ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐃᑲᔫᓯᐊᒃᓴᖏᓐᓂᒃ ᐊᖏᕈᑎᖓᓂᒃ (ᐊᖏᕈᑎ) ᐊᑐᓕᖅᑎᑦᑎᓂᕐᒧᑦ ᐊᐅᓚᑦᑎᔨ

ᑖᒃᑯᐊ ᓄᓇᓕᕆᔨᒃᑯᑦ ᖃᑭᒪᑎᑦᑎᔪᑦ ᐊᒻᒪ ᓴᐳᔾᔨᓪᓗᑎᒃ ᐃᓄᐃᑦ ᐱᔪᒪᔭᖏᓐᓂᑦ ᓄᓇᓂᒃ ᓄᓇᒥᙶᖅᑐᓂᓗ ᓄᓇᕗᒥ.  ᑖᒃᑯᐊ ᓄᓇᓕᕆᔨᒃᑯᑦ ᐊᐅᓚᑦᑎᕙᒃᑐᑦ ᐃᓄᐃᑦ ᓇᖕᒥᓂᖏᓐᓂᒃ ᓄᓇᓂᒃ ᑭᒡᒐᖅᑐᖅᖢᒋᑦ ᐃᓄᐃᑦ ᐊᒻᒪᓗ ᐱᕙᓪᓕᐊᓂᕐᒧᑦ ᓇᖕᒥᓂᖅᓱᓕᕈᓐᓇᖁᓪᓗᒋᑦ ᒪᓕᒃᖢᒋᑦ ᐃᓄᐃᑦ ᐃᓕᖅᑯᓯᖏᑦ ᐃᓕᖅᑯᓯᕐᒥᙶᖅᑐᓂᓗ ᐱᔪᒪᔭᐅᔪᓄᑦ ᐃᓄᖕᓄᑦ.

ᐃᖅᑲᓇᐃᔮᑉ ᐱᓕᕆᐊᒃᓴᖏᑦ

ᐊᐅᓚᑦᑎᔨ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐃᑲᔫᓯᐊᒃᓴᖏᓐᓂᒃ ᐊᖏᕈᑎᒥ ᐊᑐᓕᖅᑎᑦᑎᓂᕐᒥᒃ ᐱᒻᒪᕆᐋᓗᒃᑯᑦ ᐱᓕᕆᐊᖑᖕᒪᑦ ᓄᓇᓕᕆᔨᒃᑯᓐᓄᑦ ᐊᒻᒪ ᕿᑭᖅᑕᓃᒃᑯᓐᓄᓗ, ᓇᓗᓇᐃᔭᐃᓪᓗᑎᒃ ᐱᔪᒪᔭᐅᔪᓂᒃ ᐃᓄᖕᓄᑦ ᐱᓇᓱᒃᐸᒃᖢᑎᒃ ᐋᔩᕋᕐᓂᒃᑯᑦ, ᐊᑐᓕᖅᑎᑦᑎᓂᒃᑯᑦ ᐊᒻᒪᓗ ᖃᐅᔨᓴᕐᓂᕐᒥᒃ ᐊᖏᕈᑎᓂᒃ. ᖃᐅᑕᒫᖅᓯᐅᑎᓂᒃ ᐊᐅᓚᑦᑎᓪᓗᑎᒃ ᐊᒻᒪᓗ ᐱᓕᕆᐊᒃᓴᖃᓪᓗᐊᑕᖅᖢᓂ ᕿᑭᖅᑕᓃᒃᑯᓐᓄᑦ ᐸᕕᓐᓛᑯᓐᓄᓗ ᓄᓘᔮᒃ ᐅᔭᕋᕐᓂᐊᕐᕕᖓ ᐱᓪᓗᒍ, ᐅᓂᒃᑳᓕᐅᕆᐊᖃᖅᖢᓂ ᐊᒻᒪᓗ ᖃᐅᔨᓴᖅᑎᒋᔭᐅᒋᐊᖃᖅᖢᓂᒃ ᐱᓕᕆᐊᖑᔪᓂᒃ.  ᑖᓐᓇ ᐊᐅᓚᑦᑎᔨ ᐃᑲᔪᖃᑕᐅᖃᑦᑕᕐᓂᐊᖅᑐᖅ ᑐᑭᒧᐊᒍᑎᒃᓴᓂ ᐸᕐᓇᐃᖃᑕᐅᓂᕐᒥᒃ, ᐃᑲᔫᑎᓂᒃ ᓴᓂᕐᕙᐃᖅᓯᖃᑦᑕᕐᓂᖅ, ᐊᑲᐅᙱᓪᓕᐅᕈᑎᓕᖕᓂᑦ ᐋᖅᑮᒐᓱᐊᖃᑦᑕᕐᓂᖅ ᐊᒻᒪᓗ ᑲᑐᔾᔨᖃᑎᖃᖃᑦᑕᕐᓗᓂ ᐊᓯᖏᓐᓂᒃ ᑎᒥᐅᔪᓂᒃ ᐃᓅᓯᕐᓅᖓᔪᓂᒃ ᐱᓕᕆᐊᓕᖕᓂᑦ ᐊᖏᓂᖅᐹᒃᑯᑦ ᐃᑲᔫᓯᐊᖅᑖᕐᕕᖃᖁᓪᓗᒋᑦ ᐃᓄᐃᑦ ᐊᒻᒪᓗ ᐱᓕᕆᐊᖑᓗᑎᒃ ᑕᐃᒃᑯᐊ ᓇᓚᐅᑦᑖᖅᑕᐅᓯᒪᔪᑦ ᐊᒃᑐᐃᒍᑎᒋᔭᐅᔪᑦ.

ᐱᓕᕆᐊᒃᓴᓗᐊᑕᖏᑦ

ᑖᓐᓇ ᐊᐅᓚᑦᑎᔨ ᐊᖏᕈᑎᓂ ᐊᑐᓕᖅᑎᑦᑎᓂᕐᒧᑦ ᐱᒻᒪᕆᐅᔪᒥᒃ ᐃᖅᑲᓇᐃᔮᖃᖅᑐᖅ ᑲᔪᓯᑎᑦᑎᓂᕐᒥᒃ ᐱᓕᕆᐊᓂᒃ ᐱᖃᓯᐅᑎᓗᒍ ᐊᑐᓕᖅᑎᑕᐅᓂ ᓄᓘᔮᒃ ᐅᔭᕋᕐᓂᐊᕐᕕᖓ, ᑲᑐᔾᔨᖃᑎᖃᕐᓂᖅ ᐊᓯᖏᓐᓂᒃ ᑎᒥᐅᔪᓂᒃ ᐊᒻᒪᓗ ᖃᐅᔨᓴᕐᓗᑎᑭ ᑎᒥᐅᔪᖅ ᑲᔪᓯᓂᖃᑦᑎᐊᕐᒪᖔᑦ.  ᕿᑎᕈᔪᖓᓃᖃᑦᑕᕐᓂᐊᖅᑐᑎᑦ, ᐃᒃᓯᕙᐅᑕᐅᖃᑕᐅᓗᑎᒃ ᐊᖏᕈᑎᓕᕆᓂᕐᒧᑦ ᐊᐅᓚᑦᑎᓂᕐᒥᒃ ᑲᑎᒪᔨᕋᓛᓂ, ᐊᒻᒪᓗ ᐅᓂᒃᑳᓕᐅᕐᓗᑎᑦ ᐊᒻᒪ ᐸᕐᓇᐅᑎᓕᐅᕐᓗᑎᑦ ᐃᖅᑲᓇᐃᔮᒃᓴᓄᑦ ᑲᓐᑐᕌᓕᕆᓂᕐᒥᓗ.  ᑖᓐᓇ ᐊᐅᓚᑦᑎᔨ ᐱᓕᕆᐊᖃᓯᓐᓈᕋᔭᖅᑐᖅ ᐱᔭᕆᑐᔪᓂᒃ ᐋᖅᑭᒃᓱᐃᓂᕐᒥᒃ, ᑲᑐᔾᔨᖃᑎᖃᕐᓂᕐᒥᓗ ᐊᖓᔪᖅᑲᐅᑎᐅᔪᓂᒃ ᐊᒻᒪᓗ ᖃᐅᔨᒪᔨᑕᕆᐅᔭᓗᑎᒃ ᐊᖏᕈᑎᒥᒃ ᐊᑐᓕᖅᑎᑦᑎᓂᕐᒨᖓᔪᓂᒃ.

ᑖᓐᓇ ᐃᖅᑲᓇᐃᔮᖅ ᐊᔾᔨᒌᙱᑦᑐᓂᒃ ᐱᓕᕆᐊᒃᓴᖃᕐᓂᐊᖅᑐᖅ ᐊᒻᒪᓗ ᐃᑲᔪᖅᑎᒋᔭᐅᕙᓪᓗᓂ ᐊᖓᔪᖅᑲᐅᑎᐅᓂᖅᓴᐅᔪᓂᒃ ᐊᐅᓚᑦᑎᔨᓂ, ᓯᕗᓕᖅᑎᓂᒃ, ᑲᑎᒪᔨᓂᓪᓗ.  ᐃᑲᔪᖃᑦᑕᕐᓂᐊᕐᒪᑕ ᑎᒥᐅᔪᖅ ᖃᓄᖅ ᐱᕙᓪᓕᐊᒐᔭᕐᒪᖔᑦ ᑐᑭᒧᐊᒍᑎᒃᓴᓕᐅᕐᓂᒃᑯᑦ ᐸᕐᓇᐅᑎᓂᒃ, ᐋᔩᕋᕈᑎᖃᕐᓂᕐᒥᒃ, ᐊᒻᒪᓗ ᑮᓇᐅᔭᓂᒃ ᓴᓂᕐᕙᐃᖅᓯᓂᕐᒥᒃ,  ᐊᑕᐅᑦᑎᒃᑯᓪᓗ ᐃᓱᒫᓘᑎᒋᔭᐅᔪᑦ ᐱᓕᕆᐊᕆᓗᒋᑦ ᐊᒻᒪᓗ ᐱᔪᓐᓇᕐᓂᑎᑦ ᐊᑐᕐᓗᒋᑦ ᐊᖅᑭᒃᓱᐃᖃᑦᑕᕐᓗᑎᑦ ᓯᕗᓪᓕᐅᑎᑕᐅᔭᕆᐊᓕᖕᓂᑦ ᐊᒻᒪᓗ ᖃᓄᖅ ᑭᓱᓂᓪᓗ ᑲᔪᓯᑎᑦᑎᔪᒪᓂᐊᕐᓂᕐᓄᑦ.  ᐊᐅᓚᑦᑎᔨ ᖃᓂᑦᑐᒃᑯᑦ ᐃᖅᑲᓇᐃᔭᖃᑎᖃᕐᓂᐊᖅᑐᖅ ᑐᑭᒧᐊᒃᑎᑦᑎᔨᐅᔪᒥᒃ ᐊᖅᒪᓗ ᓯᕗᓕᖅᑎᒥᒃ ᐃᖅᑲᓇᐃᔭᖅᑎᓄᑦ, ᐊᑐᓕᖅᑎᑦᑎᕙᓪᓕᑎᒃ ᒪᓕᓪᓗᒋᑦ ᐱᔪᓐᓇᕐᓂᖏᑦ, ᐊᒻᒪᓗ ᐋᖅᑭᒋᐊᖅᓯᖁᔨᑐᐃᓐᓇᕆᐊᖃᖅᖢᑎᒃ ᐊᖏᕈᑎᓂᒃ ᐋᖅᑭᒋᐊᖅᑕᐅᔭᕆᐊᖃᓕᕌᖓᑦ.

ᐱᔪᓐᓇᕐᓂᕆᔭᐅᔭᕆᐊᓖᑦ

ᑖᓐᓇ ᐃᖅᑲᓇᐃᔮᖃᕐᓂᐊᖅᑐᖅ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐊᔪᙱᓐᓂᖃᕆᐊᖃᖅᐳᖅ ᒪᓕᒐᑎᒍᑦ ᐊᖏᕈᑎᓕᕆᓂᕐᒧᑦ ᑐᑭᓯᐅᒪᓂᕐᒥᒃ, ᓯᕗᓕᖅᑎᐅᓂᕐᒥᒃ, ᑲᑐᔾᔨᖃᑎᖃᑦᑎᐊᕈᓐᓇᕐᓂᕐᒥᒃ, ᐱᓕᕆᐊᒃᓴᓂᒃ ᐊᐅᓚᑦᑎᔪᓐᓇᕐᓂᕐᒥᒃ, ᐊᔾᔨᒌᙱᑦᑐᓂᒃ ᐱᓕᕆᐊᖃᕐᓂᕐᒥᒃ, ᑐᓴᐅᒪᖃᑦᑕᐅᑎᑦᑎᐊᖃᑦᑕᕐᓂᕐᒥᒃ ᐊᒻᒪᓗ ᐊᑲᐅᙱᓕᐅᕈᑎᓂᒃ ᐋᖅᑭᒃᓱᐃᓂᕐᒥᒃ.  ᖃᐅᔨᒪᓂᖃᕆᐊᖃᖅᖢᑎ ᒐᕙᒪᓕᕆᓂᕐᒨᖓᔪᓂᒃ, ᐃᓅᓯᕐᓅᖓᔪᓂᒃ ᐊᒻᒪᓗ ᒪᑭᒪᐅᑎᒃᓴᓕᕆᓂᕐᒥᒃ ᓄᓇᕗᒥ, ᐱᖃᓯᐅᑎᓗᒋᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐊᒻᒪᓗ ᑕᐃᒃᑯᐊ ᐊᓯᖏᑦ ᐊᔾᔨᒋᔭᐅᐸᓗᒃᑐᓂᒃ ᐱᓕᕆᐊᖑᔪᓂᒃ ᐅᑭᐅᖅᑕᖅᑐᒥ.  ᒪᕐᕉᓂᒃ ᐊᕐᕌᒍᓂ ᐱᔪᓐᓇᕐᓂᖃᕆᐊᖃᖅᐳᑎᑦ ᐊᑐᓕᖅᑎᑦᑎᔪᓐᓇᕐᓂᕐᒥᒃ ᐱᓕᕆᐊᕐᒥᒃ ᐅᕝᕙᓘᓐᓃᑦ ᐃᑲᔫᓯᐊᒃᓴᖃᕐᕕᐅᔪᓂᒃ ᐊᖏᕈᑎᓂᒃ, ᓯᕗᓕᖅᑎᐅᔪᓐᓇᕐᓂᕐᒥᒃ, ᐃᖅᑲᓇᐃᔭᖅᑐᓕᕆᔪᓐᓇᕐᓂᕐᒥᒃ ᐊᒻᒪᓗ ᐃᖅᑲᓇᐃᔭᖅᑎᓂᒃ/ᐃᓕᓐᓂᐊᒐᒃᓴᓂᓪᓗ ᐸᕐᓇᐅᑎᓕᐅᕐᓂᖅ ᐊᒻᒪᓗ ᐃᖅᑲᓇᐃᔭᖃᑎᖃᕈᓐᓇᕐᓗᑎᒃ ᓄᓇᓕᖕᓂ ᓄᓇᕗᒥ ᐊᒻᒪ ᒐᕙᒪᐅᔪᓂᒃ.  ᓇᓗᓇᐃᒃᑯᑕᖃᕆᐊᖃᖅᐳᖅ ᐃᓄᐃᑦ ᐃᓕᖅᑯᓯᖏᓐᓂᒃ, ᐃᓅᓯᕐᓅᖓᔪᓂᒃ ᐅᕝᕙᓘᓐᓃᑦ ᐊᔾᔨᒋᔭᖏᓐᓂᒃ ᐃᓕᓐᓂᐊᕐᓂᕐᓂᒃ, ᓇᓗᓇᐃᒃᑯᑕᖃᕐᓗᓂ ᐱᓕᕆᐊᒃᓴᓂ ᐊᐅᓚᑦᑎᔪᓐᓇᕐᓂᕐᒥᒃ ᑖᓐᓇ ᐱᒻᒪᕆᐅᓂᐊᖅᖢᓂ.  ᐃᓕᓐᓂᐊᕐᓂᖏᑦ ᐊᔪᙱᓐᓂᕆᔭᖏᓪᓗ ᐃᓱᒪᒋᔭᐅᑐᐃᓐᓇᕆᐊᖃᕐᒥᔪᑦ ᐃᖅᑲᓇᐃᔮᒃᓴᒧᑦ.

ᐃᖅᑲᓇᐃᔮᖅ ᖃᓄᐃᓕᖓᓂᐊᕐᓂᖓ

ᑖᓐᓇ ᐃᖅᑲᓇᐃᔮᖃᕐᓂᐊᖅᑐᖅ ᐊᓪᓚᕝᕕᖕᒦᓂᖅᓴᐅᖃᑦᑕᕐᓂᐊᖅᑐᖅ, ᑭᓯᐊᓂ ᐃᓛᓐᓂᒃᑯᑦ ᐅᖓᓯᒃᑐᓕᐊᖃᑦᑕᕆᐊᖃᕋᔭᖅᑐᖅ ᐃᒻᒪᖄ ᐊᑕᐅᓯᐊᖃᑦᑕᕐᓗᓂ ᑕᖅᑭᑕᒫᑦ ᐊᐅᓪᓚᖅᓯᒪᕙᓪᓗᓂ ᐱᓇᓱᐊᕈᓯᓕᒫᖅ ᐱᓕᕆᐊᕆᔭᖏᑕ ᐱᔾᔪᑎᒋᓗᒍ.   ᑖᓐᓇ ᐃᖅᑲᓇᐃᔮᖅ ᐅᖁᒪᐃᑦᑐᓕᕆᔾᔫᒥᖃᑦᑕᕐᓂᐊᖅᑐᖅ 40ᓂ ᐅᖁᒪᐃᓐᓂᕐᓂᒃ ᑐᙶᓃᑦᑐᓂᒃ, ᐊᒻᒪᓗ ᐃᖏᕐᕋᖃᑦᑕᕐᓗᑎᑦ ᐅᔭᕋᕐᓂᐊᕐᕕᖕᓄᑦ ᐅᖓᓯᒃᑯᒧᓪᓘᓐᓃᑦ ᒥᑭᔪᒥᒃ ᖃᖓᑕᓲᒃᑯᑦ.  ᓱᓕᓗ, ᐃᖅᑲᓇᐃᔭᖃᑦᑕᑐᐃᓐᓇᕆᐊᖃᕐᓂᐊᖅᑐᑎᑦ ᐃᖅᑲᓇᐃᔭᕐᓇᐅᒍᓐᓃᕌᖓᑦ ᐅᓐᓄᒃᑯᑦ, ᐱᓇᓱᐊᕈᓯᐅᑉ ᓄᙳᖓᓂᒃ ᐱᓕᕆᐊᖑᒋᐊᓖᑦ ᑐᐊᕕᕐᓇᖅᑐᖃᖅᐸᓪᓘᓐᓃᑦ ᐱᓕᕆᐊᖑᒋᐊᓕᖕᒥᑦ.  ᑖᓐᓇ ᐃᖅᑲᓇᐃᔮᖃᕐᓂᐊᖅᑐᖅ ᐱᕋᔭᒃᓴᓯᒪᙱᒃᑲᓗᐊᕐᒪᖔᑦ ᖃᐅᔨᓴᖅᑕᐅᒋᐊᖃᕐᓂᐊᖅᑐᖅ.

ᐱᓇᓱᖃᑕᐅᔪᒪᒍᕕᑦ ᑕᒪᑐᒥᖓ ᐃᖅᑲᓇᐃᔮᒃᓴᒥᒃ, ᐱᓇᓲᑎᑎ ᑐᓂᓗᒋᑦ ᐅᑯᓄᖓ Phelps−ᑯᓐᓄᑦ ᓇᕿᓪᓗᒍ ᐅᓇhttps://bit.ly/44VjtqB

ᐱᓇᓱᖃᑕᐅᔪᒪᔪᑦ ᑭᓪᓕᖃᖅᑐᑦ:  ᐊᒡᒌᓯ 16, 2023.

401 Bay Street, Suite 1400, Toronto, ON M5H 2Y4
Phone: 416 364 6229