ᐃᓄᓕᒫᓄᑦ ᑐᓴᕋᔅᓴᖅ: ᑐᔅᓯᕋᐅᓯᐅᖁᔨᒃᑲᓂᖅᑐᑦ; ᑐᔅᓯᕋᐅᑎᓂᑦ ᕿᑭᖅᑕᓂ ᐃᓕᖅᑯᓯᓕᕆᓂᕐᒧᑦ ᐱᓕᕆᐊᔅᓴᓄᑦ ᐃᑲᔫᑎᓂᑦ
ᐅᓪᓗᖅ ᓴᖅᑭᖅᑕᐅᕕᖓ: ᓄᕕᐱᕆ 15, 2021
ᐱᔾᔪᑕᐅᔪᖅ: ᑐᔅᓯᕋᐅᓯᐅᖁᔨᒃᑲᓂᖅᑐᑦ; ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᑐᔅᓯᕋᐅᓯᐅᖃᑦᑕᖁᔨᔪᑦ ᕿᑭᖅᑕᓂ ᐃᓕᖅᑯᓯᓕᕆᓂᕐᒧᑦ ᐱᓕᕆᐊᔅᓴᓄᑦ ᐃᑲᔫᑎᓂᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓂᒃᑯᑦ) ᑐᔅᓯᕋᐅᓯᐅᖃᑦᑕᖁᔨᔪᑦ ᕿᑭᖅᑕᓂ ᐃᓕᖅᑯᓯᓕᕆᓂᕐᒧᑦ ᐱᓕᕆᐊᔅᓴᓄᑦ ᐃᑲᔫᑎᓂᑦ (QCAP) ᐅᑯᓇᙵᑦ ᕿᑭᖅᑕᓂ ᓄᓇᓕᐅᔪᓂᑦ:
- ᐃᒃᐱᐊᕐᔪᒃ
- ᑲᖏᖅᑐᒑᐱᒃ
- ᐊᐅᓱᐃᑦᑐᖅ
- ᐃᖃᓗᐃᑦ
- ᑭᙵᐃᑦ
- ᒥᑦᑎᒪᑕᓕᒃ
- ᖃᐅᓱᐃᑦᑐᖅ
- ᓴᓂᑭᓗᐊᖅ
- ᓴᓂᕋᔭᒃ
ᐊᑐᓂᑦ ᐃᓄᐃᑦ ᐊᒻᒪᓗ ᓄᓇᓕᓐᓂᑦ ᑲᑐᔾᔨᖃᑎᒌᑦᑐᑦ ᑖᒃᑯᓇᙵᑦ ᕿᑭᖅᑕᓂ ᓄᓇᓕᐅᔪᓂᑦ ᑐᙵᓱᑦᑎᑕᐅᕗᑦ ᑐᓂᓯᖃᑦᑕᖁᔭᐅᓪᓗᑎᒃ ᑐᔅᓯᕋᐅᑎᓂᑦ ᐱᓕᕆᐊᔅᓴᓄᑦ ᐊᐅᓚᓂᖃᕐᓂᐊᖅᑐᓄᑦ 2021-22 ᑮᓇᐅᔭᓄᑦ ᐊᐅᓚᕕᑦᑎᓐᓂ ᐊᕐᕌᒍᒥ, ᒫᑦᓯ ᓄᙳᖏᓐᓄᑦ 2022ᒧᑦ ᑎᑭᓪᓗᒍ.
ᕿᑭᖅᑕᓂ ᐃᓕᖅᑯᓯᓕᕆᓂᕐᒧᑦ ᐃᑲᔫᑎᓂᑦ ᐃᑲᔫᓯᐊᔅᓴᑦ ᐱᔭᔅᓴᐅᒻᒪᑕ ᕿᑭᖅᑕᓂ ᐃᑲᔪᓯᐊᔅᓴᓂᑦ ᑮᓇᐅᔭᓃᙶᖅᑐᑎᒃ. ᑮᓇᐅᔭᑦ ᐃᑲᔫᓯᐊᔅᓴᓂᑦ ᑮᓇᐅᔭᓂᑦ ᐱᓯᒪᔪᑦ ᑖᒃᑯᓇᙶᕐᓯᒪᔪᑦ ᑐᖅᑯᖅᑕᐅᕙᓪᓕᐊᔪᓂᑦ ᑮᓇᐅᔭᓂᑦ, ᑐᖅᑯᖅᑕᐅᕙᓪᓕᐊᔪᑦ ᑮᓇᐅᔭᑦ ᓄᐊᑦᑎᕙᓪᓕᐊᒻᒪᑕ ᑮᓇᐅᔭᓂᑦ ᐃᓯᕐᐸᑦᑐᓂᑦ ᑖᒃᑯᓇᙶᖅᑐᑦ ᐃᑲᔫᓯᐊᔅᓴᓄᑦ ᑮᓇᐅᔭᓄᑦ ᑐᕌᖃᑦᑕᕐᖓᑕ ᐊᒥᓱᕈᒃᑲᓐᓂᖁᓪᓗᒋᑦ ᐱᓕᕆᐊᖑᕙᑦᑐᑦ ᐃᓄᓐᓄᑦ ᑐᕌᖓᔪᑦ.
ᕿᑭᖅᑕᓂ ᐃᓕᖅᑯᓯᓕᕆᓂᕐᒧᑦ ᐃᑲᔫᑏᑦ ᐃᑲᔪᕐᐸᑦᑐᑦ ᓄᓇᓕᓐᓃᑦᑐᓂᑦ ᐃᓕᖅᑯᓯᓕᕆᓂᕐᒧᑦ ᐱᓕᕆᐊᖑᕙᑦᑐᓂᑦ. ᓄᓇᓕᕆᓂᕐᒧᑦ ᒥᕐᓱᖃᑦᑕᓂᕐᒧᓪᓗ ᐱᓕᕆᐊᑦ ᓯᕗᓪᓕᐅᔾᔭᐅᖃᑦᑕᕋᓗᐊᖅᑎᓪᓗᒋᑦ, ᕿᑭᖅᑕᓂᒃᑯᑦ ᐃᓱᒪᒋᔭᖃᕆᐊᖃᑦᑕᕈᓐᓇᒥᒻᒪᑕ ᐊᓯᖏᓐᓂᒃ ᐃᓄᓐᓄᑦ ᐃᓕᖅᑯᓯᓕᕆᓂᕐᒧᑦ ᐱᓕᕆᐊᖑᕙᑦᑐᓂᑦ.
ᑐᔅᓯᕋᐅᑏᑦ ᑲᒪᒋᔭᐅᖃᑦᑕᕈᓐᓇᖅᑐᑦ ᖃᕋᓴᐅᔭᒃᑯᑦ ᐅᕙᓂ https://www.qia.ca/qcap-application/
ᐃᑲᔪᖅᑕᐅᔭᕆᐊᖃᕈᕕᑦ ᑲᒪᑎᓪᓗᑎᑦ ᖃᕋᓴᐅᔭᒃᑯᑦ ᑐᔅᓯᕋᐅᑎᓂᑦ ᐅᕝᕙᓘᓐᓃᑦ ᐸᐃᑉᐹᑎᒍᑦ ᑐᔅᓯᕋᐅᑎᓂᑦ, ᓄᓇᔅᓯᓐᓂ ᑐᓴᐅᒪᑎᑦᑎᔨᔅᓯᓐᓄᑦ ᐅᐸᒍᑎᒍᓐᓇᖅᑐᓯ, ᐅᖄᓚᓗᓯ ᐅᕗᖓ 867-975-8438 ᐅᕝᕙᓘᓐᓃᑦ ᐃᕐᖐᓈᖅᑕᐅᑎᒃᑯᑦ ᑎᑎᕋᕐᓗᓯ ᐅᕗᖓ qcap@qia.ca.
ᒪᑐᕕᔅᓴᖓ ᑐᔅᓯᕋᐅᓯᐅᕐᓂᕐᒧᑦ ᓄᕕᐱᕆ 26, 2021 ᓯᕿᙳᔭᖅ 12:00ᒨᖅᑲᑦ ᖁᓛᓂ ᑲᓇᓐᓇᐅᑉ ᓯᕿᙳᔭᖓ ᒪᓕᑦᑐᒍ.
ᑐᑭᓯᒋᐊᒃᑲᓐᓂᕈᒪᒍᔅᓯ, ᑐᑭᓯᒋᐊᕐᕕᐅᖃᑦᑕᕐᓕ ᑖᓐᓇ:
ᐅᐃᓪ Hᐊᑉᑭᓐᔅ, ᑭᖑᕝᕕᐅᑎᓯᒪᑲᐃᓐᓇᖅᑐᖅ ᑐᑭᒧᐊᑦᑎᑦᑎᔨᖓᓐᓄᑦ ᑐᓴᐅᒪᖃᑦᑕᐅᑎᓂᕐᒧᑦ,
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
whopkins@qia.ca
867.975.8413 ᐅᕝᕙᓘᓐᓃᑦ
1.800.667.2742
