ᑭᒃᑯᑐᐃᓐᓇᕐᓄᑦ ᐃᖅᑲᓇᐃᔮᔅᓴᖅ

 ᐃᖅᑲᓇᐃᔮᖅ: ᓄᓇᓕᓐᓂᑦ ᑐᑭᒧᐊᑦᑎᑦᑎᔨ, ᕿᑭᖅᑕᓂ ᓇᐅᑦᑎᕐᓱᖅᑎᖃᕐᓂᕐᒧᑦ ᐱᓕᕆᐊᕐᒥ

ᖃᓄᖅ ᐋᖅᑭᓯᒪᓂᖃᕐᓂᐊᖅᑲ: ᑭᓪᓕᖃᖅᑐᓂ ᒫᑦᓯ 31, 2026ᒧᑦ

ᓄᓇᓕᓐᓂᑦ: ᑭᖓᐃᑦ , ᓄᓇᕗᒻᒥ

ᒪᑐᐃᖓᔪᖅ: ᓄᓇᕗᒻᒥᐅᓄᑦ ᐃᓄᓐᓄᑦ ᐃᖅᑲᓇᐃᔮᖅᑖᕋᓱᑦᑐᓄᑦ ᑭᓯᐊᓂ

ᐃᓄᓐᓂᑦ ᓇᐅᑦᑎᕐᓱᖅᑎᖃᕐᓂᕐᒧᑦ ᐱᓕᕆᐊᕐᒥ ᑲᒪᒋᔭᖃᖃᑦᑕᕐᖓᑕ ᓇᐅᑦᑎᕐᓱᖃᑦᑕᓂᕐᒥᒃ ᕿᑭᖅᑕᓂ ᐊᒻᒪᓗ ᓂᕿᔅᓴᕐᓯᐅᖃᑦᑕᖅᑐᑎᒃ ᐱᕚᓪᓕᕈᑕᐅᓂᐊᖅᑐᓂᑦ ᓄᓇᓕᓐᓂᑦ. ᓇᐅᑦᑎᕐᓱᖅᑎᐅᑎᓪᓗᒋᑦ ᓇᐅᑦᑎᕐᓱᖅᑏᑦ ᓇᐅᑦᑎᕐᓱᖃᑦᑕᕐᖓᑕ ᓯᑯᒥᒃ ᖃᓄᐃᑦᑑᓂᖏᓐᓂᒃ ᐊᖅᑯᑎᖃᑦᑎᐊᕋᓗᐊᕐᒪᖔᖅ, ᐊᕙᑎᒥᒃ ᖃᐅᔨᓴᖃᑦᑕᓂᐊᕐᖓᑕ, ᐊᖑᓇᓱᖃᑦᑕᓂᐊᕐᖓᑕ ᓂᕿᔅᓴᕐᓯᐅᖃᑦᑕᓂᐊᕐᖓᑕ, ᐃᑲᔪᖃᑦᑕᓂᐊᕐᖓᑕ ᐃᓐᓇᕐᓂᑦ ᐃᓅᓱᑦᑐᓂᓪᓗ ᓅᓯᒪᑎᓪᓗᒋᑦ, ᐊᒻᒪᓗ ᐃᑲᔪᖃᑦᑕᕐᓗᑎᒃ ᐸᖅᓴᖅᑕᐅᔪᖃᕆᐊᖃᖅᑎᓪᓗᒍ ᐱᖏᓐᓇᖅᑐᖃᓕᖅᑎᓪᓗᒍ ᓄᓇᓕᖏᓐᓂ.

ᐃᓄᓐᓂᑦ ᓇᐅᑦᑎᕐᓱᖅᑎᓄᑦ ᓄᓇᓕᓐᓂᑦ ᑐᑭᒧᐊᑦᑎᑦᑎᔨᐅᓂᕐᒧᑦ ᐃᖅᑲᓇᐃᔮᖅ ᓯᕗᓕᕐᓯᒍᑕᐅᖃᑦᑕᓂᐊᖅᑐᖅ ᐊᑐᓕᖅᑎᑦᑎᕙᓪᓕᐊᓂᕐᒥᒃ ᐃᓄᓐᓂᑦ ᓇᐅᑦᑎᕐᓱᖅᑎᓂᑦ ᐱᓕᕆᐊᕐᒥ. ᑲᒪᒋᔭᖃᖃᑦᑕᓂᐊᖅᑐᖅ ᒪᑯᓂᖓ ᐱᓕᕆᓂᕆᕙᑦᑕᖏᓐᓂᒃ ᐊᐅᓚᑦᑎᖃᑦᑕᕐᓂᖅ, ᐸᕐᓇᐃᖃᑦᑕᕐᓂᖅ ᑐᑭᒧᐊᑦᑎᑦᑎᖃᑦᑕᓂᕐᓗ ᐃᖅᑲᓇᐃᔭᖅᑏᑦ ᐱᓕᕆᐊᕆᕙᑦᑕᖏᓐᓂᒃ ᓲᕐᓗ ᓇᐅᑦᑎᕐᓱᕐᓂᕐᒥᒃ, ᐊᖑᓇᓱᒋᐊᕐᓯᒪᑎᓪᓗᒋᑦ ᓂᕿᔅᓴᕐᓯᐅᖅᑎᓪᓗᒋᑦ, ᐊᕙᑎᒥᒃ ᖃᐅᔨᓴᖃᑦᑕᓂᕐᒥᒃ ᓇᐅᑦᑎᕐᓱᖃᑦᑕᓂᕐᒥᓪᓗ, ᐊᐅᓪᓚᕐᓯᒪᓗᑎᒃ ᐱᓕᕆᓂᕆᕙᑦᑕᖏᓐᓂᒃ, ᐃᓅᓱᑦᑐᐃᑦ/ᐃᓐᓇᐃᑦ ᐱᓕᕆᖃᑎᒌᓐᓂᖏᓐᓂ ᐊᒻᒪᓗᑦᑕᐅᖅ ᓄᐊᑦᑎᖃᑦᑕᕐᓗᓂ ᐅᓂᒃᑳᓕᐅᖃᑦᑕᕐᓗᓂᓗ ᐱᓕᕆᐊᕐᒥ ᑎᑎᖅᑲᓂᑦ. ᑐᑭᒧᐊᑦᑎᑦᑎᔩᑦ ᐱᓯᒪᑦᑎᖃᑦᑕᕆᐊᖃᕐᖓᑕ ᓇᓗᓇᐃᔭᕐᓯᒪᑦᑎᐊᖅᑐᓂᑦ ᐅᓂᒃᑳᓂᑦ ᐱᓕᕆᐊᕐᒥ ᐱᓕᕆᐊᖏᑕ ᒥᔅᓵᓄᑦ, ᑲᔪᓯᑎᑦᑎᐊᖃᑦᑕᖅᑕᖏᓐᓂᒃ, ᐊᒻᒪᓗ ᐱᔭᕆᐊᑐᓂᕆᕙᑦᑕᖏᓐᓂᒃ ᖃᐅᔨᓴᖅᑕᐅᖏᓐᓇᖃᑦᑕᑎᓪᓗᒍ ᐃᓄᓐᓂᑦ ᓇᐅᑦᑎᕐᓱᖅᑎᖃᕐᓂᕐᒧᑦ ᐱᓕᕆᐊᖅ. ᑕᐃᒫᒃ ᐃᖅᑲᓇᐃᔮᖃᖃᑦᑕᕐᓯᒪᓂᑰᑉᐸᑦ ᐊᑑᑎᖃᑦᑎᐊᕋᔭᕐᒥᔪᖅ.

ᐃᖅᑲᓇᐃᔮᖑᕙᑦᑐᑦ ᓇᐅᑦᑎᕐᓱᖅᑎᓂᑦ ᐱᓕᕆᐊᕐᒥ ᑎᒥᒃᑯᑦ ᕿᑲᙱᓪᓗᓂ ᐊᑐᖃᑦᑕᕆᐊᖃᕐᓂᐊᕐᖓᑦ ᐊᒻᒪᓗ ᐃᖅᑲᓇᐃᔮᓖᑦ ᖃᓄᐃᙱᑦᑎᐊᕆᐊᖃᖅᑐᑎᒃ ᑎᒥᒃᑯᑦ ᐆᒻᒪᑦᑎᐊᕆᓪᓗᑎᒃ ᐃᖅᑲᓇᐃᔮᖏᓐᓂᒃ ᑲᒪᑦᑎᐊᖃᑦᑕᓂᐊᕐᖓᑕ ᐊᑦᑕᓇᙱᑦᑐᒥᒃ ᐊᑑᑎᖃᑦᑎᐊᖅᑐᒥᓪᓗ ᐋᓐᓂᖅᑐᖃᕐᓂᐅᓴᙱᓪᓗᓂ. ᐃᖅᑲᓇᐃᔮᖅᑖᓚᐅᙱᓐᓂᖏᓐᓂ ᐋᓐᓂᐊᕕᒻᒥ ᖃᐅᔨᓴᖅᑕᐅᔾᔪᑎᖃᕆᐊᖃᕋᔭᕐᒥᔪᑦ. ᐃᖅᑲᓇᐃᔭᖅᑎᑖᖑᓯᒪᓕᖅᑲᑕ, ᐃᖅᑲᓇᐃᔮᖅᑖᖅᑐᑦ ᐊᖏᕐᓯᒪᔭᕆᐊᓖᑦ ᐋᓐᓂᖅᑐᓕᕆᓂᕐᒥᒃ ᐸᐃᑉᐹᖅᑖᕈᑕᐅᓲᒥᒃ ᐃᓕᓐᓂᐊᓂᕐᒧᑦ, PAL ᖁᑭᐅᓯᕆᓂᕐᒥᒃ ᐊᑦᑕᓇᙱᑦᑐᒥᒃ ᐸᐃᑉᐹᖅᑖᕈᑎᔅᓴᒥᒃ ᐊᒻᒪᓗ ᐅᒥᐊᕐᓂᑦ ᐊᖁᑎᐅᓂᕐᒥᒃ ᐸᐃᑉᐹᖅᑖᕈᑎᒥᒃ. ᑖᓐᓇ ᐃᖅᑲᓇᐃᔮᖅ ᐃᑲᕐᕋᓂᑦ 40ᓂᑦ ᐃᖅᑲᓇᐃᔭᕈᑕᐅᖃᑦᑕᓂᐊᖅᑐᖅ ᐱᓇᓱᐊᕈᓯᑕᒫᑦ ᐋᖅᑭᓯᒪᓂᕆᖃᑦᑕᓂᐊᖅᑕᖏᑦ ᑖᒃᑯᓴᐃᓐᓇᐅᖏᓐᓇᖃᑦᑕᖏᒃᑲᓗᐊᕐᓗᑎᒃ.

ᐃᖅᑲᓇᐃᔮᖅᑖᕋᓱᑦᑐᑦ ᑕᑯᑎᑦᑎᔭᕆᐊᓖᑦ ᖃᐅᔾᔨᑎᖃᕐᓂᖏᓐᓂᒃ ᓄᓇᒥᒃ, ᐃᒫᓂᑦ ᓂᕐᔪᑎᓂᓪᓗ ᓄᓇᓕᖏᓐᓂᒃ ᐊᒻᒪᓗ ᐊᕙᑎᖏᓐᓂᒃ, ᐊᒻᒪᓗ ᖃᐅᔨᒪᑦᑎᐊᕐᓗᑎᒃ ᐊᐅᓪᓚᕐᓯᒪᖃᑦᑕᓂᕐᒥᒃ ᐊᒻᒪᓗ ᐊᓐᓇᐅᒪᒍᑕᐅᓲᓂᑦ. ᖃᐅᔨᒪᑦᑎᐊᕆᐊᓖᑦ ᐊᖑᓇᓱᓐᓂᕐᒥᒃ, ᓂᕿᔅᓴᕐᓯᐅᖃᑦᑕᓂᕐᒥᒃ, ᐊᑦᑕᓇᙱᑦᑐᒥᓪᓗ ᖁᑭᐅᓯᕆᔪᓐᓇᕐᓂᖏᓐᓂᒃ. ᐃᓕᑦᑎᓯᒪᑦᑎᐊᕆᐊᖃᕐᒥᔪᑦ ᐋᖅᑭᐅᒪᑎᑦᑎᒍᓐᓇᕐᓂᖏᓐᓂᒃ ᐊᐅᓚᑦᑎᒍᓐᓇᕐᓂᖏᓐᓂᓪᓗ ᓱᓇᒃᑯᑖᓂᑦ, ᓲᕐᓗ ᖃᒧᑕᐅᔭᕐᓂᑦ. ᖃᕋᓴᐅᔭᓕᕆᔪᓐᓇᕆᐊᓖᑦ ᐊᑐᖅᑕᐅᒐᔪᓲᓂᑦ, ᐊᒻᒪᓗ ᐊᑐᖅᑐᒥᒃ ᐊᖁᑦᑐᕐᓯᐅᑎᖃᕆᐊᖃᒥᔪᑦ ᐊᖁᖃᑦᑕᓂᐊᖅᑎᓪᓗᒋᑦ ᕿᑭᖅᑕᓂᒃᑯᑦ ᓄᓇᒃᑰᕈᑎᖏᓐᓂᒃ. ᖃᐅᔾᔨᖃᑦᑎᐊᐊᓖᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᒻᒪᓗ ᐃᓄᒃᑎᑑᕈᓐᓇᑎᐊᕐᓗᑎᒃ.

ᓈᒻᒪᑦᑐᒥᒃ ᐱᕋᔭᓚᐅᕐᓯᒪᓂᑰᒻᒪᖔᖅ ᖃᐅᔨᓴᖅᑕᐅᔾᔪᑎᖃᕆᐊᖃᕋᔭᖅᑐᖅ ᐊᒻᒪᓗ ᐃᓱᒫᓗᓇᕋᔭᕐᒪᖔᖅ ᖃᐅᔨᓴᖅᑕᐅᓯᒪᔭᕆᐊᓕᒃ. ᖁᑭᐅᑎᓄᑦ ᐸᓯᔭᐅᔾᔪᑎᖃᓚᐅᕐᓯᒪᔭᕆᐊᖃᙱᑦᑐᑦ.

ᐱᒋᐊᕈᑎᖃᕋᔭᖅᑐᑦ ᑕᕝᕙᓂ ᐃᖅᑲᓇᐃᔮᕐᒥ ᑮᓇᐅᔾᔭᔅᓵᖏᑦ $87,618 ᐊᕐᕌᒍᑕᒫᑦ, ᐊᒻᒪᓗᑦᑕᐅᖅ ᐅᑭᐅᖅᑕᖅᑐᒥᐅᑕᐅᓂᕐᒧᑦ ᐃᑲᔫᓯᐊᖅᑖᖃᑦᑕᕐᓗᓂ $27,600 ᐊᕐᕌᒍᑕᒫᑦ.

ᐃᓪᓗᖃᖅᑎᑦᑎᒍᑕᐅᔾᔮᖏᑦᑐᖅ.

ᐃᖅᑲᓇᐃᔭᖅᑖᕋᓲᑏᑦ ᑐᓂᔭᐅᖃᑦᑕᕈᓐᓇᖅᑐᑦ ᓱᒃᑲᔪᒃᑯᑦ, ᐃᕐᖐᓈᖅᑕᐅᑎᒃᑯᑦ, ᓇᒻᒥᓂᖅ ᐋᓪᓗᒋᑦ, ᐅᕝᕙᓘᓐᓃᑦ ᑎᑎᖅᑲᓂᐊᕐᕕᒃᑯᑦ ᓇᔅᓯᐅᑎᓗᒋᑦ ᐅᕗᖓ:

Human Resources                        ᐅᖄᓚᐅᑖ: (867) 975-8400

Qikiqtani Inuit Association       ᓱᒃᑲᔪᒃᑰᕈᑖ: (867) 979-3238

Igluvut building, 2^nd floor

200-922 ᓯᕗᒧᒋᐊᕐᒃ ᐊᑐᕆᐊᕐᒃ      ᐃᕐᖐᓈᖅᑕᐅᑖ: Resumes@qia.ca

Iqaluit, NU X0A 3H0               ᑕᑯᓂᐊᕐᓗᒍ: Tuttarvik.qia.ca

ᒪᑐᕕᔅᓴᖓ ᐅᓪᓗᖅ: ᒪᑐᐃᖓᓂᐊᖅᑐᖅ ᐃᓐᓄᒐᓱᓐᓂᖓᓂ ᑖᓐᓇ