ᐅᓪᓗᐊᓂ ᒫᔾᔨ 18, 2020, ᑖᓐᓇ ᑲᓇᑕᐅᑉ ᐊᖓᔪᖅᑳᒻᒪᕆᐊ ᐳᕋᐃᒥᓂᔅᑕ ᑐᓴᖅᑎᑦᓯᓚᐅᖅᑐᖅ ᓄᑖᓂᒃ ᐋᖅᑭᒃᓯᒪᔪᓂᒃ ᑮᓇᐅᔭᓕᐅᕐᓂᕐᒧᑦ ᐋᖅᑭᒃᓯᒪᔾᔪᑎᒃᓴᓂᒃ ᐃᑲᔫᑎᖁᓪᓗᒋᑦ ᓱᕐᕋᓗᐊᖁᓇᒋᑦ ᑮᓇᐅᔭᓕᐅᕈᑕᐅᔪᑦ ᑕᒪᓐᓇ ᐊᒃᓱᕈᕐᓇᖅᑐᖅ ᐊᑐᖅᑎᓪᓗᒍ. ᑕᒪᒃᑯᐊ ᐋᖅᑭᒃᓯᒪᔾᔪᑕᐅᓂᐊᖅᑐᑦ ᐱᑕᖃᕈᑕᐅᓂᐊᖅᑐᑦ ᑎᑭᓪᓗᒍ $27−ᕕᓕᔭᓐ (billion) ᐃᑲᔫᑕᐅᒻᒪᕆᒡᓗᑎᒃ ᐃᖅᑲᓇᐃᔭᖅᑎᓄᑦ ᐊᒻᒪ ᓇᖕᒥᓂᖃᖅᑐᓄᑦ.

ᐃᓘᓐᓇᑎᒃ ᓄᓇᖃᖅᑳᖅᓯᒪᔪᑦ ᐊᑐᕈᓐᓇᖅᑎᑕᐅᔪᑦ ᑖᒃᑯᓂᖓ ᑮᓇᐅᔭᑎᒍᑦ ᐃᑲᔫᑎᓂᒃ. ᐊᓪᓚᐃᑦ, ᐃᓄᐃᑦ, ᐊᓪᓚᖓᔪᑦ, ᓇᒥ ᓄᓇᖃᕋᓗᐊᖅᐸᑕ.

 

ᐃᑲᔪᖅᓱᐃᔾᔪᑏᑦ ᐊᑐᓃᖅᑐᓄᑦ ᐃᓄᖕᓄᑦ ᐊᒻᒪ ᐃᓚᒌᓄᑦ

ᐅᓄᖅᓯᒋᐊᕆᓂᖅ ᑲᓇᑕᒥ ᓱᕈᓯᖅᓯᐅᑎᑖᕈᑎᓂᒃ (ᑐᓂᓯᓯᒪᒋᐊᖃᖅᑐᑦ 2018-ᑖᒃᓰᔭᕈᑎᓄᑦ ᐅᑎᖅᑐᒃᓴᓂᒃ)

• ᐱᓯᒫᓂᒃᑯᕕᑦ ᑲᓇᑕᒥ ᓱᕈᓯᖅᓯᐅᑎᑖᕈᑎᓂᒃ ᐊᑭᓕᐅᑎᓂᒃ ᐊᒻᒪ ᐱᔪᓐᓇᖅᑎᑕᐅᓗᑎᒃ ᓱᕈᓯᖅᓯᐅᑎᓂᒃ ᐸᖅᑭᔭᕐᓄᑦ ᒪᐃ 2020, ᑐᓂᔭᐅᓂᐊᖅᑐᑎᑦ $300 ᐃᓚᒋᐊᖅᓯᒪᔪᒥᒃ ᐊᑕᐅᓯᕐᒧᑦ ᓱᕈᓯᕐᒧᑦ ᖄᖓᒍᑦ ᐊᑭᓕᖅᑕᐅᔾᔪᑎᒋᖃᑦᑕᖅᑕᕕᑦ.
• ᑐᒃᓯᕋᒃᑲᓐᓂᕆᐊᑐᓐᖏᑦᑐᖅ.
• ᑐᒃᓯᕋᕐᓂᐊᕈᑯᑦ ᐅᓇ ᓇᕿᓪᓗᒍ ᐅᕙᓂ ᐅᖄᓚᓗᓂᓘᓐᓃᑦ 1-800-387-1193; ᐅᕝᕙᓘᓐᓃᑦ, ᔫᑳᓐ, ᓄᓇᑦᓯᐊᖅ, ᓄᓇᕗᓪᓗ: 1-866-426-1527.

ᐊᔾᔨᐅᖏᑦᑐᒃᑯᑦ ᐱᖁᑎᓄᑦ, ᐱᔨᑦᓯᕋᕐᓂᕐᒧᓪᓗ ᑖᒃᓰᔭᕐᓂᕐᒧᑦ ᐅᑎᖅᑐᒃᓴᑦ ᐊᑭᓕᐅᑕᐅᕙᒃᑐᑦ (ᑐᓂᓯᓯᒪᒋᐊᖃᖅᑐᑦ 2018-ᑖᒃᓰᔭᕈᑎᓄᑦ ᐅᑎᖅᑐᒃᓴᓂᒃ)

• ᐊᑕᐅᓯᐊᖅᑐᒥᒃ ᐊᔾᔨᐅᖏᑦᑐᒃᑯᑦ ᐱᖁᑎᓄᑦ, ᐱᔨᑦᓯᕋᐅᑎᓄᓪᓗ ᑖᒃᓰᔭᐃᔭᕐᓂᕐᒧᑦ ᐊᑭᓕᖅᑕᐅᓂᐊᖅᑐᑦ ᐱᒋᐊᕐᓂᖓᓂ ᒪᐃ ᐱᔭᐅᔪᓐᓇᕐᓂᐊᖅᑐᑦ ᑮᓇᐅᔭᓕᐅᑦᓯᐊᖏᑦᑐᓄᑦ − ᐊᒻᒪ ᑮᓇᐅᔭᓕᐅᕌᕐᔪᖕᓂᖅᓴᓄᑦ ᐃᓚᒌᓄᑦ.
• ᐃᓚᒋᐊᕈᑕᐅᓂᐊᖅᑐᑦ ᐊᑭᓕᐅᑕᐅᓗᑎᒃ ᖃᓂᒋᔭᖓᓃᑦᑐᑦ $400 ᐊᓐ, ᖃᓂᒋᔭᖓᓂ $600 ᐊᐃᑉᐸᕇᓄᑦ.
• ᑕᒪᓐᓇ ᑐᒃᓯᕋᐅᑎᒋᒋᐊᑐᓐᖏᑦᑐᑦ ᐊᑭᓕᖅᑕᐅᔾᔪᑎᒃᓴᖅ. ᐱᔪᓐᓇᖅᑎᑕᐅᒍᕕᑦ ᐊᑎᖃᕈᕕᑦ ᐱᑎᑕᐅᑦᓴᐅᑎᒋᓂᐊᖅᑐᑎᑦ ᐋᖅᑭᒃᓱᑐᐊᕈᕕᒋᑦ ᑖᒃᓰᔭᐃᔭᕈᑏᑦ ᐅᑎᖅᑐᒃᓴᑦ.n.

ᐱᕕᒃᓴᖃᖅᑎᑦᓯᒃᑲᓐᓂᕐᓂᖅ ᑐᓂᓯᒋᐊᖃᕐᓂᕐᒧᑦ ᑖᒃᓰᔭᕈᑎᓄᑦ ᐅᑎᖅᑐᒃᓴᓂᒃ

• ᐃᓄᑑᔪᓄᑦ (ᐊᓯᖏᑦ ᐸᐸᑕᐅᔪᑦ), ᑖᒃᑯᐊ ᑖᒃᓰᔭᐃᔭᕐᓂᕐᒧᑦ ᐅᑎᖅᑐᒃᓴᓂᒃ ᑐᓂᓯᓯᒪᒋᐊᖃᕐᓂᕐᒧᑦ ᐅᓪᖁᓗᐊ ᐅᖓᕝᕙᕆᐊᖅᑕᐅᓂᐊᖅᑐᖅ ᑎᑭᒐᓱᐊᕐᓂᖓᓄᑦ ᔫᓐ 1, 2020.
• ᑐᓂᓯᓯᒪᓕᕈᕕᑦ ᑖᒃᓰᔭᐃᔭᕈᑎᓄᑦ ᐅᑎᖅᑐᒃᓴᓂᒃ, ᐊᑭᓕᒃᓴᖃᕈᕕᑦ, ᐊᑭᓕᖅᑕᐅᓂᐊᖅᑐᑎᑦ ᑭᓯᐊᓂ ᑎᑭᑉᐸᑦ ᓯᑎᐱᕆ 1, 2020 ᐊᒻᒪ ᕿᑐᓐᖏᐅᖅᑎᑦᓯᔾᔮᖏᑦᑐᑦ ᐅᕝᕙᓘᓐᓃᑦ ᐊᑭᓖᑎᑦᓯᓗᑎᒃ.

ᓇᖕᒥᓂᖃᖅᑐᓄᑦ ᐃᒡᓗᓄᑦ ᐊᑭᓕᖅᑐᐃᕙᓪᓕᐊᒍᑎᓄᑦ ᐃᑲᔪᖅᓲᑏᑦ

• ᑲᓇᑕᒥ ᑮᓇᐅᔭᒃᑯᕖᑦ ᓇᓗᓇᐃᖅᓯᒪᔪᑦ ᐱᓕᕆᖃᑎᖃᕐᓂᐊᕐᓂᕐᒥᓂᒃ ᑮᓇᐅᔭᒃᑯᕕᖕᒦᑎᑦᓯᔪᓂᒃ ᐊᑕᐅᓯᐅᓈᖅᑎᕐᓗᒋᑦ ᓇᓂᓯᒐᓱᐊᕐᓗᑎᒃ ᐊᒃᓱᕈᕐᓇᖅᑐᓂᒃ ᐊᐅᓚᑦᓯᔾᔪᑕᐅᓂᐊᖅᑐᓂᒃ ᑖᑦᓱᒧᖓ ᓄᕙᒡᔪᐊᕐᓇᕐᒧᑦ COVID-19.
• ᑕᐃᒪᓐᓇᐃᓕᖓᒍᕕᑦ,ᐅᖃᕐᕕᒋᓗᒍ ᑮᓇᐅᔭᓕᕆᓂᕐᒧᑦ ᑎᒥᐅᔪᖅ ᐊᐱᕆᓗᒋᑦ ᖃᓄᑎᒋ ᖃᓄᖅᑑᕈᑕᐅᔪᓐᓇᕐᒪᖔᑕ ᐊᑭᓕᖅᑐᐃᔾᔪᑏᑦ ᐃᒡᓗᓄᑦ ᑭᖑᕙᕆᐊᖅᑕᐅᔪᓐᓇᕐᓂᖏᓐᓄᑦ.
• ᐊᑐᖅᑐᐊᖅᑎᑦᓯᔨ ᐊᖏᖅᐸᑦ ᐊᑭᓕᐅᑏᑦ ᑭᖑᕙᕆᐊᖅᑕᐅᔪᓐᓇᕐᓂᖏᓐᓂᒃ ᐱᓪᓗᒋᑦ ᒥᓂᔅᑕᑎᒍᑦ ᐊᑭᓕᒃᓴᓂᒍᓐᓇᖅᑎᑕᐅᓂᖅ, ᐊᖏᕈᑕᐅᒃᑲᓐᓂᕆᐊᑐᓐᖏᑦᑐᑦ ᑖᒃᑯᓄᖓ ᓄᓇᖃᖅᑳᖅᑐᓄᑦ ᐱᔨᑦᓯᖅᑕᐅᕕᒃ ᑲᓇᑕ, ᑭᓯᐊᓂ ᑖᒃᑯᐊ ᒪᓕᒋᐊᓖᑦ ᐊᒻᒪ ᖃᓄᐃᓕᖓᓂᖏᑦ ᐊᑭᓕᖅᑐᐃᔾᔪᑎᓄᑦ ᑭᖑᕙᕆᐊᖅᓯᒪᔾᔪᑏᑦ ᐅᖓᑖᓅᖅᐸᑕ ᒥᓂᔅᑕᑎᒍᑦ ᐊᑭᓕᒃᓴᓂᒍᑕᐅᑎᑕᐅᔪᓐᓇᖅᑐᑦ.

ᐃᑲᔪᖅᓱᐃᔾᔪᑏᑦ ᐃᓄᖕᓄᑦ ᐃᖅᑲᓚᐃᔭᕈᓐᓃᖅᑎᑕᐅᔪᓄᑦ, ᐋᓐᓂᐊᕐᓂᕐᒧᑦ, ᐃᓄᖕᓃᒋᐊᖃᖅᑎᑕᐅᓐᖏᓐᓂᕐᒧᑦ, ᐃᖕᒥᓂᒃ ᐃᓄᑑᑎᒋᐊᖃᕐᓂᕐᒧᑦ ᐅᕝᕙᓘᓐᓃᑦ ᐃᖅᑲᓇᐃᔭᕈᓐᓇᖏᓐᓂᕐᒧᑦ

ᓄᑖᑦ ᑲᓇᑕᒥ ᑐᐊᕕᕐᓇᖅᑐᓕᕆᓂᕐᒧᑦ ᐃᑲᔫᑏᑦ

• ᑖᒃᑯᐊ ᓄᑖᑦ ᑮᓇᐅᔭᑎᒍᑦ ᐃᑲᔪᖅᓱᐃᔾᔪᑏᑦ, ᐱᑕᖃᕈᑕᐅᓂᐊᖅᑐᑦ ᑖᒃᓰᔭᐃᔭᕈᑎᓄᑦ ᐃᑲᔫᑎᓂᒃ ᐅᓄᕐᓂᖃᖅᑐᓂᒃ $2,000 ᑕᖅᑭᒧᑦ ᑎᑭᓪᓗᒋᑦ ᓯᑕᒪᑦ ᑕᖅᑮᑦ, ᐊᑐᖅᑕᐅᔪᓐᓇᕐᓂᐊᖅᑐᑦ ᐃᓵᖅᑕᐅᔪᓐᓇᖏᑦᑐᒥᒃ ᐊᖅᑯᑎᒋᔭᐅᔪᒥᒃ ᐱᒋᐊᕐᓗᒍ ᐱᒋᐊᕐᓂᖓᓂ ᐊᐃᐳᕈ. ᑐᒃᓯᕋᐅᑏᑦ ᑐᒃᓯᕋᐅᑕᐅᔪᓐᓇᕐᓂᐊᕐᒥᔪᑦ ᐅᖄᓚᐅᑎᒃᑯᑦ. ᑐᑭᓯᒋᐊᕈᑎᒃᓴᖅᑕᖃᒃᑲᓐᓂᓕᕐᓂᐊᖅᑐᖅ ᒫᓐᓇᒫᖅ. ᓇᕿᓪᓗᒍ ᐅᕙᓂ here ᑐᑭᓯᒋᐊᕈᑎᒃᓴᖅᑖᒃᑲᓐᓂᕈᒪᒍᕕᑦ.
• ᑎᑎᖅᑕᐅᑎᓪᓗᑎᑦ ᐴᖅᑕᐅᑦᓴᐅᑎᒋᔪᓐᓇᖁᓪᓗᒋᑦ ᑮᓇᐅᔭᒃᑯᕕᖕᓄᑦ ᑖᒃᑯᐊ ᑖᒃᓰᔭᐃᔭᕈᑎᓄᑦ ᐅᑎᖅᑐᒃᓴᑦ ᑕᒡᕙᓂ ᑮᓇᐅᔭᖃᕐᕕᒐ My Account ᓱᑲᓂᖅᓴᐅᖁᓪᓗᒋᑦ ᐊᒻᒪ ᑕᑎᒋᔭᐅᔪᓐᓇᑦᓯᐊᖅᑐᑦ ᑎᒍᓯᓗᓂ ᐃᑲᔫᓯᐊᓂᒃ ᐊᒻᒪ ᐊᑭᓕᖅᑕᐅᔾᔪᑎᓂᒃ.

ᐊᔪᕐᓇᕈᓐᓃᖅᐹᓪᓕᑎᖅᑕᐅᓂᖏᑦ ᐊᑐᕈᓐᓇᖅᑐᑦ ᐃᖅᑲᓇᐃᔭᓐᖏᑦᑐᖅᓯᐅᑎᓄᑦ ᐋᓐᓂᐊᖅᑐᓄᑦ ᐃᑲᔫᑏᑦ

• ᐋᓐᓂᐊᒍᕕᑦ, ᐃᓅᖃᑎᖕᓃᒋᐊᖃᓐᖏᒃᑯᕕᑦ ᐅᕝᕙᓘᓐᓃᑦ ᓇᖕᒥᓂᖅ ᐃᓄᑑᑎᖁᔭᐅᒍᕕᑦ, ᑖᒃᑯᐊ ᒐᕙᒪᑐᖃᒃᑯᑦ ᐲᖅᑎᑦᓯᓂᐊᖅᑐᑦ ᐋᓐᓂᐊᕐᓂᕋᐃᔪᓂᒃ ᐱᒋᐊᖃᖅᑐᓂᒃ ᐋᓐᓂᐊᖅᑐᓕᕆᔨᓂᒃ ᐃᖅᑲᓇᐃᔭᓐᖏᑦᑐᖅᓯᐅᑎᑖᕋᓱᐊᕐᓗᓂ ᐋᓐᓂᐊᓂᕐᒧᑦ ᐃᑲᔫᑎᓂᒃ. ᓇᕿᓪᓗᒍ ᐅᕙᓃᓚᔪᖅ here ᑐᒃᓯᕋᕐᓂᐊᕐᓗᓂ.

ᐱᒐᓱᐊᕐᓗᑎᑦ ᐃᖅᑲᓇᔭᓐᖏᑦᑐᖅᓯᐅᑎᓂᒃ

• ᑐᒃᓯᕋᕐᓗᑎᑦ ᖃᕆᓴᐅᔭᒃᑯᑦ ᐃᖅᑲᓇᐃᔭᓐᖏᑦᑐᖅᓯᐅᑎᑐᐃᓐᓇᕐᓂᒃ ᐅᕙᓂ ᐃᖅᑲᓇᐃᔭᓐᖏᑦᑐᖅᓯᐅᑏᑦ  Employment Insurance  ᐅᕝᕙᓘᓐᓃᑦ ᐊᑭᖃᓐᖏᑦᑐᒧᑦ ᐅᖄᓚᓗᑎᑦ: 1-800-206-7218. ᐊᑎᑎᑦ ᑎᑎᖅᑕᐅᑦᓴᐅᑎᒋᓂᐊᖅᑐᑎᑦ ᑲᓇᑕᒥ ᑐᐊᕕᕐᓇᖅᑐᓂᒃ ᐃᑲᔫᓯᐊᒃᓴᓄᑦ ᐊᔪᓐᖏᑎᑕᐅᒍᕕᑦ.

ᐃᑲᔪᖅᑕᐅᒋᐊᖃᕈᕕᑦ ᐱᒐᓱᐊᖅᑎᓪᓗᑎᑦ ᐱᔨᑦᓯᕋᐅᑎᓂᒃ, ᐱᐊᓂᑦᓯᐊᕐᓗᒋᑦ ᖃᕆᓴᐅᔭᒃᑯᑦ ᑐᒃᓯᕋᐅᑏᑦ. ᑲᓇᑕᒥ ᐱᔨᑦᓯᖅᑎᓄᑦ ᑲᒪᔨ ᐅᖃᕐᕕᖃᕐᓂᐊᖅᑐᖅ ᐃᓕᖕᓂᑦ ᐊᑐᖅᑎᓪᓗᒋᒃ ᐅᓪᓘᒃ ᒪᕐᕉᒃ 2.

Canada.ca/service-canada-e-service

 

ᐃᑲᔪᖅᓱᐃᔾᔪᑏᑦ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓄᑦ ᐊᒻᒪ ᐃᓄᖕᓄᑦ ᐊᑦᑕᕐᓇᖅᑐᒦᑦᑐᓄᑦ

ᓄᑖᖅ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓄᑦ ᐃᑲᔫᑏᑦ ᑮᓇᐅᔭᑦ

• ᑖᒃᑯᐊ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓄᑦ ᐃᑲᔪᖅᓲᑏᑦ ᑮᓇᐅᔭᑦ ᐱᑕᖃᖅᑎᑦᓯᓂᐊᖅᑐᑦ $305−ᒥᓕᔭᓐ ᐃᑲᔫᑎᒃᓴᓂᒃ ᓄᓇᖃᖅᑳᖅᓯᒪᔪᑦ ᓄᓇᓕᖏᑦ ᓴᖅᑭᑎᑦᓯᑦᑕᐃᓕᑎᓪᓗᒋᑦ, ᐸᕐᓇᐅᑎᖃᖅᑎᓪᓗᒋᑦ ᐊᒻᖁᒪ ᑭᐅᔾᔪᑎᖃᖅᑎᓪᓗᒋᑦ ᓄᕙᒡᔪᐊᕐᓇᕐᒧᑦ 2019 (COVID-19).
• ᑖᓐᓇ ᑮᓇᐅᔭᖅ ᐃᑲᔫᑎᓂᐊᖅᑐᖅ ᓄᓇᖃᖅᑳᖅᓯᒪᔪᑦ ᓄᓇᓕᖏᑦ ᐅᖃᐅᓯᖃᖅᑎᓪᓗᒋᑦ ᐊᔾᔨᐅᖏᒃᑐᒃᑯᑦ ᓯᕗᓪᓕᐅᑎᓯᒪᔭᖏᓐᓂᒃ ᐊᒻᒪ ᑭᓐᖒᒪᒋᔭᖏᓐᓂᒃ ᐃᑲᔪᖅᓲᑎᑦ ᐃᓐᓇᒻᒪᕆᖕᓄᑦ, ᓂᕿᖃᕆᐊᖃᕐᓂᕐᒧᑦ, ᐃᓕᓐᓂᐊᖅᑐᓕᕆᓂᕐᒧᑦ ᐊᒻᒪ ᐃᓯᖏᑦ ᐃᑲᔪᖅᓱᐃᔾᔪᑕᐅᔪᑦ ᓄᑕᖅᑲᓄᑦ, ᐃᓱᒪᓕᕆᓂᕐᒧᑦ ᐃᑲᔫᑕᐅᔪᑦ ᐊᒻᒪ ᑐᐊᕕᕐᓇᖅᑐᓂᒃ ᑭᐅᔾᔪᑎᖃᕐᓂᕐᒧᑦ ᐱᔨᑦᓯᐅᑎᓂᒃ.
• ᑕᒡᕘᓇ ᑮᓇᐅᔭᑎᒍᑦ, $29 −ᒥᓕᔭᓐ ᓴᓂᕐᕙᖅᑕᐅᓯᒪᔪᑦ ᐊᓪᓚᓅᕐᓂᐊᖅᑐᑦ, ᐃᓄᖕᓄᑦ ᐊᒻᒪ ᐊᓪᓚᖓᔪᐃᑦ ᓄᓇᓕᖏᓐᓄᑦ., ᐊᒥᐊᒃᑯᖏᑦ $15−ᒥᓕᔭᓐ ᒪᓂᒪᓂᐊᖅᑐᖅ ᐊᕕᒃᑐᖅᓯᒪᔪᓂ ᐊᒻᒪ ᐅᖓᓯᒃᑐᓂ ᓄᓇᖃᖅᑳᖅᓯᒪᔪᑦ ᑲᑐᔾᔨᖃᑎᒌᖏᓐᓄᑦ ᐃᑲᔪᖅᓱᐃᔾᔪᑎᒋᓂᐊᕐᓗᓂᒋᑦ ᐃᓄᖁᑎᒥᓄᑦ ᐊᐅᓪᓚᖅᓯᒪᔪᓂᒃ ᓄᓇᓕᖕᒥᓂᒃ ᐊᒻᒪ ᐊᕕᒃᑐᖅᓯᒪᓂᐅᔪᓂ ᑲᑐᔾᔨᖃᑎᒌᑦ ᓵᕐᓗ ᐅᕕᒃᑲᕐᓄᑦ ᐅᐸᒃᑕᕐᕖᑦ ᐊᒻᒪ ᐊᓪᓚᖑᔪᐃᑦ ᑲᑎᒪᔨᖏᓐᓄᑦ ᐊᐃᕘᑕᒥ.
• ᑐᓂᓯᖁᔨᓂᖅ ᑐᒃᓯᕋᐅᑎᓂᒃ ᐱᒋᐊᖅᑎᑕᐅᓂᐊᖅᑐᑦ ᒫᓐᓇᒫᖅ ᐊᕕᒃᑐᖅᓯᒪᓂᐅᔪᓄᑦ ᐊᒻᒪ ᐅᖓᓯᒃᑐᒥᐅᓄᑦ ᓄᓇᖃᖅᑳᖅᓯᒪᔪᑦ ᑲᑐᔾᔨᖃᑎᒌᖏᓐᓄᑦ ᑮᓇᐅᔭᓂᒃ.

ᖁᒡᕙᕆᐊᕆᓂᖅ ᑎᑭᐅᑎᒐᓱᐊᕐᓂᕐᒧᑦ ᐊᖏᕐᕋᕆᔭᐅᔪᓄᑦ ᐱᒋᐊᖅᑎᑕᐅᔪᑦ

• ᐃᑲᔪᖅᓱᕈᒪᓪᓗᒋᑦ ᐃᓄᓕᒫᑦ ᑲᓇᑕᒦᑦᑐᑦ ᐊᖏᕐᕋᖃᓐᖏᑦᑐᑦ ᑕᒪᓐᓇ ᐊᑐᖅᑎᓪᓗᒍ ᓄᕙᒡᔪᐊᕐᓇᖅ COVID-19 ᐊᑐᖅᑎᓪᓗᒍ ᐱᑕᖃᖅᑎᑦᓯᓂᐊᖅᑐᑦ $157.5−ᒥᓕᔭᓐ ᑎᑭᐅᑎᒐᓱᐊᕈᑏᑦ ᐊᖏᕐᕋᕆᔭᐅᔪᓄᑦ ᐱᒋᐊᖅᑎᑕᐅᔪᑦ.
• ᑕᒪᓐᓇ ᐃᑲᔪᖅᓱᐃᔾᔪᑎ ᐃᑲᔫᑎᓂᐊᖅᑐᑦ ᐅᖃᐅᓯᖃᕈᑕᐅᓗᓂ ᑭᓐᖒᒪᒋᔭᐅᔪᓂᒃ ᓲᕐᓗ ᓂᐅᕕᕐᓂᕐᒥᑦ ᐃᒡᓕᓂᒃ ᐊᒻᒪ ᐊᕕᒃᓯᒪᒍᑎᒃᓴᓂᒃ ᐅᖓᓯᒌᒋᐊᖃᕐᓂᕐᒧᑦ ᐊᒻᒪ ᐊᖏᕐᕋᖃᕈᑕᐅᑲᐃᓐᓇᕐᓗᓂ ᐅᓄᐊᖁᓇᒋᑦ ᐃᓄᐃᑦ ᐊᖏᕐᕋᖃᓐᖏᑦᑐᒃᑯᕕᖕᒦᑦᑐᑦ.
• ᕿᒫᕖᑦ ᐊᒻᒪ ᐊᓯᖏᑦ ᑮᓇᐅᔭᓕᐅᕋᓱᐊᓐᖏᑦᑐᑦ ᑲᑐᔾᔨᖃᑎᒌᑦ ᑐᒃᓯᕋᕈᓐᓇᕐᑐᑦ ᑮᓇᐅᔭᓂᒃ ᓇᕿᑦᓯᓗᑎᒃ ᐅᕙᓃᓚᔪᒥᒃ here.

ᐃᑲᔪᖅᓱᐃᔾᔪᑏᑦ ᐊᕐᓇᓄᑦ ᕿᒫᕕᖕᓄᑦ ᐊᒻᒪ ᖁᓄᔪᕐᓂᐊᖅᑕᐅᓂᑯᓄᑦ ᐃᓂᒋᔭᐅᕙᒃᑐᑦ

• ᑎᑭᒍᓐᓇᕐᓗᒍ $50−ᒥᓕᔭᓐ ᐱᑕᖃᖅᑎᑕᐅᓂᐊᖅᑐᑦ ᐊᕐᓇᐃᑦ ᕿᒫᕕᖏᓐᓄᑦ ᐊᒻᒪ ᖁᓄᔪᕐᓂᐊᖅᑕᐃᓯᒪᔪᓄᑦ ᐃᓂᐅᔪᓄᑦ ᑲᓇᑕᓕᒫᒥ ᐃᑲᔫᑎᖁᓪᓗᒍ ᐊᐅᓚᑦᓯᓂᖏᓐᓄᑦ ᐅᕝᕙᓘᓐᓃᑦ ᓯᐊᒻᒪᒃᑎᑦᓯᖁᓇᒋᑦ ᐃᒡᓗᖁᑎᖏᓐᓂ.
• ᑖᓐᓇ ᑮᓇᐅᔭᖅ ᐃᓚᖃᖅᑐᖅ ᑎᑭᒍᓐᓇᕐᓗᒍ $10M ᐱᑕᖃᖅᑎᑕᐅᓂᐊᖅᑐᑦ ᑕᒪᒃᑯᓄᖓ ᓄᓇᖃᖅᑳᖅᓯᒪᔪᑦ ᐱᔨᑦᓯᖅᑏᑦ ᐊᑕᖃᑎᒋᒃᑐᑦ 46 ᑐᐊᕕᕐᓇᖅᑐᒥ ᐃᓂᐅᕙᒃᑐᑦ ᐊᓪᓚᓄᑦ ᓄᓇᒋᑎᑕᐅᔪᓂ ᐊᒻᒪ ᔫᑳᓐᒥ ᓄᓇᖃᖅᑳᖅᓯᒪᔪᑦ ᐊᕐᓇᕐᓄᑦ ᐊᒻᒪ ᓄᑕᖅᑲᓄᑦ ᕿᒫᕖᑦ.

ᐃᑲᔪᖅᓱᐃᔾᔪᑏᑦ ᐊᓪᓚᐃᑦ ᐊᒻᒪ ᐃᓄᐃᑦ ᐋᓐᓂᐊᖃᕐᓇᖏᑦᑐᓕᕆᓂᖏᓐᓄᑦ

• ᑮᓇᐅᔭᖅᑑᑎᒃᓴᑦ ᓄᓇᓕᖕᓂ ᐅᖁᒪᐃᓐᓂᕐᓂᐊᖅᑎᓄᑦ ᐋᓐᓂᐊᖅᑕᐃᓕᒪᑎᑦᓯᔾᔪᑏᑦ ᐱᑕᖃᕆᐊᖃᖅᑐᑦ ᐊᓪᓚᓂ ᐊᒻᒪ ᐃᓄᐃᑦ ᓄᓇᓕᖏᓐᓂ ᑐᓂᔭᐅᔪᓐᓇᖅᑐᑦ ᐊᓪᓚᓂ ᐊᒻᒪ ᐃᓄᐃᑦ ᐋᓐᓂᐊᖅᑐᓕᕆᓂᕐᒧᑦ ᐊᓪᓚᒡᕕᖏᓐᓂ ᐊᑐᓂ ᐊᕕᒃᑐᖅᓯᒪᓂᐅᔪᓂ.
• ᑮᓇᐅᔭᖅᑑᑎᒃᓴᓄᑦ ᑐᒃᓯᕋᐅᑏᑦ ᐋᖅᑭᒃᓯᒪᔾᔪᑎᒃᓴᓄᑦ ᐃᓚᖃᖅᑐᑦ ᑭᓯᐊᓂ ᐃᓱᒋᓐᖏᑕᖏᑦ ᐃᒪᐃᒍᓐᓇᖁᓪᓗᒋᑦ:
  • ᓇᓗᓇᐃᔭᕐᓗᒋᑦ ᐅᓪᓗᒥᒧᑦ ᐊᓐᖑᑎᒋᐊᖅᑎᑕᐅᒋᐊᓖᑦ ᐊᒻᒪ/ᐅᕝᕙᓘᓐᓃᑦ ᐱᒋᐊᖅᑎᑦᑎᓗᑎᒃ ᓯᐊᒻᒪᒃᑐᖃᓕᖅᐸᑦ ᐸᕐᓇᐅᑎᒃᓴᓂᒃ
  • ᐅᖁᒪᐃᓐᓂᕐᓂᐊᖅᑎᒃᑯᑦ ᐊᒻᒪ ᐃᓗᐊᖅᓴᐃᔩᑦ ᐱᔪᓐᓇᐅᑎᖃᑦᓯᐊᕈᑎᒃᓴᖏᑦ ᑭᐅᔾᔪᑎᖃᕆᐊᖃᖅᑎᓪᓗᒋᑦ ᓄᕙᒡᔪᐊᕐᓇᕐᒥᑦ COVID-19
  • ᐋᖅᑭᒃᓱᕐᓗᒋᑦ ᑭᐅᔾᔪᑎᒃᓴᑦ ᖃᐅᔨᔭᐅᓯᒫᓂᒃᑐᓄᑦ
  • ᐅᖃᐅᓯᕆᓗᒍ ᒫᓐᓇᑲᐅᑎᒋ ᐊᑐᖅᑕᐅᒋᐊᓖᑦ ᑭᓐᖒᒪᒋᔭᐅᔪᑦ ᓯᕕᑭᑦᑐᒨᖓᔪᑦ
• ᑖᒃᑯᐊ ᓄᓇᓕᖕᓂ ᒪᓕᒐᒃᓴᑦ ᐋᖅᑭᒃᓱᖅᑕᐅᓯᒪᔪᑦ ᐃᑲᔫᑎᖁᓪᓗᒋᑦ ᐊᓪᓚᓄᑦ ᐱᒐᓱᐊᖅᑐᓄᑦ ᑖᒃᑯᓂᖓ ᑮᓇᐅᔭᓂᒃ ᐊᒻᒪ ᐅᖃᓕᒪᖃᑎᒌᑦᓯᐊᕈᑎᒃᓴᖏᑦ ᐃᓄᐃᑦ ᐅᖁᒪᐃᓐᓂᕐᓂᐊᖅᑎᓃᑦᑐᑦ ᐃᓗᐊᖅᓴᐃᔩᑦ (ᐃᓚᖃᕐᓗᑎᒃ ᐃᓄᖕᓂᑦ ᑭᒡᒐᖅᑐᐃᔪᓂᒃ ᑲᑐᔾᔨᖃᑎᒌᓂᒃ, ᒐᕙᒪᑐᖃᒃᑯᑦ ᐊᒻᒪ ᑲᓇᑕᐅᑉ, ᐅᑭᐅᖅᑕᖅᑑᓪᓗ ᐊᕕᒃᑐᖅᓯᒪᓂᖏᑦᑕ ᒐᕙᒪᖏᑦ).

ᐃᑲᔪᖅᓱᐃᔾᔪᑏᑦ ᑐᐊᕕᕐᓇᖅᑐᓂᒃ ᐊᐅᓚᑦᓯᓂᕐᒧᑦ ᐊᓪᓚᓄᑦ ᓄᓇᒋᑎᑕᐅᔪᓂ

• ᐊᓪᓚᐃᑦ ᓄᓇᓕᖏᑦ ᓄᓇᒋᑎᑕᐅᔪᓃᑦᑐᑦ ᐱᒍᒪᒋᐊᖃᑐᐃᓐᓇᕆᐊᖃᕐᒪᑕ ᐃᑲᔫᑎᒃᓴᓂᒃ ᑐᐊᕕᕐᓇᑐᓕᕆᓂᕐᒧᑦ ᐱᔨᑦᓯᕋᐅᑎᓂᒃ ᑕᒪᒃᑯᐊ ᐱᑕᖃᖅᑎᑕᐅᔪᓐᓇᖅᑐᑦ ᑖᒃᑯᑎᒎᓇᖅᑐᐊᕕᕐᓇᖅᑐᓂᒃ ᐊᐅᓚᑦᓯᓂᕐᒧᑦ ᐃᑲᔫᑏᑦ ᐱᓕᕆᐊᑦ (EMAP).
• ᒫᓐᓇᐅᔪᖅ ᑖᒃᑯᐊ ᑐᐊᕕᕐᓇᖅᑐᓂᒃ ᐊᐅᓚᑦᓯᓂᕐᒧᑦ ᐃᑲᔫᑏᑦ ᐱᓕᕆᐊᑦ ᐃᑲᔫᑏᑦ ᑐᕌᖓᑎᑕᐅᔪᑦ ᐃᓗᐊᖅᓴᐃᔨᒻᒪᕆᖕᓄᑦ ᐊᒻᒪ ᑐᐊᕕᕐᓇᖅᑐᓂᒃ ᑭᐅᔩᑦ ᐊᓪᓚᐃᑦ ᓄᓇᖏᓐᓂ ᐱᔾᔪᑎᒋᓪᓗᒍ ᑕᓐᓇ ᓄᕙᒡᔪᐊᕐᓇᖅ COVID-19, ᖄᖓᒍᑦ ᐊᓯᖏᑦᑕ ᐊᑭᓕᖅᑐᕆᐊᓖᑦ ᐃᑲᔪᖅᓱᖅᑕᐅᒐᔪᒃᑐᑦ ᑖᒃᑯᑎᒎᓇᖅ ᑐᐊᕕᕐᓇᖅᑐᓂᒃ ᐊᐅᓚᑦᓯᓂᕐᒧᑦ ᐃᑲᔫᑏᑦ ᐱᓕᕆᐊᑦ.

ᐃᑲᔪᖅᓲᑏᑦ ᐃᓐᓇᒻᒪᕆᖕᓄᑦ

ᐅᓄᕈᓐᓃᖅᐹᓪᓕᖁᓪᓗᒋᑦ ᐊᒧᓯᔪᑦ ᐃᑦᑐᖅᓯᐅᑎᓴᒥᓂᒃ ᑮᓇᐅᔭᓂᒃ

• ᓄᑖᑦ ᖃᓄᐃᓕᖓᔾᔪᑎᒃᓴᑦ ᐋᖅᑭᒃᓯᒪᔪᑦ ᐅᓄᕈᓐᓃᖅᐹᓪᓕᖁᓪᓗᒋᑦ ᒥᑭᓂᖅᐹᖑᒋᐊᖃᖅᑐᓂᒃ ᐊᒧᔭᐅᔪᓐᖅᑐᓂᒃ ᑖᒃᑯᓇᓐᖓᑦ ᑎᑎᖅᑕᐅᓯᒪᔪᓂᒃ ᐃᑦᑐᖅᓯᐅᑎᒃᓴᓂᒃ ᑮᓇᐅᔭᓂᒃ (RRIFs) ᐅᓄᕐᓂᖃᖅᑐᒥᒃ 25% ᐊᕐᕌᒍᐊᓄᑦ 2020.

ᐃᑲᔪᖅᓲᑏᑦ ᐃᓕᓐᓂᐊᖅᑎᓄᑦ, ᐃᓕᓐᓂᐊᕌᓂᕋᑖᖅᑐᓄᓪᓗ ᐊᓂᒎᑎᔪᓄᑦ

ᓄᖅᑲᖓᑎᑕᐅᑲᐃᓐᓇᕐᓂᖓ ᐊᑭᓕᖅᑐᐃᒋᐊᓖᑦ ᑲᓇᑕᒥ ᐃᓕᓐᓂᐊᖅᑏᑦ ᐊᑭᓕᒃᓴᖏᓐᓄᑦ

• ᐱᒋᐊᕐᓗᒍ ᒫᔾᔨ 30, ᐋᖅᑭᒃᓯᔪᒍᑦ ᑕᖅᑭᓄᑦ ᐱᖓᓲᔪᖅᑐᓂᒃ 6 ᕿᑐᓐᖏᐅᕈᑎᖏᓐᓂᒃ ᐃᓕᓐᓂᐊᖅᑏᑦ ᐊᑭᓕᒃᓴᖏᓐᓄᑦ ᐃᓘᓐᓇᖏᓐᓄᑦ ᐃᓕᓐᓂᐊᖅᑎᓄᑦ ᐊᑭᓕᒃᓴᖃᖅᑐᓄᑦ. ᐊᑭᓕᖅᑐᕆᐊᖃᓐᖏᑦᑐᑦ ᐊᒻᒪ ᕿᑐᓐᖏᐅᖅᑎᑕᐅᔾᔮᖏᑦᑐᑦ ᑕᒪᓐᓇ ᐊᑐᖅᑎᓪᓗᒍ ᓄᕙᒡᔪᐊᕐᓇᖅ.
• ᐃᓕᓐᓂᐊᖅᑏᑦ ᑐᒃᓯᕋᐅᑎᖃᕆᐊᑐᓐᖏᑦᑐᑦ ᐊᑭᓕᖅᑐᐃᒋᐊᖃᕐᓂᕐᒧᑦ ᓄᖅᑲᖓᑎᑦᓯᔾᔪᑎᓂᒃ.

ᐃᑲᔪᖅᓲᑏᑦ ᓇᖕᒥᓂᖃᖅᑐᓄᑦ

ᖃᑦᓯᑲᓪᓚᖕᓂᑦ ᐋᖅᑭᒃᓯᒪᔪᖃᕐᒥᔪᖅ ᐊᑐᒐᒃᓴᓂᒃ ᓴᖅᑭᑎᑕᐅᓯᒪᔪᔪᑦ ᐃᑲᔪᖅᓱᐃᔾᔪᑎᒃᓴᑦ ᓇᖕᒥᓂᖃ ᐃᑲᔪᖅᓱᐃᔾᔪᑎᒃᓴᑦ ᐃᖅᑲᓇᐃᔭᖅᑎᓂᒃ ᓄᖅᑲᖅᑎᑦᓯᑦᑕᐃᓕᓂᕐᒧᑦ, ᐊᑭᓕᒃᓴᓂᒍᓐᓇᕐᓂᖏᓐᓄᑦ ᐊᒻᒪ ᐅᖓᑖᓄᑦ. ᖃᐅᔨᒋᐊᕈᒃ ᑕᒡᕙᓂ ᑲᓇᐅᑉ ᒐᕙᒪᖏᑦᑕ ᓄᕙᒡᔪᐊᕐᓇᖅ COVID-19 ᑮᓇᐅᔭᐅᓕᕈᑎᖃᕈᓐᓇᕐᓂᕐᒧᑦ ᑭᐅᔾᔪᑏᑦ ᐸᕐᓇᐅᑏᑦ ᖃᓄᐃᓕᖓᓂᖏᓐᓄᑦ ᖃᐅᔨᒋᐊᕈᒪᒍᕕᑦ.