ᐃᖃᓗᐃᑦ, ᓄᓇᕗᑦ, ᐄᐳᓗ 11, 2023 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (QIA) ᐊᒻᒪᓗ ᐹᕕᓐᓛᓐ ᓴᕕᕋᔭᔅᓴᒥᒃ ᐅᔭᕋᓐᓂᐊᖅᑏᑦ (ᐹᕕᓐᓛᓐ) ᓄᓘᔮᓕᕆᓂᐅᑉ ᒥᔅᓵᓄᑦ ᐊᕐᕌᒍᓕᒫᕐᓯᐅᑎᓂᑦ ᐱᓕᕆᐊᕐᒥ ᕿᒥᕐᕈᓂᖃᕐᓗᑎᒃ ᑲᑎᒪᑎᑦᑎᓛᕐᖓᑕ ᒥᑦᑎᒪᑕᓕᒻᒥ ᒪᐃ 9ᒥ, 10ᒥ 11ᒥᓗ, 2023 ᓄᓇᓖᑦ ᐱᙳᐊᕐᕕᖓᓐᓂ. ᑖᓐᓇ ᑲᑎᒪᓂᐅᓛᖅᑐᖅ ᐋᔩᕋᕈᑕᐅᓯᒪᒻᒪᑦ ᐱᕚᓪᓕᕈᑎᔅᓴᐅᖁᓪᓗᒍ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᕈᑎᓂᑦ.
ᐊᕐᕌᒍᓕᒫᕐᓯᐅᑎᓂᑦ ᐱᓕᕆᐊᕐᒥ ᕿᒥᕐᕈᓂᕐᒧᑦ ᑲᑎᒪᓂᖅ ᐱᕕᖃᕈᑕᐅᖃᑦᑕᕐᖓᑦ ᐅᖃᖃᑎᒌᒍᑎᖃᕐᓂᕐᒧᑦ ᐱᓕᕆᐊᕐᒨᖓᔪᓂᑦ ᐱᔾᔪᑕᐅᕙᑦᑐᓂᑦ ᓄᓘᔮᓕᕆᓂᕐᒥ ᑕᓪᓕᒪᓂᑦ ᐊᑑᑎᕕᐅᔪᓂᑦ ᓄᓇᓕᓐᓂᑦ. ᐊᖅᑯᑎᐅᕙᒻᒪᑦ ᓄᓇᓕᓐᓂᑦ ᑭᒡᒐᑐᖅᑎᓄᑦ ᐅᖃᐅᓯᕆᔪᒪᔭᖏᓐᓂᒃ ᐅᖃᐅᓯᖃᖃᑦᑕᓂᕐᒥᒃ ᕿᑭᖅᑕᓂᒃᑯᓐᓄᑦ ᐹᕕᓐᓛᓐᑯᓐᓄᓪᓗ ᐱᔾᔪᑎᒋᓪᓗᖏᑦ ᐊᕙᑎᒧᑦ ᐊᑦᑐᐃᓂᖏᓐᓂᒃ, ᐸᓚᕐᔫᒥᑎᑦᑎᒋᐊᕐᓂᕐᒧᑦ ᓇᐅᑦᑎᕐᓱᖃᑦᑕᓂᕐᒧᓪᓗ ᐸᕐᓇᐅᑎᓂᑦ, ᐊᒻᒪᓗ ᐊᑐᓕᖁᔨᔾᔪᑎᓕᐅᖃᑦᑕᓂᐊᕐᖓᑕ ᐃᓘᓐᓇᖓᓄᑦ ᐱᓕᕆᐊᕐᒥ ᐋᖅᑭᒋᐊᕈᓐᓇᖁᓪᓗᒍ.
ᕿᑭᖅᑕᓂᒃᑯᑦ ᓄᓇᓕᓐᓂᑦ ᑲᑎᒪᔨᖏᑦ ᐊᒻᒪᓗ ᓂᕈᐊᖅᑕᐅᓯᒪᔪᑦ ᐃᓐᓇᐃᑦ ᒪᒃᑯᑦᑐᐃᓪᓗ ᑕᓪᓕᒪᓂᑦ ᐊᑑᑎᕕᐳᔪᓂᑦ ᓄᓇᓕᓐᓂᑦ ᐅᑯᓇᓂ ᓄᓇᓕᓐᓂᑦ ᒥᑦᑎᒪᑕᓕᒃ, ᐃᒃᐱᐊᕐᔪᒃ, ᑲᖏᖅᑐᒑᐱᒃ, ᓴᓂᕋᔭᒃ ᐊᒻᒪ ᐃᒡᓗᓕᒃ ᑲᑎᒪᔭᖅᑐᕐᓯᒪᓛᖅᑐᑦ ᑕᕝᕗᖓ ᑲᑎᒪᓂᕐᒧᑦ. ᒥᑦᑎᒪᑕᓕᒻᒥᐅᑦ ᑐᙵᓱᑉᐳᑦ ᑲᑎᒪᓂᕐᒧᑦ ᓈᓚᒋᐊᖅᑐᕈᒪᔪᓪᓗ. ᐊᖏᕈᑎᓂᑦ ᐊᑐᖅᑎᑦᑎᕙᓪᓕᐊᓂᕐᒧᑦ ᐃᖅᑲᓇᐃᔭᖅᑏᑦ ᑕᒪᒃᑮᓐᓂᒃ ᕿᑭᖅᑕᓂᒃᑯᓐᓂᑦ ᐹᕕᓐᓛᓐᑯᓐᓂᓪᓗ ᑲᑎᒪᔪᓃᖃᑕᐅᓛᖅᑐᑦ ᐅᓂᒃᑳᖃᑦᑕᓛᕐᖓᑕ ᐊᒻᒪᓗ ᐅᖃᐅᓯᐅᔪᓂᑦ ᑐᓵᖃᑦᑕᓛᕐᖓᑕ.
ᐊᕐᕌᒍᓕᒫᕐᓯᐅᑎᓂᑦ ᐱᓕᕆᐊᕐᒥ ᕿᒥᕐᕈᓂᕐᒧᑦ ᑲᑎᒪᓂᖅ ᐱᔭᕇᖅᑲᑦ, ᕿᑭᖅᑕᓂᒃᑯᑦ ᐹᕕᓐᓛᓐᑯᓪᓗ ᑲᑎᑦᑎᓛᖅᑐᑦ ᐅᖃᐅᓯᐅᔪᓂᑦ ᐊᑐᓕᖁᔨᔾᔪᑕᐅᔪᓂᓪᓗ ᐅᓂᒃᑳᓄᑦ ᐃᓄᓕᒫᑦ ᑐᑭᓯᐅᒪᓛᕐᖓᑕ. ᑖᒃᑯᐊ ᐊᑐᐃᓐᓇᐅᓕᓛᖅᑐᑦ ᐊᐅᔭᐅᓕᖅᑲᑦ 2023 ᐊᒻᒪᓗ ᐊᑐᐃᓐᓇᐅᓛᕆᓪᓗᑎᒃ ᑕᑯᔭᔅᓴᐅᓗᑎᒃ ᖃᕋᓴᐅᔭᒃᑯᑦ ᑐᑭᓯᒋᐊᕈᑎᖃᕐᕕᒻᒥ ᐅᕙᓂ qia.flywheelsites.com
ᑐᑭᓯᒋᐊᒃᑲᓐᓂᕈᒪᒍᔅᓯ, ᐊᑏ ᑐᑭᓯᒋᐊᕐᕕᐅᖃᑦᑕᕐᓕ:
ᑭᐅᕋᓐ ᕙᓚᕋᑎ
ᑐᑭᒧᐊᑦᑎᑦᑎᔨ, ᑐᑭᒧᐊᒍᑎᔅᓴᓂᑦ ᑐᓴᐅᒪᖃᑦᑕᐅᑎᒍᙱᓄᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂᑦ (ᐅ) 867.975.8398 ᐊᑭᖃᙱᑐᒃᑯᓘᓐᓃᑦ ᐅᖓᓯᑦᑐᒥᑦ 1.800.667.2742
kflaherty@qia.flywheelsites.com

Back to Blog