ᐱᖁᑎᓂᑦ ᐊᐅᓚᑦᑎᔨ
ᐃᖅᑲᓇᐃᔭᖅᑎᓄᑦ / ᓯᓚᑎᑦᑎᓃᑦᑐᓄᓪᓗ ᑐᕌᖓᓪᓗᓂ ᐃᖅᑲᓇᐃᔮᔅᓴᖅ
ᐃᖅᑲᓇᐃᔮᖅ: ᐱᖁᑎᓂᑦ ᐊᐅᓚᑦᑎᔨ
ᐊᑯᓂᐅᓂᖓ: ᐃᓱᓕᕝᕕᑦᓴᐅᑎᓕᒃ ᒫᔾᔨ 31, 2026 ᐃᒻᒪᖃᓗ ᐅᐃᒍᔭᐅᔪᓐᓇᖅᑐᖅ
ᓄᓇᖓ: ᐃᖃᓗᐃᑦ, ᓄᓇᕗᑦ
ᒪᑐᐃᖓᔪᖅ: ᓄᓇᕗᒥᐅᓄᑦ ᐃᓄᓐᓄᑦ ᑭᓯᐊᓂ ᒪᑐᐃᖓᔪᖅ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᕿᓂᕐᖓᑕ ᑲᔪᖏᑦᑎᐊᕐᑐᒥᑦ ᐱᓕᒻᒪᑦᓯᒪᔪᒥᓪᓗ ᐱᖁᑎᓂᑦ ᐊᐅᓚᑦᑎᔨᐅᓂᖕᒧᑦ ᐃᖅᑲᓇᐃᔭᕐᑎᑦᓴᒥᑦ ᑕᕆᐅᕐᒥᐅᑕᓕᕆᔨᓄᑦ ᐆᒪᔪᓕᕆᔨᒃᑯᓄᓪᓗ.
ᐱᖁᑎᓂᑦ ᐊᐅᓚᑦᑎᔨᐅᑉ ᐃᓂᖓᓃᓐᓂᐊᕐᑐᖅ ᐃᑲᔪᖃᑦᑕᓂᐊᕐᑐᖅ ᑲᔪᓯᑎᑕᐅᑦᓯᐊᖁᓪᓗᒋᑦ ᐊᑐᓕᕐᑎᑕᐅᒋᐊᓖᑦ ᐊᒻᒪ ᐊᐅᓚᑕᐅᓂᖏᓐᓂᑦ ᓇᐅᑦᑎᖅᓱᖅᑏᑦ ᐊᒻᒪ ᐱᐅᖅᓱᐊᓂᖕᒧᑦ ᐃᑲᔫᑎᒋᕙᑦᑕᕗᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ (ᕿᑭᖅᑕᓃᒃᑯᑦ) ᑕᕆᐅᕐᒥᐅᑕᓕᕆᔨᒃᑯᓂ ᐆᒪᔪᓕᕆᔨᒃᑯᓂᓗ. ᐃᖅᑲᓇᐃᔮᖏᑦ ᑐᓐᖓᕕᓪᓗᐊᑕᐅᒻᒪᑕ ᕿᑭᖅᑕᓃᒃᑯᑦ ᐊᖏᕈᑎᒋᓯᒪᔭᖏᓐᓄᑦ ᖁᕐᕙᐸᓪᓕᐊᑎᑦᓯᓂᖕᒥᑦ ᐱᔪᓐᓇᐅᑎᓂᑦ ᐃᑲᔫᓯᐊᕈᑎᑦᓴᖏᓐᓂᓪᓗ ᕿᑭᖅᑖᓗᖕᒥᐅᑦ ᐃᓄᖁᑎᖏᑕ ᓴᐳᔾᔨᓂᒃᑯᑦ ᓴᖅᑭᔮᕐᑎᑦᓯᓂᒃᑯᓪᓗ ᐃᓄᓕᕆᓂᖕᒥᑦ, ᒐᕙᒪᓕᕆᓂᖕᒥᑦ, ᒪᑭᒪᓇᓱᐊᕈᑎᓂᑦ ᐊᒻᒪ ᐃᓕᖅᑯᓯᕐᑎᒍᑦ ᐱᓇᓱᐊᕈᑎᒋᔪᒪᔭᑦᑎᓐᓂᑦ; ᑕᕝᕙᑦᓴᐃᓐᓇᖅ ᓴᐳᔾᔨᓂᒃᑯᑦ ᓄᓇᒥᑦ, ᐃᒪᖁᑎᑦᑎᓐᓂᑦ ᓄᓇᒥᐅᑕᖁᑎᑦᑎᓂᓪᓗ ᐊᓐᓇᐅᒪᔾᔪᑕᐅᔪᓂᑦ ᓄᓇᓕᓐᓄᑦ.
ᐊᖏᔪᖅᑳᖃᕐᑐᓂ ᐃᓄᐃᑦ ᓇᐅᑦᓯᖅᑐᖅᑏᑦ ᐊᖏᔪᖅᑳᒻᒪᕆᖓᓂᑦ ᐅᓂᒃᑳᕐᕕᒋᕙᓪᓗᓂᐅᒃ, ᐱᖁᑎᓂᑦ ᐊᐅᓚᑦᑎᔨ ᐃᑲᔪᖃᑦᑕᕐᓂᐊᕐᑐᖅ ᑕᒪᐃᓐᓂᓕᒫᑦᓯᐊᖅ ᓇᐅᑦᑎᖅᑐᖅᑏᑦ ᐱᔭᑦᓴᖏᓐᓂᑦ ᐊᒻᒪ ᐱᐅᖅᓱᐊᕈᑎᓕᒫᓂᑦ ᐊᑐᐃᓐᓇᐅᑎᑦᓯᕙᓪᓗᓂ ᐱᖁᑏᑦ ᐊᐅᓚᑕᐅᓂᖏᓐᓄᑦ ᐸᕐᓇᐅᑎᓂᑦ, ᐱᖁᑎᑦᑎᓐᓂᑦ ᓈᓴᐃᓯᒪᕙᓪᓗᓂ, ᐋᖅᑭᑦᓱᐃᓯᒪᕙᓪᓗᓂ ᓴᓇᒋᐊᓖᑦ ᐅᓪᓗᕐᓯᐅᑎᒃᑯᑦ ᐋᖅᑭᐅᒪᓂᖏᓐᓂᑦ, ᓂᐅᕕᖃᑦᑕᕐᓗᓂ ᐱᖁᑎᓂᑦ ᐊᒻᒪ ᐊᐅᓚᑦᑎᔨᐅᓗᓂ ᐱᖁᑏᑦ ᑮᓇᐅᔭᕐᑐᕈᑎᑦᓴᖏᓐᓂᑦ ᐊᑐᕈᒫᕐᓂᐊᕐᑐᓂᑦ. ᐃᓂᖓᓃᑦᑐᖅ ᓂᐅᕕᖃᑦᑕᕐᓂᐊᕐᑐᖅ ᐱᖁᑎᓂᑦ ᒪᓕᓪᓗᒋᑦ ᓂᐅᕕᕈᑏᑦ ᓇᓗᓇᐃᕐᑐᖅᓯᒪᔪᑦ, ᑐᑭᒧᐊᕐᑎᑦᓯᔨᐅᓗᓂ ᐅᒥᐊᕐᔪᐊᒃᑯᑦ ᐅᓯᑲᖅᑕᖅᑕᐅᒋᐊᓕᓐᓂᑦ ᐊᒻᒪ ᐊᖅᑯᓯᐅᕆᐊᓕᓐᓂᑦ, ᖃᐅᔨᓴᕐᐸᓪᓗᓂ ᓂᐅᕕᐊᒥᓃᑦ ᓇᒦᓕᕐᒪᖔᑕ ᐊᒻᒪ ᐅᑎᖅᑎᑕᐅᒋᐊᖃᕐᐸᑕ ᑮᓇᐅᔭᕐᑖᕈᑕᐅᒋᐊᓖᓪᓗᓐᓃᑦ ᑲᒪᒋᕙᓪᓗᒋᑦ. ᐃᓂᖓᓃᓐᓂᐊᕐᑐᖅ ᐃᖅᑲᓇᐃᔮᖃᕐᓂᐊᕐᑐᖅ ᐊᐅᓚᑦᑎᓂᖕᒥᑦ ᐱᖁᑏᑦ ᑮᓇᐅᔭᕐᑐᕈᑎᑦᓴᖏᓐᓂᑦ ᐊᑐᕈᒫᕐᓂᐊᕐᑐᓂᑦ, ᑕᕝᕙᑦᓴᐃᓐᓇᖅ ᕿᑭᖅᑕᓃᒃᑯᑦ ᑮᓇᐅᔭᓕᕆᓂᖕᒧᑦ ᐊᑐᐊᒐᖏᓐᓂᑦ ᓂᐅᕕᕈᑎᓄᓪᓗ ᐱᖅᑯᓰᑦ ᒪᓕᓪᓗᒋᑦ. ᑲᒪᒋᔭᖃᕐᓂᐊᕐᑐᖅ ᑎᑎᕋᖃᑦᑕᕐᓗᓂ, ᕿᒥᕐᕈᕙᓪᓗᓂ ᐊᒻᒪ ᐋᖅᑭᐅᒪᐃᓐᓇᕐᓗᒋᑦ ᐱᖁᑏᑦ ᑎᑎᕋᕐᓯᒪᒋᐊᓖᑦ ᐊᒻᒪ ᐃᓂᖓᓃᓐᓂᐊᕐᑐᖅ ᐃᖅᑲᓇᐃᔭᖃᑦᓯᐊᐸᓪᓗᓂ ᐃᑲᔪᖅᑎᐅᖃᑎᒌᓪᓗᑎᓪᓗ ᐊᒡᒍᕐᓯᒪᔪᑦ ᓇᐅᑦᑎᖅᓱᖅᑏᑦ ᐊᖏᔪᖅᑳᖏᓐᓂᑦ ᐊᒻᒪ ᐃᖅᑲᓇᐃᔭᕐᕕᑎᓐᓂ ᐃᖅᑲᓇᐃᔭᕐᑎᓂᑦ ᑕᐃᒫᖕ ᓈᒻᒪᓈᕐᑕᖅᓯᒪᖁᓪᓗᒋᑦ ᒫᓐᓇᓂᓴᕐᓄᓪᓗ ᐊᖑᒻᒪᑎᖁᓪᓗᒋᑦ ᑲᑎᖅᓱᕆᐊᓖᑦ ᑎᑎᖅᑲᖁᑎᕗᑦ ᕿᒥᕐᕈᔭᐅᔪᑦᓴᑦ, ᖃᐅᔨᓴᕐᑕᐅᔪᑦᓴᑦ, ᐊᒻᒪ ᐃᓱᒪᓕᐅᕈᑕᐅᒋᐊᓖᑦ ᑐᕌᖓᔪᑦ ᐱᖁᑎᓂᑦ ᐊᐅᓚᑦᑎᓂᖕᒧᑦ, ᐊᐅᓚᑦᑎᐊᕈᓐᓇᕐᓂᓕᒫᖓᓄᑦ ᐊᐅᓚᑦᑎᕙᓪᓗᓂ ᐊᒻᒪ ᒫᓐᓇᓂᓴᑦ ᓯᕗᓂᑦᑎᓂᓗ ᑭᓐᖒᒪᔭᖏᑦ ᕿᑭᖅᑕᓃᒃᑯᑦ ᐱᐅᖅᓱᐊᕈᑎᑦᓴᓄᑦ ᐊᖑᒻᒪᑎᖁᓪᓗᒋᑦ.
ᐃᖅᑲᓇᐃᔮᕐᑖᕋᓱᐊᕐᑐᑦ ᖃᐅᔨᒪᑦᑎᐊᕆᐊᓕᒃ ᐋᓐᓂᐊᕐᑐᓕᕆᓂᖕᒧᑦ ᐊᑦᑕᓇᕐᔭᐃᕐᓂᖕᒧᓪᓗ ᐱᖁᔭᓂᑦ, ᑮᓇᐅᔭᓕᕆᓂᖕᒧᑦ ᐊᑐᐊᒐᓂᑦ, ᓄᓇᕗᑦ ᐊᖏᕈᑎᖓᓂᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ. ᑐᑭᓯᓯᒪᑦᓯᐊᕐᓗᓂ ᐊᖅᑯᓯᐅᕆᐊᓖᑦ ᐊᐳᕈᑎᖃᓲᖑᒻᒪᑕ ᐊᑦᓱᕈᕐᓇᕐᓂᖏᓐᓄᑦ ᓄᓇᕗᒥ. ᐃᖅᑲᓇᐃᔮᕐᑖᖅᑐᖅ ᖃᐅᔨᒪᓂᖃᕆᐊᓕᒃ ᐊᕐᕌᒍᓂᑦ ᐱᖓᓱᓂᑦ ᐱᖁᑎᓕᕆᓂᖕᒥᑦ ᐅᕝᕙᓘᓐᓃᑦ ᐃᓪᓗᖁᑎᓂᑦ ᐊᐅᓚᑦᑎᔨᐅᓂᖕᒧᑦ, ᐱᓕᒻᒪᑦᓯᒪᓗᓂ ᑎᑭᓴᐃᔪᓐᓇᕐᓂᖕᒥᑦ, ᐊᐅᓚᑦᑎᓂᖕᒥᑦ
ᐊᖅᑯᓯᐅᕆᐊᓕᓐᓂᑦ, ᑮᓇᐅᔭᕐᑐᕈᑎᑦᓴᑦ ᐅᐸᓗᖓᐃᕐᐸᓪᓗᒋᑦ ᐊᑐᕈᒫᕐᓂᐊᕐᑐᑦ, ᐊᐅᓚᑦᑎᓂᖕᒥᑦ, ᐊᒻᒪ ᐱᔭᕐᓂᖏᑦᑐᓂᑦ ᐅᓂᒃᑳᓕᐅᕈᓐᓇᕐᓗᓂ. ᐊᖁᑦᑐᖅᓯᐅᑎᖃᕆᐊᓕᒃ class 5 ᐃᓱᓕᓯᒪᓐᖏᑦᑐᒥᑦ.
ᑲᑎᓯᒪᔪᓐᓇᕐᑐᑦ ᐃᓕᓐᓂᐊᕐᓯᒪᓂᖏᑦ ᐊᒻᒪ ᐃᖅᑲᓇᐃᔮᖃᖃᑦᑕᓕᓂᐅᓂᖓ ᑕᒪᒃᑯᓂᖓ ᓈᒻᒪᒋᔭᐅᒐᔭᕐᒥᔪᑦ. ᖃᐅᔨᓴᕐᑕᐅᒋᐊᓕᒃ ᒪᓕᒐᕐᓂᑦ ᓯᖁᒥᑦᓯᓚᐅᕐᓯᒪᓐᖏᑲᓗᐊᕐᒪᖔᑦ ᓈᒻᒪᒋᔭᐅᓗᓂ.
ᑮᓇᐅᔾᔭᑦᓵᖓ ᐱᒋᐊᕐᕕᓕᒃ $86,972 ᐊᕐᕌᒍᑕᒫᑦ, ᐃᓚᓗᒍ ᓄᓇᕗᒥ ᐅᑭᐅᖅᑕᖅᑐᒥᐅᑕᐅᓂᖕᒧᑦ ᐃᑲᔫᓯᐊᑦ $27,600 ᐊᕐᕌᒍᑕᒫᑦ. ᐃᓪᓗᖃᕐᑎᑕᐅᓐᖏᑦᑐᖅ.
ᐃᖅᑲᓇᐃᔮᖅᑖᕋᓱᐊᕈᑏᑦ ᑐᓂᔭᐅᖃᑦᑕᕈᓐᓇᖅᑐᑦ ᓱᒃᑲᔪᒃᑯᑦ, ᐃᕐᖐᓈᖅᑕᐅᑎᒃᑯᑦ, ᓇᒻᒥᓂᖅ ᐋᓪᓗᒋᑦ, ᐅᕝᕙᓘᓐᓃᑦ ᑎᑎᖅᑲᓂᐊᕐᕕᒃᑯᑦ ᑐᔫᑎᒋᓗᒋᑦ ᐅᕗᖓ:
ᐃᖅᑲᓇᐃᔭᕐᑐᓕᕆᔨᒃᑯᓐᓄᑦ ᐅᖄᓚᐅᑖ: (867) 975-8400
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᓱᒃᑲᔪᒃᑰᕈᑖ: (867) 979-3238
922 ᓂᐊᖁᓐᖒᓯᐊᕆᐊᖅ ᐊᖅᑯᑖᓂ ᐃᕐᖐᓈᖅᑕᐅᑖ: Resumes@ᕿᑭᖅᑕᓃᒃᑯᑦ.ca
ᐃᒡᓗᕗᑦ ᐃᓪᓗᖓᓄᑦ, ᖄᖅᑎᖓᓂ 2ᒥ ᐳᓛᕐᕕᕗᑦ: Tuttarvik.ᕿᑭᖅᑕᓃᒃᑯᑦ.ca
ᑎᑎᖅᑲᓂᐊᕐᕕᒃ 1340,
ᐃᖃᓗᐃᑦ, ᓄᓇᕗᑦ X0A 0H0
ᒪᑐᕕᔅᓴᓕᒃ: ᑕᓪᓕᒥᕐᒥ ᔫᓂ 14, 2024, 5:00ᒨᖅᑲᑦ ᐅᓐᓄᓴᒃᑯᑦ ᑲᓇᓐᓇᐅᑉ ᓯᕿᙳᔭᖓ ᒪᓕᑦᑐᒍ
