ᐃᓗᐊᓂ ᐃᖅᑲᓇᐃᔮᒃᓴᖅ
ᐃᓂᐅᔪᖅ: ᐊᐅᓚᑦᑎᔨ, ᐊᑐᓕᖅᑎᑦᑎᓂᖅ ᓱᓕᔪᒥᑦ ᑭᒡᓕᓯᓂᐊᖅᑎᑦ ᐱᓕᕆᐊᒃᓴᑦ
ᖃᓄᖅᑎᒋ ᐃᖅᑲᓇᐃᔭᕋᔭᕐᒪᖔ: ᐃᖅᑲᓇᐃᔭᖅᑎᓪᓚᑦᑖ
ᐃᖅᑲᓇᐃᔮ ᓇᒦᓐᓂᖓ: ᐃᖃᓗᐃᑦ, ᓄᓇᕗᑦ
ᒪᑐᐃᖓᔪᖅ: ᐃᓄᖕᓄᑦ ᐊᑎᖃᖃᑕᐅᔪᓄᑦ ᓄᓇᕗᑦ ᐊᖏᕈᑎᒥᑦ
ᐱᔪᓐᓇᖅᓯᖅᑰᖅᐱᑦ ᓯᕗᓕᖅᓯᔭᕆᐊᒃᓴᖅ ᐊᓯᔾᔩᔪᓐᓇᖅᑐᒥᒃ ᐱᓕᕆᐊᒃᓴᑦ ᓴᖅᑭᔮᖅᑎᑦᑎᔪᒥ ᐃᓄᐃᑦ ᐱᐅᓯᑐᖃᖏᓐᓂ ᑐᙵᕕᖃᖅᑐᓂ ᕿᑭᖅᑕᓂ ᓱᓕᔪᒥᑦ ᑭᒡᓕᓯᓂᐊᖅᑎᑦ ᑭᖑᓪᓕᖅᐹᒥ ᐅᓂᒃᑳᓕᐊᒥᑦ? ᐊᐅᓚᑦᑎᔨᐅᔪᖅ, ᐊᑐᓕᖅᑎᑦᑎᓂᖅ ᕿᑭᖅᑕᓂ ᓱᓕᔪᒥᑦ ᑭᒡᓕᓯᓂᐊᖅᑎᑦ ᐱᓕᕆᐊᒃᓴᑦ ᐱᓯᒪᕗᑦ ᐃᓗᐃᑦᑐᒥ ᖁᔭᓕᓂᕐᒥᑦ ᐱᒻᒪᕆᐅᓂᖓᓂ ᐃᓄᐃᑦ ᐱᖅᑯᓯᖓᓂ ᐊᒻᒪᓗ ᐱᔾᔪᓯᐅᔪᓂ ᖃᐅᔨᒪᓂᖅ.
ᐊᐅᓚᑦᑎᔨ, ᐊᑐᓕᖅᑎᑦᑎᓂᕐᒧᑦ ᕿᑭᖅᑕᓂ ᓱᓕᔪᒥ ᑭᒡᓕᓯᓂᐊᖅᑎᑦ ᐱᓕᕆᐊᒃᓴᑦ ᑲᒪᒋᔭᖃᖅᐳᖅ ᐱᕙᓪᓕᐊᓂᕐᒥᑦ ᐊᒻᒪᓗ ᑐᓂᓯᓂᕐᒥᑦ ᐱᓕᕆᐊᒃᓴᓂᑦ ᐊᒻᒪᓗ ᐱᓕᕆᐊᑦ ᐊᑐᓕᖅᑎᑕᐅᔪᑦ ᑎᑎᕋᖅᓯᒪᓂᖓ ᒪᓕᒃᖢᒍ ᕿᑭᖅᑕᓂᒃᑯᑦ ᓱᓕᔪᒥᑦ ᑭᒡᓕᓯᓂᐊᖅᑎᑦ ᑭᖑᓪᓕᖅᐹᒥ ᐅᓂᒃᑳᖑᔪᒥᑦ. ᐊᐅᓚᑦᑎᔨ ᑐᙵᕕᓪᓗᐊᑕᐅᕗᖅ ᕿᑭᖅᑕᓂ ᓱᓕᔪᒥᑦ ᑭᒡᓕᓯᓂᐊᖅᑎᑦ ᐊᐱᖅᑯᑎᐅᔪᓄᑦ, ᓴᐃᒪᖃᑎᒌᖕᓂᖅ ᐱᓕᕆᐊᒃᓴᑦ, ᐊᒻᒪᓗ ᐱᖓᔪᖓᓂ ᑮᓇᐅᔭᖃᖅᑎᑕᐅᔪᓂ ᐱᓕᕆᐊᓂᑦ ᑐᓂᔭᐅᔪᓂ ᕿᑭᖅᑕᓂᒃᑯᓐᓂᑦ, ᐊᒃᑐᐊᖓᔪᓂ ᐊᑐᓕᖅᑎᑦᑎᓂᕐᒧᑦ ᕿᑭᖅᑕᓂ ᓱᓕᔪᒥᑦ ᑭᒡᓕᓯᓂᐊᖅᑎᑦ ᐊᑐᓕᖁᔭᐅᔪᓂᑦ.
ᐊᖓᔪᖅᑳᖃᖅᖢᓂ ᐃᑲᔪᖅᑎ ᑐᑭᒧᐊᖅᑎᑦᑎᔨᒥᑦ, ᐃᖅᑲᓇᐃᔭᖃᑎᒌᒡᕕᖕᒥᑦ ᐃᓄᐃᑦ ᐱᓕᕆᓂᑦ ᐊᒻᒪᓗ ᐱᔨᑦᑎᕋᕐᓂᖅ, ᐊᐅᓚᑦᑎᔨ ᓯᕗᓕᕋᔭᖅᑐᖅ ᐊᒻᒪᓗ ᐱᓕᕆᖃᑕᐅᓗᓂ ᐊᔾᔨᒌᖏᑦᑑᑎᓂᒃ ᐱᓕᕆᐊᓂᒃ ᐊᒻᒪᓗ ᐱᓕᕆᔭᕆᐊᓕᖕᓂ ᐊᒃᑐᐊᔪᓂ ᐸᕐᓇᒍᑕᐅᔪᓂ ᐱᓕᕆᐊᒃᓴᓂ, ᐊᑐᓕᖅᑎᑦᑎᓂᖅ, ᐊᒻᒪᓗ ᐅᓂᒃᑳᓕᐊᕐᓂᑦ. ᐱᖃᓯᐅᔾᔨᕗᖅ ᖃᐅᔨᓴᕐᓂᖅ ᓄᓇᓕᖕᓂ ᐱᔭᐅᔭᕆᐊᓕᖕᓂ ᐊᒃᑐᐊᔪᓂ ᐱᓕᕆᓂᐅᔪᑦ ᑐᕌᒐᖏᓐᓂ ᓯᕗᒧᒃᑎᑕᐅᔪᓂ ᓴᐃᒪᖃᑎᒌᖕᓂᒃ ᑮᓇᐅᔭᒃᑯᑦ ᐊᒻᒪᓗ ᐊᓯᖏᑦ ᕿᑭᑦᑕᓂᒃᑯ ᐱᓕᕆᐊᖏᓐᓂ ᓯᕗᓪᓕᖅᐸᐅᔾᔨᔪᓂᒃ. ᐊᐅᓚᑦᑎᔨ ᑐᖅᑲᖅᑕᕐᕕᓪᓗᐊᑕᐅᒋᕗᖅ ᑎᒃᑯᐊᖅᑕᐅᓯᒪᓪᓗᓂ ᓴᖅᑭᑎᑦᑎᓗᓂ ᐊᑐᓕᖁᔭᐅᔪᓂᒃ, ᐅᖃᐅᔾᔪᓯᐊᓂᒃ, ᐊᒻᒪᓗ ᑐᓴᕈᑎᓂᒃ ᕿᑭᖅᑕᓂᒃᑯ ᐊᖓᔪᖅᑳ ᐊᐅᓚᑦᑎᔨᓄᑦ, ᐱᔾᔪᑎᒋᓪᓗᒋ ᕿᑭᖅᑕᓂᒃᑯ ᓱᓕᔪᒥ ᑭᒡᓕᓯᓂᐊᖅᑎᓂᑦ ᐊᒃᑐᐊᔪᓂ ᐱᓕᕆᓂᐅᔪᓂ ᐊᒻᒪᓗ ᐱᔨᑦᑎᕋᕐᓂᖅ ᕿᑭᖅᑕᓂ ᐃᓄᖕᓄᑦ. ᑖᓐᓇ ᐃᖅᑲᓇᐃᔮᖑᔪᖅ ᑭᒡᒐᖅᑐᕐᓂᐊᖅᐳᖅ ᕿᑭᖅᑕᓂᒃᑯᓐᓂ ᐊᔾᔨᒌᖏᑦᑐᓂ ᑮᓇᐅᔭᖃᖅᑎᑦᑎᔪᓂ ᐱᓕᕆᖃᑎᒌᒃᑐᓂ ᐊᒻᒪᓗ ᑲᑎᒪᔨᐅᔪᓂ.
ᐃᖅᑲᓇᐃᔮᖑᔪᖅ ᐱᖃᕆᐊᖃᖅᐳᖅ ᐃᓕᓴᖅᓯᓂᕐᒥᑦ ᕿᑭᖅᑕᓂᒃᑯ ᐱᓕᕆᓂᖏᓐᓂ, ᑕᐅᑦᑐᒋᔭᖃᕐᓗᓂ ᕿᑭᖅᑕᓂᒃᑯ ᓱᓕᔪᒥ ᑭᒡᓕᓯᓂᐊᖅᑎᓂᑦ ᐅᖃᓕᒫᒐᓕᐊᓂᑦ ᐊᒻᒪᓗ ᐊᑐᓕᖁᔭᐅᔪᓂᑦ. ᑲᔪᓯᓂᖃᑦᑎᐊᕐᓂᐊᕐᓗᓂ ᐃᖅᑲᓇᐃᔮᒧᑦ, ᓂᕈᐊᖅᑕᐅᔪᖅ ᐱᓕᕆᖃᑎᖃᕐᓂᐊᖅᑐᖅ ᐊᒻᒪᓗ ᐃᓚᐅᑎᑦᑎᓂᖅ ᐃᓄᑐᐃᓐᓇᕐᓂ, ᓄᓇᓕᖕᓂ ᐱᓕᕆᖃᑎᒌᖕᓂ, ᐊᒻᒪᓗ ᐃᓄᐃᑦ ᑎᒥᐅᔪᓂ ᐱᐅᓂᖅᐹᒥᑦ ᑐᑭᓯᖁᓪᓗᒍ ᐱᔾᔪᑕᐅᔪᓐᓇᖅᑐᓂ ᐊᒃᑐᐃᔪᓐᓇᖅᑐᓂ ᕿᑭᖅᑕᓂ ᐱᓕᕆᓂᐅᔪᓂ ᐊᒻᒪᓗ ᐱᔨᑦᑎᕋᕐᓂᖅ. ᐱᔪᓐᓇᖅᓯᓯᒪᑦᑎᐊᕐᓗᓂ ᐅᖃᓪᓚᖃᑎᖃᕈᓐᓇᕐᓂᕐᒥᑦ ᐃᖅᑲᓇᐃᔮᖑᔪᒧᑦ, ᐊᒻᒪᓗ ᐊᔪᖏᑦᑎᐊᕐᓗᓂ ᑐᓂᓯᓂᕐᒥ ᐃᓕᓐᓂᐊᕐᓂᕐᓂᑦ ᐊᒻᒪᓗ ᐃᓄᒋᐊᒃᑐᓂ ᐅᖃᓪᓚᒍᓐᓇᕐᓗᓂ. ᐃᓄᒃᑎᑐᑦ ᐅᖃᓪᓚᒍᓐᓇᕆᐊᖃᖅᑐᖅ. ᒪᕐᕉᖕᓄ ᐊᕐᕌᒍᖕᓄ ᐃᖅᑲᓇᐃᔭᖃᑦᑕᕐᓂᑰᔭᕆᐊᓕᒃ ᐱᓕᕆᐊᓂᑦ ᑐᓂᓯᓂᕐᒥᑦ, ᐱᖃᓯᐅᑎᓪᓗᓂ ᐱᓕᕆᖃᑎᖃᕐᓂᕐᒥᑦ ᑮᓇᐅᔭᖃᖅᑎᐅᔪᓂᑦ, ᐱᕝᕕᒃᓴᐅᔪᓂ ᓇᒧᖓᐅᑎᑦᑎᓂᖅ ᐊᒻᒪᓗ ᖃᐅᔨᓴᕐᓂᖅ ᑮᓇᐅᔭᖅᑑᑎᓂᒃ. ᐊᐅᓚᑦᑎᔨ ᐃᖅᑲᓇᐃᔮᖅ ᑲᒪᒋᔭᖃᖅᐳᖅ ᑐᓂᓯᓂᕐᒥ ᐱᓕᕆᐊᒃᓴᓂᒃ ᐊᒻᒪᓗ ᐱᓕᕆᔨᐅᔪᓂ ᐊᐅᓚᑦᑎᖃᕐᓂᕐᒥᑦ ᐱᓕᕆᓂᐅᔪᓂ ᑐᑭᒧᐊᖅᑎᑦᑎᔨᓂᒃ. ᓯᕗᓕᖅᓯᓂᕐᒥᑦ ᐱᓕᕆᖃᑦᑕᕐᓂᑰᓗᓂ ᐱᓕᕆᔨᐅᔪᓂ ᐊᐅᓚᑦᑎᖃᕐᓂᕐᒥᑦ ᐃᖅᑲᓇᐃᔭᖅᑎᓂᒃ ᐱᓯᒪᔭᕆᐊᓕᒃ ᐃᖅᑲᓇᐃᔮᖑᔪᒧᑦ.
ᐊᑐᖅᑕᐅᒐᔪᒃᑐᖅ, ᐃᓕᓐᓂᐊᒃᑲᓐᓂᕐᓂᑰᓗᓂ ᐃᓄᓕᕆᓂᕐᒧᑦ ᑭᒡᒍᓯᓕᖕᒥᑦ, ᓲᕐᓗ ᓄᓇᖃᖅᑳᖅᓯᒪᔪᑦ ᐃᓚᒌᖕᓂᐅᔪᑦ, ᐃᓱᒪᓕᕆᓂᖅ, ᐃᓄᓕᕆᓂᖅ, ᐃᓕᖅᑯᓯᓕᕆᓂᖅ ᐱᓯᒪᔭᕆᐊᓕᒃ. ᑲᑎᖅᓱᖅᓯᒪᔪᓂᒃ ᐊᒃᑐᐊᔪᓂᒃ ᐃᓕᓐᓂᐊᕐᓂᕐᒥᑦ ᐊᒻᒪᓗ ᐊᒃᑐᐊᔪᓂ ᐱᓕᕆᓂᑰᓗᓂ ᐊᖏᖅᑕᐅᔪᓐᓇᕋᔭᕐᒥᔪᑦ. ᐱᓕᕆᓂᐅᔪᓂ ᐊᐅᓚᑦᑎᖃᕐᓂᖅ ᐸᐃᑉᐹᖃᕐᓗᓂ ᐱᒻᒪᕆᐅᕗᖅ ᐱᓯᒪᔭᕆᐊᒃᓴᖅ.
ᑮᓇᐅᔭᓕᐊᖏᑦ $96,450−ᒥᑦ $141,460−ᒧᑦ ᐊᕐᕌᒍᑕᒫ, ᐊᒻᒪᓗ ᓄᓇᕗᑦ ᐅᑭᐅᖅᑕᖅᑐᕐᒥᐅᑕᐅᓂᕐᒧᑦ $27,600 ᐊᕐᕌᒍᑕᒫ. ᓈᒻᒪᒃᑐᒥ ᐱᕋᔭᖕᓂᑯᑦ ᑎᑎᕋᖅᓯᒪᔪᑦ ᖃᐅᔨᓴᕐᓂᕐᒥᑦ ᐱᖃᕆᐊᓕᒃ.
ᐃᒡᓗᖃᖅᑎᑕᐅᖏᑦᑐᖅ.
ᓂᕈᐊᖅᑕᐅᔪᑦ ᐊᐱᖅᓱᖅᑕᐅᓂᕐᒧᑦ ᑐᓴᕐᕕᐅᓂᐊᖅᑐᑦ
ᐱᔪᒪᓇᓲᑎᑦ ᑐᓂᔭᐅᔪᓐᓇᖅᑐᑦ ᓱᒃᑲᔪᒃᑯᑦ, ᐃᕐᖐᓐᓈᖅᑕᐅᑎᒃᑯᑦ, ᑮᓇᒃᑯᑦ, ᑎᑎᖅᑲᕐᓂᐊᕐᕕᒃᑯᑦ ᐅᕗᖓ:
ᐃᖅᑲᓇᐃᔭᖅᑐᓕᕆᔨᑦ ᐃᕐᖐᓐᓈᖅᑕᐅᑎᒃᑯᑦ: Resumes@qia.ca
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃ ᑕᓚᕘᖓ: (867) 975-8400
200-922 Sivumigiaq Street ᓱᒃᑲᔪᒃᑯᑦ: (867) 979-3238
Igluvut building, 2nd floor ᖃᕋᓴᐅᔭᒃᑯᑦ: Tuttarvik.qia.ca
Iqaluit, NU X0A 3H0
ᒪᑐᕝᕕᒃᓴᖅ ᐅᓪᓗᖓ ᐄᑉᐳ 25, 2025 – by 5 ᐅᓐᓄᓴᒃᑯᑦ ᑲᓇᖕᓇᐅ ᓯᕿᙳᔭᖓ ᒪᓕᒃᖢᒍ
