ᓄᓇᕗᑦ ᑐᙵᕕᒃᑯᑦ ᑐᓴᒐᒃᓴᖏᑦ ᓴᖅᑭᑕᐅᓯᒪᔪᑦ: ᓄᓇᕗᑦ ᑐᙵᕕᒃᑯᑦ ᑮᓇᐅᔭᓂᒃ ᐊᑐᐃᓐᓇᕈᐃᑦᑕᐅᑎᒋᔪᑦ ᐃᒥᕐᑕᕐᑕᐅᓯᒪᐃᓐᓇᕆᐊᖃᓐᓂᖏᓐᓄᑦ ᐃᓄᐃᑦ
(ᒪᑦᓯ 26, 2020 ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃᑯᑦ ᑮᓇᐅᔭᓂᒃ ᐊᑐᐃᓐᓇᕈᐃᑦᑕᐅᑎᒋᕗᑦ $1.25 ᒥᓕᐊᓂᒃ ᓄᓇᖃᖅᑳᖅᓯᒪᔪᑦ ᓄᓇᖏᓐᓂ ᐃᑲᔪᕐᓯᒍᑎᑦ ᑮᓇᐅᔭᖃᕈᑎᑎᒍᑦ ᓄᓇᕗᖕᒥ ᓄᓇᓕᖕᓄᑦ ᐃᓄᐃᑦ ᐃᒪᖃᑦᑎᐊᖁᓪᓗᒋᑦ ᐊᒡᒐᒻᒥᓂᒃ ᐃᕐᒥᑭᑕᕆᐊᖃᓐᓂᖏᓐᓄᑦ.
“ᐃᒥᖅ ᐃᓅᑉ ᐱᔪᓐᓇᐅᑎᒋᒻᒪᒍ.” ᐅᖃᖅᑐᖅ ᐊᓗᑭ ᑰᑦᑎᖅ. “ᑐᐊᕕᕆᒐᑦᑎᒍ ᐃᓄᐃᑦ ᐃᕐᒥᕐᑎᐊᕈᓐᓇᓂᐊᕋᓗᐊᕐᒪᖔᑖ ᐊᒡᒐᒻᒥᓂᒃ ᐃᕐᒥᑭᑕᒋᐊᖃᖅᑐᑎᓪᓗ ᐋᓐᓂᐊᑖᖅᑕᐃᓕᒪᓂᕐᒧᑦ ᓄᕙᒡᔪᐊᕐᓇᖅ−19-ᒥᒃ.”
ᑐᙵᕕᒃᑯᑦ ᐱᓕᕆᖃᑎᖃᕐᐳᑦ ᓄᓇᕗᖕᒥ ᓄᓇᓖᑦ ᑲᑐᔾᔨᖃᑎᒌᖏᓐᓂᒃ. ᓄᓇᓕᖕᓂ ᕼᐋᒪᓚᒃᑯᑦ ᐊᑑᑎᖃᖅᑎᑦᑎᓂᐊᕐᐳᑦ ᑮᓇᐅᔭᖃᕈᑎᓂᒃ ᑕᒪᐃᑕ ᐃᔨᓗᖃᖅᑐᑦ ᐃᒥᕐᑕᖅᑕᐅᖃᑦᑕᖁᓪᓗᒋᑦ ᖃᐅᑕᒫᑦ ᐊᒻᒪᓗ ᖁᑦᑕᑦ ᒥᓪᓗᐊᕐᑕᐅᖃᑦᑕᖁᓪᓗᒋᑦ ᑕᖅᑭᖓᓂ ᐃᐱᕆᑉ, ᐃᒥᕐᑕᐅᑎᓄᑦ ᐊᒻᒪ ᒥᓪᓗᐊᕈᑎᓄᑦ ᐊᖁᑎᑖᒃᑲᓐᓂᕆᐊᖃᕋᔭᕐᓂᕐᐸᑕ, ᐃᑲᕐᕋᖏᓪᓗ ᐃᒥᕐᑕᕐᑕᐅᔪᓐᓇᕐᕕᐅᓲᑦ ᐊᑯᓂᐅᓂᕐᓴᐅᒍᓐᓇᖁᓪᓗᒋᑦ, ᐊᑭᓖᒍᑎᖏᓪᓗ ᐃᖅᑲᓇᐃᔭᕐᓇᐅᑉ ᐃᖃᕐᕋᖏᓐᓂᒃ ᐅᖓᑖᓄᑦ ᐃᖅᑲᓇᐃᔭᕐᑐᓄᑦ ᐊᑭᓖᔪᓐᓇᖁᓪᓗᒋ1 ᐊᖁᑎᒥᓂᒃ ᐅᕝᕙᓗ ᓄᓇᒃᑰᕈᑏᑦ ᐃᓚᒃᓴᖏᓐᓂᒃ ᑎᑭᓴᐃᔭᕆᐊᖃᓐᓂᕐᐸᑕ.
“ᕼᐊᒻᓚᒃᑯᑦ ᓯᕗᓪᓕᕐᐹᖑᖃᑕᐅᖕᒪᑕ ᐱᓕᕆᔨᐅᓪᓗᑎᒃ ᐋᓐᓂᐊᑖᖅᑕᐃᓕᒪᓂᕐᒧᑦ ᓄᓇᕐᔪᐊᕐᒥ ᓯᐊᕐᒪᕐᓯᒪᔪᒥᒃ,” ᐅᖅᑲᖅᑐᖅ ᑭᐊᓂ ᐱᐊᓪ, ᐊᖓᔪᖅᑳᖓᑦ ᓄᓇᕗᖕᒥ ᓄᓇᓖᑦ ᑲᑐᔾᔨᖃᑎᒌᖏᑕ. ᖁᔭᓕᕗᒍᑦ ᖄᒃᑲᓐᓂᐊᒍᑦ ᐃᑲᔪᕈᑎᖃᕐᒪᑕ ᑐᙵᕕᒃᑯᑦ ᐃᑲᔪᕐᓂᖃᓐᓂᐊᕐᒪᑦ ᓄᓇᖅᑲᑎᑦᑎᓐᓂᒃ ᓄᓇᒥᖕᓂ ᐋᓐᓂᐊᑖᖅᑕᐃᓕᒪᓂᕐᒧᑦ ᐱᓇᓱᐊᕈᓯᓂ ᖃᐃᔪᓂ.”
ᐊᒥᓱᑦ ᐃᓄᐃᑦ ᐃᓄᒋᐊᓗᐊᕐᓂᕐᒥᓄᑦ ᐃᒡᓗᒥᐅᖃᑎᒌᑦ ᐊᔪᕐᓇᓈᕆᕙᒻᒪᑕ ᐋᓐᓂᐊᕐᑕᐃᓕᒪᓂᕐᒧᑦ ᐃᒡᒐᒻᒥᓂᒃ ᐃᕐᒥᑭᑕᕆᐊᖅ ᐊᒻᒪ ᓴᓗᕐᒪᕐᓴᐃᔭᕆᐊᖅ ᓇᑎᕐᒥᑦ ᓵᓂᒃ ᐃᕐᒥᕐᒥᒃ ᓄᖑᕈᑎᓗᐊᕐᑕᐃᓕᒪᓪᓗᑎᒃ ᐃᓄᒋᐊᓗᐊᕐᓂᕐᒥᓄᑦ ᐃᒡᓗᒥᐅᖃᑎᒌᑦ, ᑲᑐᔾᔨᖃᑎᖃᖅᑐᑎᓪᓗ ᓴᓂᓪᓕᕐᒥᓂᒃ ᐃᒪᖃᐅᑎᓂᒃ ᐊᒻᒪ ᖁᑦᑕᓄᑦ ᑯᕕᕕᐅᕙᒃᑐᒥᒃ ᐃᒡᓗ ᐊᑕᐅᓯᐅᙱᑦᑐᒥᒃ ᓴᓂᓪᓕᖃᖅᑐᓄᑦ, ᐱᕐᓯᑎᓪᓗᒍᓗ ᐊᒻᒪ ᓄᓇᓕᖕᓂ ᐊᑭᑐᔪᑦ ᐊᖃᕐᕆᔾᔪᑏᑦ ᓈᖕᒪᙱᓗᐊᕐᓂᖏᓐᓄᑦ. ᓄᕙᒡᔪᐊᕐᓇᖅ−19 ᓄᓇᕐᔪᐊᕐᒥ ᓯᐊᕐᒪᕐᓯᒪᔪᖅ ᐅᔾᔨᕐᑐᑦᑎᐊᓕᕈᑕᐅᔭᕆᐊᓕᒃ ᑮᓇᐅᔭᖃᖅᑎᑦᑎᔭᕆᐊᖃᕈᑎᓂᒃ ᑲᒪᒋᐊᕈᑕᐅᔪᓐᓇᖁᓪᓗᒋᑦ ᑲᒪᒋᔭᐅᓯᒪᙱᑦᑐᑦ ᐃᓅᓯᓕᕆᓂᕐᒧᑦ ᐊᒻᒪ ᑮᓇᐅᔾᔭᒃᓴᒍᑎᓄᒃ ᐃᓚᐃᓐᓈᖅᑕᐅᒍᑎᖏᓐᓄᑦ ᓄᓇᕗᖕᒥᐅᑦ ᐃᓄᖏᑦ.
ᑐᙵᕕᒃᑯᑦ ᓄᓇᕗᖕᒥᐅᓂᒃ ᖃᓂᒃᓴᓗᐊᕐᑕᐃᓕᒪᖁᔨᕗᑦ ᐃᓅᖃᑎᒥᓂᒃ ᐊᒻᒪ ᐊᒡᒐᒻᒥᓂᒃ ᐃᕐᒥᓇᕐᓗᑎᒃ. ᒫᓐᓇᐅᔪᖅ ᐃᒥᕐᒥᒃ ᐱᐅᕐᓱᐊᓗᐊᕐᑕᐃᓕᒪᔭᕆᐊᖃᙱᓚᒍᑦ.
-30-
ᐃᒪᓐᓇᐃᓯᒪᕗᖅ
ᒪᑦᓯ 25-ᖑᑎᓪᓗᒍ ᑲᓇᑕᐅᑉ ᒐᕙᒪᒃᑯᖏᑦ $82 ᐱᓕᐊᓂᒃ ᑐᐊᕕᕐᓇᑐᒃᑯᑦ ᐃᑲᔪᕈᑎᖃᓚᐅᕐᒪᑕ ᓄᕙᒡᔪᐊᕐᓇᖅ ᐱᓪᓗᒍ ᐊᒻᒪ ᒪᓕᒐᖅ ᒪᓕᒐᖑᖅᑎᑕᐅᓪᓗᓂ. ᐱᖃᓯᐅᔾᔨᓚᐅᕐᑐᖅ $305 ᒥᓕᐊᓂᒃ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓄᑦ ᐃᑲᔪᕈᑎᓂᒃ ᑮᓇᐅᔭᖃᕈᑎᒃᓴᓂᒃ ᓄᓇᖃᖅᑳᖅᓯᒪᔪᑦ ᑲᒪᒋᐊᕈᓐᓇᖁᓪᓗᒋᑦ ᑐᐊᕕᕐᓇᕆᔭᓂᒃ ᓄᓇᓖᑦ ᐱᔭᕆᐊᓕᖏᓐᓂᒃ.
ᑲᓇᑕᓕᒫᕐᒥ, ᐃᓄᐃᑦ ᓴᓂᕐᕙᐃᕕᐅᓚᐅᕐᑐᑦ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓄᑦ ᐃᑲᔪᕈᑎᓂᒃ ᑮᓇᐅᔭᖃᕈᑎᒃᓴᓂᒃ $45 ᒥᓕᐊᓂᒃ.
ᒪᑦᓯ 25-ᖑᑎᓪᓗᒍ, ᐃᓄᐃᑦ ᑕᐱᕇᑦ ᑲᓇᑕᒥ ᑲᑎᒪᔨᖏᑦ ᐊᖏᖃᑎᒌᓚᐅᕐᐳᑦ ᑖᒃᑯᐊ $45 ᒥᓕᐊᓐ ᐊᕕᒃᑕᐅᓂᐊᕐᓗᑎᒃ ᑎᓴᒪᐃᓄᑦ ᑲᓇᑕᒥ ᐃᓄᐃᑦ ᓄᓇᖏᓐᓄᑦ: ᓄᓇᕗᑦ, ᓄᓇᕕᒃ, ᓄᓇᑦᓯᐊᕙᕗᑦ ᐊᒻᒪᓗ ᐃᓄᕕᐊᓗᐃᑦ ᓄᓇᑖᕐᕕᒋᓯᒪᔭᖓᓄᑦ, ᓯᕗᓂᐊᒍᑦ ᐊᖏᖃᑎᒌᒍᑕᐅᓚᐅᕐᓯᒪᔪᖅ ᐃᓄᐃᑦ ᑕᐱᕇᒃᑯ ᑮᓇᐅᔭᖃᖅᑎᑦᑎᒍᑎᓄᑦ ᐋᖅᑭᓯᔭᖅ ᒪᓕᑦᑐᒍ.
ᑖᒃᑯᐊ ᑮᓇᐅᔭᑦ ᐊᑭᓕᐅᑕᐅᓂᐊᕐᑐᑦ ᑲᓇᑕᐅᑉ ᒐᕙᒪᒃᑯᖏᓐᓂᒃ ᑎᓴᒪᐃᓄᑦ ᐃᓄᐃᑦ ᑎᒥᖁᑎᖏᓐᓄᒃ.
ᓄᓇᕗᖕᒧᑦ ᓴᓂᕐᕙᖅᑕᐅᔪᑦ 52% ᑮᓇᐅᔭᐅᓗᑎᒃ $22.5 ᒥᓕᐊᓐ.
ᒪᑦᓯ 25-ᖑᑎᓪᓗᒍ, ᑐᙵᕕᒃᑯᑦ ᑲᑎᒪᔨᖏᑦ ᐊᕕᒃᑐᐃᓚᐅᕐᐳᑦ ᓄᓇᕗᖕᒨᖅᑕᐅᔪᓂᒃ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓄᑦ ᐃᑲᔪᕈᑎᓂᒃ ᑮᓇᐅᔭᖃᕈᑎᒃᓴᓂᒃ, ᐅᑯᐊᖑᕗᑦ ᐊᑖᓂ:
| ᖃᓪᓗᓈ ᓄᓇᖓᓐᓂ ᐃᓄᐃᑦ | $2,505,000 |
| ᓄᓇᕗᑦ ᑐᙵᕕᒃᑯᑦ | $6,012,000 |
| ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ | $6,132,544 |
| ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖏᑦ | $4,341,223 |
| ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦ | $3,554,233 |
ᑐᑭᓯᒋᐊᒃᑲᓂᕐᕕᒋᔪᓐᓇᕐᐸᑦ:
ᒪᓚᐃᔭ ᒥᑭᔾᔪᒃ
ᑐᑭᒧᐊᒃᑎᑦᑎᔨᒧᑦ ᐃᑲᔪᖅᑎ ᑐᓴᐅᒪᔾᔪᑎᓕᕆᔨᒃᑯᓐᓂ ᓄᓇᕗᑦ ᑐᙵᕕᒃ ᑎᒥᖓ’
-30-
ᖃᔮᖅ ᐃᐊᔅᕗᐊᑦ, ᑐᓴᐅᒪᔾᔪᑎᓕᕆᓂᕐᒧᑦ ᖃᐅᔨᒪᔨᑕᖅ
ᐊᖓᔪᖅᑳᖅ ᐊᓗᑭ ᑰᑦᑎᖅ ᐊᓪᓚᑉᕕᖓᓂ
ᐅᖄᓚᐅᑖ: (867) 975-4900
ᐊᑭᖃᓐᖏᑦᑐᖅ: 1-888-646-0006
ᖃᔮᖅ ᐃᐊᔅᕗᐊᑦ, ᑐᓴᐅᒪᔾᔪᑎᓕᕆᓂᕐᒧᑦ ᖃᐅᔨᒪᔨᑕᖅ
ᐊᖓᔪᖅᑳᖅ ᐊᓗᑭ ᑰᑦᑎᖅ ᐊᓪᓚᑉᕕᖓᓂ
ᐅᖄᓚᐅᑖ: (867) 975-4900
ᐊᑭᖃᓐᖏᑦᑐᖅ: 1-888-646-0006
