ᐃᖃᓗᐃᑦ ᓯᒡᔭᖓ ᐃᓄᐃᑦ ᓄᓇᖁᑎᖓ
2024 ᓴᓇᔭᐅᓂᖅ ᐊᒻᒪᓗ ᐱᓕᕆᔭᖃᕐᓂᖅ – ᑐᓴᒐᒃᓴᖅ ᐃᓄᖕᓄᑦ ᐊᑐᖃᑦᑕᖅᑐᓄᑦ ᐱᖁᑎᒃᑯᕕᖕᓂᑦ ᓯᒡᔭᒥᑦ ᐊᒻᒪᓗ ᐅᒥᐊᕐᔪᐊᒃᑰᖅᑐᖅᓯᐅᑎᑦ ᐱᖁᑎᒃᑯᕕᑦ
ᐃᖃᓗᐃᑦ, ᓄᓇᕗᑦ ᔪᓚᐃ 4, 2024 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐱᓕᕆᐊᖃᐃᓐᓇᖃᑦᑕᖅᐳᑦ ᑲᔪᓯᑎᑦᑎᓇᓱᒃᖢᑎᒃ ᐱᖃᖅᑎᑦᑎᓂᕐᒥᑦ
ᖁᕕᐊᓇᖅᑐᒥᑦ ᐊᒻᒪᓗ ᐅᐸᒃᑕᐅᒐᕐᓂᖅᑐᒥᑦ ᐃᓂᐅᔪᓂ ᐃᓄᐃᑦ ᓄᓇᖁᑎᖏᓐᓂᑦ ᓯᒡᔭᐅᔪᒥ ᐃᖃᓗᖕᓂ. ᐊᐅᔭᐅᓂᐊᖅᑐᒥᑦ, ᕿᑭᖅᑕᓂᒃᑯᑦ ᓴᓗᒪᖅᓴᕐᓂᐊᕐᒪᑕ ᐱᐅᓯᒋᐊᖅᑎᑦᑎᓗᑎᒡᓗ ᐃᓚᖓᓂ ᐃᓄᐃᑦ ᓄᓇᖁᑎᖓᓂ ᓯᒡᔭᒥᑦ. ᐱᓕᕆᐊᖑᓂᖅ ᐱᖃᓯᐅᑎᓂᐊᖅᑐᖅ ᐊᐅᓚᐅᑎᕕᓂᕐᓂ ᓲᕐᓗ ᐅᒥᐊᕕᓂᕐᓂ, ᖃᒧᑕᐅᔭᕕᓂᕐᓂ, ᖃᒧᑎᓂᒡᓗ, ᑕᒪᒃᑯᐊᕈᔪᐃᑦ.
ᕿᑭᖅᑕᓂᒃᑯᑦ ᓅᑎᑦᑎᓯᒪᑲᐃᓐᓇᕐᓂᐊᖅᑐᑦ ᐅᓯᔾᔪᑎᐅᕙᒃᑐᑦ ᐅᒥᐊᕐᔪᐊᒃᑯᑦ ᐃᓂᖃᕐᕕᐅᔪᒧᑦ ᐱᖁᑎᒃᑯᕕᖕᒧᑦ
ᐊᑲᐅᓈᕐᓂᖅᓴᐅᖁᓪᓗᒋᑦ ᐃᒦᔭᐃᓂᕐᒧᑦ.
ᐊᒡᕖᖅᑎᕆᓂᖅ ᐊᑐᕈᓐᓃᖅᓯᒪᔪᓂ ᐊᐅᓚᐅᑎᓂ
ᐃᓚᖓ ᓴᓗᒪᖅᓴᐃᓂᕐᒧ ᐱᓪᓗᒍ ᕿᑭᖅᑕᓃᒃᑯᑦ ᖃᐅᔨᔭᕆᐊᖃᕐᓂᐊᖅᑐᑦ ᐊᒻᒪᓗ ᑲᑎᖅᓱᖅᓯᓂᖅ
ᐊᑐᖏᑦᑐᓂᒃ ᐃᒃᓯᖕᓇᖅᓯᒪᔪᓂᒃ ᐊᐅᓚᐅᑎᓂ ᕿᒪᒃᑕᐅᓯᒪᔪᓂ ᓯᒡᔭᒥᑦ. ᕿᑭᖅᑕᓃᒃᑯᑦ ᐃᖅᑲᓇᐃᔭᖅᑎᖏᑦ
ᐱᒋᐊᖅᓯᒪᓕᖅᑐᑦ ᓄᒃᑎᖅᓯᕙᓪᓕᐊᓪᓗᑎᒃ ᐃᒃᓯᖕᓇᖅᓯᒪᖅᑯᐃᔨᓯᒪᔪᓂᒃ ᐃᓚᖓᓄ ᐃᓄᐃᑦ
ᓄᓇᖁᑎᖓᓄᑦ ᐊᑭᖓ MOT ᓯᒡᔭᖓ. ᐱᖁᑎᐅᔪᑦ ᓇᓗᓇᐃᒃᑯᑎᖅᓯᒪᔪᖅ ᐅᕕᓂᐅᔭᕐᒥᑦ ᓂᐱᑎᖅᓯᒪᔪᑦ.
ᕿᑭᖅᑕᓃᒃᑯᑦ ᐊᐱᕆᕗᑦ ᐱᖁᑎᓕᖕᓄᑦ ᓇᓗᓇᐃᒃᑯᑕᖅᓯᒪᔪᓂ ᖃᐅᔨᒋᐊᕐᕕᒋᓗᒋᑦ ᕿᑭᖅᑕᓃᒃᑯᑦ ᔪᓚᐃ
29, 2024-ᖑᓚᐅᖏᓐᓂᖓᓂ ᐊᓯᖓᓄᐊᖁᔨᓐᓂᕈᕕᑦ ᐃᓂᐅᔪᒧᑦ. ᐱᖁᑎᖃᖅᑐᑦ
ᓇᓗᓇᐃᖅᓯᔭᖅᑐᖏᑉᐸᑕ, ᕿᑭᖅᑕᓃᒃᑯᑦ ᖃᐅᔨᒐᔭᖅᑐᑦ ᐱᖁᑎᐅᔪᑦ ᐊᑐᖅᑕᐅᔪᒪᖏᑦᑐᑦ ᐊᒻᒪᓗ
ᓴᓂᒃᑯᕕᖕᒧᐊᖅᑕᐅᓛᕐᓗᑎᒃ.
ᐅᓯᔾᔪᑎᑦ ᐅᒥᐊᕐᔪᐊᒃᑯᑦ ᐱᐅᓯᒋᐊᖅᓯᓂᖅ
ᕿᑭᖅᑕᓃᒃᑯᑦ ᖃᐅᔨᓯᒪᓕᖅᑐᑦ ᐱᔾᔪᑎᓂᒃ ᐃᓕᓯᖃᑦᑕᕐᓂᖅ ᐅᒥᐊᕐᔪᐊᒃᑰᖅᑐᖅᓯᐅᑎᓂᒃ
ᐃᓂᖃᕐᕕᓕᐊᕆᓯᒪᔪᓂᒃ ᖁᐊᖃᑦᑕᕐᓂᖓᓄ ᓄᓇᖓ ᐃᒻᒪᔭᓐᓂᖓᓄᑦ. ᑕᒪᓐᓇ ᐋᖅᑭᒋᐊᕋᓱᒡᓗᒍ
ᕿᑭᖅᑕᓃᒃᑯᑦ ᐊᒡᕕᖅᑎᑦᑎᓯᒪᓚᐅᑲᖕᓂᐊᖅᑐᑦ ᐅᓯᔭᐅᔾᔪᑎᒃᑯᕕᖕᓂ ᐃᓪᓕᖅᓱᐃᓂᐊᕐᒪᑕ
ᐃᓂᖃᕐᕕᐅᓂᐊᖅᑐᒥᑦ. ᐃᓂᖃᕐᕕᒃ ᐃᓕᔭᐅᓯᒪᓕᖅᐸᑦ, ᕿᑭᖅᑕᓃᒃᑯᑦ ᐅᑎᖅᑎᓯᓕᕋᔭᖅᑐᖅ
ᐅᓯᔭᐅᔾᔪᑎᒃᑯᕕᑦ ᐃᓂᒋᓚᐅᖅᑕᖓᓄᑦ. ᑕᒪᓐᓇ ᐱᒋᐊᕐᕕᓕᒃ ᔪᓚᐃ 12, 2024.
ᐃᖅᑲᐅᒪᒋᑦ ᕿᑭᖅᑕᓃᒃᑯᑦ ᐊᑐᕐᓂᐊᕐᒪᑕ ᐅᖁᒪᐃᑦᑐᖅᓯᐅᑎᓂᒃ ᐅᓯᑲᖅᑕᖅᓯᐅᑎᓂᒃ ᓄᒃᑕᖅᑎᑦᑎᑲᑕᕐᓗᑎᒃ. ᕿᑭᖅᑕᓃᒃᑯᑦ ᐃᖅᑲᓇᐃᔭᖅᑎᖏᑦ ᑐᓴᕋᓱᖃᑦᑕᕐᓂᐊᖅᑐᑦ ᐅᓯᔾᔪᑎᓂ ᐅᒥᐊᕐᔪᐊᒃᑯᑦ ᐊᑐᖃᑦᑕᖅᑐᓂᒃ
ᓯᕗᓂᐊᒍᑦ ᑐᓴᖅᑎᑦᑎᔪᒪᓪᓗᑎᒃ ᖃᐅᔨᑎᑦᑎᔪᒪᓪᓗᑎᒃ ᐱᕕᖃᖁᓪᓗᒋᑦ ᐱᖁᑎᖏᓐᓂ ᐊᒡᕖᖅᑎᕆᓂᐊᕐᒪᑕ. ᕿᑭᖅᑕᓃᒃᑯᑦ ᐸᓯᔭᒃᓴᐅᖏᓚᑦ ᓱᕋᒃᑐᖃᕐᓂᕈᓂ ᐱᖁᑎᒋᔭᐅᔪᑦ ᐊᒡᕖᖅᑎᓯᒪᖏᑉᐸᑕ.
ᕿᑭᖅᑕᓃᒃᑯᑦ ᖁᔭᓐᓇᒦᖅᐸᒋᖅᐳᑦ ᐃᖃᓗᖕᒥᐅᓄᑦ ᐃᑲᔪᖅᑐᐃᓂᖏᓐᓄᑦ ᐃᓄᐃᑦ ᓄᓇᖁᑎᖓᓂ ᓯᒡᔭᒥ
ᓴᓗᒻᒪᖅᓴᐃᕆᓂᖅ ᐊᒻᒪᓗ ᐱᖃᑕᐅᓂᖏᓐᓂ ᐊᑦᑕᕐᓇᖏᑦᑐᓕᕆᓂᕐᒧᑦ ᐊᒻᒪᓗ ᓴᓗᒪᓂᕐᒧᑦ ᓄᓇᓕᑦᑎᓐᓂ.
ᐅᖃᕐᕕᒋᔪᓐᓇᖅᐸᑎ ᕿᑭᖅᑕᓃᒃᑯᑦ ᑐᓴᕆᐊᕈᒪᒍᕕᑦ:
ᐱᓕᕆᕝᕕᖓ ᓄᓇᓕᕆᔨᒃᑯᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
ᐅᖄᓚᐅᑖ: 867-975-8400
ᐃᕐᒌᓐᓈᖅᑕᐅᑖ: registry@qia.ca
