ᓄᓇᓕᖕᒥᐅᑦ ᐅᖃᓚᐅᕐᒪᑕ ᐃᓱᒪᖅᓱᕈᓐᓇᕐᓂᖅ ᓄᒃᑕᕐᓂᕐᒧᑦ, ᑲᑎᖅᓱᐃᓂᕐᒧᑦ, ᐊᐅᓪᓛᕈᓐᓇᕐᓂᕐᒧᓪᓗ ᕿᑭᖅᑖᓗᖕᒥ ᐱᒻᒪᕆᐅᕗᖅ ᐱᔪᓐᓇᐅᑎᒋᓪᓗᑎᒍᓪᓗ, ᐱᓕᕆᕖᓪᓗ ᐊᕕᑕᐅᔪᓐᓇᕐᓇᑎᒃ ᐃᖃᓪᓕᐊᕐᓂᕐᒧᑦ, ᑕᕆᐅᕐᒦ ᓄᓇᒥᓪᓗ ᐊᖑᓇᓱᖕᓂᕐᓄᑦ ᐃᓄᐃᑦ ᑕᓪᓕᒪᓂᒃ ᓄᓇᓖᑦ ᐅᖃᓚᐅᖅᑐᑦ ᐱᒻᒪᕆᖕᒪᑕ ᐃᓄᐃᑦ ᑲᑎᕕᒋᕙᒃᑕᖏᑦ ᐊᐅᓪᓛᕐᕖᓪᓗ, ᓄᒃᑕᕐᕖᑦ ᓄᓇᒥ ᐃᒫᓂᓪᓗ ᐊᖑᓇᓱᒋᐊᖅᑎᓪᓗᒋᑦ, ᐃᖃᓪᓕᐊᖅᑎᓪᓗᒋᑦ, ᒥᑭᒋᐊᖅᓯᔭᖅᑐᖅᑎᓪᓗᒋᑦ, ᐊᕝᕗᕆᐊᖅᓯᒪᑎᓪᓗᒋᓪᓗ ᓄᓇᒥ. ᓄᓇᓕᖕᒥᐅᑦ ᐊᔾᔨᒌᖏᑦᑐᓂᒃ ᐊᑐᖅᐸᖕᒪᑕ ᓄᒃᑕᖅᑎᓪᓗᒋᑦ, ᓯᑭᑑᒃᑯᑦ, ᑎᓴᒪᓕᒃᑯᑦ, ᕿᒧᒃᓯᒃᑯᑦ, ᐅᒥᐊᒃᑯᑦ ᐱᓱᒃᖢᑎᒡᓗ.

ᓄᓇᓕᖕᒥᐅᑦ ᑐᓴᖁᔨᓪᓚᕆᑦᑐᑦ ᓄᒃᑕᕈᓐᓇᕐᓂᖅ ᐊᐅᓪᓛᖅᓯᒪᔪᓐᓇᕐᓂᕐᓗ ᕿᑭᖅᑖᓗᖕᒥ ᐱᒻᒪᕆᐅᖕᒪᑦ ᐃᓅᓯᕐᓄᑦ ᐊᖑᓇᓱᒍᓐᓇᕐᓂᕐᒧᑦ, ᒥᑭᒋᐊᕈᓐᓇᕐᓂᕐᒧᑦ, ᓄᐊᑦᑎᓂᕐᒧᓪᓗ. ᐃᓕᑦᑐᒍᑦ ᐃᓄᐃᑦ ᑕᐅᑐᐃᓐᓇᐅᔭᕐᒪᑕ ᖃᓄᐃᑦᑐᓂᒃ ᐊᕐᕌᒎᓪᓗ ᑕᖅᑭᖏᑕ ᐊᔾᔨᒌᒃᐸᖏᓐᓂᖏᓐᓂᒃ, ᖃᐅᔨᔾᔪᑎᐅᕙᒃᑐᑦ ᓇᒧᑦ ᖃᓄᕐᓗ ᐃᓄᐃᑦ ᐅᐸᒃᓯᓂᐊᕐᒪᖔᑕ.

ᑐᓴᖅᑐᒍᑦ ᓄᒃᑕᕐᕖᑦ ᓄᓇᓕᖕᒥᐅᓄᑦ ᑲᑎᕕᐅᕙᖕᒪᑕ, ᐱᒻᒪᕆᐅᔾᔪᑎᒋᔮ ᐃᓅᖃᑎᒌᖕᓂᕐᒧᑦ, ᓄᒃᑕᕈᓐᓇᕐᒪᑕ ᐅᓪᓗᒥ ᓇᒧᕈᓘᔭᖅ ᐊᑐᖅᑕᐅᓯᒪᔪᑐᖄᓗᒃᑯᑦ ᓯᕗᓕᑦᑎᓐᓂ. ᐊᖅᑯᑏᑦ ᓄᒃᑕᕐᕖᓪᓗ ᑐᕌᖅᑎᑦᑎᖕᒪᑕ ᑲᑎᙵᕕᐅᕙᒃᑐᕕᓂᑐᖃᕐᓂᒃ.

ᐃᖅᑲᐅᒪᔪᖅ…ᐃᓄᐃᑦ ᑕᐃᑰᓈᖅᑎᓪᓗᒋᑦ-ᓄᓘᔮᒃᑰᖅᖢᑎᒃ, ᕿᒧᒃᓯᒃᑯᑦ, ᐃᓄᐃᓪᓗ ᐱᓱᒃᑐᑦ ᓄᓘᔮᓄᑦ, ᐊᐅᔭᒃᑯᑦ, ᑐᒃᑐᓂᒃ ᐊᒡᔭᖅᑐᐃᓪᓗᑎᒃ, ᐃᒃᐱᐊᕐᔪᓕᐊᖅᑐᑦ. ᐃᓛᓐᓂ ᓄᖅᑲᖅᐸᒃᖢᑎᒃ  ᑕᐃᑯᖓ. ᑭᓯᐊᓂ ᓄᓘᔮᒃ ᐱᓕᕆᕕᐅᓕᖅᑎᓪᓗᒍ – ᐊᑐᖅᑕᐅᕙᒃᑐᕕᓂᐅᒐᓗᐊᖅ -ᑐᒃᑯᒐᓱᒡᕕᑦᑎᐊᕙᐅᖕᒪᑦ, ᑭᓇᑐᐃᓐᓇᖅ – ᐃᒃᐱᐊᕐᔪᖕᒥᐅᑦ ᒥᑦᑎᒪᑕᓕᖕᒥᐅᓪᓗ ᓄᓘᔮᒃᑰᖅᐸᓚᐅᕐᒪᑕ ᑐᒃᑐᒐᓱᒋᐊᖅᖢᑎᒃ, ᐊᖅᑯᑎᐅᖅᑰᔨᔪᖅ ᐃᒃᐱᐊᕐᔪᖕᒥ ᓄᓘᔮᓄᑦ. (A04 2020)

ᓄᓇᓕᖕᒥᐅᑦ ᐅᖃᐅᓯᖃᓚᐅᖅᑐᑦ ᖃᓄᑎᒋ ᐊᐅᓪᓚᖅᓯᒪᕙᒪᖔᑕ ᐱᓇᓱᐅᕈᓯᓄᓪᓘᓐᓃᑦ, ᐊᑯᓂ ᐊᐅᓪᓚᖅᓯᒪᓂᐊᖅᑎᓪᓗᒋᑦ  ᐃᓕᓐᓂᐊᕈᑎᑦᑎᐊᕙᒃ ᐃᓕᓐᓂᐊᕐᓗᓂ ᓄᓇᒥ.  ᑕᒪᓐᓇ ᐊᖅᑐᑎ, ᐃᓕᓐᓂᐊᖅᑕᕗᑦ ᓄᒃᑕᕐᕕᐅᓂᑰᖕᒪᑦ ᐱᒻᒪᕆᐅᓪᓗᓂᓗ ᐅᔭᕋᒃᑕᖅᑎᓄᑦ. ᓄᓇᓕᖕᒥᐅᑦ ᐊᓯᐊᒎᕐᓂᕐᒥᒃ ᐃᓕᓯᒪᓕᕐᒥᔪᑦ, ᑕᑯᔭᖅᑐᖅᐸᒃᑑᒐᓗᐊᑦ ᐅᓂᒃᑳᖅᑐᐊᖃᕐᕕᐅᔪᓂᒃ ᓄᓇᓂᒃ, ᐃᑲᔪᕋᓱᒃᖢᒋᓪᓗ ᐅᓂᒃᑳᑦ ᐃᓄᐃᓪᓗ ᖃᐅᔨᒪᔭᑐᖃᖓᑦ ᑲᔪᓰᓐᓇᖁᓪᓗᒍ.

[ᐊᐱᖅᓱᖅᑐᖅ: ᖃᓄᐃᒻᒪᑦ ᐊᓕᐊᓇᐃᓐᓂᖅᓴᐅᕙ ᐊᑯᓂᐅᓂᖅᓴᒧᑦ ᐊᐅᓪᓚᖅᓯᒪᔪᓐᓇᖅᖢᓂ?] ᓄᓇᒥ ᐊᖏᕐᕋᒥᐅᖏᑦᑑᖅ, ᓄᓇᒥᓐᓇᑦᑕ, ᑕᑯᔭᕆᐅᖅᖢᓂ ᓄᓇᒥ ᐊᖏᕐᕋᖅᓯᒪᑐᐃᓐᓇᖏᓪᓗᓂ. ᓄᓇ ᐃᒃᐱᒋᑦᑎᐊᕐᓗᒍ. ᑕᑯᒻᒪᕆᒡᓗᒍ ᐃᓕᓐᓂᐊᕐᓗᓂᓗ ᐊᒃᑐᖅᑕᐅᕙᓚᐅᕐᓂᖏᓐᓂᒃ ᓄᓇᐃᑦ. (P21, 08-ᕖᕗᐊᕆ-19)

ᐃᓕᑎᑕᐅᓚᐅᕐᒥᔪᒍᑦ ᓄᓇᓕᖕᒥᐅᓂᒃ ᐊᐅᓪᓛᕐᕖᑦ ᐃᒡᓗᕋᓛᑲᒃᕖᑦ ᐱᒻᒪᕆᐳᒋᔭᐅᔪᓃᒻᒪᑕ, ᐃᒪᑦᑎᐊᕙᓖᑦ, ᐃᖃᓗᖕᓄᑦ, ᑐᒃᑐᓄᑦ, ᓇᓄᕐᓄᑦ, ᐊᐃᕕᕐᓄᒃ, ᓇᑦᑎᕐᓄᑦ, ᕿᓚᓗᒐᕐᓄᒃ ᐃᓂᒋᔭᐅᒐᔪᒃᖢᑎᒡᓘᓐᓃᑦ, ᐃᓚᖏᑦ ᐊᐅᓪᓛᕐᕖᑦ ᐃᒡᓗᕋᓛᑲᕐᕖᓪᓗ ᕿᓚᒥ ᐊᑐᖅᑕᐅᕙᒃᑰᒐᓗᐊᑦ, ᑭᓯᐊᓂ ᐃᓚᖏᑦ ᐅᑎᖅᑕᐃᓐᓇᐅᔭᖅᑐᑦ, ᐃᒡᓗᒃᓴᖃᕆᐊᓖᑦ ᓯᕗᓂᑐᖃᕐᒧᑦ ᑲᔪᓯᔪᓐᓇᖅᑐᓂᒃ.

ᐊᐅᓪᓛᕖᑦ ᐃᒡᓕᓂᑐᖃᓪᓗ ᐱᒻᒪᕆᐅᓂᖏᓐᓂᒃ

ᓄᒃᑕᕐᕖᑦ ᐃᒡᓕᓂᑐᖃᓪᓗ ᐊᒃᑐᐊᖓᖃᑎᒌᖕᒪᑕ ᕿᑭᖅᑖᓗᖕᒥ, ᐃᓚᐅᓪᓗᑎᒃ ᐅᐃᕙᕆᐊᕐᕖᑦ ᓯᑯᒃᑯᑦ. ᒥᑦᑎᒪᑕᓕᖕᒥᐅᑦ ᐊᖅᑐᑎᖏᑦ ᓄᓇᖏᑕ ᖃᓂᒋᔮᓂ, ᐱᓗᐊᖅᑐᒥ ᓯᓈᓂ ᐃᒃᐱᐊᕐᔪᖏᒥ ᓯᓈᓄᑦ, ᑕᓯᐅᔭᕐᒥ ᕿᕐᖑᐊᓄᑦ. ᑰᖃᕐᕕᒃ ᐱᒻᒪᕆᐅᖕᒥᖕᒪᑕ ᓄᒃᑕᕐᕕᐅᓂᖏᓐᓄᑦ ᐊᑐᖅᑕᐅᕙᒃᑐᑦ, ᐃᒡᓗᓕᓕᐊᖅᑎᓪᓗᒋᑦ ᕿᑭᖅᑖᓘᓪᓗ ᐃᓗᐊᓂ.

ᐃᒃᐱᐊᕐᔪᖕᒥᐅᑦ ᑲᖏᖅᑐᒑᐱᖕᒥᐅᓪᓗ ᓄᓇᙳᐊᓕᕆᓚᐅᕐᒪᑕ ᓇᓗᓇᐃᖅᓯᓪᓗᑎᒡ; ᒥᑦᑎᒪᑕᓕᓕᐊᕆᐊᑉ ᐊᖅᑯᑎᖓᓂ ᓯᑯᒃᑯᑦ, ᖃᓄᕐᓗ ᓄᒃᑕᖅᐸᖕᒪᖔᑕ ᓄᓇᓕᖕᓂ ᓄᓇᓕᖕᓄᑦ, ᐊᐅᓪᓛᕐᕖᑦ, ᐊᖑᓇᓱᒡᕖᓐᓄ ᐊᐅᓪᓚᖅᓯᒪᑎᓪᓗᒋᑦ. ᓄᓘᔮᓕᕆᕕᑦ ᓇᓗᓇᐃᖅᑕᐅᓚᐅᖅᑐᖅ ᓄᓇᓕᖕᒥᐅᓄᑦ ᐊᑐᖅᑕᐅᓪᓚᕆᖃᑦᑕᓚᐅᖅᓯᒪᓂᖓᓂᒃ, ᑕᒪᐃᓐᓂᒃ ᓄᒃᑕᕐᕕᐅᓪᓗᓂᓗ ᑲᑎᓗᒡᕕᐅᓪᓗᑎᒡᓗ. ᐃᓄᐃᑦ ᐊᖑᓇᓱᒡᕕᖏᑦ ᐃᖃᓪᓕᐊᕐᕕᖏᑦ, ᓲᕐᓗ

ᐃᒡᓗᓕᖕᒥᐅᑦ ᓴᓂᕋᔭᖕᒥᐅᓪᓗ, ᑕᑯᖅᑯᔾᔨᓚᐅᖅᑐᑦ ᐊᖅᑯᑎᒋᔭᐅᕙᒃᑐᓂᒃ ᐊᐅᓪᓛᕐᕕᖕᓂᓪᓗ ᓯᑯᓯᒫᕐᒥᐅᑦ ᑕᕆᐅᖓᑕ ᓯᒡᔭᖓᓂ, ᐱᓗᐊᖅᑐᒥᓪᓗ  ᐃᒪᖏᓐᓃᑦᑐᑦ. ᐊᖅᑯᑏᑦ ᒥᑦᑎᒪᑕᓕᖕᒧᑦ ᕿᑭᖅᑖᓗᖕᒧᓪᓗ ᓄᓇᙳᐊᓕᕆᔾᔪᑎᐅᓚᐅᖅᑐᑦ. ᐊᐅᓪᓛᕐᕖᑦ ᐃᒃᐱᑭᑦᑐᕐᔪᐊᓂ ᐅᓄᖅᑐᐊᓘᔪᑦ.