ᔪᓚᐃ 5, 2019, ᐃᖃᓗᐃᑦ, ᓄᓇᕗᑦ – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᐊᕐᕌᒍᓕᒫᖅ ᒪᑐᐃᖓᑎᑦᓯᖃᑦᑕᕐᒪᑕ ᐃᓚᒌᒃᑐᓄᑦ ᑮᓇᐅᔭᖏᓐᓄᑦ ᐱᓇᓱᒍᒪᔪᓄᑦ ᑮᓇᐅᔭᖅᑖᕐᕕᐅᓇᓱᒍᓐᓇᖅᖢᓂ ᐱᓕᕆᐊᒃᓴᕆᔭᐅᔪᒪᔪᓄᑦ ᐊᕐᕌᒍᒥ 2019-20ᒥ.

ᐃᓚᒌᒃᑐᓄᑦ ᑮᓇᐅᔭᖏᑦ ᓄᓘᔮᒃ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐃᑲᔫᓯᐊᒃᓴᖏᓐᓄᑦ ᐊᖏᕈᑎᓂᙶᖅᖢᓂ (ᐊᖏᕈᑎ).  ᓴᖅᑭᑕᐅᓯᒪᓪᓗᓂ ᑲᑐᔾᔭᐅᓯᒪᓪᓗᓂ ᐸᕕᓐᓛᓐ ᓴᕕᕋᔭᒃᓴᓂ ᐅᔭᕋᕐᓂᐊᕐᕕᐊᓄᑦ ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ.  ᑖᒃᑯᐊ ᑮᓇᐅᔭᐃᑦ ᐊᐅᓚᑕᐅᔪᑦ ᕿᑭᖅᑕᓃᒃᑯᓐᓄᑦ.  

ᑖᒃᑯᐊ ᑮᓇᐅᔭᐃᑦ ᓴᖅᑭᑕᐅᓯᒪᔪᑦ ᕿᑭᖅᑕᓃᒃᑯᑦ ᐃᓕᓴᖅᓯᓯᒪᓚᐅᕐᓂᖏᓐᓄᑦ ᐱᑕᖃᒃᑲᓐᓂᕆᐊᖃᕐᓂᖓᓂᒃ ᐱᒻᒪᕆᐅᔪᓂᒃ ᐋᖅᑭᒋᐊᕈᑎᓂᒃ ᓄᓇᓕᖕᓂᑦ ᐱᔪᓐᓇᕐᓂᖅᑖᖅᑎᑦᓯᓂᕐᒥᒃ, ᐱᓗᐊᖅᑐᒥᒃ ᒫᓐᓇ ᐱᕙᓪᓕᐊᔪᖃᓕᖅᑎᓪᓗᒍ ᐊᓯᔾᔨᖅᑐᖃᓕᖅᑎᓪᓗᒍᓗ ᓴᖅᑭᑦᑐᓂᒃ ᓄᓇᒥᙶᖅᑐᓂᒃ ᐱᕙᓪᓕᐊᑎᑦᓂᕐᒥᒃ, ᕿᑭᖅᑕᓂ ᓄᓇᓕᖕᓂᑦ ᓄᓇᕗᒥ.  ᑖᒃᑯᐊ ᑕᓪᓕᒪᑦ ᓄᓇᓖᑦ ᑮᓇᐅᔭᓂᒃ ᑐᒃᓯᕋᕈᓐᓇᖅᑐᑦ: ᐃᒃᐱᐊᕐᔪᒃ, ᑲᖏᖅᑐᒑᐱᒃ, ᓴᓂᕋᔭᒃ, ᐃᒡᓗᓕᒃ, ᒥᑦᑎᒪᑕᓕᒡᓗ.  

ᖃᓄᖅ ᐱᓇᓱᒍᓐᓇᕐᒪᖔᑖᒃ:

ᕿᒥᕐᕈᓗᒋᑦ ᒪᓕᒐᒃᓴᖏᑦ  ᐃᓚᒌᒃᑐᓄᑦ ᑮᓇᐅᔭᓄᑦ ᒪᓕᒐᒃᓴᑦ  ᕿᑭᖅᑕᓃᒃᑯᑦ ᐃᑭᐊᖅᑭᕕᖓᓃᑦᑐᑦ ᐅᕙᓂ www.qia.ca  ᑐᒃᓯᕋᐅᑎᓕᐅᓚᐅᙱᑎᓪᓗᑎᑦ, ᐊᒻᒪᓗ ᐃᓕᐅᖅᑲᕐᓗᒍ ᖃᕆᓴᐅᔭᕐᓄᑦ ᑖᓐᓇ ᐃᓚᒌᒃᑐᓄᑦ ᑮᓇᐅᔭᓄᑦ ᑕᑕᑎᒐᒃᓴᖏᑦ (ᐃᓚᒌᒃᑐᓄᑦ ᑮᓇᐅᔭᓂᑦ ᑐᔅᓯᕋᐅᑦ ᖁᕝᕙᓯᓐᓂᓕᒃ 1 ᑐᖔᓃᑦᑐᓂᑦ $30,000, ᐃᓚᒌᒃᑐᓄᑦ ᑮᓇᐅᔭᑦ ᑐᒃᓯᕋᐅᑎᒧᑦ ᑕᑕᑎᕆᐊᓖᑦ $30,000-ᒧᑦ ᐅᖓᑖᓄᓗ) ᕿᑭᖅᑕᓃᒃᑯᑦ ᐃᑭᐊᖅᑭᕕᖓᓂᑦ ᐅᕝᕙᓘᓐᓃᑦ ᑐᒃᓯᕋᕈᓐᓇᖅᖢᓯ ᑎᑎᖅᑲᑎᒍᑦ ᐅᖄᓚᐅᑎᒃᑯᓘᓐᓃᑦ ᕿᑭᖅᑕᓃᒃᑯᓐᓂᑦ ᐅᕝᕙᓘᓐᓃᑦ ᕿᑭᖅᑕᓃᒃᑯᑦ ᓄᓇᓕᖕᓂ ᑐᓴᐅᒪᑎᑦᓯᔨᖓᓐᓂᑦ ᓄᓇᓕᔅᓯᓐᓂᑦ.

ᑐᒃᓯᕋᕐᓂᐊᖅᑐᑦ ᑲᔪᖏᖅᓴᖅᑕᐅᒋᕗᑦ ᖃᐅᔨᒋᐊᕐᓗᑎᒃ  ᕿᑭᖅᑕᓃᒃᑯᑦ ᓄᓇᓕᖕᓂ ᐱᕙᓪᓕᐊᑎᑦᓯᓂᕐᒧᑦ ᑲᒪᔨᒥᒃ, ᓈᓚ ᓵᒋᐊᖅᑐᕐᒥ, ᐃᕐᖐᓐᓈᖅᑕᐅᑖ ᐅᕝᕙ nsagiatook@qia.ca ᐅᖄᓚᕕᒋᓗᒍᓘᓐᓃᑦ ᐅᕗᖓ  867- 975-8440 ᑐᒃᓯᕋᐅᑎᓕᐅᖅᐸᓪᓕᐊᓕᖅᑎᓪᓗᓯ ᓇᓗᓇᐃᔭᖃᑦᑕᑦᓯᐊᕐᓂᐊᕐᒪᑦ ᑕᒻᒪᖅᓯᒪᙱᒃᑲᓗᐊᕐᒪᖔᑦ ᐊᒻᒪᓗ ᑐᒃᓯᕋᖅᑐᖅ ᐱᔪᓐᓇᕐᓂᖃᕐᒪᖔᓘᓐᓃᑦ.   

ᐊᑐᓕᖁᔭᐅᓯᒪᔪᖅ ᑐᓂᓯᓂᐊᕈᔅᓯ ᑐᒃᓯᕋᐅᑎᓂᒃ ᓇᒃᓯᐅᑎᓗᒋᑦ ᑐᓂᓗᒋᓪᓘᓐᓃᑦ 4ᓂᒃ ᐱᓇᓱᐊᕈᓯᓂ ᐱᓕᕆᐊᒃᓴᕆᔪᒪᔭᐃᑦ ᐱᒋᐊᓚᐅᙱᑎᓪᓗᒍ, ᐱᕕᖃᑦᑎᐊᕐᓂᐊᕐᒪᑕ ᑲᑎᒪᔨᕋᓛᒃᑯᑦ ᕿᒥᕈᓗᑎᒃ.  

ᑐᒃᓯᕋᐅᑎᑦ ᑐᓂᔭᐅᔪᓐᓇᖅᑐᑦ ᓇᒃᓯᐅᑎᔭᐅᓗᑎᓪᓘᓐᓃᑦ ᓇᓪᓕᐊᒃᑯᑐᐃᓐᓇᖅ  ᐊᑖᓃᑦᑐᓄᑦ:

•     ᐃᕐᖐᓐᓈᖅᑕᐅᑎᒃᑯᑦ ᐅᕗᖓ nsagiatook@qia.ca 

•     ᓱᑲᑦᑐᒃᑯᑦ (867) 979-3238

•     ᐋᓪᓗᒍᓘᓐᓃᑦ ᕿᑭᖅᑕᓃᒃᑯᓐᓄᑦ ᐅᕝᕙᓘᓐᓃᑦ ᕿᑭᖅᑕᓃᒃᑯᑦ ᓄᓇᓕᖕᓂ ᑐᓴᐅᒪᑎᑦᓯᔨᒧᑦ ᐅᕝᕙᓘᓐᓃᑦ

•     ᑎᑎᖅᑲᐅᓯᕝᕕᒃᑯᑦ ᓇᒃᓯᐅᑎᓗᒍ:

ᐃᓚᒌᒃᑐᓄᑦ- ᓄᓇᓕᖕᓂᑦ ᐱᕙᓪᓕᐊᑎᑦᓯᓂᕐᒧᑦ ᑲᒪᔨᖓᑦ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ

ᑎᑎᖅᑲᖅᑖᕐᕕᐊ  1340 ᐃᖃᓄᐃᑦ, ᓄᓇᕗᑦ

X0A 0H0

ᑐᒃᓯᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒃᓴᖅ: ᓰᒪ ᓴᕼᐋᕐ ᓯᐊᕋᕼᐃ, ᑐᑭᒧᐊᖅᑎᑦᓯᔨ ᑐᓴᐅᒪᖃᑦᑕᐅᑎᓄᑦ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ

szerehi@qia.ca  

867.975.8413

1.800.667.2742