ᐃᖃᓗᐃᑦ, ᓄᓇᕗᑦ, ᒫᑦᓯ 1, 2023 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᑐᙵᓱᒃᑎᑦᑎᔪᑦ ᐃᓄᖕᓂᑦ ᑐᒃᓯᕋᐅᑎᓕᐅᕈᒪᔪᓄᑦ ᕿᑭᖅᑕᓂ ᐃᓕᖅᑯᓯᓕᕆᓂᕐᒨᖓᔪᓂᒃ ᐱᓕᕆᐊᕐᒥᑦ 2023-2024 ᐊᕐᕌᒍᖓᓄᑦ.
ᐃᓄᒃ ᐊᒻᒪ ᓄᓇᓕᖕᓂᑦ ᑎᒥᐅᔪᑦ ᓄᓇᓕᖕᓂᑦ ᑐᒃᓯᕋᐅᑎᓕᐅᕈᓐᓇᖅᑐᑦ ᐱᓕᕆᐊᒃᓴᖃᖅᑎᑦᑎᔪᒪᓗᑎᒃ ᐊᐅᓚᑕᐅᓂᐊᖅᑐᓄᑦ ᐄᐳᓪ 17, 2023ᒥ ᐊᒻᒪᓗ ᐊᒃᑑᕙ 15, 2023ᒥ.
ᕿᑭᖅᑕᓂ ᐃᓕᖅᑯᓯᓕᕆᓂᕐᒨᖓᔪᓂᒃ ᑮᓇᐅᔭᖏᑦ ᑐᒃᓯᕋᐅᑎᑎᒎᕐᒪᑦ ᐊᒻᒪᓗ ᑮᓇᐅᔭᖃᖅᑎᑦᑎᔪᓐᓇᖅᖢᑎᒃ ᓄᓇᓕᖕᓂ-ᐱᓕᕆᐊᖑᔪᓄᑦ ᐱᓕᕆᐊᒃᓴᓂ ᐱᕕᖃᖅᑎᑦᑎᓂᐊᖅᑐᓂᒃ ᐃᓄᖕᓂᑦ ᐃᓚᐅᑎᑦᑎᓂᕐᒥᒃ ᐊᒻᒪ ᐃᓕᒍᓐᓇᕐᓂᕐᒥᒃ ᐃᓕᖅᑯᓯᕐᒥᙶᖅᑐᓂᒃ ᐱᓕᕆᐊᒃᓴᓂ, ᓱᕐᓗ, ᑭᒡᓕᒋᔭᐅᙱᓪᓗᑎᒃ ᒥᖅᓱᖅᑎᑦᑎᓂᖅ, ᐅᒪᔪᖅᓯᐅᖅᑎᑦᑎᓂᖅ ᐊᒻᒪᓘᓐᓃᑦ ᓅᑎᑦᑎᓂᕐᒥᒃ.
ᑐᒃᓯᕋᕈᒪᒍᕕᑦ ᑕᑕᑎᖅᓯᔪᓐᓇᖅᑐᑎᑦ ᖃᕆᓴᐅᔭᒃᑯᑦ ᐅᕙᓂ https://www.qia.ca/qcap-application/, ᐅᕝᕙᓘᓐᓃᑦ ᐃᑲᔪᖅᑕᐅᓗᑎᓪᓘᓐᓃᑦ ᓄᓇᓕᖕᒥ ᑐᓴᐅᒪᑎᑦᑎᔨᒋᔭᔅᓯᓐᓄᑦ.
ᑐᑭᓯᒃᑲᓐᓂᕆᐊᖃᕈᕕᑦ ᐱᓕᕆᐊᒃᓴᐅᑉ ᒥᒃᓵᓄᑦ, ᐅᕝᕙᓘᓐᓃᑦ ᐃᑲᔪᖅᑕᐅᒋᐊᖃᕈᕕᑦ ᑕᑕᑎᖅᓯᓂᕐᒥᒃ ᖃᕆᓴᐅᔭᒃᑯᑦ, ᖃᐅᔨᒋᐊᖅᑕᐅᔪᓐᓇᖅᑐᖅ ᑏᕕ ᕿᐊᑦᓱᒃ ᐅᕗᖓ ᐅᖄᓚᕕᒋᓗᒍ 867-975-8446 ᐅᕝᕙᓘᓐᓃᑦ ᐃᕐᖐᓐᓈᕈᑎᒃᑯᑦ ᓇᒃᓯᐅᔾᔨᕕᒋᓗᒍ ᐅᕗᖓ ᑐᕌᕈᑎᒧᑦqcap@qia.flywheelsites.com.
ᑐᒃᓯᕋᐅᑎᓕᐅᕐᓂᖅ ᑭᒡᓕᖃᖅᑐᖅ ᒫᑦᓯ 24, 2023ᒥ 12:00ᒧᐊᖅᐸᑦ ᐅᓪᓗᒃᑯᑦ ᑲᓇᖕᓇᐅᑉ ᓯᕿᙳᔭᖓ ᒪᓕᓪᓗᒍ.
ᑐᑭᓯᒃᑲᓐᓂᕈᒪᔪᑦ, ᖃᐅᔨᒋᐊᕈᓐᓇᖅᑐᑦ ᐆᒧᖓ:
ᑭᐅᕋᓐ ᕙᓚᕋᑎ
ᑐᑭᒧᐊᑦᑎᑦᑎᔨ, ᑐᑭᒧᐊᒍᑎᔅᓴᓄᑦ ᑐᓴᐅᒪᖃᑦᑕᐅᑎᓂᕐᒧᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ
(ᐅ) 867.975.8398 ᐅᖓᓯᑦᑐᒥ
ᐊᑭᖃᙱᑐᒃᑯᓘᓐᓃᑦ 1.800.667.2742
kflaherty@qia.flywheelsites.com
ᕿᑭᖅᑕᓂ ᐃᓕᖅᑯᓯᓕᕆᓂᕐᒧᑦ ᐱᓕᕆᐊᒃᓴᖅ (QCAP) ᐊᑐᐊᖅᓯᔾᔪᑏᑦ ᐊᒻᒪᓗ ᑐᒃᓯᕋᐅᑎᒧᑦ ᑕᑕᑎᒐᒃᓴᖅ
