ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᖃᕆᓴᐅᔭᒃᑯᑦ ᓄᓇᒥᒃ ᐊᑐᕈᒪᓂᕐᒧᑦ ᑕᑕᑎᒐᒃᓴᖃᓕᖅᑐᑦ ᐱᕕᖃᖅᑎᑦᑎᓂᐊᖅᑐᒥᒃ ᐱᓇᓱᒍᒪᔪᓄᑦ ᑕᑕᑎᖅᑕᖏᑦ ᖃᕆᓴᐅᔭᒃᑯᑦ ᑐᓂᔭᐅᔪᓐᓇᖅᑐᓄᑦ ᕿᑭᖅᑕᓃᒃᑯᓐᓄᑦ.
ᑖᓐᓇ ᖃᕆᓴᐅᔭᒃᑰᖅᑐᖅ ᐱᔨᑦᓯᖅᑕᐅᔪᑦ ᖃᕆᓴᐅᔭᒃᑯᑦ ᐃᓕᐅᖅᑲᑲᐅᑎᒋᔪᓐᓇᖅᓯᔪᑦ ᑕᑕᑎᖅᑕᒥᖕᓂᑦ ᑭᓯᐊᓂᑦᑕᐅᖅ ᖃᐅᔨᒋᐊᕈᓐᓇᖃᑦᑕᕐᓂᐊᖅᑐᑦ ᐱᓕᕆᐊᕆᔭᖓᑕ ᒥᒃᓵᓄᑦ ᖃᓄᐃᓕᖓᓕᕐᒪᖔᑦ. ᑕᑕᑎᖅᑕᐅᔪᑦ ᐸᐃᑉᐹᓪᓗ ᐱᖃᓯᐅᑎᔭᐅᓯᒪᔪᑦ ᐱᓕᕆᐊᕐᒧᑦ ᑐᕌᖓᔪᑦ ᐋᖅᑭᒃᓯᒪᑎᑕᐅᖃᑦᑕᕐᓂᐊᖅᑐᑦ ᑕᑯᒋᐊᕐᕕᖕᒥ ᖃᕆᓴᐅᔭᒃᑯᑦ.
ᑖᓐᓇ ᖃᕆᓴᐅᔭᒃᑰᖅᑐᖅ ᓴᖅᑭᑎᑦᑎᖃᑦᑕᕐᓂᐊᕐᒥᔪᖅ ᐃᖅᑲᐃᔾᔪᑎᓂᒃ ᐱᔨᑦᓯᖅᑕᐅᔪᓄᑦ ᐅᓂᒃᑳᕆᐊᖃᕐᓂᐅᑉ ᑭᓪᓕᒋᔭᖏᓐᓂᒃ ᐊᒻᒪᓗ ᖃᐅᔨᓴᖃᑦᑕᕐᓂᐅᑉ ᒥᒃᓵᓄᑦ ᑖᒃᑯᐊ ᐸᐃᑉᐹᖑᔪᑦ ᑐᓂᔭᐅᖃᑦᑕᕐᓂᐊᕐᒪᑕ ᑭᖑᕙᖅᓯᒪᓐᖏᓪᓗᑎᒃ.
ᐸᐃᑉᐹᑎᒎᖅᑐᑦ ᑕᑕᑎᖅᓯᒪᔪᑦ ᑎᒍᔭᐅᖏᓐᓇᖃᑦᑕᕐᓂᐊᖅᑐᑦ ᖃᓪᓗᓈᑎᑐᑦ ᐃᓄᒃᑎᑐᓪᓗ ᖃᕆᓴᐅᔭᖃᓐᖏᑦᑐᓄᑦ.
ᑖᓐᓇ ᓄᑖᖑᔪᖅ ᖃᕆᓴᐅᔭᒃᑯᑦ ᑕᑕᑎᖅᓯᒪᔪᓐᓇᕐᓂᖅ ᐅᕙᓐᖓᑦ ᐱᔭᐅᖃᑦᑕᕈᓐᓇᖅᑐᑦ http://qia.strata360.com/app/.
ᐊᐱᖅᑯᑎᖃᕈᕕᑦ ᓄᓇᒥᒃ ᐊᑐᕈᒪᓂᕐᒧᑦ ᐊᑎᓕᐅᕐᕕᖓᑕ ᒥᒃᓵᓄᑦ ᖃᐅᔨᒋᐊᕐᕕᒋᔪᓐᓇᖅᑕᐃᑦ ᐅᓇ registry@qia.ca
ᖃᐅᔨᒪᓂᐊᖅᑯᓯ, ᑖᓐᓇ ᖃᕆᓴᐅᔭᒃᑯᑦ ᐊᑎᓕᐅᕐᕕᒃ ᐊᑐᕈᒪᒍᕕᐅᒃ ᖃᕆᓴᐅᔭᕐᒧᑦ ᐃᓕᐅᖅᑲᕆᐊᖃᖅᑯᑎᑦ ᐆᒥᖓ Silverlightᒥ ᐊᒻᒪᓗ ᐅᓇ ᐊᑐᕋᓗᐊᕈᕕᐅᑉ ᐃᑲᔪᕈᓐᓇᔾᔮᓐᖏᑦᑐᖅ Google Chrome. ᑐᒃᓯᕋᖅᑐᑦ ᐊᑐᖁᔭᐅᓯᒪᕗᑦ ᓇᓕᐊᑐᐃᓐᓇᖓᓂᒃ ᖃᕆᓴᐅᔭᒃᑰᕈᓐᓇᐅᑎᒥᒃ Mozilla Firefox, Microsoft Internet Explorer ᐅᕝᕙᓘᓐᓃᑦ Apple’s Safari
