ᐃᖅᑲᓇᐃᔮᖅ: ᐊᕙᑎᒥᒃ ᓇᐅᑦᑎᕐᓱᖅᑎ
ᐋᖅᑭᓯᒪᓂᖓ: ᐃᖅᑲᓇᐃᔮᖑᐃᓐᓇᓂᐊᖅᑐᖅ
ᓇᒥ: ᓇᓪᓕᑭᑕᖅᑐᒥᒃ ᐃᖅᑲᓇᐃᔮᖅ ᓄᓘᔮᓐᓂ
ᒪᑐᐃᖓᔪᖅ: ᐃᓄᓐᓄᑦ ᐃᖅᑲᓇᐃᔮᖅᑖᕈᒪᔪᓄᑦ ᐊᑎᓕᐅᖅᑕᐅᓯᒪᔪᓄᑦ ᐃᓚᒋᔭᐅᔾᔪᑎᓕᓐᓄᑦ ᓄᓇᕗᒻᒥ ᓄᓇᑖᕈᑎᓂᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓂᒃᑯᑦ) ᐃᖅᑲᓇᐃᔭᖅᑎᒃᓴᖅᓯᐅᕐᖓᑕ ᓄᓘᔮᑦ ᐅᔭᕋᕐᓂᐊᕐᕕᐊᓂᑦ ᐊᕙᑎᒥᒃ ᓇᐅᑦᑎᕐᓱᖅᑎᐅᒐᔭᖅᑐᒥᒃ ᐃᖅᑲᓇᐃᔭᕋᔭᖅᑐᒥᒃ ᓄᓘᔮᓂ ᐅᔭᕋᓐᓂᐊᕐᕕᒻᒥ ᐱᖓᓱᓂᑦ (3) ᐱᓇᓱᐊᕈᓯᕐᓂᑦ ᐃᖅᑲᓇᐃᔭᖃᑦᑕᕐᓗᓂ/ᐱᖓᓱᓂᑦ (3) ᐱᓇᓱᐊᕈᓯᓂᒃ ᓄᖅᑲᖓᖃᑦᑕᕐᓗᓂ ᓇᓪᓕᑭᑕᕐᓗᒋᑦ 12ᓂᑦ ᐃᑲᕐᕋᓂᑦ ᐃᖅᑲᓇᐃᔭᖃᑦᑕᕐᓗᓂ. ᑕᐃᑯᖓ ᐅᔭᕋᕐᓂᐊᕐᕕᖕᒧᑦ ᐃᖅᑲᓇᐃᔭᕆᐊᖃᑦᑕᕋᔭᖅᑐᖅ ᑕᐃᑲᙵᓪᓗ ᐊᐅᓪᓚᖃᑦᑕᕐᓗᓂ ᖃᖓᑕᓲᒃᑯᑦ ᐊᑭᓕᖅᑕᐅᓯᒪᔪᒃᑯᑦ. ᐊᕙᑎᓕᕆᓂᕐᒧᑦ ᓇᐅᑦᑎᕐᓱᖅᑎ ᐱᓕᕆᐊᒃᓴᖃᕐᓂᐊᖅᑐᖅ ᓇᐅᑦᑎᖅᓱᖃᑦᑕᕐᓗᓂ ᐸᕕᓐᓛᓐᑯᑦ ᐱᓕᕆᐊᕆᕙᑦᑕᖏᓐᓂᒃ ᐊᒻᒪᓗ ᑖᒃᑯᐊ ᐱᓕᕆᐊᖓᓂᒃ ᐊᑐᑎᓂᓕᓐᓂᑦ ᐊᕙᑎᒧᑦ. ᑖᓐᓇ ᐃᖅᑲᓇᐃᔭᖅᑎ ᐃᖅᑲᓇᐃᔭᖃᑎᖃᖃᑦᑕᕐᓂᐊᖅᑐᖅ ᕿᑭᖅᑕᓂᒃᑯᑦ ᐊᕙᑎᒥᒃ ᓇᐅᑦᑎᕐᓱᖅᑎᖏᓐᓂᒃ ᐊᒻᒪᓗ ᐹᕕᓐᓛᓐᑯᑦ ᐊᕙᑎᓕᕆᓂᕐᒧᑦ ᐊᓪᓚᕝᕕᐊᓂᒃ ᐊᑐᓕᖅᑎᑦᑎᕙᓪᓕᐊᓂᕐᒧᑦ ᓇᐅᑦᑎᕐᓱᖃᑦᑕᓂᕐᒧᑦ ᐱᓕᕆᐊᕐᓂᑦ ᐊᒻᒪᓗ ᑐᓴᖅᑎᑦᑎᒍᑎᖃᖃᑦᑕᓂᐊᖅᑐᓂ ᑕᑯᕙᑦᑕᖏᓐᓂᒃ ᕿᑭᖅᑕᓂᒃᑯᓐᓄᑦ. ᐊᕙᑎᒥᒃ ᓇᐅᑦᑎᕐᓱᖅᑏᑦ ᑐᓴᖅᑎᑦᑎᒍᑎᖃᖃᑦᑕᓂᐊᕐᒥᔪᑦ ᐅᓂᒃᑳᕆᓗᒋᑦ ᑕᑯᕙᑦᑕᖏᑦ ᓄᓇᖅᑲᑎᖏᓐᓄᑦ ᐃᑲᔫᑎᒋᓗᒋᑦ ᑐᑭᓯᓯᒪᔭᖏᑦ ᓄᓘᔮᓐᓂ ᐱᓕᕆᐊᕐᒦᙶᖅᑐᓂᒃ.
ᕿᑭᖅᑕᓂᒃᑯᑦ ᓄᓇᓕᕆᓂᕐᒧᑦ ᐊᓪᓚᕝᕕᐊᑦ ᑲᒪᒋᔭᖃᕐᐸᑦᑐᑦ ᐱᓕᕆᓂᐅᕙᑦᑐᓂᑦ ᐃᓄᐃᑦ ᓄᓇᖁᑎᖏᓐᓂᒃ (IOLs) ᕿᑭᖅᑕᓂ ᓄᓇᕗᒻᒥ. ᐱᓕᕆᓂᐅᕙᑦᑐᑦ ᐱᕙᓪᓕᐊᑎᑦᑎᕕᐅᕙᒻᒪᑕ ᐅᕝᕙᓘᓐᓃᑦ ᐱᕙᓪᓕᐊᑎᑦᑎᕕᐅᓕᕈᓐᓇᕐᖓᑕ ᐱᓕᕆᐊᓂᑦ. ᐊᓪᓚᕝᕕᒃ ᑲᒪᒋᔭᔅᓴᖃᖅᑎᑕᐅᒻᒪᑦ ᐊᑑᑎᑎᑦᑎᖃᑦᑕᖁᓪᓗᒋᑦ ᐱᐅᓂᕐᐹᓂᑦ ᐃᓄᓐᓄᑦ ᑐᕌᖓᔪᓂᑦ ᑲᒪᑦᑎᐊᕐᓗᑎᒃ ᑲᒪᒋᔭᖃᖃᑦᑕᕐᓗᑎᒃ ᓄᓇᓕᕆᖃᑦᑕᓂᕐᒥᒃ ᐊᒻᒪᓗ ᓇᐅᑦᑎᕐᓱᖃᑦᑕᓂᕐᒥᒃ. ᐊᕙᑎᒥᒃ ᓇᐅᑦᑎᕐᓱᖅᑏᑦ ᕿᑭᖅᑕᓂᒃᑯᑦ ᓯᕗᓪᓕᕐᐹᖑᓪᓗᑎᒃ−ᖃᐅᔨᕙᑦᑐᑎᒃ ᐃᖅᑲᓇᐃᔭᖅᑎᒋᒻᒪᒋᑦ ᑲᒪᒋᔭᖃᕐᐸᑦᑐᑦ ᓄᓇᓕᕆᓂᕐᒥᒃ ᐊᒻᒪᓗ ᓇᐅᑦᑎᕐᓱᖃᑦᑕᓂᕐᒥᒃ ᐊᒻᒪᓗ ᑐᓴᖅᑎᑦᑎᕙᑦᑐᑎᒃ ᑐᕌᕐᕕᒋᕙᑦᑐᒍ ᐊᐅᓚᑦᑎᔨ ᐱᓕᕆᐊᕐᒥ ᒪᓕᑦᑎᐊᕋᓗᐊᕐᒪᖔᑕ.
ᐊᕙᑎᒥᒃ ᓇᐅᑦᑎᕐᓱᖅᑎ ᐃᖅᑲᓇᐃᔭᖃᑦᑕᓂᐊᖅᑐᖅ ᓇᓪᓕᑭᑕᖅᑐᒥᒃ ᐋᖅᑭᓯᒪᔪᒥ ᓄᓘᔮᓐᓂ ᐱᓕᕆᕕᒻᒥ ᓂᒋᐊᓂ ᐱᖓᓐᓇᕐᐸᓯᐊᓂ ᒥᑦᑎᒪᑕᓕᐅᑉ, ᓄᓇᕗᒻᒥ. ᐃᖅᑲᓇᐃᔭᖅᑏᑦ ᐃᖅᑲᓇᐃᔭᖅᑐᑦ ᐱᓕᕆᕕᒻᒥ ᐊᐅᓪᓚᖅᑎᑕᐅᕙᑦᑐᑦ ᖃᖓᑕᓲᒃᑯᑦ ᐊᑭᓕᖅᑕᐅᓯᒪᔪᒃᑯᑦ ᓄᓇᖏᓐᓂᑦ. ᑖᔅᓱᒥᖓ ᐃᖅᑲᓇᐃᔮᕐᒥ ᐱᓕᕆᖃᑎᖃᓪᓚᑦᑖᖃᑦᑕᓂᐊᖅᑐᖅ ᕿᑭᖅᑕᓂᒃᑯᑦ ᐃᖅᑲᓇᐃᔭᖅᑎᖏᓐᓂᒃ ᐃᖃᓗᓐᓃᑦᑐᓂᒃ ᓇᐅᑦᑎᕐᓱᕐᓂᕐᒥ ᐃᖅᑲᓇᐃᔮᖃᖃᑦᑕᑎᓪᓗᒍ ᐊᒻᒪᓗ ᐊᑑᑎᓂᖏᓐᓂᒃ ᐊᕙᑎᒧᑦ ᓄᓘᔮᓕᕆᓂᕐᒥ. ᐊᕙᑎᒥᒃ ᓇᐅᑦᑎᕐᓱᖅᑎ ᐱᓕᕆᖃᑎᖃᖃᑦᑕᓂᐊᕐᒥᔪᖅ ᐹᕕᓐᓛᓐᑯᑦ ᐊᕙᑎᓕᕆᓂᕐᒧᑦ ᐊᓪᓚᕝᕕᐊᓂᒃ ᐃᑲᔪᕐᓂᕐᒧᑦ ᐊᑐᓕᖅᑎᑦᑎᕙᓪᓕᐊᓂᕐᒧᑦ ᐊᕙᑎᓕᕆᓂᕐᒥᒃ ᐸᕐᓇᐅᑎᓂᑦ. ᐊᕙᑎᒥᒃ ᓇᐅᑦᑎᕐᓱᖅᑎ ᐋᖅᑭᔾᔫᒥᑎᑦᑎᕙᓪᓕᐊᓂᐊᖅᑐᖅ ᐊᐅᓚᓂᕆᕙᑦᑕᖏᓐᓂᒃ ᑐᑭᓯᓯᒪᔾᔪᑎᔅᓴᐃᑦ ᓄᓘᔮᓕᕆᓂᕐᒥ ᕿᑭᖅᑕᓂᒃᑯᓐᓄᑦ ᓈᒻᒪᓈᕐᓯᒪᔪᒥᒃ ᐅᓂᒃᑳᓕᐅᖃᑦᑕᕐᓗᓂ ᐊᕙᑎᒧᑦ ᐊᑑᑎᓂᖃᕐᐸᓪᓕᐊᔪᑦ ᒥᔅᓵᓄᑦ ᐊᒻᒪᓗ ᑭᐅᔾᔪᑕᐅᕙᑦᑐᓂᑦ. ᑕᐃᒫᒃ ᐊᐅᓚᓂᖃᖅᑎᓪᓗᒋᑦ ᐊᑑᑎᖃᑦᓯᐊᖅᑐᖅ ᕿᑭᖅᑕᓂᒃᑯᑦ ᑲᒪᒋᔭᖃᖃᑦᑕᕈᓐᓇᓂᐊᕐᖓᑕ ᑭᐅᖃᑦᑕᕈᓐᓇᓂᐊᕐᖓᑕᓗ ᒪᓕᓐᓂᕐᒨᖓᔪᓂᑦ ᐱᔾᔪᑕᐅᕙᑦᑐᓂᑦ, ᐊᑐᖅᑕᐅᔭᕆᐊᖃᕐᐸᑦᑐᓂᑦ ᐊᒻᒪᓗ ᐃᓱᒫᓘᑕᐅᕙᑦᑐᓂᑦ.
ᑖᓐᓇ ᐃᖅᑲᓇᐃᔮᖑᑎᓪᓗᒍ ᑐᑭᓯᖃᑦᑕᕆᐊᖃᕐᓂᐊᕐᒥᒻᒪᑕ ᐃᑲᔪᖃᑦᑕᕐᓗᑎᓪᓗ ᓄᓇᒥᒃ ᐊᑐᕐᓂᕐᒨᖓᔪᓂᑦ ᐊᑲᐅᙱᓕᐅᕈᑕᐅᕙᑦᑐᓂᑦ ᑕᒪᒃᑮᓐᓂᒃ ᐊᑐᖃᑦᑕᕆᐊᖃᕐᓂᐊᖅᑐᑎᒃ ᐃᓘᓐᓇᖏᓐᓅᖓᔪᓂᑦ ᐊᒻᒪᓗ ᐊᕙᑎᓕᕆᓂᕐᒥᒃ ᒪᓕᒃᑲᓗᐊᕐᒪᖔᑕ ᐊᑐᖅᑐᐊᕈᑎᖓᓄᑦᒃ ᐊᒻᒪᓗ ᐱᓕᕆᔪᓐᓇᐅᑎᓂᑦ ᑎᑎᕋᖅᑕᐅᓯᒪᔪᓂᑦ. ᑕᒪᒃᑯᓂᖓ ᒪᓕᒍᓐᓇᓂᐊᕐᖓᑕ ᑲᒪᓕᓂᐅᓕᕐᓂᐊᕐᖓᑕ ᓯᕗᓪᓕᐅᔾᔭᐅᓂᐊᖅᑐᓂᑦ ᐋᖅᑭᔅᓱᐃᖃᑦᑕᓂᕐᒥᒃ, ᐋᖅᑮᒍᑕᐅᓂᐊᖅᑐᓂᒃ ᐃᓱᒪᑖᕈᑎᖃᖃᑦᑕᓂᕐᒧᑦ, ᐃᑲᔪᖅᑎᒌᓪᓗᑎᒃ ᐱᓕᕆᖃᑎᖃᖃᑦᑕᓂᕐᒥᒃ ᐊᓯᖏᓐᓂᒃ, ᓇᓚᐅᑦᑖᖃᑦᑕᓂᕐᒥᒃ ᐊᑑᑎᓂᐊᖅᑐᒋᔭᐅᔪᓂᑦ, ᐊᒻᒪᓗ ᖃᐅᔨᓴᖃᑦᑕᓂᕐᒥᒃ ᑕᒪᒃᑯᓇᙵᑦ ᓴᖅᑭᖅᑐᓂᒃ. ᐅᖃᐅᔾᔨᒋᐊᕈᑕᐅᔪᑦ ᐊᑐᖅᑕᐅᖁᒐᔭᙳᐊᖅᑕᖏᓪᓗ ᑐᙵᕕᖃᖃᑦᑕᕆᐊᓖᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᒻᒪᓗᑦᑕᐅᖅ ᑕᒪᑐᒪ ᒥᔅᓵᓅᖓᔪᓂᑦ ᒪᓕᒐᖅᑎᒍ ᐊᐅᓚᑦᑎᔾᔪᑎᓂᑦ ᐊᒻᒪᓗ ᒪᓕᒐᕐᓂᑦ.
ᐃᖅᑲᓇᐃᔮᖅᑖᕋᓱᑦᑐᑦ ᑐᑭᓯᐅᒪᑦᑎᐊᕆᐊᓖᑦ ᒐᕙᒪᓕᕆᓂᕐᒥᒃ, ᐃᓅᓯᕐᒨᖓᔪᓂᑦ ᐊᒻᒪᓗ ᑮᓇᐅᔭᓕᐅᕋᓱᐊᕈᑕᕙᑦᑐᓂᑦ ᐱᔾᔪᑕᐅᕙᑦᑐᓂᑦ ᕿᑭᖅᑕᓂᒃᑯᓐᓂᑦ, ᑐᑭᓯᐅᒪᑦᑎᐊᕆᐊᓖᑦ ᓄᓇᕗᑦ ᐊᖏᖃᑎᒌᒍᑎᖏᓐᓂᒃ ᐱᓗᐊᖅᑐᒥᑦ ᐱᔾᔪᑎᖃᕐᓂᖏᓐᓄᑦ ᓄᓇᒧᑦ ᐃᓯᖃᑦᑕᓂᕐᒥᒃ, ᐊᑐᖃᑦᑕᓂᕐᒥᒃ ᐊᒻᒪᓗ ᐊᕙᑎᒥᒃ ᓴᐳᔾᔨᓂᕐᒥᒃ, ᑐᑭᓯᐅᒪᒍᑕᐅᔭᕆᐊᓖᑦ ᐅᑭᐅᖅᑕᖅᑐᒥ ᒐᕙᒪᒃᑯᓐᓂᑦ ᑲᓇᑕᐅᓪᓗ ᒐᕙᒪᒃᑯᖏᓐᓂᒃ ᐊᕙᑎᓕᕆᓂᕐᒧᑦ ᒪᓕᒐᓕᐊᖑᓯᒪᔪᓂᑦ. ᐃᓄᒃᑎᑑᕈᓐᓇᑦᑎᐊᕆᐊᓕᒃ ᐊᒻᒪᓗ ᐊᖏᕐᓯᒪᑦᑎᐊᕐᓗᓂ ᐃᖅᑲᓇᐃᔭᕆᐊᖃᑦᑕᓂᐊᕐᓂᕐᒧᑦ ᓇᓪᓕᑭᑕᖅᑐᒥᒃ ᐋᖅᑭᓯᒪᔪᒥᒃ ᐅᔭᕋᓐᓂᐊᕐᕕᒻᒧᑦ.
ᑖᓐᓇ ᐃᖅᑲᓇᐃᔮᔅᓴᖅ ᐃᓕᓐᓂᐊᕐᓯᒪᒍᑕᐅᔭᕆᐊᓕᒃ ᓯᓚᑦᑐᓴᕐᕕᒻᒥ ᒪᕐᕉᓐᓂᒃ ᐊᕐᕌᒎᓐᓂ ᐊᕙᑎᓕᕆᓂᕐᒥᒃ ᐃᓕᓐᓂᐊᕈᑎᓂᑦ, ᐊᕙᑎᓕᕆᓂᕐᒥᒃ ᖃᐅᔨᓴᖅᑐᓕᕆᓂᕐᒥᒃ, ᐅᕝᕙᓘᓐᓃᑦ ᑕᒪᑐᒪ ᒥᔅᓵᓄᖓᔪᓂᑦ ᐃᓕᓐᓂᐊᕈᑎᓂᑦ. ᑕᒪᒃᑮᓐᓂᒃ ᑕᒪᑐᒪ ᒥᔅᓵᓄᑦ ᐃᓕᓐᓂᐊᕐᓯᒪᑉᐸᑦ ᐃᖅᑲᓇᐃᔮᖃᕐᓯᒪᑉᐸᓪᓗ ᓈᒻᒪᒋᔭᐅᔪᓐᓇᕐᒥᔪᖅ ᓇᓕᒧᑦᑎᓂᖏᓐᓂᒃ ᐃᓱᒪᒋᔭᐅᓗᓂ. ᓈᒻᒪᑦᑐᒥᒃ ᐱᕋᔭᓚᐅᕐᓯᒪᙱᒃᑲᓗᐊᕐᒪᖔᖅ ᖃᐅᔨᓴᖅᑕᐅᔾᔪᑎᖃᕆᐊᓕᒃ ᐊᒻᒪᓗ ᐃᓱᒫᓗᓇᙱᒃᑲᓗᐊᕐᒪᖔᖅ ᐃᓱᒫᓗᓇᕐᓂᕐᓴᓄᑦ ᖃᐅᔨᓴᖅᑕᐅᔾᔪᑎᖃᕆᐊᓕᒃ.
ᐱᒋᐊᕈᑎᒋᓂᐊᖅᑕᖓ ᑮᓇᐅᔾᔭᔅᓵᖏᑦ ᐃᖅᑲᓇᐃᔮᒃᓴᒥ $84,972 ᐊᕐᕌᒍᑕᒫᑦ, ᐊᒻᒪᓗᑦᑕᐅᖅ ᐅᑭᐅᖅᑕᖅᑐᕐᒥᐅᑕᓂᕐᒧᑦ ᐃᑲᔫᓯᐊᖅᑖᖃᑦᑕᕐᓗᓂ $27,600ᓂᒃ ᐊᕐᕌᒍᑕᒫᑦ ᐃᖅᑲᓇᐃᔭᖅᑎ ᓄᓇᕗᒻᒥᐅᑕᐅᑉᐸᑦ. ᐃᓪᓗᖃᖅᑎᑦᑎᒍᑕᐅᔾᔮᖏᑦᑐᖅ.
ᐃᖅᑲᓇᐃᔮᖅᑖᕋᓲᑕᐅᔪᑦ ᑐᓂᔭᐅᖃᑦᑕᕈᓐᓇᖅᑐᑦ ᓱᒃᑲᔪᒃᑯᑦ, ᐃᕐᖐᓈᕈᑎᒃᑯᑦ, ᓇᒻᒥᓂᖅ ᑐᓂᓗᒋᑦ, ᑎᑎᖅᑲᓂᐊᕐᕕᑯᓪᓘᓐᓃᑦ ᐅᕗᖓ:
Human Resources ᐅᖄᓚᐅᑖ: (867) 975-8400
Qikiqtani Inuit Association ᓱᒃᑲᔪᒃᑰᕈᑖ: (867) 979-3238
Igluvut building, 2nd floor
P.O. Box 1340 ᐃᕐᖐᓈᖅᑕᐅᑖ: Resumes@qia.ca
Iqaluit, NU X0A 0H0
ᒪᑐᐃᖓᔪᖅ ᐃᓐᓄᒐᓱᓐᓂᖓᓂ
