ᕿᑭᖅᑕᓃᒃᑯᑦ ᒪᒥᐊᑉᐳᑦ ᐃᓚᒋᔭᐅᔪᓄᑦ ᓕᐅ ᒪᒃᑖᕐᒧᑦ
ᐃᖃᓗᐃᑦ, ᓄᓇᕗᑦ ᕖᕝᕗᐊᓕ 3, 2023 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ (ᕿᑭᖅᑕᓃᒃᑯᑦ) ᑲᑎᒪᔨᖏᑦ ᐃᖅᑲᓇᐃᔭᖅᑎᖏᓪᓗ ᕿᒃᓵᖃᑕᐅᕗᑦ ᑐᓴᓚᐅᖅᑎᓪᓗᒋᑦ ᐃᓅᔪᓐᓃᕐᓂᖓᓄᑦ ᓕᐅ ᒪᒃᑖᖅ.
ᓕᐅ ᕿᑭᖅᑕᓃᒃᑯᓐᓂᑦ ᓇᐅᑦᑎᖅᓱᖅᑎᓂᑦ ᒥᐊᓂᖅᓯᔨᒋᔭᐅᓚᐅᖅᑐᖅ ᒥᑦᑎᒪᑕᓕᖕᒥ 2020ᒥ ᐊᒻᒪᓗ ᓇᐅᑦᑎᖅᓱᖅᑎᐅᖃᑕᐅᓪᓗᓂ ᑎᑭᖦᖢᒍ ᐃᓅᔪᓐᓃᕐᓂᖓᓄᑦ. ᐊᔾᔨᒌᙱᑦᑐᓂᒃ ᐊᒃᓱᕉᑎᖃᖃᑦᑕᓚᐅᖅᑐᖅ, ᐱᓕᕆᔪᒪᑦᑎᐊᖃᑦᑕᖅᖢᓂ ᓴᐳᔾᔨᓂᕐᒥᒃ ᖃᐅᔨᒪᔭᐅᔪᓂᒃ ᐊᒻᒪᓗ ᓴᐳᔾᔨᓂᕐᒥᒃ ᐊᖏᕐᕋᕆᔭᖓᑕ ᐊᕙᑎᖓᓂ, ᐃᕐᖑᑕᖏᑦ ᖃᐅᔨᒪᑦᑎᐊᖁᓪᓗᓂᒋᑦ ᐊᒻᒪ ᑐᑭᓯᑦᑎᐊᖁᔨᓪᓗᓂᓗ ᓇᔪᖅᑕᖏᑕ ᓄᓇᖓᓂᒃ.
ᒪᒃᑖᖅ ᓯᕗᓕᖅᑎᐅᓚᐅᖅᑐᖅ ᐃᓄᐃᑦ ᖃᐅᔨᒪᔭᑐᖃᖏᑦ ᐱᔾᔪᑎᒋᓪᓗᒍ ᐊᒻᒪᓗ ᐃᓕᓯᒪᔭᖏᓐᓂᒃ ᑐᓂᓯᕙᒃᖢᓂ, ᐱᔨᑦᓯᖃᑦᑕᖅᓯᒪᓪᓗᓂ ᒥᑦᑎᒪᑕᓕᖕᒥ ᐅᒪᔪᕐᓂᐊᖅᑎᒃᑯᑦ ᑲᑎᒪᔨᖏᓐᓂ ᐊᒥᓱᓄᑦ ᐊᕐᕌᒍᓄᑦ ᐊᒻᒪᓗ ᐸᖅᓴᐃᔨᐅᖃᑕᐅᖃᑦᑕᖅᓯᒪᓪᓗᓂ ᒥᑦᑎᒪᑕᓕᖕᒥ.
ᕿᑭᖅᑕᓃᒃᑯᑦ ᐃᖅᑲᐅᒪᕗᑦ ᓕᐅᒥᒃ ᑐᓂᓯᖃᑦᑕᖅᓯᒪᓂᖓᓂᒃ ᕿᑭᖅᑕᓂᒥᐅᓂᒃ ᐃᓄᖕᓂᑦ ᐊᒻᒪᓗ ᖁᔭᓐᓇᒦᖅᖢᑎᒍ ᐃᓚᒋᔭᖏᑦ ᐃᑲᔪᖅᑐᐃᖃᑦᑕᖅᓯᒪᓂᖏᓐᓄᑦ ᐊᕐᕌᒍᓂ ᑭᖑᓂᑦᑎᓐᓂ. ᐊᒃᓱᐋᓗᒃ ᒪᒥᐊᑉᐳᒍᑦ ᐃᓚᒋᔭᖏᓐᓄᑦ, ᓄᓇᖅᑲᑎᒋᔭᖏᓐᓄᓪᓗ ᒥᑦᑎᒪᑕᓕᖕᒥ.
Recent Posts
