ᐃᖃᓗᐃᑦ, ᓄᓇᕗᑦ – ᔭᓐᓄᐊᓕ 31, 2019 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐅᐱᒍᓱᒃᖢᑎᒃ ᖁᕕᐊᓲᑎᖃᖅᑐᑦ ᐱᖓᔪᒋᔭᖓᓂᒃ ᐊᕐᕌᒍᒥᒃ ᐃᓄᒃᑎᑐᑦ ᐅᖃᐅᓯᐊ ᑕᖅᑭᕆᔭᖓᓂ ᐊᔾᔨᒌᓐᖏᑦᑐᓂᒃ ᖃᓄᐃᓕᐅᖅᑎᑦᑎᓗᑎᒃ ᐱᒋᐊᕈᑎᒃᓴᓕᐅᖅᑎᑦᑎᓗᑎᓪᓗ.

“ᐅᖃᐅᓯᖅ ᐱᒻᒪᕆᐅᕗᖅ ᓴᐳᔾᔨᔭᐅᓂᖓᓄᑦ ᐃᓕᖅᑯᓯᕗᑦ,” ᐅᖃᖅᑐᖅ ᕿᑭᖅᑕᓃᒃᑯᑦ ᐊᖓᔪᖅᑳᖓᑦ ᐸᐅᓗᓯ ᐊᕿᐊᕈᖅ. “ᓴᓐᖏᓕᖅᑎᑦᑎᓂᕐᒥᒃ ᐃᓄᒃᑎᑑᒥ ᓴᓐᖏᓂᖅᑖᖅᑎᑦᑎᔪᓐᓇᕐᒪᑦ ᓄᓇᓕᖕᓂ ᐊᒻᒪᓗ ᓇᓗᓇᐃᔭᐅᑎᒋᔭᐅᓪᓗᓂ ᑭᓇᐅᓂᑦᑎᓐᓂ ᐃᓅᓪᓗᑕ.”

ᕿᑭᖅᑕᓃᒃᑯᑦ ᖁᕕᐊᓲᑎᖃᕐᓂᐊᖅᑐᑦ ᐃᓄᒃᑎᑐᑦ ᐅᖃᐅᓯᐊ ᑕᖅᑭᖓᓂᒃ ᐊᔾᔨᒌᓐᖏᑦᑐᓂᒃ ᐃᓚᒌ-ᑐᓐᖓᓇᕐᓗᑎᒃ ᖃᓄᐃᓕᐅᖅᑎᑦᑎᕈᓘᔭᕐᓗᑎᒃ..

ᓄᓇᕗᒥ ᐅᖃᓕᒫᒐᓕᐅᖅᑎᑦ ᖃᓄᐃᓕᐅᕐᓂᖏᑦ – ᕖᕝᕗᐊᓕ 2, 1ᒥᑦ ᐅᓐᓄᒃᓴᒃᑯᑦ 4ᒧᑦ ᐅᓐᓄᒃᓴᒧᑦ, ᕗᕉᐱᓲᑉ ᑐᔪᕐᒥᕕᐊᓂ , ᑰᔾᔨᓯᐅᑉ ᑲᑎᒪᕕᐊᓂ

ᑖᓐᓇ ᑲᑐᔾᔨᒍᑕᐅᓯᒪᔪᖅ ᐃᓐᕼᐋᐱ ᒦᑎᐊᒃᑯᓐᓂ ᐊᒻᒪᓗ ᐅᖃᓕᒫᒐᓂᒃ ᐊᑎᓕᐅᖅᑐᖃᖃᑦᑕᕈᓐᓇᕐᓂᐊᖅᖢᓂ ᐅᖃᓕᒫᒐᓕᐅᖅᓯᒪᔪᓂᑦ ᐃᓄᒃᑎᑑᖅᑐᓂ.

ᕿᑭᖅᑕᓃᒃᑯᑦ ᐅᖃᓕᒫᒐᓕᐅᖅᑕᐅᓯᒪᔪᓂᒃ ᓴᖅᑭᔮᖅᑎᑦᑎᓂᖏᑦ  – ᕖᕝᕗᐊᓕ 1ᒥᑦ – 28ᒧᑦ

ᖃᐅᑕᒫᑦ ᕖᕝᕗᐊᓕᒥ ᕿᑭᖅᑕᓃᒃᑯᑦ ᓴᖅᑭᑎᑦᑎᖃᑦᑕᕐᓂᐊᖅᑐᑦ ᐊᔾᔨᒌᓐᖏᑦᑐᓂᒃ ᐅᖃᓕᒫᒐᓕᐊᓂᑦ ᐃᓐᕼᐋᐱᑦ ᒦᑎᐊᒃᑯᓐᓂᑦ ᐃᑲᔪᖅᑕᐅᓯᒪᓪᓗᑎᒃ ᕿᑭᖅᑕᓃᒃᑯᓐᓂ ᑮᓇᐅᔭᑎᒍᑦ (ᓴᖅᑭᔮᖅᑎᑕᐅᓂᐊᖅᑐᖅ ᕙᐃᔅᐳᒃᑯᑦ, ᑐᕕᑐᒃᑯᑦ, ᐃᓐᓯᑎᒍᕌᒻᑯᓗ).  ᓱᓕᓗ, ᖃᕆᓴᐅᔭᒃᑯᑦ ᐅᖃᓕᒫᒐᓂᒃ ᐊᑭᖃᓐᖏᑦᑐᒥᒃ ᐱᔭᐅᔪᓐᓇᖅᖢᑎᒃ ᓇᕿᑕᐅᑉᐸᑦ ᐅᐃᒍᒋᔭᐅᔪᖅ.

ᐃᓄᒃᑎᑐᑦ ᐃᓐᖏᐅᓯᐅᕐᓂᖅ/ᐅᖃᓗᕋᐅᔭᐅᑎᓕᐅᕐᓂᕐᒥᒃ ᓵᓚᖃᕋᓱᐊᕐᓂᖅ – ᐊᐅᓚᑕᐅᓂᐊᖅᑐᖅ ᕖᕝᕗᐊᓕ 1ᒥᑦ 22ᒧᑦ − ᓵᓚᓕᒃ ᓇᓗᓇᐃᖅᑕᐅᓛᖅᑐᖅ ᕖᕝᕗᐊᓕ 28ᒥ  

ᐱᓇᓱᖃᑕᐅᓂᐊᖅᑐᑦ ᐃᓐᖏᐅᓯᐅᖅᓯᒪᔭᖓᓂᒃ ᓇᐃᓈᖅᓯᒪᓗᒍ ᐅᕝᕙᓘᓐᓃᑦ ᐅᖃᓗᕋᐅᔭᐅᑎᓕᐅᕐᓗᑎᒃ (50ᓂ ᑐᖔᓂᓘᓐᓃᑦ ᐅᖃᐅᓯᖅᑕᖃᓗᕐᓂ) ᐃᓕᓗᒍ ᕿᑭᖅᑕᓃᒃᑯᑦ (ᕙᐃᔅᐳᒃᖓᓄᑦ, ᑐᕕᑐᖓᓄᑦ, ᐃᓐᓯᑎᒍᕌᒻᖓᓄᓪᓘᓐᓃᑦ) ᐊᑐᕐᓗ ᓇᖅᑭᑕᕆᐊᓕᒃ #QIAinuk. ᓯᕗᓕᖅᐹᖅ ᓵᓚᖃᖅᑐᖅ ᑮᓇᐅᔭᖅᑖᕐᓂᐊᖅᑐᖅ $400, ᑐᖏᓕᕆᔭᐅᔪᖅ $300, ᐊᒻᒪᓗ ᐱᖓᓱᐊ $200.

ᑐᑭᓯᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒃᓴᖅ:

ᓰᒪ ᓴᕼᐊᕐ ᓯᐊᕋᕼᐃ,

ᑐᑭᒧᐊᖅᑎᑦᑎᔨ ᑐᓴᐅᒪᖃᑦᑕᐅᑎᓕᕆᓂᕐᒧᑦ,

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ

szerehi@qia.ca

867.975.8413

1.800.667.2742