ᐊᑐᖅᑕᐅᔪᖅ: ᓵᓚᔅᓴᖅᑐᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᑲᑐᔾᔨᖃᑎᒌᖏᑦ) ᖁᕕᐊᓱᓪᓚᕆᑦᑐᑦ ᓇᓗᓇᐃᕐᓯᔭᕆᐊᔅᓴᖅ ᓵᓚᔅᓴᖅᑐᓂᑦ ᐃᓄᒃᑎᑐᑦ ᐃᙱᐅᓯᐅᕐᓂᕐᒥᒃ/ᐅᖃᓗᕋᐅᔭᐅᑎᓕᐅᕐᓂᕐᒥᒃ ᐊᑭᑦᑐᕋᐅᑎᑎᑦᑎᓂᖓᓐᓂ.
ᐊᑭᑦᑐᕋᐅᑎᑎᑦᑎᓂᖅ, ᐃᓚᒋᔭᐅᓚᐅᖅᑐᖅ ᐃᓄᒃᑎᑐᑦ ᐅᖃᐅᓯᓕᕆᓂᕐᒥᒃ ᑕᖅᑭᕐᒥᒃ ᐱᓕᕆᓂᐅᓚᐅᖅᑐᓂᑦ, ᑐᓂᓯᔭᐅᖃᑦᑕᓚᐅᖅᑐᑦ ᓇᑭᑐᐃᓐᓇᑦᑎᐊᖅ ᕿᑭᖅᑕᓂ ᓄᓇᓕᓐᓂᑦ.
ᐊᑭᑦᑐᕋᐅᑎᑎᑦᑎᓂᕐᒥ ᓵᓚᔅᓴᖅᑐᑦ ᐅᑯᐊ:
- ᓯᕗᓪᓕᕐᐹᖅ, $400ᓂᑦ ᓵᓚᔅᓴᖅᑐᖅ o 18ᓂᒃ ᐅᑭᐅᓕᒃ ᓖᑎᐊ ᑲᓪᓗᒃ ᐃᒃᐱᐊᕐᔪᒻᒥᐅᑦᑕᖅ
- ᒫᓐᓇ ᐋᑐᕚᒥ ᐃᓕᓐᓂᐊᖅᑐᖅ ᓄᓇᕗᑦ ᓯᕗᓂᒃᓴᕗᑦ ᐃᓕᓐᓂᐊᕐᕕᒻᒥ
- ᐃᙱᖅᑕᑯᓗᐊ ᓇᓪᓕᓐᓂᐅᑉ ᐅᖓᓂᐅᓪᓗ ᒥᔅᓵᓄᑦ ᐃᑉᐱᒋᔭᐅᓪᓚᕆᓚᐅᕐᖓᑦ ᓂᕈᐊᖅᑎᒋᓚᐅᖅᑕᑎᓐᓄᑦ.
- ᓖᑎᐊ ᑐᓂᓯᓚᐅᖅᑐᖅ ᓂᐱᓕᐅᕐᓯᒪᔭᖓᓂᒃ ᐃᙱᐅᓯᓕᐊᖓᓂᒃ
- ᑐᖏᓕᐊ, $300ᓂᑦ ᓵᓚᔅᓴᖅᑐᖅ o 21ᓂᑦ ᐅᑭᐅᓕᒃ ᔨᐅᕆ ᓚᐃᓴ ᐸᓐᓂᖅᑑᕐᒥᐅᑕᔅᓴᔭ
- ᔨᐅᕆ ᐅᐊᑦᑎᔨᐅᓲᖅ ᓄᓘᔮᓂᑦ ᐅᔭᕋᓐᓂᐊᕐᕕᒻᒥ
- ᐃᙱᖅᑕᖓ ᐆᒻᒪᑎᐅᑉ ᓯᖁᒥᓐᓂᖓᑕ ᒥᔅᓵᓄᑦ ᐱᐅᒋᔭᐅᑦᑕᐅᑎᒋᓪᓚᕆᓚᐅᕐᖓᑦ ᓂᕈᐊᖅᑎᒋᓚᐅᖅᑕᑎᓐᓄᑦ
- ᔨᐅᕆ ᑐᓂᓯᓚᐅᖅᑐᖅ ᕙᐃᔅᐳᒃᑯᑦ ᑕᑯᓐᓇᕋᔅᓴᓕᐊᕆᓪᓗᓂᐅᒃ ᐃᙱᐅᓯᓕᐊᖓ
- ᐱᖓᔪᐊᑦ, $200ᓂᑦ ᓵᓚᔅᓴᖅᑐᖅ o 14ᓂᒃ ᐅᑭᐅᓕᒃ ᕕᐊᓐ ᖃᖅᑲᓯᖅ ᐸᓐᓂᖅᑑᕐᒥᐅᑕᖅ
- ᕕᐊᓐ ᑖᓐᓇ ᓱᓕ ᐃᓕᓐᓂᐊᖅᑐᖅ ᐃᓕᓐᓂᐊᕐᕕᐊᓗᒻᒥ ᑖᓐᓇᓗ ᐃᙱᑎᑦᑎᔨᐅᓪᓗᓂ ᐱᐊᓇᑦᑎᐅᓪᓗᓂᓗ
- ᐊᕐᕌᓂ ᐊᓕᐊᓇᐃᑦ ᑕᑯᕋᓐᓈᑎᑦᑎᑎᓪᓗᒋᑦ ᐃᙱᑎᑦᑎᓚᐅᕐᓯᒪᔪᖅ
- ᕕᐊᓐ ᑐᓂᓯᓚᐅᖅᑐᖅ ᐅᖃᓗᕋᐅᔭᐅᑎᓕᐊᖓᓂᒃ ᑐᐃᑐᒃᑯᑦ
ᓇᓕᖅᑲᖏᑦ ᓵᓚᔅᓴᖅᑐᑦ ᑐᓂᓯᒪᔭᖏᑕ ᑕᑯᔭᔅᓴᐅᕗᑦ ᑲᑐᔾᔨᖃᑎᒌᒃᑯᑦ ᖃᕋᓴᐅᔭᒃᑯᑦ ᕙᐃᔅᐳᒃᑯᑦ (www.facebook.com/QikiqtaniInuit/) ᐊᒻᒪᓗ ᑐᐃᑐᒃᑯᑦ (@Qikiqtani_Inuit) ᐃᑭᐊᖅᑭᕕᖏᓐᓂ.
ᑐᑭᓯᒋᐊᒃᑲᓐᓂᕈᒪᒍᔅᓯ, ᑐᑭᓯᒋᐊᖃᑦᑕᕆᔅᓯ ᐆᒧᖓ:
ᓰᒪ ᓴHᐊ ᓯᐅᕋHᐃ, ᐊᖏᔪᖅᑳᖅ ᑐᓴᐅᒪᖃᑦᑕᐅᑎᓂᕐᒧᑦ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ
szerehi@qia.ca, (867) 975.8413, 1.800.667.2742
Recent Posts