ᐃᓄᓕᒫᓄᑦ ᑐᓴᕋᔅᓴᖅ

ᐅᓪᓗᖅ ᓴᖅᑭᖅᑕᐅᕕᖓ: ᐅᑐᐱᕆ 29, 2020

ᐊᑐᖅᑕᐅᓂᐊᖅᑐᖅ: ᑐᓴᖅᑕᕗᑦ ᒥᔅᓵᓄᑦ ᐊᐱᕐᓱᖃᑦᑕᕐᓂᖅ

ᐅᓪᓗᖏᓐᓂ: ᓄᕕᐱᕆ 3 – 6 , 2020

ᓇᒥ: ᓄᓇᓖᑦ ᑲᑎᕕᖓᓐᓂ, ᐃᒃᐱᐊᕐᔪᒻᒥ 

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓂᒃᑯᑦ) ᑐᓴᖅᑕᕗᑦ ᒥᔅᓵᓄᑦ ᐊᐱᕐᓱᖃᑦᑕᓛᕐᖓᑕ ᐃᓄᓐᓂᑦ ᐃᒃᐱᐊᕐᔪᒻᒥ ᓄᐊᑦᑎᕙᓪᓕᐊᓗᑎᒃ ᐱᖅᑯᓯᖅᑎᒍᑦ ᖃᐅᔾᔨᑎᒋᔭᐅᔪᓂᑦ ᖃᐅᔨᓴᕈᑎᖓᓐᓄᑦ. ᑕᐃᒫᔅᓴᐃᓐᓇᐸᓗᒃ ᑲᒪᒋᔭᖃᔪᔪᑦ ᑲᖏᖅᑐᒑᐱᒻᒥ, ᒥᑦᑎᒪᑕᓕᒻᒥ, ᐃᒡᓗᓕᒻᒥ ᓴᓂᕋᔭᒻᒥᓗ.

ᑐᓴᖅᑕᕗᑦ ᐊᑑᑎᕕᐅᔪᓄᑦ ᓄᓇᓕᓐᓄᑦ ᕿᑭᖅᑕᓂ ᖃᐅᔨᓴᕈᑕᐅᒻᒪᑦ ᐃᓄᓐᓂᑦ. ᑖᓐᓇ ᐃᓄᓐᓄᑦ−ᑲᒪᒋᔭᐅᓪᓗᓂ ᖃᐅᔨᓴᕈᑕᐅᒻᒪᑦ ᐊᑐᕐᓂᐊᖅᑐᑎᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᑕᑯᖅᑯᔾᔨᒍᑕᐅᓗᓂ ᐊᑐᖅᑕᐅᖃᑦᑕᕐᓂᖓᓂᒃ ᓄᓇᐅᑉ ᐃᒪᐅᓪᓗ ᐃᓄᐃᑦ ᐃᓕᖅᑯᓯᖅᑎᒍᑦ ᐱᓕᕆᓂᕆᕙᑦᑕᖏᓐᓄᑦ ᐊᒻᒪᓗ ᓄᐊᑦᑎᒍᑕᐅᓗᓂ ᖃᓄᖅ ᐃᓱᒪᖃᕐᒪᖔᑕ ᐊᑑᑎᓂᖏᓐᓂᒃ ᓄᓘᔮᓕᕆᓂᕐᒦᙶᖅᑐᓂᑦ.

ᖃᐅᔨᓴᕐᓂᖃᕐᖓᑕ ᐱᔾᔪᑎᖃᖅᑐᑎᒃ ᐃᓄᐃᑦ ᐅᖃᕐᓯᒪᒻᒪᑕ ᓈᒪᔫᒥᓂᕐᓴᓂᑦ ᐃᓘᓐᓇᖏᓐᓂᒃ ᖃᐅᔨᓴᖁᔨᓪᓗᑎᒃ ᐹᕕᓐᓛᓐᑯᑦ ᖃᐅᔨᓴᕈᑎᒋᓯᒪᔭᖏᑕ ᐊᓯᖏᓐᓂ.

ᐃᓄᐃᑦ ᐃᓚᒋᔭᐅᔪᑦ ᐊᐱᕐᓱᕐᓂᐅᔪᓂᑦ ᐊᑭᓕᖅᑕᐅᖃᑦᑕᓂᐊᖅᑐᑦ. ᖃᓂᒪᓇᖅᑐᖅᑕᖃᕐᓂᖓ ᐱᔾᔪᑎᒋᓪᓗᒍ, ᐊᐱᕐᓱᖃᑦᑕᕐᓃᑦ ᑭᓪᓕᖃᖃᑦᑕᓂᐊᖅᑐᑦ ᐃᓄᒋᐊᙱᓪᓗᑎᒃ ᐅᖓᓯᒌᔾᔪᒥᖃᑦᑕᕐᓗᑎᒃ ᑲᑎᒪᔪᑦ.

ᐊᑎᓕᐅᖅᑕᐅᔪᒪᒍᕕᑦ ᑲᑎᒪᓂᒃᑯᑦ ᐱᓕᕆᓂᐅᖃᑦᑕᓂᐊᖅᑐᓄᑦ ᐊᑏ ᐅᖃᕐᕕᒋᓂᐊᖅᑲᑦ ᔮᒃ ᐅᐃᓕ ᐅᕗᖓ: 1.867.439.8277 ᑎᑎᕋᕐᕕᐅᓗᓂᓘᓐᓃᑦ ᐅᕗᖓ JWillie@qia.ca

ᑐᑭᓯᒋᐊᒃᑲᓐᓂᕈᒪᒍᕕᑦ, ᐊᑏ ᑐᑭᓯᒋᐊᕐᕕᒋᒍᒃ:

ᓰᒪ ᓴHᐊ ᔨᐅᕋHᐃ

ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓂᕐᒧᑦ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ

szerehi@qia.ca

867.975.8413

1.800.667.2742