ᕿᑭᖅᑕᓃᒃᑯᑦ ᓴᙱᓕᖅᑎᑦᑎᔪᑦ ᐃᓄᐃᑦ ᒪᑭᒪᔾᔪᑎᒃᓴᖏᓐᓂᒃ ᐊᒻᒪᓗ ᐱᐅᓯᑎᑦᑎᒐᓱᐊᖅᖢᑎᒃ ᐃᓄᐃᑦ ᐃᓅᓯᖃᑦᑎᐊᕐᓂᖅᓴᐅᓂᐊᕐᒪᑕ ᐃᖃᓗᓕᕆᓂᕐᒧᑦ ᐋᖅᑮᖃᑎᖃᕐᓂᒃᑯᑦ ᐊᖏᖃᑎᒌᒍᑎᑦ ᐊᑐᕐᓗᑎᒃ
ᕿᑭᖅᑕᓃᒃᑯᑦ ᓴᙱᓕᖅᑎᑦᑎᔪᑦ ᐃᓄᐃᑦ ᒪᑭᒪᔾᔪᑎᒃᓴᖏᓐᓂᒃ ᐊᒻᒪᓗ ᐱᐅᓯᑎᑦᑎᒐᓱᐊᖅᖢᑎᒃ ᐃᓄᐃᑦ ᐃᓅᓯᖃᑦᑎᐊᕐᓂᖅᓴᐅᓂᐊᕐᒪᑕ ᐃᖃᓗᓕᕆᓂᕐᒧᑦ ᐋᖅᑮᖃᑎᖃᕐᓂᒃᑯᑦ ᐊᖏᖃᑎᒌᒍᑎᑦ ᐊᑐᕐᓗᑎᒃ
ᐃᖃᓗᐃᑦ, ᓄᓇᕗᑦ, ᐊᒃᑑᕙ 17, 2023 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᐃᖅᑲᖅᑐᐃᕝᕕᒃᑰᖅᑎᑦᑎᔪᑦ ᒐᕙᒪᑐᖃᒃᑯᑦ ᐃᒪᕐᒥᐅᑕᓕᕆᔨᒃᑯᓐᓂᑦ ᑐᑭᑖᕈᑎᒋᓚᐅᖅᑕᖓᓂᑦ ᓅᑦᓯᑎᓪᓗᒍ ᑮᓇᐅᔭᓕᐅᕋᓱᐊᕐᕕᐅᔪᓐᓇᖅᑐᓂᒃ ᓄᓇᕘᑉ ᐊᑭᒋᔭᖏᓐᓃᑦᑐᓂᒃ ᐃᒪᓂᒃ ᓚᐃᓴᓐᓯᐅᔪᓂᒃ ᑐᓂᓯᑎᓪᓗᒍ ᖃᓪᓗᓈᓄᑦ. ᑖᓐᓇ ᐃᖅᑲᖅᑐᐃᕝᕕᒃᑰᕈᑕᐅᔪᖅ ᐊᐃᕙᔾᔪᑎᖃᕐᒪᑦ ᒪᑭᒪᔾᔪᑎᒃᓴᐅᒐᔭᖅᑐᓄᑦ ᐊᓯᐅᔨᔭᐅᓯᒪᔪᑦ ᐃᓄᖕᓄᑦ, ᐱᖃᓯᐅᑎᓗᒋᑦ ᑐᕌᖅᑐᓂᒃ ᑐᕌᙱᑦᑐᓂᓪᓗ ᐃᑲᔫᓯᐊᖑᒐᔭᖅᑐᓄᑦ ᐃᓄᖕᓄᑦ ᐱᙳᖅᑎᑕᐅᓯᒪᙱᑦᑐᓄᑦ ᑕᐃᒪᙵᓂᑦ ᓄᓇᕘᑖᖅᑎᓪᓗᑕ 1999ᒥᑦ.
ᕿᑭᖅᑕᓃᒃᑯᑦ ᐃᑲᔪᖅᑐᑦᑎᐊᖅᑐᑦ ᐱᕙᓪᓕᐊᔪᓕᕆᓂᕐᒥᒃ ᐱᒻᒪᕆᐅᔪᒃᑯᑦ ᓇᓗᓇᐃᔭᕈᑎᒋᔭᐅᔪᓐᓇᕐᒪᑦ ᐊᒻᒪ ᑎᒃᑯᐊᖅᓯᓗᑎᒃ ᐃᓄᖕᓄᑦ ᐱᒋᔭᐅᓂᖓᓄᑦ ᐊᒻᒪᓗ ᐱᔪᓐᓇᕐᕕᖃᕐᓂᖓᓂᒃ ᐱᕙᓪᓕᐊᑎᑦᑎᒐᓱᐊᖅᑎᓪᓗᒋᑦ ᓄᓇᕘᒥ ᒪᑭᒪᔾᔪᑎᒃᓴᐅᔪᓐᓇᖅᑐᓂᒃ. ᕿᑭᖅᑕᓃᒃᑯᑦ ᐃᓕᓴᖅᓯᓚᐅᖅᑐᑦ ᑖᓐᓇ ᓄᓇᕗᒥ ᐃᖃᓗᓕᕆᓂᖅ ᑎᒍᒥᐊᕈᓐᓇᕐᒪᑦ ᐊᔾᔨᒌᙱᑦᑐᓂᒃ ᐊᒥᓱᓂᓗ ᐱᕕᓴᐅᔪᓐᓇᖅᑐᓄᑦ ᐱᕙᓪᓕᐊᔪᓕᕆᓂᕐᒥ. ᐱᒻᒪᕆᐅᔪᒥᒃ ᐃᓗᓕᖃᖅᑎᓪᓗᒍ ᕿᑭᖅᑕᓃᒃᑯᑦ ᒪᑭᒪᔾᔪᑎᒃᓴᓕᕆᓂᕐᒧᑦ ᓯᕗᓕᖅᐹᖅᓯᐅᑎᐅᔪᒥᒃ ᐊᖏᕈᑎᖓ, ᕿᑭᖅᑕᓃᒃᑯᑦ ᐋᖅᑭᒃᓱᐃᒐᓱᖕᒪᑦ ᑖᒃᑯᐊ ᐃᓄᐃᑦ ᕿᑭᖅᑕᓂᒥᐅᑦ ᐊᐅᓚᑦᑎᓂᖅᓴᐅᖁᓪᓗᒋᑦ ᐸᖅᑭᓗᑎᓪᓗ ᓄᓇᓂᒃ ᐃᒪᓂᓗ, ᐱᖃᓯᐅᑎᓗᒋᑦ ᑕᐃᒃᑯᐊ ᐃᒪᕕᖕᒥᑦ ᐊᒻᒪ ᐊᑭᒋᔭᐅᔪᒦᑦᑐᓪᓗ ᐃᖃᓗᓕᕆᓂᔪᓐᓇᕐᓂᕐᒥᒃ ᕿᑭᖅᑖᓗᖕᒥ.
ᕿᑭᖅᑕᓃᒃᑯᑦ ᐃᖅᑲᓇᐃᔭᖃᑎᖃᕋᓱᒃᑐᑦ ᒐᕙᒪᑐᖃᒃᑯᓐᓂᑦ ᐱᔾᔪᑎᒋᓪᓗᒍ ᑕᒪᒃᑯᐊ ᑲᔪᓯᑎᑕᐅᓯᒪᔪᑦ ᐋᖅᑭᒃᑕᐅᓚᐅᖅᓯᒪᙱᑦᑐᓂᓗ ᐃᓱᒫᓘᑎᑦ ᑐᕌᒐᖃᖅᖢᑎᒃ ᐃᖃᓗᓕᕆᓂᕐᒧᑦ ᐋᖅᑮᖃᑎᖃᕐᓂᕐᒥᒃ ᑰᑕᐃᑦ ᖃᓄᖅ ᑐᓂᐅᖅᑲᖅᑕᐅᕙᖕᓂᖏᓐᓄᑦ. ᐃᓄᐃᑦ ᐃᓚᐅᒃᑲᓐᓂᕐᓂᖏᑦ ᐃᖃᓗᓕᕆᓂᕐᒧᑦ ᐱᐅᓂᖅᐹᖑᕗᖅ ᑖᒃᑯᐊ ᕿᑭᖅᑕᓃᒃᑯᑦ ᓯᕗᒧᐊᕈᑎᖃᕐᓂᐊᖅᐸᑦ ᐱᕙᓪᓕᐊᔪᓕᕆᓂᕐᒥᒃ ᐊᑕᐅᑦᓯᒃᑯᓪᓗ ᓄᖅᑲᖓᑎᑦᑎᒐᓱᐊᕐᓗᑎᒃ ᐱᕈᒃᑲᓐᓂᕈᓐᓇᙱᑦᑐᓂᒃ ᐅᔭᕋᒃᑕᖃᑦᑕᕐᓂᕐᒥᒃ.
ᑐᑭᓯᒃᑲᓐᓂᕈᒪᒍᕕᑦ ᐱᓕᕆᐊᕆᔭᑦᑎᓐᓂᒃ ᓯᕗᒧᐊᖅᑎᑦᑎᒐᓱᒃᑎᓪᓗᑕ ᐋᖅᑮᖃᑎᖃᕐᓂᕐᒥᒃ, ᑕᑯᒋᐊᕐᓂᐊᖅᐸᐃᑦ ᐃᑭᐊᖅᑭᕕᑦᑎᓐᓃᑦᑐᒥᒃ ᐅᓂᒃᑳᓕᐊᑦ, ᓴᙱᓕᖅᑎᑦᑎᓂᕐᒥᒃ ᐃᓄᐃᑦ ᑮᓇᐅᔭᓕᐅᕋᓱᐊᕈᑎᖏᓐᓂᒃ, ᓇᕿᒍᓐᓇᖅᑐᒥᓗ ᐅᕘᓇ ᐱᑕᖃᖅᖢᓂ
https://www.qia.ca/wp-content/uploads/2023/10/231010-qia-fisheriesreconcilliationjudicial-review.pdf
ᑐᑭᓯᒃᑲᓐᓂᕆᐊᖃᕈᕕᑦ, ᖃᐅᔨᒋᐊᕐᕕᒃᓴᖅ:
ᑭᐊᕋᓐ ᕙᓚᕋᑎ
ᑐᑭᒧᐊᒃᑎᑦᑎᔨ, ᑐᑭᒧᐊᒍᑎᒃᓴᓄᑦ ᑐᓴᐅᒪᖃᑦᑕᐅᑎᓂᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
(ᐅᖄᓚᐅᑖ) 867.975.8398 ᐊᑭᖃᙱᑦᑐᒧᑦ 1.800.667.2742
