ᐃᖅᑲᓇᐃᔭᖅᑎᓄᑦ/ᐃᖅᑲᓇᐃᔮᒃᓴᖅᓯᐅᖅᑐᓄᓪᓗ ᐃᖅᑲᓇᐃᔮᒃᓴᖅ

ᐃᖅᓇᐃᔮᒃᓴᖅ: ᑐᑭᒧᐊᒃᑎᑦᑎᔨ, ᑮᓇᐅᔭᓕᕆᔨᒃᑯᓐᓂ

ᖃᓄᑎᒋᐅᓂᐊᕐᓂᖓ: ᐃᖅᑲᓇᐃᔮᓪᓚᑦᑖᖅ

ᓇᒥ: ᐃᖃᓗᐃ, ᓄᓇᕗᑦ

ᒪᑐᐃᖓᔪᖅ:  ᑐᓂᔭᐅᖅᑳᓂᐊᖅᑐᖅ ᓄᓇᕗᑦ ᐃᓄᖏᓐᓄᑦ

 ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐊᔪᖏᑦᑎᐊᖅᑐᒥᒃ ᑕᑎᒋᔭᐅᔪᓐᓇᑦᑎᐊᖅᑐᒥᓪᓗ ᑮᓇᐅᔭᓕᕆᔨᑖᕈᒪᒐᓗᐊᕐᒪᑕ, ᖃᐅᔨᒪᓂᖃᕐᓗᓂ ᑮᓇᐅᔭᓕᕆᔾᔪᑎᓂᒃ ᑮᓇᐅᔭᓕᕆᓂᕐᒧᓪᓗ ᒪᓕᒋᐊᓕᖕᓂᒃ, ᐊᐅᓚᑦᑎᔨᐅᓗᓂ ᑲᒪᔨᐅᓗᓂᓗ ᑮᓇᐅᔭᕆᓕᕆᔨᒃᑯᓐᓂ. ᑐᑭᒧᐊᒃᑎᑦᑎᔨ ᑮᓇᐅᔭᓕᕆᓂᕐᒧᑦ ᐊᐅᓚᑦᑎᔨᓚᕆᐊᖃᑕᐅᒐᔭᕐᒪᑦ ᑲᑐᔾᔨᖃᑎᒌᒡᕕᖕᒧᑦ ᐅᓪᓗᑕᒫᕐᓗ ᑮᓇᐅᔭᓕᕆᔾᔪᑎᓂᒃ ᐃᖅᑲᓇᐃᔭᖅᑎᐅᔪᓂᒡᓗ.

ᐊᖓᔪᖅᑳᖃᕐᓂᐊᖅᑐᑦ ᑮᓇᐅᔭᓕᕆᔨᒻᒪᕆᖕᒥ ᑕᒪᓐᓇ ᐃᖅᑲᓇᐃᔮᖅ ᐱᒻᒪᕆᐅᖕᒪᑦ ᕿᑭᖅᑕᓂᒃᑯᑦ ᑮᓇᐅᔭᓕᕆᔾᔪᑎᓕᒫᖏᑦ ᑲᔪᓯᓂᖃᑦᑎᐊᕈᓐᓇᖁᓪᓗᒋᑦ ᑲᒪᒋᔭᖃᑦᑎᐊᕐᓂᖓᓄᑦ ᐃᖅᑲᓇᐃᔭᖅᑎᖏᓐᓂᒃ, ᖃᐅᔨᓴᐃᖏᓐᓇᕐᓗᓂ ᑮᓇᐅᔭᓕᕆᔾᔪᑎᓂᒃ, ᑲᑎᖅᓱᖅᑕᐅᔭᕆᐊᓕᖕᓂᒃ, ᐃᓯᖅᐸᓪᓕᐊᔪᓂᒃ ᑮᓇᐅᔭᖅᑐᖅᐸᓪᓕᐊᔪᓂᒡᓗ, ᐅᓂᒃᑳᓕᐊᖅᐸᒡᓗᓂᓗ ᑮᓇᐅᔭᖅᑑᑎᓪᓚᑦᑖᓂᒃ ᓂᕆᐅᒋᔭᐅᔪᓂᒡᓗ, ᕿᒥᕐᕈᔨᐅᓗᓂ ᑮᓇᐅᔭᓕᕆᔾᔪᑎᓂᒃ ᑮᓇᐅᔭᐃᓪᓗ ᑭᒡᓕᓯᓂᐊᖅᑕᓯᐅᒪᓂᖏᓐᓂᒃ. ᐃᖅᑲᓇᐃᔮᖅ ᐱᓕᕆᔭᒃᓴᖃᕐᓂᐊᖅᑐᖅ ᑮᓇᐅᔭᓕᕆᓂᕐᒧᑦ ᐊᑭᓕᕆᐊᓕᑉᓂᒃ, ᑮᓇᐅᔭᓕᕆᓂᕐᒧᑦ ᑮᓇᐅᔭᖅᑖᕈᑎᓂᒃ ᐃᖅᑲᓇᐃᔭᖅᑏᓪᓗ ᐊᑭᓕᖅᑕᐅᔾᔪᑎᑎᒃᓴᖏᓐᓂᒃ ᐃᑲᔫᓯᐊᖅᑖᕈᑎᒃᓴᖏᓐᓂᓪᓗ ᐊᓯᖏᓐᓂᓪᓗ ᑮᓇᐅᔭᓕᕆᔾᔪᑎᐅᕙᒃᑐᓂᒃ. ᐃᖅᑲᓇᐃᔮᖅ ᐃᑲᔪᕐᓂᐊᖅᑐᖅ ᑮᓇᐅᔭᓕᕆᔾᔪᑎᐅᕙᒃᑐᓕᒫᓄᑦ, ᐃᓗᐃᓃ ᑮᓇᐅᔭᓕᕆᔾᔪᑎᓄᑦ, ᑕᒻᒪᖅᓯᒪᔪᖅᓯᐅᑐᓕᕆᓂᕐᒧᑦ ᑮᓇᐅᔭᓂᒡᓗ ᐅᓂᒃᑳᖃᕆᐊᖃᕐᓂᖓᓄᑦ ᐱᓕᒻᒪᒃᓴᐃᕙᓪᓕᐊᑎᓪᓗᒍ ᑮᓇᐅᔭᓕᕆᕙᓪᓕᐊᑎᓪᓗᒍᓗ ᑲᑐᔾᔨᖃᑎᒌᒡᕕᐅᑉ ᓯᕗᓕᖅᑎᖏᓐᓄᑦ.

ᐊᕐᕌᒍᓄᑦ ᑕᓪᓕᒪᓄᑦ ᑮᓇᐅᔭᓕᕆᔨᒻᒪᕆᐅᓂᕐᒧᑦ ᐱᓕᕆᓯᒪᔭᕆᐊᓕᒃ. ᐊᐅᓚᑦᑎᔨᐅᓕᒪᓗᓂᓗ ᐃᖅᑲᓇᐃᔭᖅᑎᖃᓕᒪᓗᓂᓗ, ᖃᓄᐃᓕᐅᖅᑕᐅᔪᓄᓪᓗ ᕿᒥᕐᕈᔨᐅᓗᓂ, ᐱᔭᕆᐊᓕᒃ, ᐋᖅᑭᒃᓱᐃᔪᓐᓇᖅᑎᐊᕐᓗᓂ ᑕᑯᔭᒃᓴᓕᐅᕈᓐᓇᕐᓂᕐᒥᒃ ᑮᓇᐅᔭᓕᕆᔾᔪᑎᐅᔪᓄᑦ ᐊᖓᔪᖅᑳᓄᑦ ᑕᑯᔭᒃᓴᓂᒃ. ᑮᓇᐅᔭᓂᒃ ᐃᓂᓪᓚᒃᓴᐃᔪᓐᓇᕐᓗᓂ, ᑮᓇᐅᔭᓂᒃ ᐸᕐᓇᐃᔾᔪᑎᖃᕈᓐᓇᕐᓗᓂ ᑮᓇᐅᔭᓕᕆᔾᔪᑎᓄᓪᓗ ᐅᓂᒃᑳᓕᐅᕈᓐᓇᕐᓗᓂ. ᑮᓇᐅᔭᓕᕆᓂᕐᒧᑦ ᐅᓂᒃᑳᓕᐅᕈᓐᓇᕐᓂᖅ ᑐᑭᓯᐅᒪᑦᑎᐊᕐᓂᕐᓗ ᑮᓇᐅᔭᓕᕆᔾᔪᑎᐅᕙᒃᑐᓂᒃ ᐱᔭᕆᐊᖃᒻᒪᕆᒃᑐᖅ.

ᐃᓕᓴᕆᔭᐅᔾᔪᑎᖃᕆᐊᓕᐅᒐᓗᐊᖅ, ᑮᓇᐅᔭᓕᕆᔨᐅᓂᕐᒧᑦ, ᑮᓇᐅᔭᓕᕆᓂᕐᒧᓪᓗ ᐃᓕᓐᓂᐊᖅᓯᒪᓂᕐᒥᒃ. ᑕᒪᐃᓐᓂᒃ ᑭᓯᐊᓂ ᖃᐅᔨᒪᖃᕐᓂᖅ ᐃᖅᑲᓇᐃᔭᖅᑎᐅᓕᒪᓂᕐᓗ ᐃᓱᒪᒃᓴᖅᓯᐅᕈᑕᐅᓂᐊᕐᒥᔪᑦ. ᐱᕋᔭᒃᓴᒪᖏᒃᑲᓗᐊᕐᒪᖔᑦ ᖃᐅᔨᓴᖅᑕᐅᓯᒪᔭᕆᐊᓕᒃ.

ᐃᖅᑲᓇᐃᔮᖅ ᐱᖏᐊᕐᕕᖓ $139,349 ᐊᕐᕌᒍᑕᒫᑦ, ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ $27,600 ᐊᕐᕌᒍᑕᒫᑦ. ᐃᒡᓗᒃᑕᖃᖏᑦᑐᖅ.

ᓂᕈᐊᖅᑕᐅᔪᑐᐊᖅ ᑐᓴᕆᐊᕐᕕᐅᓂᐊᖅᑐᑦ.

ᐃᖅᑲᓇᐃᔭᓕᕈᒪᔾᔪᑏᒃ ᓱᒃᑲᔪᒃᑯᑦ, ᐃᒃᖐᓐᓈᕈᑎᒃᑯᑦ, ᐋᓪᓗᒋᓪᓘᓐᓃᑦ, ᑎᑎᖅᑲᒃᑯᕕᒃᑯᓪᓘᓐᓃᑦ:

ᐃᖅᑲᓇᐃᔭᖅᑐᓕᕆᔨᒃᑯᑦ                         ᐅᖄᓚᐅᑖ: (867) 975-8400

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ         ᓱᒃᑲᔪᒃᑯᑦ: (867) 979-3238

200-922 ᓯᕗᒧᒋᐊᖅ ᐊᖅᑯᑎ                   ᐃᕐᖐᓐᓈᕈᑎᒃᑯᑦ: Resumes@qia.ca

ᐃᒡᓗᕘᒥ, ᖁᓛᓃᑦᑐᖅ                             ᑕᑯᒋᐊᕈᒃ: Tuttarvik.qia.ca

ᐃᖃᓗᐃᑦ, NU X0A 3H0

ᒪᑐᕕᔅᓴᖓ ᐅᓪᓗᖅ : ᒪᑐᐃᖓᓂᐊᖅᑐᖅ ᐃᓐᓄᒐᓱᓐᓂᖓᓂ ᑖᓐᓇ

Back to Blog