ᐅᓪᓗᒥ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐃᓕᓴᖅᓯᔪᒪᕗᑦ ᑕᓪᓕᒪᓂᒃ ᐊᕐᕌᒍᓂ ᓇᓪᓕᐅᓐᓂᖅᓯᐅᕐᓂᖃᕐᒪᑦ ᕿᑭᖅᑕᓂ ᓱᓕᔪᒥᒃ ᑭᒡᓕᓯᓂᐊᖅᑏᑦ ᒪᒥᐊᓚᐅᖅᑎᓪᓗᒋᑦ ᒐᕙᒪᑐᖃᒃᑯᑦ ᐋᒡᒌᓯ 14, 2019. ᐊᕐᕌᒍᓂᑦ ᑕᓪᓕᒪᐅᔪᑦ ᐃᓗᐊᓂ ᒪᒥᐊᓚᐅᖅᑎᓪᓗᒋᑦ ᕿᑭᖅᑕᓃᒃᑯᑦ ᐊᑐᓕᖅᑎᑦᑎᓯᒪᔪᑦ ᐱᓂᐊᕐᓂᐅᓯᒪᔪᓂᒃ ᓴᐃᒻᒪᖃᑎᒌᖕᓂᕐᒧᑦ ᐱᓕᕆᐊᒃᓴᓂ.
ᑕᕝᕙᓂ ᐊᕐᕌᒍᒥ ᕿᑭᖅᑕᓃᒃᑯᑦ ᐱᓕᕆᐊᒃᓴᖃᕈᒪᓪᓗᐊᕐᓂᐊᖅᑐᑦ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑎᓂᒃ, ᓴᖅᑭᔮᖅᑎᒃᑲᓐᓂᕐᓗᒍ ᐊᑐᓕᖁᔨᔾᔪᑎ #3: “ᕿᑭᖅᑕᓃᒃᑯᑦ ᐊᒻᒪᓗ ᐸᓖᓯᒃᑯᑦ ᐃᓕᓴᖅᓯᓗᑎᒃ ᐃᑲᔪᖃᑦᑕᖅᓯᒪᔭᖏᑦ ᐃᓄᐃᑦ ᐸᓖᓯᙳᐊᖑᓚᐅᖅᑐᑦ ᐃᓚᒋᔭᖏᓪᓗ ᐸᓖᓯᒥᐅᑕᐅᑎᓪᓗᒋᑦ ᕿᑭᖅᑖᓗᖕᒥ”
ᐅᐱᒋᔭᐅᓂᖏᑦ ᑕᐃᔅᓱᒪᓂ ᖃᓄᐃᓕᐅᕐᓂᑯᑦ: ᐃᓄᐃᑦ ᐸᓖᓯᙳᐊᑦ ᐊᒻᒪᓗ ᕿᒻᒥᙳᐊᖅᓕᐅᖅᓯᒪᔪᖅ ᓇᓗᓇᐃᒃᑯᑕᖅ
2020−ᒥᑦ ᐱᒻᒪᕆᐅᔪᒥᑦ ᐱᓕᕆᐊᒥᑦ ᐱᒋᐊᕈᑎᖃᓚᐅᖅᑐᑦ ᐃᒃᐱᒋᓗᒋᑦ ᑭᖑᕝᕕᒐᒃᓴᐅᖏᒻᒪᕆᒃᑐᒥᑦ ᑐᓂᓯᓯᒪᓂᖏᓐᓄᑦ ᐃᓄᐃᑦ ᐊᔾᔨᐅᖏᑦᑐᒥ ᐸᓖᓯᑦ ᐊᒻᒪ ᕿᒻᒥᖏᓪᓗ. ᐊᑐᕋᓗᐊᖅᑎᓪᓗᒍ ᓄᓇᕐᔪᐊᓕᒫᒥᑦ ᓄᕙᓐᓇᕐᔪᐊᖅ ᐱᓕᕆᓪᓚᕆᒍᒪᓂᖅ ᐊᒃᓱᕈᕐᓇᖅᑐᒃᑰᕈᓐᓇᕐᓂᖏ ᐃᓚᐅᖃᑕᐅᔪᑦ ᐊᔪᙱᑎᑦᑎᓚᐅᖅᐳᖅ ᐱᓕᕆᓂᐅ ᐃᓱᓕᓐᓂᖓᓂ.
ᑎᓯᐱᕆ 2, 2021−ᒥᑦ ᐃᓄᐃᑦ ᐊᔾᔨᐅᖏᑦᑐᒃᑯᑦ ᐸᓖᓯᑦ ᐊᒻᒪᓗ ᕿᒻᒥᖅ ᓇᓗᓇᐃᒃᑯᑕᖅ ᓴᖅᑭᓐᓂᖃᓚᐅᖅᑐᖅ ᐸᓖᓯᒃᑯᑦ ᑐᑦᑕᕐᕕᖓᓂᑦ V ᐊᖓᔪᖅᑳᖃᕐᕕᖓᓂ ᐃᖃᓗᖕᓂᑦ. ᓇᓗᓇᐃᒃᑯᑕᖅ ᓴᖅᑭᑎᑦᑎᕗᖅ ᓲᕐᓗ ᓇᓗᓇᐃᒃᑯᑕᐅᓪᓗᓂ ᐱᓪᓚᕆᐅᓂᖏᑦ ᐱᓕᕆᓂᖏᑦ ᐃᓄᐃᑦ ᐊᔾᔨᐅᖏᑦᑐᒥᑦ ᐸᓖᓯᑦ ᐃᑲᔪᖅᓯᓚᐅᕐᓂᖏᓐᓄᑦ ᐸᓖᓯᓂᑦ ᓄᓇᓕᖕᓂᓗ, ᐱᓗᐊᖅᑐᒥ ᐃᒃᑮᓇᖅᑐᒥᑦ ᐅᑭᐅᖅᑕᖅᑐᒥᑦ.
ᐱᒻᒪᕆᐅᓂᖏᑦ ᐃᓄᐃᑦ ᐊᔾᔨᐅᖏᑦᑐᒃᑯᑦ ᐸᓖᓯᑦ
ᐃᓄᐃᑦ ᐊᔾᔨᐅᖏᑦᑐᒃᑯᑦ ᐸᓖᓯᑦ ᐃᓱᒪᑐᓂᒃᑯᑦ ᖃᐅᔨᒪᔾᔪᑎᐅᓪᓗᑎᒃ ᐃᑲᔪᖅᓯᓪᓗᑎᒃ ᐸᓖᓯᓂᑦ, ᐃᖅᑲᓇᐃᔭᖅᓯᓪᓗᑎᒃ ᖃᐅᔨᒪᓂᕐᔪᐊᖏᓐᓂ ᓄᓇᒥᑦ ᐊᖕᓇᐅᒪᒍᓐᓇᕐᓂᕐᒥᓪᓗ. ᕿᒻᒦᑦ ᐱᖃᑎᑐᐃᓐᓇᐅᓚᐅᖏᒻᒪᑕ ᑭᓯᐊᓂ ᐱᒻᒪᕆᒃᑐᒥᑦ ᐱᓕᕆᔨᐅᖃᑎᒋᓪᓗᒋᑦ, ᐱᖃᖅᑎᑦᑎᓪᓗᑎᒃ ᐃᖏᕐᕋᓂᕐᒥᑦ ᐊᒻᒪᓗ ᐃᑲᔪᖅᓯᓂᕐᒥᑦ ᕿᓂᕆᐊᖃᖅᓕᕌᖓᑦ ᕿᓂᖅᑕᐅᔭᕆᐊᓕᖕᓂᑦ, ᐊᒻᒪᓗ ᐊᑦᑕᕐᓇᖏᑦᑐᒦᒃᑲᓗᐊᕐᒪᖔᑦ ᐊᒻᒪᓗ ᑲᔪᓯᑦᑎᐊᕐᓂᕋᓗᐊᕐᒪᖔ ᓇᒧᖓᐅᖃᑦᑕᕆᐊᖃᓕᕌᖓᑦ.
ᓇᓗᓇᐃᒃᑯᑕᖅ ᓴᓇᙳᐊᒐᖅ ᐊᒻᒪᓗ ᐊᑭᓐᓇᕐᒥᐅᑕᖅ
ᓇᓗᓇᐃᒃᑯᑕᖅ ᓇᖕᒥᓂᖅ ᑕᑯᒥᓇᖅᑐᒥᑦ ᐃᖅᑲᐅᒪᔾᔪᑎᐅᕗᖅ ᓴᖅᑭᔮᖅᑎᑦᑎᓪᓗᓂ ᐅᔾᔨᕐᓇᑦᑎᐊᖅᑐᒥ ᓴᓇᙳᐊᒐᒥ ᐃᓄᐃᑦ ᐊᔾᔨᐅᖏᑦᑐᒃᑯᑦ ᐸᓖᓯᑦ ᕿᒻᒥᖅ ᕿᒧᒍᑎᒃ. ᐃᑭᐊᕐᒥᐅᑕᖅ ᐊᑦᑕᑎᔪᖅ ᓇᓗᓇᐃᒃᑯᑕᕐᒧ ᓴᓇᙳᐊᖅᓯᒪᔪᒧᑦ ᐃᖅᑲᐃᑎᑦᑎᔾᔪᑎᖃᖅᐳᖅ ᐃᒃᐱᓇᕐᓂᖓ ᐃᖅᑲᐅᒪᓂᖃᕐᓂᖅ ᑐᓂᓯᓚᐅᕐᓂᖏᓐᓄᑦ ᐊᒻᒪᓗ ᖃᓂᒌᒻᒪᕆᒃᖢᑎᒃ ᐃᓅᖃᑎᒌᒃᖢᑎᒃ ᐸᓖᓯᐅᔪᑦ ᕿᒻᒥᖏᓪᓗ.
ᓴᖅᑭᑎᑕᐅᓂᖅ ᖁᕕᐊᓲᑎᖃᕐᓂᖅ
ᓴᖅᑭᑎᑕᐅᓂᖅ ᖁᕕᐊᓲᑎᖃᕐᓂᖅ ᑎᓯᐱᕆ 2, 2021−ᒥᑦ ᐃᖅᑲᒋᔭᖃᕐᓇᖅᑐᒥ ᑲᑎᓐᓂᖃᓚᐅᖅᐳᖅ, ᐃᓚᐅᖃᑕᐅᓪᓗᑎᒃ ᐸᓖᓯᐅᔪᑦ, ᐃᓄᐃᑦ ᓄᓇᓕᖕᓂ ᓯᕗᓕᖅᑎᐅᔪᑦ, ᐊᒻᒪᓗ ᐊᓯᖏᑦ ᐃᓄᐃᑦ ᐱᒻᒪᕆᐅᔪᑦ. ᑲᑎᓐᓂᐅᔪᖅ ᓴᖅᑭᔮᖅᑎᑦᑎᓚᐅᖅᐳᖅ ᑲᔪᓯᓂᖃᕈᓐᓇᖅᖢᑎᒃ ᐃᓄᐃᑦ ᐊᔾᔨᐅᖏᑦᑐᒃᑯᑦ ᐸᓖᓯᑦ ᐊᒻᒪᓗ ᐊᖏᓂᖓᓂ ᐃᖅᑲᓇᐃᔭᕐᓂᕆᓚᐅᖅᑕᖏᓐᓂ, ᓱᓕ ᐃᖅᑲᐅᒪᓂᖃᕐᓇᖅᐳᑦ ᐃᒃᐱᓇᕐᓂᖏᑦ.
ᐊᐅᓚᔪᓕᐊᕆᓯᒪᔪᖅ ᑐᕌᒐᐅᔪᒥᑦ
ᐃᓚᒋᓪᓗᒍ ᓇᓗᓇᐃᒃᑯᑕᖅ ᐃᖅᑲᐅᒪᔾᔪᑎᒥᒃ ᐊᐅᓚᔪᓕᐊᕆᓯᒪᔪᒥᑦ ᓴᓇᔭᐅᓚᐅᖅᑐᖅ ᖃᓄᐃᑉᐸᓪᓕᐊᓂᖓ ᓴᓇᙳᐊᒐᖅ ᑕᑯᔭᐅᔪᓐᓇᖅᓯᖁᓪᓗᒍ. ᐱᔭᕇᖅᑕᐅᓂᖓ ᓴᖅᑭᑎᑕᐅᓂᖓᓗ ᐃᓄᐃᑦ ᐊᔾᔨᐅᖏᑦᑐᒃᑯᑦ ᐸᓖᓯᑦ ᐊᒻᒪᓗ ᕿᒻᒥᖅ ᓇᓗᓇᐃᒃᑯᑕᖅ ᓇᓗᓇᐃᖅᓯᕗᖅ ᓇᓪᓕᐅᑎᓂᖓᓂ ᐃᓕᓴᖅᓯᓂᖅ ᑐᓂᓯᓚᐅᕐᓂᖏᓐᓄᑦ ᐃᓄᐃᑦ ᐊᔾᔨᐅᖏᑦᑐᒃᑯᑦ ᐸᓖᓯᑦ. ᓴᖅᑭᔮᖅᐳᖅ ᐊᑯᓂᐅᔪᒥ ᐃᖅᑲᐅᒪᓂᖅ ᑲᑉᐱᐊᓱᖏᖦᖢᑎᒃ, ᐱᓕᕆᓪᓚᕆᒍᒪᓂᖃᖅᖢᑎᒃ, ᐊᒻᒪᓗ ᐊᔾᔨᒋᔭᐅᖏᑦᑐᒥ ᐃᓅᖃᑎᖃᕐᓂᕐᒥᑦ ᑕᐃᒃᑯᐊ ᐊᒻᒪᓗ ᕿᒻᒥᖅ.
ᐃᖅᑲᒍᓱᒃᑎᓪᓗᑕ ᐱᓕᕆᐊᒥᑦ, ᐃᖅᑲᐃᑎᑕᐅᕗᒍᑦ ᐱᒻᒪᕆᐅᓂᖓᓂ ᐱᑕᖃᐃᓐᓇᖁᓪᓗᒋ ᐃᒃᐱᒋᓗᒋ ᐃᑦᑕᕐᓂᓴᕗᑦ. ᓇᓗᓇᐃᒃᑯᑕᖅ ᐅᓂᒃᑳᖏᓪᓗ ᑭᒡᒐᖅᑐᖅᑕᖓ ᑲᔪᓯᓂᐊᖅᐳᖅ ᑲᔪᖏᖅᓴᐃᓗᓂ ᐃᓕᑎᑦᑎᓗᓂ, ᐱᔪᓐᓇᐅᑎᖃᑦᑎᐊᖁᓪᓗᒍ ᐃᖅᑲᐅᒪᒋᔭᒃᓴᖅ ᐃᓄᐃᑦ ᐊᔾᔨᐅᖏᑦᑐᒃᑯᑦ ᐸᓖᓯᑦ ᐊᒻᒪᓗ ᕿᒻᒥᖅ ᕿᒧᒍᑎᑦ ᐳᐃᒍᖅᑕᐅᓚᐅᖅᓯᒪᖁᖏᓪᓗᒋᑦ
ᐅᕘᓇ ᓇᕿᓪᓗᒍ ᑕᑯᔪᒪᒍᕕᑦ ᐊᐅᓚᔪᓕᐊᕆᓯᒪᔪᒥᑦ: https://vimeo.com/manage/videos/998800728
