ᐃᓄᓕᒫᓄᑦ ᑐᓴᕋᔅᓴᖅ: ᐃᓄᐃᑦ−ᓄᓇᖁᑎᖓᓐᓂ ᐃᒪᐅᑉ ᓯᓈᓃᑦᑐᒥᒃ ᐊᐱᕐᓱᕈᑎᖃᕐᓂᖅ
ᑐᓴᕋᔅᓴᕈᖅᑎᑕᐅᕕᖓ ᐅᓪᓗᖅ: ᒫᑦᓯ 30, 2021
ᐱᔾᔪᑎᒋᓪᓗᒍ: ᐃᓄᐃᑦ ᓄᓇᖁᑎᖓᓐᓂ ᐃᒪᐅᑉ ᓯᓈᓃᑦᑐᒥᒃ ᓴᓗᒻᒪᕐᓴᐃᓂᕐᒧᑦ ᐊᐱᖅᑯᑏᑦ
ᐅᓪᓗᖅ ᐊᒻᒪᓗ ᑐᑭᓯᐅᒪᔾᔪᑎᔅᓴᐃᑦ: ᐊᐱᕐᓲᑕᐅᔪᑦ ᐱᔭᕇᕐᕕᔅᓴᓖᑦ ᔫᓂ 30, 2021
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓂᒃᑯᑦ) ᑐᑭᓯᔪᒪᒻᒪᑕ ᖃᓄᖅ ᐃᓱᒪᒋᔭᖃᕐᒪᖔᑕ ᐃᓄᐃᑦ, ᐃᓄᑐᖃᐃᑦ, ᐊᖑᓇᓱᑦᑏᑦ, ᐃᓪᓗᕋᓛᓖᑦ, ᐊᒻᒪᓗ ᐊᓯᖏᑦ ᐊᑑᑎᕕᐅᖃᑕᐅᔪᑦ ᐊᐅᓚᑕᐅᓂᕆᕙᑦᑕᖓᑕ ᒥᔅᓴᓄᑦ ᐃᓄᐃᑦ ᓄᓇᖁᑎᖓᑕ−ᐃᒪᐅᑉ ᓴᓈᓃᑦᑐᒥᒃ ᐃᖃᓗᓐᓂ.
ᑐᑭᓯᒃᑲᓐᓂᕈᒪᓂᐊᕋᑦᑕ ᖃᓄᖅ ᐃᓄᐃᑦ ᐊᑐᕐᐸᒻᒪᑕ ᐃᒪᐅᑉ ᓯᓈᓂ ᐊᒻᒪᓗ ᐊᑐᖃᑦᑕᕐᓯᒪᔭᖏᑕ ᒥᔅᓵᓅᖓᔪᓂᑦ. ᑭᐅᔾᔪᑕᐅᔪᑦ ᐃᑲᔫᑎᖃᕐᓂᐊᖅᑐᑦ ᑐᑭᒧᐊᑦᑎᑦᑎᓂᕐᒥᒃ ᕿᑭᖅᑕᓂᒃᑯᓐᓂᑦ ᖃᓄᖅ ᑲᒪᒋᔭᖃᕆᐊᖃᕐᓂᐊᕐᒪᖔᑕ ᐃᓄᐃᑦ ᓄᓇᖁᑎᖓᓐᓂᒃ−ᐃᒪᐅᑉ ᓯᓈᓃᑦᑐᒥᒃ.
ᓄᐊᑦᑎᕙᓪᓕᐊᒐᑦᑕ ᑐᑭᓯᔾᔪᑎᔅᓴᓂᑦ ᐊᐱᖅᑯᑎᑎᒍᑦ. ᑖᒃᑯᐊ ᐊᐱᕐᓲᑕᐅᔪᑦ ᓇᒻᒥᓂᖅ ᑭᐅᔭᐅᖃᑦᑕᕈᓐᓇᖅᑐᑦ ᖃᕋᓴᐅᔭᒃᑯᑦ ᐅᕝᕙᓘᓐᓃᑦ ᐃᑲᔪᖅᑎᖃᕐᓗᑎᒃ ᕿᑭᖅᑕᓂᒃᑯᑦ ᐃᖅᑲᓇᐃᔭᖅᑎᖏᓐᓂᒃ.
ᑭᐅᖃᑦᑕᕈᒪᒍᔅᓯᐅᒃ ᐊᐱᕐᓲᑕᐅᔪᑦ ᖃᕋᓴᐅᔭᒃᑯᑦ ᑖᓐᓇ ᓇᕿᓪᓗᒍ: www.qia.ca/iol-beach-lands-in-iqaluit/
ᐊᐱᕐᓲᑕᐅᔪᑦ ᑭᐅᖃᑦᑕᕈᒪᒍᔅᓯᐅᒃ ᐃᑲᔪᖅᑎᖃᕐᓗᓯ ᕿᑭᖅᑕᓂᒃᑯᑦ ᐃᖅᑲᓇᐃᔭᖅᑎᖓᓐᓂᒃ ᐅᖄᓚᒍᓐᓇᖅᑐᓯ 867.975.8400 ᐊᒻᒪᓗ ᐅᖃᕐᕕᖃᕈᒪᓗᓯ ᕿᑭᖅᑕᓂᒃᑯᑦ ᐊᐅᓚᑦᑎᔨᖓᓐᓂᒃ ᓄᓇᓕᕆᔾᔪᑎᓄᑦ ᐅᕝᕙᓘᓐᓃᑦ ᓄᓇᓕᕆᔨᖓᓐᓂᒃ.
ᐱᔭᕇᑦᑎᐊᕈᕕᐅᒃ ᖃᐅᔨᓴᐅᑎᖓᑦ, ᐊᑎᓕᐅᖅᑕᐅᓂᐊᖅᑐᑎᑦ ᓵᓚᔅᓴᖃᐅᓯᐊᔅᓴᓄᑦ ᐅᑯᓄᖓ:
- 1st ᓵᓚᖃᐅᓯᐊᔅᓴᖅ: $500 ᓂᐅᕕᐅᑎᔅᓴᑦ ᐅᑭᐅᖅᑕᖅᑐᒥ ᓅᑦᑐᕐᓯᐅᑎᑖᕐᕕᒻᒥ
- 2nd ᓵᓚᖃᐅᓯᐊᔅᓴᖅ: $300 ᓂᐅᕕᐅᑎᔅᓴᑦ ᒥᖅᓱᖅᑕᒥ
- 3rd ᓵᓚᖃᐅᓯᐊᔅᓴᖅ: ᖃᑦᑕᐅᔭᖅ ᐅᖅᓱᖅᑖᕈᑎᔅᓴᖅ ᐅᖅᑰᓴᐅᑎᓯᐅᒻᒥᒃ ᐅᖅᓱᖅ ᑯᐊᐳᕇᓴᒃᑯᓐᓂᑦ ($200ᕌᖅᑐᒥᒃ)
(ᐊᒧᓯᖃᑦᑕᓛᖅᑐᑦ ᐃᓄᓐᓄᑦ ᑭᓯᐊᓂ ᑐᕌᖓᓪᓗᑎᒃ ᑖᒃᑯᐊ ᐃᖃᓗᒻᒥᐅᓄᑦ, 18ᓂᒃ ᐅᑭᐅᓕᓐᓄᑦ ᐅᖓᑖᓂᓗ)
ᒪᑐᕕᔅᓴᓕᒃ ᐊᐱᕐᓲᑕᐅᔪᓂᑦ ᑭᐅᔾᔪᑕᐅᔪᓂᑦ ᑐᓂᓯᖃᑦᑕᓂᕐᒧᑦ ᔫᓂ 30, 2021.
ᑐᑭᓯᒋᐊᒃᑲᓐᓂᕈᒪᒍᔅᓯ, ᑐᑭᓯᒋᐊᕐᕕᐅᖃᑦᑕᕐᓕ:
ᐅᐃᓪ Hᐊᑉᑭᓐᔅ, ᑭᖑᕝᕕᐅᑎᓯᒪᑲᐃᓐᓇᖅᑐᖅ ᐊᖏᔪᖅᑳᖓᓐᓄᑦ ᑐᓴᐅᒪᖃᑦᑕᐅᑎᑎᑦᑎᔩᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ
whopkins@qia.ca
876.975.8413 or
1.800.667.2742