅᓱᖅᑕᐃᑦ ᒪᒃᐱᒐᐃᑦ ᐊᒻᒪ ᑐᖑᔪᖅᑕᐃᑦ ᒪᒃᐱᒐᐃᑦ.
ᖃᑯᖅᑕᑦ ᒪᒃᐱᒐᐃᑦ
ᑎᑎᖅᑐᒐᐃᑦ ᐊᒻᒪ ᐅᖃᐅᓰᑦ ᓇᐃᒡᓕᒋᐊᖅᓯᒪᔪᑦ ᑕᕝᕙᓂ ᐃᓛᒃᑰᖅᑐᓂ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐱᕚᓪᓕᕈᑎᒃᓴᓄᑦ ᐊᖏᕈᑎᓂ
ᖃᑯᖅᑕᐃᑦ ᒪᒃᐱᒐᐃᑦ ᑕᑯᒃᓴᐅᑎᑦᑎᔪᑦ ᐃᓛᒃᑰᖅᑐᓂᒃ ᒪᓕᒋᐊᓕᖕᓂᒃ ᑕᕝᕙᓂ ᐃᓄᐃᑦ ᐱᕚᓪᓕᕈᑎᒃᓴᖏᓐᓄᑦ ᐊᖏᕈᑎᓄᑦ. ᑎᑎᕋᐅᔭᖅᓯᒪᔪᖃᖅᑐᖅ ᑕᑯᒃᓴᐅᔪᓂᒃ ᐅᓂᒃᑳᕈᑎᒋᓪᓗᒋᑦ ᐅᖃᐅᓯᐅᔪᑦ ᑕᕝᕙᓂ ᐃᓛᒃᑰᖅᑐᓂ. ᑖᒃᑯᐊ ᑎᑎᕋᐅᔭᖅᓯᒪᔪᑦ ᑐᑭᓯᓇᕆᐊᕈᑎᓂᒃ ᓇᐃᒡᓕᒋᐊᖅᓯᒪᔪᓂᒃ, ᐃᓄᒃᑐᑦ, ᖃᓪᓗᓈᑎᑐᓪᓗ.
ᐃᓚᖏᑦ ᐃᓛᒃᑰᖅᑐᑦ ᐊᑕᐅᓯᐅᓐᖏᑦᑐᓂᒃ ᑎᑎᕋᐅᔭᖅᓯᒪᔪᑦ, ᐊᓯᖏᑦ ᐊᑕᐅᓯᕐᒥᒃ ᑎᑎᕋᐅᔭᖅᓯᒪᔪᑦ ᑐᑭᓯᒋᐊᖅᑎᑦᑎᔾᔪᑎᓂᒃ. ᑕᒪᓐᓇ ᐱᔾᔪᑎᖃᖅᑐᖅ ᐃᓚᖏᑦ ᐃᓛᒃᑰᖅᑐᑦ ᐅᓂᒃᑳᖅᑕᐅᓯᒪᓂᖅᓴᐅᔪᓂᒃ ᐅᖃᐅᓯᖃᖅᑐᑦ ᐊᔾᔨᒌᓐᖏᑦᑐᓂᒃ ᐃᑲᔫᓯᐊᒃᓴᖏᓐᓂᒃ ᐃᓄᐃᑦ. ᐃᓛᒃᑰᖅᑐᑦ ᑐᕌᖓᓐᖏᑦᑐᑦ ᐃᓄᐃᑦ ᐱᕚᓪᓕᕈᑎᒃᓴᖏᓐᓄᑦ ᓇᐃᓗᓇᐃᒃᑯᑕᓄᑦ ᐊᒻᒪ ᐅᖃᐅᓯᐅᕌᕐᔪᒃᑐᑎᒃ. ᑕᒪᒃᑯᐊ ᐃᓛᒃᑰᖅᑐᑦ ᐱᔾᔪᑎᖃᓗᐊᕐᓂᖏᑦ ᒪᓕᒐᕐᓅᖓᔪᓂᒃ ᐊᒻᒪ ᐊᐅᓚᑕᐅᓂᖏᓐᓄᑦ ᐃᓱᒪᒃᓴᖅᓯᐅᕈᑕᐅᒋᐊᓖᑦ.
ᖁᖅᓱᖅᑕᐃᑦ ᒪᒃᐱᒐᑦ
ᐃᓚᒋᐊᕈᑕᐅᔪᑦ ᑐᑭᓯᒋᐊᕈᑎᒃᓴᓄᑦ ᐱᓪᓗᒋᑦ ᑖᒃᑯᐊ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐱᕚᓪᓕᕈᑎᒃᓴᓄᑦ ᐊᖏᕈᑏᑦ
ᖁᖅᓱᖅᑕᐃᑦ ᒪᒃᐱᒐᐃᑦ ᑐᑭᓯᒋᐊᕈᑎᒃᓴᑦ ᐱᓪᓗᒋᑦ ᐱᕚᓪᓕᕈᑎᒃᓴᑦ, ᐱᓕᕆᐊᑦ ᐃᑲᔫᑏᑦ ᐃᖅᑲᓇᐃᔮᒃᓴᓪᓗ ᐊᑐᖅᑕᐅᒋᐊᓖᑦ ᑐᕌᖓᔪᑦ ᑖᒃᑯᓄᖓ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐱᕚᓪᓕᕈᑎᒃᓴᓄᑦ ᐊᖏᕈᑎᓄᑦ. ᑕᒪᒃᑯᐊ ᒪᒃᐱᒐᐃᑦ ᐱᖃᓯᐅᔾᔨᔪᑦ ᑕᑯᒃᓴᐅᑎᑕᐅᓪᓗᑎᒃ ᐊᑐᖅᑕᐅᒋᐊᓖᑦ ᐅᔭᕋᖕᓂᐊᖅᑐᓄᑦ ᓴᕕᒃᓴᓂᒃ ᓄᓘᔮᓂ ᐊᒻᒪ ᖃᓄᖅ ᑮᓇᐅᔭᑦ ᐱᔭᐅᔪᓐᓇᕐᒪᖔᑕ ᓲᕐᓗ ᐃᓚᒌᒃᑐᓄᑦ ᑮᓇᐅᔭᑦ. ᖁᖅᓱᖅᑕᐃᑦ ᒪᒃᐱᒐᐃᑦ ᐱᑕᖃᖅᑎᑦᓯᖕᒥᔪᑦ ᑎᑎᖅᑕᐅᓯᒪᓪᓗᑎᒃ ᐃᖅᑲᐃᔮᑦ ᓴᖅᑭᑎᑕᐅᓯᒪᔪᑦ ᑖᒃᑯᑎᒎᓇᖅ ᐱᕚᓪᓕᕈᑎᒃᓴᓄᑦ ᐊᖏᕈᑎᓂ.
ᑐᖑᔪᖅᑕᑦ ᒪᒃᐱᒐᐃᑦ
ᑐᑭᖏᑦ ᐊᒻᒪ ᑐᑭᓯᒋᐊᕈᑎᒃᓴᒃᑲᓐᓃᑦ
ᑐᖑᔪᖅᑐᑦ ᒪᒃᐱᒐᐃᑦ ᐅᓂᒃᑲᐅᓯᖃᖅᑐᑦ ᐃᓗᓕᓪᓗᐊᑕᖏᓐᓂᒃ ᑐᑭᓯᐅᒪᔭᐅᒋᐊᖃᖅᑐᑦ ᑖᒃᑯᓇᓂ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐱᕚᓪᓕᕈᑎᒃᓴᓄᑦ ᐊᖏᕈᑎᓂ. ᑕᒪᒃᑯᐊ ᒪᒃᐱᒐᐃᑦ ᑐᑭᓯᒋᐊᕈᑎᒃᓴᖅᑕᖃᖅᑐᑦ ᐱᓪᓗᒋᑦ ᓱᖕᒪᑦ ᑖᒃᑯᐊ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐱᕚᓪᓕᕈᑎᒃᓴᓄᑦ ᐊᖏᕈᑏᑦ ᓴᖅᑭᑎᑕᐅᓯᒪᖕᒪᖓᑕ ᓄᓇᕗᒥ ᐊᖏᕈᑎᑎᒍᑦ. ᓇᓗᓇᐃᔭᐃᖕᒥᔪᑦ ᐱᓕᕆᐊᒃᓴᖏᓐᓂᒃ ᑎᒥᐅᔪᑦ ᓴᖅᑭᑎᑕᐅᓯᒪᔪᑦ ᓲᕐᓗ ᓄᓇᕗᒥ ᐊᒃᑑᑕᐅᔪᓂᒃ ᕿᒥᕐᕈᓂᕐᒧᑦ ᑲᑎᒪᔩᑦ ᐊᒻᒪ ᓄᓇᕗᒥ ᐃᒪᓕᕆᓂᕐᒧᑦ ᑲᑎᒪᔩᑦ.
ᑖᒃᑯᐊ ᑐᑭᓯᒋᐊᕈᑎᑦ ᐊᖅᑭᒃᓱᖅᑕᐅᓚᐅᖅᑐᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᓄᑦ ᐋᔩᖃᑎᒋᓪᓗᒋᑦ ᓄᓘᔮ. ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌ ᓴᖅᑭᖅᑎᓚᐅᖅᑐᑦ ᑐᑭᓯᒋᐊᕈᑎᒃᓴᓂᒃ ᑎᑎᕋᖅᓯᒪᔪᓂᒃ ᑕᒪᒃᑯᐊ ᐃᓄᐃᑦ ᕿᑭᖅᑕᓂ ᓈᒪᔪᓂᒃ ᐊᑐᕈᓐᓇᖁᓪᓗᒋᑦ ᐊᒻᒪ ᑐᑭᓯᒋᐊᕈᑎᒃᓴᑦᑕᖃᖁᓪᓗᒋᑦ ᑕᒪᒃᑯᓂᖓ ᐃᑲᔫᓯᐊᖑᔪᓐᓇᖅᑐᓂᒃ ᑕᕝᕗᖓ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐱᕚᓪᓕᕈᑎᒃᓴᓄᑦ ᐊᖏᕈᑎᓄᑦ.
