ᑖᒃᑯᐊ ᓈᓚᐅᑎᒃᑯᑦ ᐅᖃᐅᓯᐅᖃᑦᑕᓂᐊᖅᑐᑦ ᑐᓂᔭᐅᓯᒪᔪᑦ ᓄᓇᓕᓐᓂᑦ ᑐᓴᐅᒪᑎᑦᑎᔨᑦᑎᓐᓄᑦ ᐊᒻᒪᓗ ᓄᓇᓕᓐᓂᑦ ᑲᑎᒪᔨᑦᑎᓐᓄᑦ ᐅᖃᐅᓯᐅᖃᑦᑕᓂᐊᕐᖓᑕ ᓄᓇᓖᑦ ᓈᓚᐅᑎᖃᕐᕕᖏᑎᒍᑦ. ᑐᑭᓯᑎᑦᑎᒋᐊᕈᑎᓖᑦ ᓄᓇᕗᒧᑦ ᐱᔾᔪᑎᒋᓪᓗᒍ ᐳᕝᕕᕆᓇᖅᑐᖅ COVID-19 ᓄᓇᕐᔪᐊᓕᒫᒥ ᓯᐊᒻᒪᐸᓪᓕᐊᔪᖅ.

ᕼᐃ ᑕᒪᔅᓯ ,

ᖑᔪᖓ ᓄᓇᓕᖕᒥ ᑲᑎᒪᔨᒋᔭᐅᔪᖓ/ᓄᓇᓕᖕᒥ ᑐᓴᐅᒪᑎᑦᓯᔨᒋᔭᐅᔪᖓ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓄᑦ.

ᑐᓴᖅᑎᑦᓯᒍᒪᒐᒪ ᖃᓄᐃᓕᐅᖅᐸᓪᓕᐊᓯᒪᔪᓂᒃ ᕿᑭᖅᑕᓃᒃᑯᑦ ᓴᖅᑭᑕᖏᓐᓂᒃ ᐅᐸᓗᖓᐃᔭᐅᑎᒋᔭᐅᓪᓗᑎᒃ ᐃᑲᔫᑕᐅᓂᐊᖅᑐᓂ ᕿᑭᖅᑖᓗᖕᒥᐅᓄᑦ ᐃᓄᖕᓄᑦ ᑕᒪᓐᓇ ᐳᕝᕕᕆᓐᓇᖅᑐᒥ ᖃᓂᒪᓇᖅ-19 ᐊᑐᖅᑎᓪᓗᒍ.

ᕿᑭᖅᑕᓃᒃᑯᑦ ᓴᑭᑎᑦᓯᓂᐊᖅᑐᑦ ᒪᕐᕉᓂ ᐃᑲᔫᑎᒋᔭᐅᓂᐊᖅᑐᓂᒃ ᐱᖃᓯᐅᑎᓗᒋᑦ ᐅᑯᐊ:

• $3 ᒥᓕᔭᓂ ᐅᐸᓗᖓᐃᔭᐅᑎᓂ ᓂᐅᕕᕈᓐᓇᐅᑎᒃᓴᓂ ᐃᓄᑐᖃᓄᑦ ᐊᒻᒪᓗ
• $2 ᒥᓕᔭᓂ ᐅᐸᓗᖓᐃᔭᐅᑎᓂ ᓄᒃᑕᖅᑎᓄᑦ ᑐᕌᖓᔪᓄᑦ ᐱᒋᐊᕈᑎᒥᒃ

ᐅᕙᐅᕗᑦ ᑐᑭᓯᒍᑎᐅᕗᑦ ᐊᑐᓂ ᐱᒋᐊᕈᑎᒋᔭᐅᔪᓄᑦ..

ᓯᕗᓕᖅᐹᖅ ᐱᒋᐊᕈᑎᒋᔭᐅᔪᖅ ᐱᔾᔪᑎᒋᓪᓗᒍ ᑖᓐᓇ ᐳᕝᕕᕆᓐᓇᖅᑐᒥᒃ ᖃᓂᒪᓇᖅ-19− ᓂᐅᕕᕈᓐᓇᐅᑎᑖᖅᑎᑕᐅᓂᖏᑦ ᐃᓄᑐᖃᐃᑦ.

ᑖᒃᑯᐊ ᓂᐅᕕᕈᓐᓇᐅᑎᑦ ᐃᓄᑐᖃᓄᑦ ᒫᓐᓇᑲᐃᓐᓇᐅᔪᒥᒃ ᐃᑲᔫᑎᒋᔭᐅᓂᐊᖅᑐᑦ ᐊᑐᖅᑕᐅᑎᓪᓗᒍ ᑖᓐᓇ ᐳᕝᕕᕆᓐᓇᖅᑐᒥᒃ ᖃᓂᒪᓇ-19.

ᓂᐅᕕᕈᓐᓇᐅᑎᑦ ᐃᒫᒃ ᐋᖅᑭᒃᓯᒪᓂᐊᖅᑐᑦ . . .

ᕿᑭᖅᑕᓃᒃᑯᑦ ᑲᑐᔾᔨᖃᑎᖃᕐᒪᑕ ᐅᑭᐅᖅᑕᖅᑐᒥ ᑯᐊᐸᐃᑦ ᐃᓚᒌᓴᒃᑯᖏᓐᓂ ᓂᐅᕕᕈᓐᓇᐅᑎᑦ ᑐᓂᐅᖅᑲᖅᑕᐅᓂᖏᓐᓄᑦ.

ᓂᐅᕕᕈᓐᓇᐅᑎᑦ ᐊᑐᐃᓐᓇᐅᓕᕐᓂᐊᖅᑐᖅ  ᐄᐳᓪ 14.

ᓂᐅᕕᕈᓐᓇᐅᑎᑦ ᐱᔭᐅᒍᓐᓇᖅᑐᑦ ᓄᓇᓕᐅᑉ ᑯᐊᐸᖓᓂᑦ

ᐊᑐᓂ ᐃᓄᑐᖃᖅ ᐱᖓᓲᔪᖅᑑᔪᓂᒃ ᓂᐅᕕᕈᓐᓇᐅᑎᖃᕐᓂᐊᖅᑐᖅ ᐊᑐᓂ ᐊᑭᓕᖕᓂ $250

ᑖᓐᓇ ᐅᐸᓗᖓᐃᔭᐅᑎᒋᔭᐅᔪᖅ ᐋᖅᑭᒃᓯᒪᓂᐊᖅᑐᖅ 12ᓄᑦ ᐱᓇᓱᐊᕈᓯᓄᑦ.

ᓂᐅᕕᕈᓐᓇᐅᑎᑎᑦ ᐊᑐᖅᑕᐃᓐᓇᕆᒍᕕᒋᑦ, ᑲᑎᓕᒫᕐᓗᒋᑦ ᐊᑭᖃᖅᑐᑦ $1,500ᓂ ᓂᐅᕕᕈᓐᓇᐅᑎᐅᔪᓂᑦ.  

ᐃᓄᐃᑦ ᐃᓄᑐᖃᐃᑦ 60ᓂ ᐊᕐᕌᒍᓖᑦ ᐅᖓᑖᓄᓘᓐᓃᑦ ᐊᒻᒪᓗ ᕿᑭᖅᑖᓗᖕᒥᐅᑕᐅᓗᑎ will ᓂᐅᕕᕈᓐᓇᐅᑎᑖᕈᓐᓇᕐᓂᐊᖅᑐᑦ.

ᕿᑭᖅᑕᓃᒃᑯᑦ ᑐᓂᓯᓂᐊᖅᑐᑦ ᑯᐊᐸᒃᑯᓐᓄᑦ ᐃᓄᑐᖃᐃᑦ ᐊᑎᖏᓐᓂᒃ. ᑖᒃᑯᐊ ᐊᑏᑦ ᐱᓯᒪᔭᐅᔪᑦ ᓄᓇᕗᑦ ᑐᙵᕕᒃᑯᓐᓂᑦ.

ᐊᑏᑦ ᖃᐅᔨᒋᐊᕐᕕᒋᓯᐅᒃ ᕿᑭᖅᑕᓃᒃᑯᑦ, ᓄᓇᓕᖕᒥ ᑐᓴᐅᒪᑎᑦᓯᔨᓪᓘᓐᓃᑦ ᐊᕐᕌᒍᑖᓚᐅᕈᕕᑦ 60ᓂ ᒫᑦᓯ 20ᒥᑦ ᐊᒻᒪ ᐄᐳᓪ 14ᓗ ᐊᑯᓐᓂᖓᓂ.  ᐅᕝᕙᓘᓐᓃᑦ ᐊᕐᕌᒍᑖᕐᓂᐊᕈᕕᑦ 60ᓂ ᔫᓐ 30, 2020 ᑐᖔᓂ.

ᐃᑲᔪᖅᑕᐅᖁᔭᕋᓗᐊᕗᑦ ᐃᓄᑐᖃᓕᒫᑦ.

ᓂᖀᑦ ᐊᑐᐃᓐᓇᐅᑎᑕᖃᑦᑕᕐᓂᐊᖅᑐᑦ ᒪᕐᕉᒃ ᐱᓇᓱᐊᕈᓰᑦ ᖃᖏᖅᑎᓪᓗᒋᑦ, ᐅᑯᓂᖓ ᐅᓪᓗᕐᓂ:

• ᐄᐳᓪ 14 ᐊᒻᒪ ᐄᐳᓪ 28
• ᒪᐃ 12 ᐊᒻᒪ ᒪᐃ 26
• ᔫᓐ 9 ᐊᒻᒪ ᔫᓐ 23

ᑖᒃᑯᐊ ᐃᑲᔫᑎᑦ ᑐᕌᖓᔪᑦ ᐃᓄᑐᖃᓄᑦ, ᑕᐃᒪᐃᒻᒪᑦ ᕿᑭᖅᑕᓃᒃᑯᑦ ᐊᐱᕆᓯᒪᔪᑦ ᐃᓕᓴᖅᓯᕕᒃᑯᓐᓂᑦ ᑐᓂᓯᖃᑦᑕᖁᔨᙱᖦᖢᑎᒃ ᐊᑎᓕᐅᖅᑕᐅᓯᒪᙱᑦᑐᓄᑦ.

ᐊᐃᑉᐸᖓ ᐱᒋᐊᕈᑎᒋᔭᐅᔪᖅ ᐅᐸᓗᖓᐃᔭᐅᑎᒋᔭᐅᖕᒥᔪᖅ ᐳᕝᕕᕆᓐᓇᖅᑐᒥᒃ ᖃᓂᒪᓇᖅ-19 ᐱᔾᔪᑎᒋᓪᓗᒍ ᓄᒃᑕᖅᑎᓄᑦ ᐃᑲᔫᑎᑦ.

ᑐᕌᒐᕆᔭᐅᔪᖅ ᑖᓐᓇ ᐱᓕᕆᐊᖅ ᓄᒃᑕᖅᑎᓄᑦ ᐃᑲᔫᑎᑦ ᒫᓐᓇᐅᑲᐃᓐᓇᕐᓂᖓᓂ ᐃᑲᔪᖅᑕᐅᓯᒪᖁᓪᓗᒋᑦ ᐃᓄᐃᑦ ᕿᑭᖅᑖᓗᖕᒥ ᑕᒪᓐᓇ ᐊᑐᖅᑎᓪᓗᒍ ᐳᕝᕕᕆᓐᓇᖅᑐᒥ ᖃᓂᒪᓇᖅ-19.

ᐱᔪᓐᓇᕐᓂᖃᕈᕕᑦ, ᐊᑕᐅᓯᐊᖅᑕᐅᔪᒥᒃ ᑐᓂᔭᐅᔪᓐᓇᖅᑐᖅ ᐊᑐᓂ ᐃᒡᓗᖃᖅᑎᐅᔪᑦ ᑮᓇᐅᔭᓂᒃ $1500.00ᓂ.

ᑐᒃᓯᕋᖅᑐᑦ ᒪᓖᓐᓇᕆᐊᖃᕐᓂᐊᖅᑐᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᐅᖃᐅᔾᔫᓯᐊᖏᓐᓂᑦ ᐅᖓᓯᓈᖃᑎᒌᖃᑦᑕᕐᓂᖅ ᐱᓪᓗᒍ.

ᑕᐃᒪ ᑕᐃᒃᑯᐊ ᐃᒡᓗᕋᓛᒥᓄᓕᐊᕐᓂᐊᖅᑐᑦ ᐃᓚᖏᓪᓗ ᐊᑏ ᖃᓂᓈᖅᑕᐃᓕᖃᑦᑕᕐᓂᐊᖅᑯᓯ ᓇᔪᖃᑎᒋᙱᑦᑕᔅᓯᓐᓂ.

ᓯᕗᓕᖅᐹᑦ ᑕᑕᑎᒐᒃᓴᐃᑦ ᑐᓂᔭᐅᔪᓐᓇᖅᓯᓂᐊᖅᑐᑦ ᐄᐳᓪ 3ᒥ ᐱᒋᐊᕐᓗᒍ.

ᐃᓄᐃᑦ ᓄᓇᓕᕋᓛᖃᖅᑐᑦ ᐃᒡᓗᕋᓛᖃᖅᑐᓘᓐᓃᑦ ᐊᒻᒪᓗ ᐃᖏᕐᕋᐅᑎᖃᖅᑐᑦ, ᑐᒃᓯᕋᕈᓐᓇᖅᑐᑦ.

ᓯᕗᓪᓕᐅᑎᑕᐅᓂᐊᖅᑐᑦ ᑕᐃᒃᑯᐊ ᐃᓄᐃᑦ ᓅᓯᒪᓂᐊᖅᑐᓂᒃ 14ᓂ ᐅᓪᓗᓄᑦ ᐅᖓᑖᓂᓘᓐᓃᑦ.

ᖃᐅᔨᒪᓂᐊᖅᑯᓯ ᑕᐃᒃᑯᐊ ᑐᒃᓯᕋᐅᑎᓕᐅᖅᑐᑦ ᐃᓚᖏᑦ ᑮᓇᐅᔭᖅᑖᖅᑎᑕᐅᙱᑐᐃᓐᓇᕆᐊᖃᖅᑐᑦ.

ᑮᓇᐅᔭᐃᑦ ᑖᔅᓱᒪᙵᑦ ᐱᓕᕆᐊᕐᒥᑦ ᐊᑐᖅᑕᐅᔪᓐᓇᖅᑐᑦ ᐊᔾᔨᒌᙱᑦᑐᓄᑦ ᐊᑐᕆᐊᓕᖕᓄᑦ ᓅᓯᒪᓂᐊᕐᓗᓂ.

ᓱᕐᓗ ᐅᖅᓱᐊᓗᒃ, ᑕᖁᐊᒃᓴᑦ, ᓴᒃᑯᓂ, ᐊᓯᖏᓐᓂᓗ ᐊᑐᕆᐊᖃᖅᑐᓂ ᓅᓯᒪᑎᓪᓗᑎ.

ᐱᓇᓱᖃᑕᐅᔪᓐᓇᖅᑐᖅᑎᑦ ᑖᔅᓱᒥᖓ ᒪᓂᓴᐅᑕᐅᓯᒪᔪᒥᒃ ᐅᖄᓚᕕᐅᓗᑕ ᑎᑎᕋᕐᕕᐅᓗᑕᓘᓐᓃᑦ ᐃᕐᖐᓐᓈᕈᑎᒃᑯᑦ.  ᓱᓕᓗ ᖃᕆᓴᐅᔭᒃᑯᑦ ᑕᑕᑎᒐᒃᓴᓂ ᐊᑐᐃᓐᓇᐅᔪᖃᕐᓂᐊᖅᑐᖅ ᐱᔭᐅᔪᓐᓇᖅᑐᒥᒃ ᐃᑭᐊᖅᑭᕕᑦᑎᒍᑦ.

ᐊᖏᕈᕕᑦ ᓯᒃᑮᑦ ᑎᑎᖅᑲᒃᑯᕕᒃᑯᑦ ᓇᒃᓯᐅᔾᔭᐅᓂᐊᖅᑐᖅ.

ᐴᖅᓯᒍᓐᓇᖅᑐᒍᑦ ᓇᓪᓕᐊᖕᓂᑐᐃᓐᓇᖅ ᐱᖓᓲᔪᓂᑦ ᑮᓇᐅᔭᒃᑯᕕᖕᓂᑦ:  t

• ᕈᐃᔪᒃᑯᑦ ᑮᓇᐅᔭᒃᑯᕕᖓ
• ᑲᓃᑎᐊᒃᑯᑦ ᑮᓇᐅᔭᒃᑯᕕᖓ
• ᐊᓪᓚᐃᑦ ᑮᓇᐅᔭᒃᑯᕕᖓ

ᑐᑭᓯᒃᑲᓐᓂᕈᒪᒍᕕᑦ ᐱᓕᕆᐊᒃᓴᐃᑦ ᒥᒃᓵᓄᑦ ᐊᑏ ᓇᓪᓕᐊᒃᑯᑐᐃᓐᓇᖅ ᖃᐅᔨᒋᐊᕈᓐᓇᖅᑐᑎᑦ

ᐃᕐᖐᓐᓈᕈᑎ: COVID-19@qia.ca

ᐅᖄᓚᓗᑎᓪᓘᓐᓃᑦ: 1-867-975-8383

 

ᐃᖅᑲᐅᒪᓂᐊᖅᐳᓯ

ᐃᑲᔪᖃᑕᐅᔪᓐᓇᖅᑐᑎᑦ ᓯᐊᒻᒪᒃᑎᑦᓯᑕᐃᓕᓂᕐᒥᒃ ᑖᔅᓱᒪᖓ ᐳᕝᕕᕆᓐᓇᖅᑐᒥᒃ ᖃᓂᒪᓇᕐᒥ-19ᒥ −  ᐊᒡᒐᑎ ᐅᐊᓴᖃᑦᑕᕐᓗᒋᑦ

ᓴᐳᑎᓯᒪᒃᑭᑦ ᓄᓇᓕᓯ, ᐃᓄᑐᖃᐃᑦ ᐊᒻᒪ ᓇᖕᒥᓂᖅ ᐊᖏᕐᕋᖅᓯᒪᒋᑦᓯ  ᐅᖓᓯᓈᖃᑦᑕᕐᓗᓯ.

ᐅᖓᓯᓈᖃᑦᑕᕐᓗᒋᑦ ᐃᓄᐃᑦ  2 ᒦᑕᓂ .

ᐱᖃᑎᑎᑦ ᐃᓚᑎᓪᓘᓐᓃᑦ ᐳᓛᖅᑕᐃᓕᑦᓯᐊᕐᓗᒋᑦ.

ᐋᖅᑭᒃᓱᐃᖃᑎᖃᙱᓪᓗᓯ ᐱᙳᐊᖃᑎᒃᓴᓂ ᐊᒻᒪᓗ ᐃᖃᐃᔭᕈᒪᔪᓂᒡᓘᓐᓃᑦ.  

ᐊᑏᖓᐃ  ᐃᓄᑐᖃᓂ ᑕᑯᒋᐊᖅᓵᓕᖃᑦᑕᕐᓗᓯ ᐅᕝᕙᓘᓐᓃᑦ ᐱᖃᓯᔅᓯᓐᓄᑦ ᐊᒃᑐᖅᑕᐅᓴᕋᐃᒍᓐᓇᖅᑐᓂ  ᐃᓚᒋᔭᕐᓂᓘᓐᓃᑦ ᐃᑲᔪᖅᑕᐅᒋᐊᖃᕐᒪᖔᑖᒃ. ᐅᖄᓚᕕᒋᓗᒋᑦ ᐅᕝᕙᓘᓐᓃᑦ ᓂᕿᑖᖅᑕᑎᑦ ᐹᖓᑕ ᒪᑐᐊᑕ ᓴᓂᐊᓄᑦ ᐃᓕᓗᒋᑦ ᐃᑎᖅᑕᐃᓕᑦᓯᐊᕐᓗᒋᑦ ᐳᓛᖅᑕᐃᓕᑦᓯᐊᕐᓗᒋᓪᓗ.

ᐊᑏ ᐃᖕᒥᓂᒃ ᐃᓅᑑᑎᑦᓯᓗᑎᑦ ᐃᒃᐱᖕᓂᐊᓕᕈᕕᑦ ᓇᓪᓕᐊᖕᓂᑐᐃᓐᓇᖅ ᐳᕝᕕᕆᓐᓇᖅᑐᒥᒃ ᖃᓂᒪᓇ-19ᖑᓇᓱᒋᓕᕈᕕᐅᒃ

ᐆᓇᖅᓯᒍᕕᑦ, ᖁᐃᖅᓯᓕᕈᕕᑦ ᐅᕝᕙᓘᓐᓃᑦ ᐊᓂᖅᓵᖅᑐᑦᑎᐊᕈᓐᓇᐃᓕᒍᕕᑦ.  

ᐃᒃᐱᖕᓂᐊᕐᓂᕆᔭᑎᑦ ᐱᕙᓪᓕᐊᖏᓐᓇᓕᖅᐸᑕ ᐋᓐᓂᐊᕐᕕᒃ ᐅᖄᓚᕕᒋᓗᒍ. ᐋᓐᓂᐊᕐᕕᓕᐊᙱᓪᓗᑎ ᐅᖄᓚᖅᑳᕐᓗᑎ.

ᑲᑐᔾᔨᑦᑎᐊᕈᑦᑕ ᐊᒻᒪᓗ ᐊᑕᐅᓯᐅᖃᑎᒌᑦᑎᐊᕈᑦᑕᓗ  ᓄᓇᓕᕗᑦ ᓴᐳᑎᓯᒪᒍᓐᓇᖅᑕᕗᑦ.

ᐃᑭᐊᖅᑭᕕᕗᑦ ᐳᓛᕆᐊᕈᒃ ᐅᕗᖓ  qia.ca ᑐᑭᓯᒃᑲᓐᓂᕈᒪᒍᕕᑦ ᐊᒻᒪᓗ ᓄᑖᓂ ᑐᓴᒐᒃᓴᓂ ᖃᐅᑕᒫ ᑐᓴᒐᒃᓴᓕᐊᖑᓯᒪᔪᓂ.

ᑐᑭᓯᔾᔪᑎᓂ ᓄᑖᖑᓂᖅᐹᓂᒃ ᕙᐃᔅᐳᒃᑯᑦ, ᑐᕕᑐᒃᑯᑦ ᐊᒻᒪ ᐃᓐᓯᑎᒍᕌᒻᑯᑦ.

ᖁᔭᓐᓇᒦᒃ ᐱᕕᖃᖅᑎᒐᖕᒪ. ᐅᓪᓗᖃᑦᑎᐊᕆᑦ ᐊᒻᒪ ᐊᑦᑕᕐᓇᖅᑐᒦᑦᑕᐃᓕᓗᑎ.

ᐃᑭᐊᖅᑭᕕᕗᑦ ᐳᓛᕆᐊᕈᒃ ᐅᕗᖓ  qia.ca ᑐᑭᓯᒃᑲᓐᓂᕈᒪᒍᕕᑦ ᐊᒻᒪᓗ ᓄᑖᓂ ᑐᓴᒐᒃᓴᓂ ᖃᐅᑕᒫ ᑐᓴᒐᒃᓴᓕᐊᖑᓯᒪᔪᓂ.

ᑐᑭᓯᔾᔪᑎᓂ ᓄᑖᖑᓂᖅᐹᓂᒃ ᕙᐃᔅᐳᒃᑯᑦ, ᑐᕕᑐᒃᑯᑦ ᐊᒻᒪ ᐃᓐᓯᑎᒍᕌᒻᑯᑦ.

ᖁᔭᓐᓇᒦᒃ ᐱᕕᖃᖅᑎᒐᖕᒪ. ᐅᓪᓗᖃᑦᑎᐊᕆᑦ ᐊᒻᒪ ᐊᑦᑕᕐᓇᖅᑐᒦᑦᑕᐃᓕᓗᑎ.