ᐱᒋᐊᖅᑎᓪᓗᒋᑦ 2023 ᓄᓇᕗᒻᒥ ᕿᒧᒃᓯᐅᕐᔪᐊᖅᑐᑦ ᐄᐳᓗ 11ᒥ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐅᖃᖃᑎᖃᖃᑦᑕᓚᐅᖅᑐᑦ ᐃᓚᖏᓐᓂᒃ ᐊᑎᓕᐅᖃᑕᐅᓯᒪᔪᓂᑦ ᕿᒧᒃᓯᖅᑎᓂᑦ. ᑕᒫᓂ ᐱᓇᓱᐊᕈᓯᕐᒥ ᑎᑎᕋᐅᓯᕆᖃᑦᑕᕐᓂᐊᕋᑦᑎᒍ. ᐃᖏᕐᕋᑦᑎᐊᖁᓇᖅᑯᑦ ᑖᒃᑯᐊ ᑎᑭᐅᑎᑦᑎᐊᖁᓇᖅᑐᑎᓪᓗ ᑕᒪᕐᒥᒃ.

ᒪᐃᑯᓪ ᖃᐅᓐᓇᖅ

ᒪᐃᑯᓪ ᖃᐅᓐᓇᖅ 32ᓂ ᐊᕐᕌᒍᓕᒃ ᐃᒃᐱᐊᕐᔪᖕᒥᐅᑕᐅᓪᓗᓂ.  ᕿᒻᒥᖃᖅᓯᒪᓕᖅᑐᖅ 13ᓂ ᐊᕐᕌᒎᓕᖅᑐᓂᒃ ᖁᕕᐊᒋᔭᖃᖅᖢᓂᓗ ᕿᒧᒃᓯᕐᓂᕐᒥᒃ.  ᐊᓈᓇᖓ ᐃᒃᐱᐊᕐᔪᓕᐊᖃᑕᐅᓂᐅᓴᖕᒥᔪᖅ ᑎᑭᑉᐸᓪᓕᐊᔪᓂᒃ ᐃᓚᐅᓗᓂ ᐸᖓᒍᔾᔨᔪᓂᒃ.  ᐅᖃᖅᑐᖅ ᖁᕕᐊᓱᖃᑦᑕᕐᒪᑦ ᐃᓚᐅᖃᑦᑕᕐᓗᓂ.  ᓱᒃᑲᓴᐅᑎᒋᐊᕐᖓᓚᐅᖅᑐᖅ 2009ᒥ ᐸᖓᒍᔾᔨᓂᖅ ᐱᒋᐊᕐᕕᖃᖅᑎᓪᓗᒋᑦ ᒥᑦᑎᒪᑕᓕᖕᒥᑦ ᐃᒃᐱᐊᕐᔪᖕᒧᑦ ᓇᖕᒥᓂᖅ ᕿᒻᒥᖃᓕᖅᑎᓪᓗᒍ.

ᑎᐊᕆ ᐅᔭᕋᒃ

ᑎᐊᕆ ᐅᔭᕋᒃ 36ᓂ ᐊᕐᕌᒍᓕᒃ ᐃᒡᓗᓕᖕᒥᐅᑕᐅᓪᓗᓂ. ᕿᒧᒃᓯᐅᑎᓂᒃ ᕿᒻᒥᖃᖅᓯᒪᓕᖅᑐᖅ ᐱᖓᓲᔪᖅᑑᔪᓂᑦ ᐊᕐᕌᒎᓕᖅᑐᓄᑦ ᐊᒻᒪᓗ ᖁᕕᐊᒋᔭᖃᖅᖢᓂ ᕿᒧᒃᓯᕐᓂᕐᒥᒃ.  ᖁᕕᐊᒋᔭᖃᕐᒥᔪᖅ ᑲᑎᖃᑦᑕᖅᑎᓪᓗᒋᑦ ᐊᓯᖏᑦ ᕿᒻᒥᖃᖅᑎᐅᔪᑦ ᐃᓕᕝᕕᐅᖃᑦᑕᐅᑎᓲᖑᓪᓗᑎᒃ.  ᐃᓐᓇᐃᓪᓗ ᐅᓂᒃᑳᖅᑎᓪᓗᒋᑦ ᑐᓴᕐᓂᕆᔭᖏᑦ ᕿᒧᒃᓯᖃᑦᑕᕐᓂᐅᑉ ᒥᒃᓵᓄᑦ ᑕᒪᓐᓇ ᑕᕐᓂᖓᓄᑦ ᐱᐅᒋᓪᓗᓂᐅᒃ.

ᕿᒻᒥᖏᓐᓂᒃ ᐸᖓᒍᔾᔨᖃᑦᑕᖅᑐᑦ ᐱᖃᐃᔭᖅᖢᓂᒋᑦ ᓱᒃᑲᓴᐅᑎᓂᐅᓂᐊᖅᑐᒧᑦ.

 

 

 

Back to Blog