ᒪᑐᕕᔅᓴᖓ ᐅᖓᕙᕆᐊᖅᑕᐅᔪᖅ!

ᐅᓪᓗᖓ ᓴᖅᑭᑕᖅ: ᒪᔾᔨ 11, 2020

ᑭᓱᒧᑦ: ᐱᓇᓱᖃᑕᐅᔪᒪᔪᓄᑦ ᑲᑎᒪᔨᐅᓂᕐᒧᑦ; ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ, ᐃᓅᓯᓕᕆᓂᕐᒧᑦ ᐸᕐᓇᐃᔨᒃᑯᑦ ᑲᑎᒪᔨᕋᓛᖏᓐᓄᑦ, ᐃᓅᓱᒃᑐᒥᒃ ᑭᒡᒐᖅᑐᐃᔨᒃᓴᒥ.

 

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᕿᓂᕐᒪᑕ ᐆᒻᒪᕆᒃᑐᒥᒃ ᐊᒻᒪᓗ ᐱᔪᓐᓇᕐᓂᖃᑦᑎᐊᖅᑐᒥᓪᓗ ᐃᓄᖕᓂᒃ ᑲᑎᒪᔨᒃᓴᐅᓇᔭᖅᑐᓄᑦ ᑲᑎᒪᔨᕋᓛᓂ.  ᐃᓱᒪᒋᔭᐅᓂᐊᖅᑐᑦ ᐃᒪᐃᑦᑑᒍᕕᑦ, ᐱᓕᕆᑦᑎᐊᕈᓐᓇᕐᓗᑎᒃ ᐊᒻᒪᓗ ᓇᖕᒥᓂᖅ ᐱᓂᐊᕐᓂᖃᕐᓗᑎᒃ ᑭᒡᒐᖅᑐᐃᒍᒪᓂᕐᓂᒃ ᐱᔪᒪᔭᐅᔪᓄᑦ ᕿᑭᖅᑕᓂ ᐃᓄᖕᓄᑦ ᐊᒻᒪᓗ ᑐᑭᓯᐅᒪᓗᒍ ᓄᓇᕗᒥ ᐊᖏᕈᑎᖓ ᐱᔾᔪᑎᖃᖅᑐᓄᑦ ᐱᓕᕆᐊᒃᓴᕆᔭᐅᔪᓄᑦ ᐃᓂᒃᓴᒧᑦ.

ᕿᑭᖅᑕᓃᒃᑯᑦ ᐃᓅᓯᓕᕆᓂᕐᒧᑦ ᐸᕐᓇᐃᔨᒃᑯᑦ ᑲᑎᒪᔨᕋᓛᖏᑦ

• ᐃᓄᓱᒃᑐᒥ ᑭᒡᒐᖅᑐᐃᔨᒃᓴᒥ (ᐱᖓᓱᓄᑦ ᐊᕐᕌᒍᓄᑦ)

 

ᕿᑭᖅᑕᓃᒃᑯᑦ ᐃᓅᓯᓕᕆᓂᕐᒧᑦ ᐸᕐᓇᐃᔨᒃᑯᑦ ᑲᑎᒪᔨᕋᓛᖏᑦ ᐱᓕᕆᔾᔪᓯᑖᖅᑎᑕᐅᕙᑦᑐᑦ ᕿᑭᖅᑕᓃᒃᑯᑦ ᑲᑎᒪᔨᖏᓐᓂᑦ.  ᑖᒃᑯᐊ ᑲᑎᒪᔨᕋᓛᑦ ᐅᖃᐅᔾᔨᒋᐊᖅᑎᐅᔪᑦ ᐊᒻᒪᓗ ᐊᑐᓕᖁᔨᔾᔪᑎᓂᒃ ᑐᓂᓯᕙᒃᑐᑎᒃ ᑲᑎᒪᔨᓄᑦ ᐃᓅᓯᕐᓄᑦ ᐃᓕᖅᑯᓯᕐᒥᒧᓪᓗ ᒥᒃᓵᓄᑦ ᐊᒻᒪᓗ ᐱᓕᕆᐊᒃᓴᕆᔭᐅᒋᐊᖃᖅᑐᓂᒃ ᕿᑭᖅᑖᓗᖕᒥ.  ᑖᒃᑯᐊ ᑲᑎᒪᔨᕋᓛᒃᑯᑦ ᑕᓪᓕᒪᓂᒃ ᑲᑎᒪᔨᖃᖅᑐᖅ, ᐊᒻᒪᓗ ᐃᑲᔪᖅᑕᐅᓪᓗᑎᒃ ᑐᑭᒧᐊᒃᑎᑦᓯᔨᒧᑦ ᐃᓅᓯᓕᕆᓂᕐᒧᑦ ᐸᕐᓇᐃᔨᒃᑯᓐᓂᑦ.

ᕿᑭᖅᑕᓃᒃᑯᑦ ᓇᓗᓇᐃᖅᓯᒍᒪᕗᑦ ᐃᓄᖕᓂ ᐃᓚᐅᖁᔨᓂᕐᒥᒃ ᐊᑐᓕᖅᑎᑕᐅᕙᓪᓕᐊᓂᖓᓂᒃ ᓄᓇᕗᒥ ᐊᖏᕈᑎᖓ.  ᑕᐃᒪᐃᒻᒪᑦ, ᕿᑭᖅᑕᓃᒃᑯᑦ ᐊᑐᓕᖅᑎᑦᑎᓯᒪᔪᑦ ᒪᑐᐃᖓᔪᒥᒃ ᓵᓐᖓᔭᐅᕝᕕᐅᔪᓐᓇᖅᑐᒥᓪᓗ ᖃᓄᖅᑑᕈᑎᖃᕐᓂᕐᒥᒃ ᐃᓱᒪᓕᐅᕈᑎᖃᖅᑎᓪᓗᒋᑦ ᐃᓄᖕᓂᑦ ᐱᓇᓱᒃᑐᓂ.  ᖃᐅᔨᒪᓂᐊᖅᑯᓯ ᐸᓖᓯᒃᑯᓐᓂᑦ ᖃᐅᔨᓴᖅᑕᐅᒋᐊᖃᓛᖅᑐᑦ ᐱᕋᔭᒃᓯᒪᓐᖏᒃᑲᓗᐊᕐᒪᖔᑦ.

 

ᐱᓇᓲᑎᑎᑦ ᐊᒻᒪᓗ ᑎᑎᖅᑲᒥᒃ ᑐᓂᓯᔪᓐᓇᖅᑐᑎᑦ ᐃᓄᒃᑎᑐᑦ ᖃᓪᓗᓈᑎᑐᓪᓘᓐᓃᑦ, ᓇᓗᓇᐃᔭᖅᓯᒪᓗᑎᒃ ᓇᓪᓕᐊᖕᒥᒃ ᐃᓂᒃᓴᒧᑦ ᐱᓇᓱᖕᒪᖔᖅᐲᑦ, ᓇᓗᓇᐃᔭᖅᓯᒪᓗᒋᑦ ᐱᔪᓐᓇᕐᓂᕆᔭᑎᑦ ᐊᔪᓐᖏᓐᓂᕆᔭᑎᓪᓗ ᓇᒃᓯᐅᑎᓗᒋᑦ ᐅᕗᖓ:

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ

ᑎᑎᖅᑲᓐᓂᐊᕐᕕᐊ 1340

ᐃᖃᓗᐃᑦ, ᓄᓇᕗᑦ X0A 0H0

ᐅᖄᓚᐅᑖ: (867) 975-8400

ᓱᑲᑦᑐᒃᑯᑦ: (867) 979-3238

ᐊᑭᖃᓐᖏᑦᑐᖅ: 1-800-667-2742

ᐃᕐᖐᓐᓈᖅᑕᐅᑖ: nominations@qia.ca

 

ᑐᑭᓯᒃᑲᓐᓂᕈᒪᒍᕕᑦ ᐱᕕᒃᓴᐅᔪᑦ ᒥᒃᓵᓄᑦ, ᖃᐅᔨᒋᐊᕐᕕᐅᔪᓐᓇᖅᑐᖅ ᕿᑭᖅᑕᓃᒃᑯᑦ ᐅᕝᕙᓘᓐᓃᑦ ᓄᓇᓕᖕᓂ ᑐᓴᐅᒪᑎᑦᑎᔨᖓ ᓄᓇᓕᔅᓯᓐᓂᑦ.

ᐅᓪᓗᖅ ᑭᓪᓕᒋᔭᐅᔪᖅ ᐱᓇᓱᒍᒪᔪᓄᑦ ᒪᔾᔨ 13, 2020 5:00ᒧᐊᖅᑎᓪᓗᒍ ᑲᓇᖕᓇᐅᑉ ᓯᕿᓐᖑᔭᖓ ᒪᓕᓪᓗᒍ.

 

ᐱᕙᓪᓕᐊᔪᓕᕆᔩᑦ ᑐᑭᓯᒍᒪᑉᐸᑕ, ᖃᐅᔨᒋᐊᕐᕕᒃᓴᖅ:

 

ᓰᒪ ᓴᕼᐊᕐ ᓯᐊᕋᕼᐄ,

ᑐᑭᒧᐊᒃᑎᑦᓯᔨ, ᑐᓴᐅᒪᖃᑦᑕᐅᑎᓄᑦ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ

szerehi@qia.ca

(867) 975.8413

1.800.667.2742