(ᒫᑦᓯ 19, 2024 – ᐃᖃᓗᐃᑦ, ᓄᓇᕗᑦ) ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (QIA), ᓄᓇᕗᑦ ᒐᕙᒪᒃᑯᖏᑦ, ᐊᒻᒪᓗ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐃᓕᔅᓯᓐᓂᒃ ᑐᓴᕈᒪᒻᒪᑕ ᐱᔾᔪᑎᒋᓪᓗᒋᑦ ᑎᑎᕋᖅᑕᐅᒋᐊᙵᕐᓯᒪᔪᑦ ᐊᐅᓚᑦᑎᓂᕐᒧᑦ ᐸᕐᓇᐅᑏᑦ ᐊᑐᖅᑕᐅᑲᐃᓐᓇᓂᐊᖅᑐᑦ ᑕᓪᓗᕈᑎᐅᑉ ᐃᒪᖓᓂ ᑲᓇᑕᒥ ᐃᒪᕕᒻᒥ ᓴᐳᔾᔨᕕᒻᒥ.

ᓄᓇᓕᓐᓂᑦ ᑐᙵᓱᑦᑎᑦᑎᓗᑎᒃ ᐅᐸᑦᑕᐅᖃᑦᑕᕈᓐᓇᓂᐊᕐᖓᑕ ᐅᑯᓇᓂ ᓄᓇᓕᓐᓂᑦ 6:30ᒥᑦ − 9ᒧᑦ ᐅᓐᓄᒃᑯᑦ ᕿᒥᕐᕈᖃᑦᑕᓂᐊᕐᖓᑕ ᑎᑎᕋᖅᑕᐅᒋᐊᙵᕐᓯᒪᔪᓂᑦ ᐊᐅᓚᑦᑎᓂᕐᒧᑦ ᐸᕐᓇᐅᑎᓂᑦ ᐊᑐᖅᑕᐅᑲᐃᓐᓇᓂᐊᖅᑐᓂᑦ. ᑖᒃᑯᓇᓂ ᑲᑎᒪᓂᐅᖃᑦᑕᓂᐊᖅᑐᓂᑦ, ᑐᑭᓯᒋᐊᕐᕕᖃᖃᑦᑕᓂᐊᕐᒥᔪᒍᑦ ᐅᖃᐅᓯᕆᓚᐅᕐᓯᒪᔭᓯ 2018ᖑᑎᓪᓗᒍ 2019ᒥᓗ ᐱᑦᑎᐊᕐᓯᒪᒐᓗᐊᕐᒪᖔᑕ ᐊᒻᒪᓗ ᑖᒃᑯᐊ ᐸᕐᓇᐅᑏᑦ ᐱᔾᔪᑎᖃᕋᓗᐊᕐᒪᖔᑕ ᓄᓇᔅᓯᓐᓂ ᓯᕗᓪᓕᐅᔾᔭᐅᒍᒪᓯᒪᔪᓂᑦ.

ᑐᙵᓱᑦᑎᑦᑎᓗᑎᒃ ᒪᑐᐃᖓᑎᑦᑎᓂᖏᑦ ᐱᕕᖃᕈᑕᐅᒃᑲᓐᓂᖃᑦᑕᓂᐊᕐᒥᒻᒪᑦ ᐃᓕᔅᓯᓐᓄᑦ ᐃᓱᒪᒋᔭᔅᓯᓐᓂᒃ ᐅᖃᐅᓯᖃᕈᓐᓇᓂᕐᒧᑦ ᐊᒻᒪᓗ ᖃᐅᔨᒪᒋᐊᑦᑎᐊᕈᑕᐅᓗᑎᒃ ᓄᓇᔅᓯᓐᓂ ᐅᖃᐅᓯᐅᓯᒪᔪᑦ ᐱᔾᔪᑎᖃᕋᓗᐊᕐᒪᖔᑕ ᐃᖅᑲᓇᐃᔮᕆᕙᓪᓕᐊᔭᑦᑎᓐᓂᒃ. ᐃᓄᓕᒫᑦ ᑎᓕᐅᖅᑕᐅᕗᑦ ᐅᐸᖃᑦᑕᖁᔭᐅᓪᓗᑎᒃ ᒪᑐᐃᖓᑎᑦᑎᑎᓪᓗᒋᑦ ᐊᒻᒪᓗ ᓂᕆᐅᑉᐳᒍᑦ ᑐᓴᕐᕕᖃᖃᑦᑕᕐᓂᐊᕆᐊᔅᓴᖅ ᐃᓕᔅᓯᓐᓂᒃ ᐃᓱᒪᒋᔭᔅᓯᓐᓂᒃ ᐱᔾᔪᑎᒋᓪᓗᒋᑦ ᑎᑎᕋᖅᑕᐅᒋᐊᙵᕐᓯᒪᔪᑦ ᐊᐅᓚᑦᑎᓂᕐᒧᑦ ᐸᕐᓇᐅᑏᑦ ᐊᑐᖅᑕᐅᑲᐃᓐᓇᓂᐊᖅᑐᑦ ᑕᓪᓗᕈᑎᐅᑉ ᐃᒪᖓᓂ ᑲᓇᑕᒥ ᐃᒫᓂ ᓴᐳᔾᔨᕕᒻᒧᑦ.

ᖃᓄᑐᐃᓐᓇᖅ ᐊᓯᔾᔨᓂᖅᑲᑕ ᐅᓪᓗᖏᑦ ᐅᕝᕙᓘᓐᓃᑦ ᐃᓂᒋᓂᐊᖅᑕᖏᑦ ᑐᓴᐅᒪᑎᑦᑎᖃᑦᑕᓂᐊᖅᑐᑦ ᓄᓇᓖᑦ ᖃᕋᓴᐅᔭᒃᑯᑦ Facebook−ᑯᑦ ᐃᑭᐊᖅᑭᕕᑦᑎᒍᑦ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ.

ᓄᓇᓖᑦ/ᐅᓪᓗᐃᑦ ᓄᓇᓕᓐᓂᑦ ᒪᑐᐃᖓᑎᑦᑎᕕᒋᖃᑦᑕᓂᐊᖅᑕᖏᑦ ᑐᙵᓱᑦᑎᑦᑎᓗᑎᒃ:
ᑲᖏᖅᑐᒑᐱᒃ: ᓇᒡᒐᔾᔭᐅ, ᒫᑦᓯ 18 ᐃᓕᓴᕕᐅᑉ ᐱᙳᐊᕐᕕᖓᓂ
ᖃᐅᓱᐃᑦᑐᖅ: ᐱᖓᑦᑎᖅ, ᒫᑦᓯ 20 ᑐᔪᕐᒥᕕᐅᑉ South Camp Inn ᑲᑎᒪᕕᐊᓂ
ᐊᐅᓱᐃᑦᑐᖅ: ᑕᓪᓕᕐᒥᖅ, ᒫᑦᓯ 22 ᓄᓇᓖᑦ ᐱᙳᐊᕐᕕᖓᓐᓂ
ᒥᑦᑎᒪᑕᓕᒃ: ᓇᒡᒐᔾᔭᐅ, ᒫᑦᓯ 25 ᓴᐅᓂᖅ ᑐᔪᕐᒥᕕᐅᑉ ᑲᑎᒪᕕᐊᓂ
ᐃᒃᐱᐊᕐᔪᒃ: ᐱᖓᑦᑎᖅ, ᒫᑦᓯ 27 ᓄᓇᓖᑦ ᐱᙳᐊᕐᕕᖓᓐᓂ

ᑕᒧᓗᒐᔅᓴᖅᑕᖃᖃᑦᑕᓂᐊᖅᑐᖅ ᐊᒻᒪᓗ ᓄᕐᓗᒐᔅᓴᓂᑦ ᐊᒧᓯᖃᑦᑕᓂᐊᕐᒥᔪᑦ

ᑐᑭᓯᒋᐊᒃᑲᓐᓂᕈᒪᒍᔅᓯ ᒪᑐᐃᖓᑎᑦᑎᓂᐅᖃᑦᑕᓂᐊᖅᑐᑦ ᒥᔅᓵᓄᑦ ᓄᓇᔅᓯᓐᓂ, ᐊᑏ ᐃᓱᒪᕐᓱᑎᐊᕐᓗᓯ ᐅᖃᕐᕕᐅᖃᑦᑕᕐᓕᑦ ᐅᑯᐊ:

ᔫᕚᓐ ᓯᒥᒃ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂᑦ
ᐅᖄᓚᐅᑖ: 867-975-8431
Jsimic@qia.ca

ᓚᕌᓐᑦ ᔭᓈᑦ
ᒥᕐᖑᐃᓯᕐᕕᓕᕆᔨᒃᑯᓐᓂᑦ ᑲᓇᑕᒥ
ᐅᖄᓚᐅᑖ: 867-222-1102
tallurutiupimanga@pc.gc.ca

ᕗᕌᑦᓕ ᐸᐃᕆ
ᓄᓇᕗᑦ ᒐᕙᒪᒃᑯᖏᓐᓂᑦ
ᐊᕙᑎᓕᕆᔨᒃᑯᑦ ᐊᓪᓚᕝᕕᐊᓂ
867-975-7700