ᐃᖅᑲᓇᐃᔭᖅᑎᓄᑦ/ᐃᖅᑲᓇᐃᔮᒃᓴᖅᓯᐅᖅᑐᓄᓪᓗ ᐃᖅᑲᓇᐃᔮᒃᓴᖅ
ᐃᖅᑲᓇᐃᔮᖅ: ᑲᒪᔨ,ᕿᒻᒦᑦ ᐅᑎᖅᑎᑕᐅᕚᓪᓕᖁᓪᓗᒋᑦ ᐱᓕᕆᐊᖅ
ᖃᓄᑎᒋ: ᐃᓱᓕᕝᕕᖃᖏᑦᑐᖅ
ᓇᒥ: ᐃᖃᓗᐃᑦ, ᓄᓇᕗᑦ
ᒪᑐᐃᖓᔪᖅ: ᓄᓇᕗᒻᒥ ᐃᓄᐃᑦ ᐃᓚᒋᔭᐅᔪᓄᑦ ᐊᖏᖃᑎᒌᒍᑎᒥᒃ
ᕿᑭᖅᑕᓃᒃᑯᑦ ᐃᓄᐃᑦ ᑲᑐᔾᔨᖃᑎᒌᖏᑦ ᐃᖅᑲᓇᐃᔭᖅᑎᕐᒃᓴᒥᒃ ᕿᓂᖅᑐᑦ ᑲᒪᔨᐅᓂᐊᕐᓗᓂ ᕿᒻᓃᑦ ᐅᑎᖅᑎᑕᐅᕚᓪᓕᖁᓪᓗᒍᑦ ᐱᓕᕆᐊᒥᒃ ᑕᒪᓐᓇ ᑎᑎᕋᖅᑕᐅᓯᒪᓪᓚᕆᖕᒪᑦ ᕿᑭᖅᑕᓂ ᓱᓕᔪᒃᑯᑦ ᑭᒡᓕᓯᓂᐊᓯᖅᑐᓂᕆᓂᕐᒥᒃ, ᐱᓕᕆᐊᖏᓐᓄᑦ, ᐱᓗᐊᖅᑐᒥᒃ ᕿᒻᓃᑦ ᐅᑎᑦᑎᑕᐅᕚᓪᓕᖁᓪᓗᒋᑦ ᐱᓕᕆᐊᒥᒃ. ᐃᖅᑲᓇᐃᔮᖅ ᓴᖅᑭᔮᕐᓂᖃᑦᑎᐊᕐᓂᐊᖅᑐᖅ ᑕᑎᒋᔭᐅᔪᓐᓇᑦᑎᐊᕐᓗᓂᓗ ᑎᑎᕋᖅᑐᐃᔭᕆᐊᖃᖅᑐᓂᒡᓗ ᐸᖅᑭᔨᐅᓗᓂ ᕿᑭᖅᑕᓂ ᓱᓕᔪᒃᑯᑦ ᕿᒡᓕᓯᓂᐊᖅᑏᑦ ᐱᖁᔭᖏᓐᓂᒃ ᕿᑭᖅᑕᓃᒃᑯᓐᓂ ᐊᐅᓚᑕᐅᔪᓂᒃ.
ᐊᖓᔪᖅᑳᖃᕐᓂᐊᖅᑐᖅ ᕿᑭᖅᑕᓂ ᓱᖠᔪᒃᑯᑦ ᑭᒡᓕᓱᓂᐊᖅᑐᓕᕆᓂᕐᒧᑦ ᐊᐅᓚᑦᑎᔨᖓᓂᒃ ᐱᓕᕆᐊᖓᕗᑦ ᐊᐅᓚᑕᐅᓗᓂᓗ ᑲᑎᒪᔨᑦ ᐱᔪᒪᔭᖏᑎᒍᑦ ᐊᑐᖅᖢᑎᒃ ᐃᓄᐃᑦ ᐱᓕᕆᐊᒃᓴᖏᓐᓂᒃ ᐱᔨᑦᑎᕋᐅᑎᖏᓐᓂᓪᓗ. ᐃᑲᔪᖅᑐᐃᓂᐊᖅᑐᖅ ᐃᖅᑲᓇᐃᔭᖅᑎ ᑐᓴᐅᒪᑎᑦᑎᓂᕐᒥᒃ ᐊᑐᓕᖁᔨᓂᕐᒧᓪᓗ ᐱᓕᕆᐊᖑᔪᒥᒃ, ᑐᑭᒧᐊᒃᑎᑦᑎᔨ ᐊᖓᔪᖅᑳᕐᓘᓐᓃᑦ. ᑕᒪᓐᓇ ᐱᓕᕆᐊᖅ ᑕᑎᒋᔭᐅᓪᓚᕆᒃᑐᖅ ᕿᑭᖅᑕᓃᒃᑯᑦ ᐊᖓᔪᖅᑳᖏᓐᓂᒃ ᑐᓂᓯᓯᒪᖁᓪᓗᒋᑦ, ᓱᓕᑦᑎᐊᖅᑐᓂᒃ, ᓴᖅᑭᑦᑏᔪᑦ ᖃᓄᐃᓕᐅᒐᒃᓴᓂᒃ ᕿᑭᖅᑕᓖᒃᑯᓐᓂ. ᑲᒪᔨ ᐃᓕᖅᑯᓯᑐᖃᕐᓂᖅ ᖃᐅᔨᒪᓂᖃᕆᐊᓕᒃ ᓯᕗᓕᖅᑎᐅᔪᓐᓇᑦᑎᐊᕐᓗᓂᓗ ᑕᑯᑎᑦᑎᔨᐅᓂᖓᓄᑦ ᐃᓄᐃᑦ ᓇᖕᒥᓂᖅᓱᓕᕈᓐᓇᕐᓂᖏᓐᓄᑦ, ᑎᑎᕋᖅᑕᐅᔭᕆᐊᓖᑦ ᐱᓕᕆᔭᒃᓴᓪᓗ ᑎᑎᕋᖅᑕᐅᔭᕆᐊᖃᕐᓂᖏᓐᓂᒃ, ᐅᖃᓪᓚᒍᓐᓇᑦᑎᐊᕆᐊᓕᒃ ᐅᓂᒃᑳᓕᐅᕈᓐᓇᑦᑎᐊᕐᓗᓂᓗ. ᖃᐅᔨᒪᑦᑎᐊᕐᓗᓂᓗ ᐅᔾᔨᕈᓱᖕᓂᒃᑯᑦ ᑲᑎᒪᔩᑦ, ᐃᓄᐃᑦ, ᑮᓇᐅᔭᓕᐅᕈᑕᐅᔪᓐᓇᖅᑐᓪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓄᑦ, ᓄᓇᕗᒻᒧᑦ, ᑐᓴᐅᒪᓂᖃᑦᑎᐊᕐᓂᖅ ᐃᓄᐃᑦ ᐃᓕᖅᑯᓯᕆᓚᐅᖅᑕᖏᓐᓂᒃ, ᐅᖃᐅᓯᖓᓂᒃ, ᐱᖅᑯᓯᖏᓐᓂᒃ ᐱᓕᕆᐊᒃᓴᓂᒡᓗ ᐋᖅᑭᒃᑕᐅᓯᒪᓂᖓᓄᑦ ᐊᐅᓚᔾᔭᐃᒋᐊᕐᒧᓪᓗ ᐱᓕᕆᔭᒃᓴᓂᒃ.
ᑐᑭᓯᐅᒪᓂᖅ ᕿᑭᖅᑕᓂ ᓱᓕᔪᒃᑯᑦ ᑭᒡᓕᓯᓂᐊᖅᑐᓕᕆᓂᕐᒥᒃ ᐃᓄᐃᓪᓗ ᕿᒻᒥᖃᕈᓯᖏᓐᓂᒃ ᕿᒧᒃᓯᖅᑐᓕᕆᓂᕐᒥᓪᓗ ᐱᔭᕆᐊᓕᒃ. ᑐᑭᓯᐅᒪᓗᓂᓗ ᐃᖅᑲᓇᐃᔭᖅᑎ ᑕᒪᓐᓇ ᓯᕗᓕᖅᓱᖅᑐᒥᒃ ᐋᓐᓂᐊᕈᑎᐅᓂᖓᓂᒃ ᐊᒃᑐᐃᓯᒪᔪᑦ ᑭᓇᐅᓂᑦᑎᓐᓂ. ᐊᕐᕌᒍᓕᒫᖅ ᐃᓄᓕᕆᓕᒪᔪᒥᒃ ᖁᓱᖏᑦᑎᐊᖅᑐᒥᒃ ᐱᓕᕆᔪᓐᓇᑦᑎᐊᖅᑐᒥᓪᓗ ᐱᔭᕆᐊᓕᒃ ᐃᑲᔪᖅᑕᐅᖁᓪᓗᒋᑦ ᐃᓄᐃᑦ ᓄᓇᓕᒌᓪᓗ. ᐊᐅᓚᑦᑎᔪᓐᓇᑦᑎᐊᕐᓂ ᐱᓕᕆᓕᒪᓂᕐᓗ ᑲᒪᔨᐅᓂᕐᒥᒃ ᐊᔪᙱᑦᑕᕆᐊᓕᒃ. ᐃᑲᔪᖃᑎᒌᒡᓗᓂ ᑭᓯᐊᓂ ᐱᔭᕆᐊᖃᕐᒪᑦ ᐱᓕᕆᖃᑎᒌᓕᒪᑦᑎᐊᕆᐊᓕᒃ. ᑮᓇᐅᔭᓕᕆᔪᓐᓇᕐᓗᓂ ᑎᑎᕋᖅᑐᐃᔪᓐᓇᕐᓗᓂᓗ ᐅᓂᒃᑳᓕᐅᕈᓐᓇᕐᓗᓂᓗ ᐱᓕᕆᔭᒃᓴᐅᔪᓂᒃ ᑐᓴᖅᑕᐅᔪᓂᒡᓗ ᐊᔪᙱᑦᑎᐊᕆᐊᓕᒡᓗ ᐅᖃᐅᓯᖃᕐᓂᕐᒥᒃ ᐱᓕᕆᐊᖓᓂ. ᖃᕆᓴᐅᔭᓕᕆᔾᔪᑏᑦ ᐊᔪᖏᑦᑎᐊᕆᐊᓕᖏᑦ ᑎᑎᕋᕈᓐᓇᐅᑏᑦ. ᐃᓄᒃᑐᑦ ᐅᖃᓪᓚᒍᓐᓇᑦᑎᐊᕆᐊᓕᒃ.
ᐃᓕᓐᓂᐊᖅᓯᒪᔪᒥᒃ ᐱᔪᒪᔫᒐᓗᐊᑦ ᐃᓄᐃᒃ ᐃᓕᖅᑯᓯᖏᓐᓂᒃ ᐃᓄᓕᕆᓂᕐᒥᓪᓗ ᑭᓯᐊᓂ ᑕᒪᐃᓐᓂ ᐱᓕᕆᓕᒪᔪᒥᒃ ᐃᓕᓐᓂᐊᖅᓯᒪᓂᖃᕐᓂᕐᒥᓪᓗ ᐃᓱᒪᒃᓴᖅᓯᐅᕈᑕᐅᓂᐊᕐᒥᔪᑦ. ᐃᓕᓴᕆᔭᐅᔾᔪᑎ ᐃᓱᒪᓕᕆᓂᕐᒧᑦ ᖃᓄᐃᖏᑦᑎᐊᖁᔨᓂᕐᒥᒃ ᐊᒃᓱᕈᖅᓯᒪᓂᕐᒧᓪᓗ ᐃᑲᔪᕈᓐᓇᕐᓂᕐᒥᒃ ᐱᔭᕆᐊᓕᒃ. ᐱᕋᔭᒃᓯᒪᖏᒃᑲᓗᐊᕐᒪᖔᓪᓗ ᖃᐅᔨᓴᖅᓱᑕᐅᔭᕆᐊᖃᖅᖢᓂ.
ᑮᓇᐅᔭᓕᐊᖅ ᐱᒋᐊᕐᕕᓕᒃ $74,651ᒥ $109,480ᒧᑦ ᐊᕐᕌᒍᑕᒫᑦ, ᐃᓚᖃᕐᓗᓂ ᓄᓇᕗᒻᒥ ᐅᑭᐅᖅᑕᖅᑐᒥᐅᑕᐅᓂᕐᒧᑦ $27,600 ᐊᕐᕌᒍᑕᒫᑦ. ᐃᒡᓗᒃᓴᖃᖏᑦᑐᖅ.
ᓂᕈᐊᖅᑕᐅᔪᑐᐊᖅ ᑐᓴᕆᐊᕐᕕᐅᓂᐊᖅᑐᑦ.
ᑐᓂᔭᐅᔪᓐᓇᖅᑐᖅ ᓱᒃᑲᔪᒃᑯᑦ, ᐃᕐᖐᓐᓈᖅᑕᐅᑎᒃᑯᑦ, ᐋᑦᑎᓗᓂᓗᓐᓃᑦ ᑎᑎᖅᑲᒃᑯᕕᒃᑯᓪᓗ.
ᐃᖅᑲᓇᐃᔭᖅᑐᓕᕆᔨᒃᑯᑦ ᐅᖄᓚᐅᑎᒃᑯᑦ: (867) 975-8400
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᓱᒃᑲᔪᒃᑯᑦ: (867) 979-3238
200-922 ᓯᕗᒧᒋᐊᖅ ᐊᖅᑯᑎ ᐃᕐᖐᓐᓈᖅᑕᐅᑎᒃᑯᑦ: Resumes@qia.ca
ᐃᒡᓗᕕᑦ ᐃᒡᓗᕐᔪᐊ,ᖁᓛᓂ ᑕᑯᒋᐊᕈᒃ: Tuttarvik.qia.ca
ᐃᖃᓗᐃᑦ, ᓄᓇᕗᑦ X0A 3H0
ᒪᑐᕕᖓ: ᐅᑐᐱᕆ 25, 2024, 5:00 ᐅᓐᓄ ᒃᑯᑦ
