ᐱᒋᐊᖅᑎᓪᓗᒋᑦ 2023 ᓄᓇᕗᒻᒥ ᕿᒧᒃᓯᐅᕐᔪᐊᖅᑐᑦ ᐄᐳᓗ 11ᒥ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐅᖃᖃᑎᖃᖃᑦᑕᓚᐅᖅᑐᑦ ᐃᓚᖏᓐᓂᒃ ᐊᑎᓕᐅᖃᑕᐅᓯᒪᔪᓂᑦ ᕿᒧᒃᓯᖅᑎᓂᑦ. ᑕᒫᓂ ᐱᓇᓱᐊᕈᓯᕐᒥ ᑎᑎᕋᐅᓯᕆᖃᑦᑕᕐᓂᐊᕋᑦᑎᒍ. ᐃᖏᕐᕋᑦᑎᐊᖁᓇᖅᑯᑦ ᑖᒃᑯᐊ ᑎᑭᐅᑎᑦᑎᐊᖁᓇᖅᑐᑎᓪᓗ ᑕᒪᕐᒥᒃ.

ᑕᐃᕕᑦ ᑯᓄᒃ ᐅᔪᓗᒃ

ᑕᐃᕕᑦ ᑯᓄᒃ ᐅᔪᓗᒃ 33ᓂ ᐊᕐᕌᒍᓕᒃ.

ᐃᓚᒋᔭᐅᖅᑳᓕᓚᐅᖅᓯᒪᔪᖅ ᓄᓇᕗᒥ ᐸᖓᒍᔾᔨᓂᕐᒥᒃ 2007ᒥ ᐃᑲᔪᖅᑎᐅᓪᓗᓂ ᐊᒻᒪ ᑭᖑᓂᖓᓂᑦ ᕿᒧᒃᓯᖃᑕᐅᓕᖅᖢᓂ ᐸᖓᒍᔾᔨᓂᕐᒥ 2017ᒥ.

ᐊᑖᑕᖓ ᕿᒧᒃᓯᕐᔪᐊᖅᑐᓂᒃ ᐃᓚᒋᔭᐅᖃᑦᑕᖅᓯᒪᔪᖅ.   ᒪᐃᔭᐅᓚᐅᖅᓯᒪᔪᖅ ᑕᐃᔅᓱᒪᓂ ᓄᓇᕗᑖᖅᑎᓪᓗᑕ.  ᐊᑖᑕᖓ ᐃᓱᒪᓕᐅᖅᑎᑦᑎᓪᓗᓂ ᕿᒧᒃᓯᕐᔪᐊᖅᑎᑦᑎᖃᑦᑕᕈᒪᓪᓗᓂ ᓄᓇᕗᑖᖅᓯᒪᓕᖅᑎᓪᓗᑕ.

ᑕᐃᒪᙵᓂᑦ ᓄᑕᕋᐅᒐᒥᓂᑦ ᑕᑯᓯᒪᔪᖅ ᖃᐅᔨᓯᒪᔪᖅ ᐸᖓᒍᔾᔨᓂᕐᒥᒃ ᐊᑖᑕᖓ ᕿᒧᒃᓯᕐᔪᐊᖃᑕᐅᓚᐅᖅᓯᒪᔪᖅ 2000ᒥ.

ᐃᓅᓱᒃᑲᓐᓂᖅᖢᓂ ᐊᒥᓱᐋᓘᔮᓚᐅᖅᓯᒪᔪᑦ ᐃᓄᐃᑦ ᐃᓐᓇᐃᓪᓗ ᐊᒻᒪ ᐊᒥᓲᓪᓗᑎᒃ ᕿᒻᒥᖃᖅᑐᑦ ᐊᒻᒪ ᐃᑲᔪᖅᑎᖃᐅᖅᖢᑎᒃ.

ᓯᕗᓪᓕᖅᐹᒥᒃ ᓱᒃᑲᓴᐅᑎᓚᐅᖅᓯᒪᔪᖅ 2018ᒥ ᑭᖑᓪᓕᖅᐹᖑᖃᑕᐅᓪᓗᓂ ᑎᑭᓚᐅᖅᓯᒪᔪᖅ. 2019ᖑᓕᖅᑎᓪᓗᒍ ᐊᑖᑕᖓ ᓂᐅᕕᓚᐅᖅᓯᒪᔪᖅ ᕿᒻᒥᓂᒃ ᓴᓂᕋᔭᖕᒥᑦ ᑭᖑᓂᐊᓂᓗ ᑐᒡᓕᕆᔭᐅᓚᐅᖅᓯᒪᔪᖅ ᕿᒧᒃᓯᕐᔪᐊᖅᑎᓪᓗᒋᑦ.

ᐊᒃᓱᐋᓗᒃ ᐅᐱᒍᓱᓚᐅᖅᓯᒪᔪᖅ ᑐᒡᓕᕆᔭᐅᑎᓪᓗᒍ.  ᐊᑖᑕᑦᑎᐊᖓ ᐃᓚᒋᔭᐅᖃᑦᑕᖅᓯᒪᔪᖅ ᑭᓯᐊᓂ ᐃᓅᔪᓐᓃᖅᓯᒪᔪᖅ.  ᐃᓐᓇᐃᑦ ᐃᓚᒋᔭᐅᓚᐅᖅᓯᒪᔪᑦ ᐅᓂᒃᑳᖅᐸᓚᐅᖅᑐᑦ ᐊᑖᑕᑦᑎᐊᖓᑕ ᒥᒃᓵᓄᑦ.

ᑕᐃᕕᑦ ᐅᖃᖅᑐᖅ ᕿᒻᒥᓖᑦ ᐱᖃᐃᔭᖅᑎᑦᑎᕙᒃᑐᑦ ᖁᕕᐊᓱᕝᕕᖕᒥ ᕿᒧᒃᓯᓂᑲᓴᐅᑎᑦᑎᓪᓗᑎᒃ ᓄᓇᓕᖕᒥ.  ᐅᖃᖅᑐᖅ ᐃᖅᑲᓇᐃᔮᖃᖅᑐᖅ ᖃᐅᑕᒫᖅᓯᐅᑎᒥᒃ ᐊᒻᒪᓗ ᕿᒻᒥᖏᑦ ᐱᖃᐃᔭᖅᐸᒃᖢᓂᒋᑦ ᐸᖓᒍᔾᔨᓂᐅᑉ ᓯᕗᓂᐊᓂᑦ.

ᑕᐃᕕᑦ ᐅᖃᖅᑐᖅ ᐃᓛᓂᒃᑯᑦ ᓇᑦᑎᕐᓂᒃ ᕿᒥᖅᑯᑎᒃᓴᐅᓂᐊᖅᑐᓂᒃ ᐊᔪᕐᓇᖃᑦᑕᕐᓂᖓᓂᒃ ᑎᑭᓴᐃᒋᐊᖃᓕᖅᐸᒃᑐᑦ ᕿᒻᒥᖏᑕ ᓂᕆᔭᒃᓴᕆᓂᐊᖅᑕᖏᓐᓂᑦ.  ᐊᐃᕕᖅᑐᖅᑎᑦᑎᓲᖑᖕᒥᔪᖅ.

ᑕᐃᔭᑯᑦ ᕿᒧᒃᓯᕐᔪᐊᕐᓂᐊᖅᑐᓂᒃ ᐊᑯᓂᒍᓱᒃᑐᖅ ᖁᕕᐊᓇᕈᓘᔭᖅᐸᖕᓂᖓᓂᑦ.  ᕿᒻᒥᖏᓐᓂᒃ ᐱᖃᐃᔭᕐᓂᐊᖅᑐᖅ.

.