ᐃᖃᓗᐃᑦ, ᓄᓇᕗᑦ, ᓯᑎᐱᕆ 10, 2021, ᕿᑭᖅᑕᓃᒃᑯᑦ ᑐᑭᒧᐊᒃᑎᑦᑎᔩᑦ ᑲᑎᒪᔨᖏᑦ ᓂᕈᐊᖅᑲᐅᕐᒪᑕ ᑕᒪᕐᒥᒡᓗ ᐊᖏᖅᖢᑎᒃ ᐅᓛᔪᒃ ᐊᑭᓱᒃ ᕿᑭᖅᑕᓃᒃᑯᓐᓄᑦ ᐊᖓᔪᖅᑳᖑᓂᐊᓕᕐᓂᖓᓂᒃ. ᕿᑭᖅᑕᓃᒃᑯᑦ ᒪᓕᒐᕋᓛᖏᑎᒎᖅᖢᑎᒃ, ᐊᖓᔪᖅᑳᖅ ᐅᓛᔪᒃ ᐊᑭᓱᒃ ᐊᖓᔪᖅᑳᕆᔭᐅᓚᐅᑲᖕᓂᐊᓕᖅᑐᖅ ᑭᓯᐊᓂ ᕿᑭᖅᑕᓃᒃᑯᑦ ᓂᕈᐊᕐᕕᖓ ᑎᑭᒃᒥᒍᓂ ᑎᓯᐱᕆ 2022ᒧᑦ ᐋᖅᑭᒃᑕᐅᓯᒪᔪᖅ.

“ᖁᔭᓐᓇᒦᖑᔪᑦ ᑐᑭᒧᐊᒃᑎᑦᑎᔩᑦ ᑲᑎᒪᔨᖏᑦ ᐅᕙᓐᓂᒃ ᐅᒃᐱᕈᓱᖕᒪᑕ ᐃᓂᒋᓚᐅᑲᖕᓂᐊᖅᑕᓐᓂ” ᐅᖃᖅᑐᖅ ᕿᑭᖅᑕᓃᒃᑯᑦ ᐊᖓᔪᖅᑳᖅᑖᖓ ᐅᓛᔪᒃ ᐊᑭᓱᒃ. “ᐊᖓᔪᖅᑳᖑᑎᓪᓗᖓ ᕿᑭᖅᑕᓃᒃᑯᓐᓄᑦ ᐃᓇᖏᖅᑕᕐᒪ ᐱᓕᕆᑦᑎᐊᕙᒃᑕᖏᓐᓂᒃ ᑲᔪᓯᑦᑎᑏᓐᓇᕐᓂᐊᕐᒥᔪᖓ ᕿᑭᖅᑕᓂ ᐃᓄᐃᑦ ᓯᕗᓂᒃᓴᖃᑦᑎᐊᖁᓪᓗᒋᑦ.”

ᐊᖓᔪᖅᑳᙳᕋᓗᐊᖅᑎᓪᓗᒍ, ᐊᑭᓱᒃ ᓱᓕ ᕿᑭᖅᑕᓃᒃᑯᑦ ᐊᖓᔪᖅᑳᑉ ᑐᒡᓕᖓᓂ ᑎᒍᒥᐊᖅᓰᓐᓇᕐᓂᐊᖅᑐᖅ. ᐊᑭᓱᒃ ᓂᕈᐊᖅᑕᐅᓚᐅᖅᓯᒪᖕᒪᑦ ᐊᕐᕌᒍᓄᑦ ᑎᓴᒪᓄᑦ ᕿᑭᖅᑕᓃᒃᑯᑦ ᐊᖓᔪᖅᑳᖓᑕ ᑐᒡᓕᕆᔭᐅᓂᕐᒧᑦ ᑎᓯᐱᕆ 2020ᒥ.

ᕿᑭᖅᑕᓃᒃᑯᑦ ᐊᕐᕌᒍᑕᒫᑦ ᐃᓄᓕᒫᖅᑎᑦᑎᓂᖓ ᐱᒋᐊᖅᐸᑦ ᕿᑭᖅᑕᓃᒃᑯᑦ ᑲᑎᒪᔨᖏᑦ ᓂᕈᐊᖅᓯᓂᐊᕐᒥᔪᑦ ᕿᑭᖅᑕᓃᒃᑯᑦ ᓯᕗᓕᖅᑏᑦ ᑲᑎᒪᔨᒃᓴᖏᓐᓂᒃ ᐊᖓᔪᖅᑳᖑᖅᑎᑕᐅᓂᖓ ᑐᓂᔭᐅᓯᒪᓪᓚᕆᓕᖅᐸᑦ.

ᑐᓴᕆᐊᒃᑲᓐᓂᕈᑎᒋᔪᒪᒍᕕᐅᒃ, ᑐᓴᕆᐊᕐᕕᒋᒍᒃ:

ᕕᐅᓪ ᕼᐋᑉᑭᓐᔅ,
ᑐᑭᒧᐊᒃᑎᑦᑎᔨᐅᓚᐅᑲᒃᑐᖅ ᑐᓴᐅᒪᔾᔪᑎᓕᕆᓂᕐᒧᑦ,
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
whopkins@qia.ca
867.975.8413/1.800.667.2742