ᐱᓇᓱᒍᒪᔪᓄᑦ

 ᐃᖅᑲᓇᐃᔭᑲᐃᓐᓇᕐᓂᕐᒥᒃ

ᓇᒥ: ᐃᖃᓗᐃᑦ, ᓄᓇᕗᑦ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᓯᕗᒧᐊᕈ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᓯᕗᒧᐊᒃᑎᑦᓯᕙᒃᑐᑦ ᐱᔪᓐᓇᐅᑎᖏᓐᓂᒃ ᐱᕚᓪᓕᕈᑎᒃᓴᖏᓐᓂᓪᓗ ᕿᑭᖅᑕᓂ ᐃᓄᖏᑕ ᓴᐳᔾᔨᕙᒃᖢᑎᒃ ᐊᑐᖅᑎᑦᓯᒋᐊᒃᑲᓐᓂᖅᐸᒃᖢᑎᓪᓗ ᐃᓅᓯᓕᕆᓂᕐᒥᒃ, ᐊᐅᓚᑦᑎᕕᓕᕆᓂᕐᒥᒃ, ᒪᑭᒪᓇᓱᐊᕈᑎᓂᑦ ᐊᒻᒪᓗ ᐃᓕᖅᑯᓯᖅᑎᒍᑦ ᐃᓚᐅᕕᒋᔪᒪᕙᒃᑕᖏᓐᓂᑦ; ᓴᐳᔾᔨᓯᓐᓈᑦ ᓄᓇᖓᓐᓂ, ᐃᒪᖓᓐᓂ ᐊᕙᑎᒥᐅᑕᖏᓐᓂᓪᓗ ᐋᖅᑭᐅᒪᑎᑦᓯᕙᒃᑐᓂᑦ ᓄᓇᓕᑦᑎᓐᓂᑦ.

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐃᖅᑲᓇᐃᔭᑲᐃᓐᓇᖃᑦᑕᕈᒪᔪᓂᒃ ᐃᖅᑲᓇᐃᔮᒃᓴᑲᐃᓐᓇᖃᑦᑕᕐᒪᑕ ᓄᓇᕗᒥᐅᓂᒃ.

ᐃᖅᑲᓇᐃᔭᑲᐃᓐᓇᖅᑐᑦ ᐃᖅᑲᓇᐃᔭᖅᑎᑕᐅᕙᒃᑐᑦ ᕿᓚᒥᐅᔪᒥᒃ ᐱᓕᕆᐊᒃᓴᖃᖅᑎᓪᓗᒍ ᐊᒻᒪᓗ ᐱᔭᒃᓴᖃᖅᑎᓪᓗᒍᓗ ᐊᔾᔨᒌᙱᑦᑐᓂᑦ ᐃᖅᑲᓇᐃᔭᕐᕕᖕᓂᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓂᑦ (ᕿᑭᖅᑕᓃᒃᑯᑦ).  ᐃᖅᑲᓇᐃᔭᑲᐃᓐᓇᖃᑦᑕᕐᓂᖅ ᐱᔪᓐᓇᕐᓂᖅᑖᖅᐸᓪᓕᐊᒍᑕᐅᔪᓐᓇᓲᖑᖕᒪᑦ ᐃᓕᑉᐸᓪᓕᐊᒍᑎᒋᔭᐅᓪᓗᑎᒃ ᕿᑭᖅᑕᓃᒃᑯᑦ ᒥᒃᓵᓄᑦ.

ᐃᖅᑲᓇᐃᔮᖅᑖᕋᓱᒃᑐᑦ ᓇᓗᓇᐃᔭᑦᑎᐊᕐᓗᑎᒃ ᓴᙱᓂᕆᔭᖏᓐᓂᒃ, ᐊᔪᙱᓐᓂᕆᔭᖏᓐᓂᒃ, ᖃᐅᔨᒪᓂᕆᔭᖏᓐᓂᒃ ᐊᒻᒪᓗ ᐱᔪᓐᓇᕐᓂᕆᔭᖏᓐᓂᒃ ᐅᑯᓂᖓ ᓇᓗᓇᐃᖅᑕᐅᓯᒪᔪᓂᑦ ᐊᑖᓂ:

• ᐊᒡᓚᕝᕕᓕᕆᓂᖅ
• ᐱᓕᕆᐊᒃᓴᓕᕆᓂᖅ
• ᐱᔨᑦᑎᕋᕐᓂᖅ ᐊᒻᒪ ᓄᓇᓕᖕᒥ ᑐᑭᓯᒋᐊᕈᓐᓇᕐᓂᖅ
• ᐊᕙᑎᓕᕆᓂᕐᒨᖓᔪᓂᒃ ᓴᐳᔾᔨᕕᓕᕆᓂᕐᒨᖓᔪᓂᒃ
• ᖃᐅᔨᓴᕐᓂᖅ ᐊᒻᒪ ᐅᓂᒃᑳᓕᐅᕐᓂᖅ
• ᑐᑭᓕᐅᕆᓂᖅ ᐃᓄᒃᑎᑐᑦ/ᖃᓪᓗᓈᑎᑐᑦ
• ᐊᑐᐊᒐᒃᓴᓕᐅᕐᓂᖅ

ᐃᖅᑲᓇᐃᔮᖅᑖᕋᓱᒃᑐᑦ ᑐᓂᓯᔪᓐᓇᖅᑐᑦ ᐃᖅᑲᓇᐃᔮᖅᑖᕋᓲᑎᒥᓂᒃ ᓇᓗᓇᐃᔭᖅᓯᒪᔪᒥᒃ ᐊᑖᓂ.  ᐃᖅᑲᓇᐃᔮᖅᑖᕋᓲᑎᑦ ᐸᐸᑕᐅᖃᑦᑕᖅᑐᑦ ᐱᖓᓲᔪᖅᑑᔪᓂᑦ ᑕᖅᑭᓂᒃ.  ᑕᐃᒃᑯᐊ ᑭᓯᒥ ᓂᕈᐊᖅᑕᐅᔪᑦ ᐊᐱᖅᓱᖅᑕᐅᒍᒪᓗᑎᒃ ᖃᐅᔨᒋᐊᕐᕕᐅᓂᐊᖅᑐᑦ.

ᓯᕗᓪᓕᐅᑎᑕᐅᓂᐊᖅᑐᑦ ᓄᓇᕗᒥ ᐃᓄᐃᑦ ᐃᖅᑲᓇᐃᔮᖅᑖᕋᓱᒃᑐᓄᑦ ᐊᑎᓕᐅᖅᓯᒪᔪᓄᑦ ᓄᓇᕗᒥ ᐊᖏᖃᑎᒌᒍᑎᓂᑦ.

ᐃᖅᑲᓇᐃᔭᖅᑖᕋᓲᑏᑦ ᑐᓂᔭᐅᖃᑦᑕᕈᓐᓇᖅᑐᑦ ᓱᒃᑲᔪᒃᑯᑦ, ᐃᕐᖐᓈᖅᑕᐅᑎᒃᑯᑦ, ᓇᒻᒥᓂᖅ ᑐᓂᓗᒋᑦ, ᐅᕝᕙᓘᓐᓃᑦ ᑎᑎᖅᑲᓂᐊᕐᕕᒃᑯᑦ ᓇᒃᓯᐅᑎᓗᒋᑦ ᐅᕗᖓ:

Human Resources           ᐅᖄᓚᐅᑖ: (867) 975-8400

Qikiqtani Inuit Association    ᓱᑲᑦᑐᒃᑯᑦ: (867) 979-3238

Igluvut building, 2^nd floor

200-922 Sivumugiaq St.              ᐃᕐᖐᓐᓈᕈᑖ: Resumes@qia.ca

Iqaluit, NU X0A 3H0

ᒪᑐᕝᕕᓕᒃ: ᒪᐃ 10, 2024  5:00ᒧᐊᓚᐅᙱᓐᓂᖓᓂᒃ ᐅᓐᓄᒃᑯᑦ ᑲᓇᖕᓇᐅᑉ ᓯᕿᙳᔭᖓ ᐊᑐᕐᓗᒍ