ᐅᓪᓗᖓ ᓴᖅᑭᖅᑕᐅᕕᖓ: ᐊᒋᓯ 14, 2023
ᐱᔾᔪᑎᖓ: ᑐᑦᓯᕋᐅᑎᓕᐅᖁᔨᓂᖅ; ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐃᓇᑦᓯᔪᑦ ᑐᑦᓯᕋᐅᑎᓕᐅᖁᔨᓪᓗᑎᒃ QCAP ᐱᓕᕆᐊᓄᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐃᓇᑦᓯᕗᑦ ᑐᑦᓯᕋᐅᑎᓕᐅᖁᔨᓪᓗᑎᒃ QCAP ᑐᑦᓯᕋᕐᕕᖓᓄᑦ ᕿᑭᖅᑕᓂ ᓄᓇᓕᖏᓐᓂ.
ᐊᑐᓂᑦ ᐃᓄᐃᑦ ᓄᓇᓕᓐᓂᓗ ᑲᑐᔾᔨᖃᑎᒌᑦ ᐊᑕᖏᖅᑐᓂ ᕿᑭᖅᑕᓂ ᓄᓇᓕᖏᓐᓂ ᐃᓇᑕᐅᔪᑦ ᑐᑦᓯᕋᐅᑎᓕᐅᖁᔭᐅᓪᓗᑎᒃ ᐱᓕᕆᐊᓄᑦ ᐊᐅᓚᑕᐅᒐᔭᖅᑐᓄᑦ ᐊᑯᓐᓂᖓᓂ ᐊᒃᑐᐸ 16, 2023-ᒥᒃ ᒫᑦᓯ 31, 2024-ᒧᑦ.
QCAP ᑮᓇᐅᔭᖃᖅᑎᑦᓯᒍᑕᐅᕙᑦᑐᖅ ᓄᓇᓕᓐᓂ ᐱᒋᐊᖅᑎᑕᐅᓯᒪᔪᓂᒃ ᐱᓕᕆᐊᓂᒃ ᓄᓇᖅᑲᑎᒌᑦ ᐃᓚᐅᖃᑕᐅᖃᑦᑕᕈᓐᓇᖁᓪᓗᒋᑦ ᐃᓕᓐᓂᐊᖃᑕᐅᒍᓐᓇᖁᓪᓗᒋᓪᓗ ᐱᖅᑯᓯᑐᖃᖅᑎᒍᑦ ᐱᔪᓐᓇᕐᓂᐅᔪᓂᒃ, ᓲᕐᓗ ᒥᖅᓱᕆᐅᖅᓴᓂᕐᒧᑦ, ᐊᖑᓇᓱᒋᐅᖅᓴᓂᕐᒧᑦ, ᓅᓯᒪᓗᓂᓗ ᓄᓇᒥ ᖃᓄᐃᓕᐅᖅᑎᑦᓯᓂᕐᒧᑦ.
QCAP ᑮᓇᐅᔭᖅᑎᑕᐅᔪᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐱᕚᓪᓕᕈᑎᑦᓴᓄᑦ ᑮᓇᐅᔭᖏᓐᓂᒃ. ᑮᓇᐅᔭᐃᑦ ᐱᕚᓪᓕᕈᑎᑦᓴᓄᑦ ᑮᓇᐅᔭᓂᒃ ᐱᔭᐅᓯᒪᔪᑦ ᐃᖅᑲᐅᒪᔭᐅᔾᔪᑎᑦᓴᓂᒃ ᑮᓇᐅᔭᓂᒃ, ᐃᖅᑲᐅᒪᔭᐅᔾᔪᑎᑦᓴᓄᑦ ᑮᓇᐅᔭᐃᑦ ᓄᐊᓵᖑᕙᑦᑐᑦ ᑮᓇᐅᔭᐃᑦ ᑐᕌᖅᑎᑕᐅᓂᐊᕐᓗᑎᒃ ᐱᕚᓪᓕᕈᑎᑦᓴᓄᑦ ᑮᓇᐅᔭᓄᑦ ᐊᒥᓱᕐᖑᕆᐊᖅᑕᐅᒍᓐᓇᖁᓪᓗᒋᑦ ᐱᓕᕆᐊᑦ ᐃᓄᓐᓄᑦ.
ᑐᑦᓯᕋᐅᑏᑦ ᑕᑕᑎᖅᑕᐅᒍᓐᓇᖅᑐᑦ ᐃᑭᐊᖅᑭᕕᒃᑯᑦ ᐅᕙᓂ https://www.qia.ca/qcap-application/ ᐅᕝᕙᓘᓐᓃᑦ ᐃᑲᔪᖅᑕᐅᒍᓐᓇᖅᑐᑎᑦ ᓄᓇᑦᓯᓐᓂ ᑐᑦᑕᕐᕕᐅᔪᒧᑦ.
ᐃᑲᔪᖅᑕᐅᒍᒪᒍᕕᑦ ᑎᑎᕋᕐᕕᒋᓂᐊᕐᓗᒍ ᐃᑭᐊᖅᑭᕕᒃᑯᑦ ᐸᐃᑉᐹᑎᒍᓪᓘᓐᓃᑦ ᑐᑦᓯᕋᐅᑎᒥᒃ, ᐅᖄᓚᒍᓐᓇᖅᑐᑎᑦ 867-975-8446 ᖃᕆᓴᐅᔭᒃᑯᓪᓘᓐᓃ ᑎᑎᕋᕐᓗᑎᑦ ᐅᕙᖓ qcap@qia.flywheelsites.com.
ᐃᓱᓕᕝᕕᑦᓴᖓ ᑐᑦᓯᕋᕈᓐᓇᓂᕐᒧᑦ ᓯᑎᐱᕆ 8, 2023, 11:59PM ᑲᓇᓐᓇᐅᑉ ᓯᕿᕐᖑᔭᖓᒍᑦ.
ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᑦᓴᖅ:
ᐅᓚᓇ ᓄᕿᖓᖅ,
ᐊᐅᓚᑦᓯᔨ, ᑮᓇᐅᔭᐃᑦ ᑐᓂᔭᑦᓴᐃᑦ ᐃᑲᔫᑏᓪᓗ ᑐᓴᕋᑦᓴᓕᕆᓂᕐᒧᑦ,
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
onuqingaq@qia.flywheelsites.com
867.975.8449 or
1.800.667.2742
