ᐃᖅᑲᓇᐃᔭᖅᑎᓄᑦ ᑐᕌᖓᓪᓗᓂ ᐃᖅᑲᓇᐃᔮᔅᓴᖅ
ᐃᖅᑲᓇᐃᔮᖅ: ᐃᓅᓕᓯᕆᓂᕐᒧᑦ ᖃᐅᔨᓴᖅᑎ, ᐃᓄᐃᑦ ᐃᑲᔫᑎᓕᕆᔩᑦ ᐱᔨᑦᑎᕋᖅᑏᓪᓗ ᐃᖅᑲᓇᐃᔭᕐᕕᖓᓐᓂ
ᐃᖅᑲᓇᐃᔮᖅ: ᐃᖅᑲᓇᐃᔮᖑᐃᓐᓇᖅᑐᖅ
ᓇᒥ: ᐃᖃᓗᐃᑦ, ᓄᓇᕗᑦ
ᒪᑐᐃᖓᔪᖅ ᐅᑯᓄᖓ: ᐱᔭᐅᖔᖁᔭᕋᓗᐊᕗᑦ ᐃᓄᓐᓄᑦ ᐊᑎᖃᖃᑕᐅᔪᓄᑦ ᓄᓇᕗ ᐊᖏᕈᑎᖏᓐᓄᑦ
ᐃᓄᔅᓯᐊᖏᑉᐸᑕ, ᑖᓐᓇ ᐊᕐᕌᒎᓐᓄᒃ ᒪᕐᕉᓐᓄᒃ ᐃᓕᓯᒪᔪᖃᑲᐃᓐᓇᕈᓐᓇᕋᔭᖅᑐᖅ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (QIA) ᕿᓂᕐᖓᑕ ᖃᐅᔨᓴᖅᑎᐅᒍᓐᓇᖅᑐᓂᑦ ᓇᓗᓇᐃᔭᖅᓯᒪᑦᑎᐊᖅᑐᓂᒃ ᐱᓕᕆᔪᓐᓇᕐᓗᓂ ᐃᓅᓯᓕᕆᓂᕐᒧᑦ ᖃᐅᔨᓴᖅᑎᑦ ᐃᖅᑲᓇᐃᔭᕐᕕᖏᓐᓄᑦ ᐃᓄᐃᑦ ᐃᑲᔫᑎᔅᓴᖏᓐᓄᑦ ᐱᔨᑦᑎᕋᐅᑎᖏᓐᓄᓪᓗ ᐃᓅᓱᓕᕆᓂᕐᒧᑦ ᖃᐅᔨᓴᖅᑎ ᖃᐅᔨᓴᖃᑦᑕᕋᔭᖅᑐᖅ, ᐃᑲᔪᖅᑐᐃᓗᓂ ᐱᓕᕆᔪᓂᒃ, ᖃᐅᔨᓴᐅᑎᔅᓴᓂᒃ ᐊᑐᐃᓐᓇᖃᖃᑦᑕᕐᓗᓂ ᐊᑐᓕᖁᔭᒥᓂᓪᓗ ᐅᓂᒃᑳᖃᑦᑕᕐᓗᓂ ᕿᑭᖅᑕᓂᒃᑯᑦ ᓯᕗᓪᓕᖅᐸᐅᑎᔭᕆᐊᓕᖏᓐᓄ ᐃᓅᓯᓕᕆᓂᕐᒧᑦ ᐃᑲᔫᑎᓄᑦ, ᐱᒋᕈᑎᓄᑦ ᐱᔨᑦᑎᕋᐅᑎᓄᓪᓗ. ᑖᓐᓇ ᐱᓕᕆᖃᑎᖃᕋᔭᖅᑐᑦ ᓯᓚᑖᓃᓐᖔᖅᑐᓂᑦ ᐃᓗᐊᓂᓗ ᑎᒍᒥᐊᖅᑎᐅᔪᓂᒃ. ᑖᓐᓇ ᐃᑲᔪᖅᑐᖅ ᑕᒪᒃᑯᐊ ᐃᑲᔫᑏᑦ ᐱᒋᐊᕈᑏᓪᓗ ᑖᒃᑯᐊᓪᓚᕆᐅᒐᓗᐊᕐᒪᖓᑕ ᓇᓗᓇᐃᖅᑕᐅᓯᒪᔪᑦ ᐊᑐᐃᓐᓇᐅᑎᑕᐅᔪᑦ ᒪᓕᑦᑎᐊᕐᓗᑎᑦ ᐱᓕᕆᐊᕆᔭᕆᐊᓕᖏᓐᓂ ᒪᓕᓪᓗᑎᓪᓗ ᕿᑭᖅᑕᓂᒃᑯᑦ ᐸᕐᓇᐅᑎᖏᓐᓂ ᑎᒥᐅᔪᓪᓗ ᐱᖁᔭᖏᓐᓂ, ᐊᒻᒪᓗ ᐱᔭᕇᖅᑕᖏᓪᓗ ᐃᑲᔫᑎᖃᖁᓪᓗᒋᑦ ᕿᑭᖅᑖᓗᒻᒥᐅᑕᕐᓄᑦ ᐃᓄᓐᓄᑦ ᐊᖏᓂᖅᐹᖅᓯᒍᑦ
ᐊᖏᔪᖅᑳᖃᕐᓗᓂ ᐊᐅᓚᑦᑎᔨᒥᑦ, ᐃᓅᓯᓕᕆᓂᕐᒧᑦ ᖃᐅᔨᓴᖅᑎ ᑲᒪᖃᑦᑕᕋᔭᖅᑐᖅ ᐋᖅᑭᔅᓱᐃᖃᑦᑕᕐᓗᓂ ᑕᑎᒋᔭᐅᔪᓐᓇᑦᑎᐊᖅᑐᓂᒃ ᑐᑭᓯᓇᑦᑎᐊᖅᑐᓂᓪᓗ ᐃᑲᔫᑎᔅᓴᓂᒃ ᐱᖁᔭᓕᕆᓂᕐᒥᓪᓗ, ᑕᒪᒃᑮᓐᓂᒃ ᐊᕕᑦᑐᖅᓯᒪᔪᓂᒃ ᐅᑭᐅᖅᑕᖅᑐᒥᓪᓗ. ᓄᐊᑦᑎᖃᑦᑕᕋᔭᖅᑐᖅ ᕿᒥᕐᕈᓗᒋᓪᓗ ᓄᐊᑕᒥᓂᖏᑦ, ᐋᖅᑭᓱᑦᑎᐊᕐᓗᒋᓪ ᐅᓂᒃᑳᕆᓗᒋᓪᓗ ᖃᐅᔨᓴᐅᑎᒥᓃᑦ, ᓇᓗᓇᐃᔭᕐᓗᒋᓪᓗ ᐅᓗᕆᐊᓇᕈᓐᓇᕐᓂᖏᑦ ᐊᑦᑐᐃᒍᓐᓇᕐᓂᖏᓐᓂᓪᓗ ᑲᑐᔾᔨᖃᑎᒌᓐᓄᑦ. ᐱᔾᔪᑎᖃᖅᑐᑦ ᒪᑯᓂᖓ ᐱᓕᕆᔨᒻᒪᕆᐅᓂᕐᒧᑦ, ᐃᓅᓯᓕᕆᓂᕐᒧᑦ ᖃᐅᔨᓴᖅᑎ ᖃᐅᔨᒪᑦᑎᐊᕐᓗᓂ ᐱᓕᕆᖃᑎᖃᕈᓐᓇᕐᓗᓂᓗ ᐃᑲᔪᖅᑐᐃᓗᓂᓗ ᕿᑭᖅᑕᓂᒃᑯᑦ ᓇᓗᓇᐃᔭᖅᓯᒪᔭᖏᓐᓂ ᐊᒻᒪᓗ ᒪᓕᓪᓗᑎᑦ ᐊᓯᖏᓐᓃᓐᖔᖅᑐᓂᒃ ᓯᓚᑖᓂ ᑮᓇᐅᔭᖅᑕᖃᖅᑲᑦ, ᑐᔅᓯᕋᐅᑎᓕᐅᖃᑦᑕᕐᓗᓂᓗ, ᐃᑲᔪᖃᑦᑕᕐᓗᓂᓗ ᐸᐃᑉᐹᓕᕆᔾᔪᓯᕐᓂᑦ ᑳᓐᑐᓛᓕᐊᕆᔭᐅᓯᒪᔪᓂᒃ ᐊᒻᒪᓗ ᐅᓂᒃᑳᓕᐅᖃᑦᑕᕐᓗᓂ ᐱᓕᕆᐊᖏᓐᓂ. ᑖᓐᓇ ᐱᖃᑕᐅᓗᓂ ᑲᓇᑕᐅᑉ ᐅᑭᐅᖅᑕᖅᑐᖏᓐᓂ ᑲᓇᑕᒥᓪᓘᓐᓃᑦ ᐸᕐᓇᑦᑎᓂᒃ. ᐃᓅᓯᓕᕆᓂᕐᒧᑦ ᖃᔨᐅᓴᖅᑎ ᓇᒻᒥᓂᖅᓱᖃᑦᑕᕆᐊᓕᒃ, ᓇᒻᒥᓂᖅ ᐱᓕᕆᖃᑦᑕᕐᓗᓂ ᐋᖅᑭᒋᐊᕆᐊᓕᓐᓂᑦ ᐋᖅᑭᔅᓱᐃᖃᑦᑕᕐᓗᓂ ᐃᓱᒪᑐᒍᓐᓇᕐᓗᓂᓗ. ᑐᑭᓯᒋᐊᕈᑏᑦ, ᐃᓱᒪᒋᔭᐅᓪᓗ ᐊᑐᓕᖁᔭᐅᔪᓪᓗ ᑖᒃᑯᓂᖓ ᐃᑲᔫᑎᖃᕆᐊᓖᑦ ᓈᒻᒪᑦᑎᐊᕐᓗᑎᓪᓗ ᐊᑑᑎᖃᑦᑎᐊᕐᓗᑎᓪᓗ ᕿᑭᖅᑕᓂᒃᑯᑦ ᐃᑲᔫᑎᓂᑦ ᐱᔨᑦᑎᕋᐅᖏᓐᓄᓪᓗ, ᐊᒻᒪᓗ ᐸᕐᓇᐅᑎᑎᒍᑦ ᑎᓕᓯᒍᓐᓇᕐᓗᓂ ᑲᑐᔾᔨᖃᑎᒌᓐᓄᑦ.
ᐃᖅᑲᓇᐃᔮᖅᑕᕋᓱᐊᖅᑐᑦ ᖃᐅᔨᒪᒋᐊᓖᑦ ᓄᓇᕗᑦ ᐊᖏᕈᑎᖓᓐᓂ, ᐱᓗᐊᖅᑐᒥᑦ ᒪᓕᒐᕐᒥᑦ 32−ᒥᑦ. ᖃᐅᔨᒪᓇᓱᕆᐊᖃᕐᒥᔭᖏᑦ ᐃᓄᐃᑦ ᓄᓇᖓᑦ, ᐃᓄᐃᑦ ᐱᔪᓐᓇᐅᑎᖏᑦ ᐊᒻᒪᓗ ᓇᒻᒥᓂᖅ ᒐᕙᒪᑐᖃᕋᓱᐊᕐᓂᖅ ᐱᖁᔭᓕᕆᓂᕐᓗ ᓇᒻᒥᓂᖅ ᐱᓇᓱᐊᕐᓂᕐᒥᑦ, ᐱᕙᓪᓕᐊᓂᕐᒥᑦ, ᐃᓅᓇᓱᐊᑦᑎᐊᕐᓂᒥᓪᓗ ᐱᓕᕆᓂᐊᖅᑎᓪᓗᒍ. ᓂᓪᓕᐊᒍᓐᓇᑦᑎᐊᕆᐊᓕᒃ ᐅᓂᒃᑳᓕᐅᖃᑦᑕᕐᓗᓂᓗ ᓇᐃᑦᑐᓂᒃ, ᐅᓂᒃᑳᓕᐅᖃᑦᑕᕐᓗᓂ ᓴᖅᑭᖃᑦᑕᕐᓗᒋᓪᓗ ᖃᐅᔨᔭᒥᓂᖏᑦ ᐊᑐᓕᖁᔭᖏᓪᓗ. ᐃᖅᑲᐃᔮᖅᑖᕋᓱᐊᖅᑐᖅ ᐊᕐᕌᒍᓄᑦ ᐱᖓᓱᓄᑦ ᐱᓕᕆᔨᒻᒪᕆᐅᓯᒪᒋᐊᓕᒃ ᖃᐅᔨᓴᖃᑦᑕᖅᓯᒪᓗᓂᓗ, ᕿᒥᕐᕈᖃᑦᑕᓗᕐᓂᓗ ᑐᑭᓯᒋᐊᕈᑎᓂᒃ ᐋᖅᑭᔅᓱᐃᒍᓐᓇᕐᓗᓂᓗ ᐃᓱᒪᒋᔭᖏᓐᓂ ᑎᑎᕋᕐᓗᓂ ᐊᑐᓕᖁᔭᒥᓂᓪᓘᓐᓃᑦ. ᑮᓇᐅᔭᓂᓪᓗ ᑐᔅᓯᕋᓕᓂᐅᓗᓂ ᑮᓇᐅᔭᓕᕆᓂᒥᓪᓗ ᐅᓂᒃᑳᓕᐅᕈᓐᓇᕐᓗᑎᑦ ᐱᔪᓐᓇᕆᐊᓕᑦᑕᐅ ᑕᒪᑐᒥᖓ. ᖃᓪᓗᓈᑎᑑᕈᓐᓇᕐᓗᓂ ᐃᓄᑦᑎᑑᕈᓐᓇᑦᑎᐊᕐᓗᓂᓗ.
ᐃᓕᔪᖅ ᐃᓱᒪᑐᒐᓱᒋᐊᖃᕐᒥᔪᖅ ᑐᓴᐅᒪᑎᑦᑎᑦᑎᐊᕈᓐᓇᕐᓗᓂ ᐊᔅᓱᕈᓇᖅᑐᓕᕆᔪᓐᓇᕐᓗᓂ ᑕᐃᒪᐃᒋᐊᖃᓕᕋᐃᑉᐸᑦ. ᑐᑭᓯᒪᑦᑎᐊᕐᓗᓂ ᑭᓪᓕᒋᔭᐅᔪᓂᒃ ᑲᒪᒋᔭᐅᒋᐊᓕᓐᓂᑦ ᑎᒍᒥᐊᖅᑕᖏᓐᓂᓪᓗ ᒐᕙᒪᑐᖃᒃᑯᑦ, ᐅᑭᐅᖅᑕᖅᑐᒥ ᐃᓄᓪᓗ ᑲᑎᒪᔩᑦ ᑕᒪᑐᒧᖓᖓᔪᑦ ᐃᓄᐃᑦ ᐃᓅᓯᓕᕆᓂᕐᒧᑦ ᐱᖅᑯᓯᖏᓐᓄᓪᓗ. ᐊᑐᕈᓐᓇᑦᑎᐊᕐᓗᓂ ᖃᕋᓴᐅᔭᕐᓂᑦ Microsoft Office Suite−ᓂᑦ.
ᑕᐃᓕ, ᓯᓚᑦᑐᖅᓴᕐᕕᒻᒥ ᐃᓕᓐᓂᐊᖅᓯᒪᓗᓂ ᐸᐃᑉᐹᖃᕐᓗᓂ ᑭᒃᑯᑐᐃᓐᓇᕐᓄᑦ ᐸᐃᑉᐹᓕᕆᔾᔪᓯᕐᓂᑦ, ᐃᓅᓱᓕᕆᓂᕐᒧᑦ ᐅᕝᕙᓘᓐᓃᑦ ᑲᑎᒪᔨᐅᓂᕐᒧᑦ ᐱᖃᕆᐊᓕᒃ. ᑲᑎᑕᐹᓐᓂᒃ ᐃᓕᓐᓂᐊᖅᓯᒪᓂᖃᕐᓗᓂ ᖃᓄᐃᓐᖏᒻᒥᔪᖅ ᐊᑐᖅᓯᒪᔭᒥᓂᖏᓐᓂᓪᓘᓐᓃᑦ ᐃᖅᑲᓇᐃᔮᒧ ᓈᒻᒪᒋᔭᐅᒍᓐᓇᕐᒥᔪᖅ
ᑮᓇᐅᔾᔭᔅᓵᖓ ᐱᒋᐊᕐᓗᓂ $89,582−ᒥᑦ ᑎᑭᒍᓐᓇᖅᑐᖅ $124,086−ᒧᑦ ᐊᕐᕌᒍᑕᒫᑦ, ᐊᒻᒪᓗ ᐅᑭᐅᖅᑕᖅᑐᒦᒍᓯᐊᕐᓂᑦ $27,600 ᐊᕐᕌᒍᑕᒫᑦ. ᐃᖅᑲᖅᑐᖅᑕᐅᔾᔪᑎᒥᓂᖃᓐᖏᒃᑲᓗᐊᕐᒪᖔᖅ ᖃᐅᔨᓴᖅᑕᐅᒋᐊᓖᒃ ᐊᑦᑐᐃᓴᕋᐃᓂᒧᓪᓗ ᖃᐅᔨᓴᖅᑕᐅᒋᐊᓕᒃ
ᐃᓪᓗᔅᓴᖃᓐᖏᑦᑐᖅ.
ᑕᐃᒃᑯᐊ ᑭᓱᐊᓂ ᐊᐱᖅᓱᖅᑕᐅᔪᒪᔪᑦ ᖃᐅᔨᒋᐊᖅᑕᐅᓂᐊᖅᑐᑦ.
ᐃᖅᑲᓇᐃᔮᖅᑖᕋᓱᐊᕈᑏᑦ ᑐᓂᔭᐅᖃᑦᑕᕈᓐᓇᖅᑐᑦ ᓱᒃᑲᔪᒃᑯᑦ, ᐃᕐᖐᓈᖅᑕᐅᑎᒃᑯᑦ, ᓇᒻᒥᓂᖅ ᐋᓪᓗᒋᑦ, ᐅᕝᕙᓘᓐᓃᑦ ᑎᑎᖅᑲᓂᐊᕐᕕᒃᑯᑦ ᑐᔫᑎᒋᓗᒋᑦ ᐅᕗᖓ:
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐃᕐᖐᓈᖅᑕᐅᑎᖓ: Resumes@qia.ca
200-922 ᓯᕗᒥᒋᐊᖅ ᐊᖅᑯᑖᓂ, ᖄᖅᑎᖓᓂ 2-ᒥ ᐅᖄᓚᐅᑎᖓ: (867) 975-8400
ᐃᒡᓗᕗᑦ, ᐃᖃᓗᐃᑦ, ᓄᓇᕗᑦ X0A 3H0 ᓱᒃᑲᔪᒃᑰᕈᑖ: (867) 979-3238
Tuttarvik.qia.ca
ᒪᑐᕕᔅᓴᓕᒃ: ᐊᐃᐳᓗ 11, 2025, 5-ᒨᖅᑲᑦ ᐅᓐᓄᓴᒃᑯᑦ ᑲᓇᓐᓇᐅᑉ ᓯᕿᙳᔭᖓ ᒪᓕᑦᑐᒍ
