ᕿᑭᖅᑕᓃᒃᑯᑦ ᐅᐱᒍᓱᓚᐅᕐᒪᑕ ᐱᐅᒋᔭᐅᓂᖓᓂᒃ ᐅᖃᐅᓯᐅᖃᑦᑕᓚᐅᕐᓂᖓᓂᓪᓗ ᓄᓇᖅᑲᒌᓂᑦ ᐱᓕᕆᐊᕆᓯᒪᔭᑦᑎᓐᓂᒃ ᓄᕙᓐᓇᕐᔪᐊᖅ-19  ᐱᔾᔪᑎᒋᓪᓗᒍ. ᒫᓐᓇᓵᖅ 19ᓂ ᑕᓐᓯᓂᒃ (ᐅᖁᒪᐃᓐᓂᕐᓂᒃ) ᓱᕈᓴᕋᐃᖃᑦᑕᙱᑦᑐᓂᒃ ᓂᕿᓂ ᑎᑭᑦᑐᖃᓚᐅᕐᒪᑦ ᑲᖏᖅᑐᒑᐱᖕᒧᑦ  ᑕᕝᕙ ᑖᓐᓇ ᖁᕕᐊᒋᔭᐅᓂᖓ ᓂᓪᓕᐊᔾᔪᑎᒋᔭᐅᖃᑦᑕᓚᐅᕐᒪᑦ ᑕᒪᓐᓇ ᐅᓂᒃᑳᕈᑕᐅᒋᐊᖃᖅᖢᓂ.

ᕿᑭᖅᑕᓃᒃᑯᑦ ᖁᔭᓕᔪᑦ, ᐃᓕᓴᖅᓯᕕᒃᑯᓐᓂ, ᑯᐊᐸᒃᑯᓐᓂ, ᑲᖏᖅᑐᒑᐱᖕᒥᓗ ᓂᕿᑖᕐᕕᖕᒥ  ᐊᒻᒪᓗ ᓄᓇᖅᑲᑎᒌᓂᒃ ᑲᑐᔾᔨᓪᓗᑎᒃ ᐱᓕᕆᑦᑎᐊᓚᐅᕐᓂᖏᓐᓂᒃ ᓂᕿᖃᖅᑎᑦᑎᖃᑦᑕᕐᓂᕐᒥᒃ ᑲᖏᖅᑐᒑᐱᖕᒥᐅᓂᒃ.  ᓄᓇᖅᑲᑎ ᒌᑦ ᑲᑐᔾᔨᑦᑎᐊᕌᖓᒥᒃ ᓴᙱᓕᖅᑎᑦᑎᕙᓪᓕᐊᒍᓐᓇᕐᒪᑦ.

ᕿᑭᖅᑕᓃᒃᑯᑦ ᐃᖅᑲᓇᐃᔭᖃᑎᖃᓚᐅᖅᑐᑦ ᐃᓕᓴᖅᓯᕕᒃᑯᓐᓂ ᑯᐊᐸᒃᑯᓐᓂᓗ ᐃᑲᔪᖅᑕᐅᖁᓪᓗᒋᑦ ᑲᖏᖅᑐᒑᐱᖕᒥᐅᑦ ᐊᒻᒪ ᑲᖏᖅᑐᒑᐱᖕᒥ ᓂᕿᑖᕐᕕᖓ.  19ᓂ ᑕᓐᓯᓂᒃ (ᐅᖁᒪᐃᓐᓂᓕᖕᓂᑦ) ᓱᕈᓴᕋᐃᖃᑦᑕᙱᑦᑐᓂ ᓂᕿᑖᖅᖢᑎᒃ ᐃᑲᔪᖅᖢᑎᒃ ᑲᑐᔾᔨᓪᓗᑎᓪᓗ ᓂᕿᑖᕐᕕᒃᑯᑦ ᑯᐊᐸᒃᑯᓪᓗ ᐊᒻᒪᓗ ᖃᖓᑦᑕᐅᑎᑦ ᐊᑐᖅᐸᒃᑕᖏᑦ.

ᓄᕙᓐᓇᕐᔪᐊᖅ ᐊᑐᖅᑎᓪᓗᒍ, ᕿᑭᖅᑕᓃᒃᑯᑦ ᑲᑐᔾᔨᖃᑎᖃᕈᓐᓇᓚᐅᕐᒪᑕ ᐅᑭᐅᖅᑕᖅᑐᒥ ᑯᐊᐸᒃᑯᓐᓂ ᐃᑲᔪᕈᒪᓪᓗᒋᑦ ᐃᓐᓇᕆᔭᕗᑦ.  ᕿᑭᖅᑕᓃᒃᑯᑦ ᑲᑐᔾᔨᖃᑎᖃᖅᖢᑎᒃ ᑯᐊᐸᒃᑯᓐᓂ, ᓂᐅᕕᕈᑎᖃᖅᑎᑕᐅᓪᓗᑎᒃ ᐃᓐᓇᐃᑦ.  ᑲᖏᖅᑐᒑᐱᖕᒥ ᑯᐊᐸᖃᙱᓐᓂᖓᓂᒃ, ᕿᑭᖅᑕᓃᒃᑯᑦ ᑲᑐᔾᔨᖃᑎᖃᖔᓚᐅᖅᑐᑦ ᐃᓕᓴᖅᓯᕕᒃᑯᓐᓂ ᓂᕿᑖᖅᑎᑕᐅᓪᓗᑎᒃ ᓄᓇᖅᑲᑎᒌᑦ

ᐊᒃᓱᕈᓐᓇᖅᑐᒃᑰᕋᓗᐊᖅᑎᓪᓗᑕ ᑕᕝᕙ ᐊᕐᕌᒍᒥᒃ, ᓄᓇᓕᖕᓂ ᐃᓄᖕᓂᑦ ᑐᑭᓯᕝᕕᐅᔪᓐᓇᖅᑐᓂᒃ ᖃᐅᔨᒪᓕᖅᖢᑎᒃ.  ᕿᑭᖅᑕᓃᒃᑯᑦ ᐱᓕᕆᐊᖓ ᐊᖅᑯᑎᒋᔭᐅᓪᓗᓂ.  ᓂᕆᐅᒋᔭᖃᖅᐳᒍᑦ ᐅᓂᒃᑳᖅᑐᑐᖃᑦᑕᕐᓂᐊᕐᓂᖓᓂᒃ ᖃᓄᖅ ᐊᒃᑐᐃᓯᒪᓂᖏᓐᓄᑦ ᑖᒃᑯᐊ ᐃᑲᔫᑎᒋᔭᐅᓚᐅᖅᑐᑦ ᓄᓇᓕᖕᓂᑦ.