ᕿᑭᖅᑕᓂ ᐸᐃᕆᕕᖕᓂᑦ ᐊᐅᓚᑦᑎᔨᓂᒃ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᑲᑎᒪᑎᑦᑎᓚᐅᕐᒪᑕ ᕿᑭᖅᑕᓂ ᐸᐃᕆᕕᖕᓂᑦ ᐊᐅᓚᑦᑎᔨᓂᒃ ᒪᔾᔨ 5ᒥᑦ ᒪᔾᔨ 7ᒧᑦ ᐃᖃᓗᓐᓂ. ᕿᑭᖅᑕᓃᒃᑯᑦ ᓯᕗᓪᓕᖅᐹᕆᓪᓗᓂᐅᒃ ᑲᑎᒪᑎᑦᑎᓚᐅᖅᑐᑦ ᐸᐃᕆᕕᖕᓂ ᐊᐅᓚᑦᑎᔨᓂ ᕿᑭᖅᑕᓂ ᓄᓇᓕᓐᓂᓐᖔᖅᓯᒪᔪᓂᑦ.
ᑖᓐᓇ ᑲᑎᒪᓂᖅ ᑲᑎᑎᑦᑎᓚᐅᖅᑐᖅ 45ᓂᒃ ᐊᐅᓚᑦᑎᔨᓂ ᐃᖅᑲᓇᐃᔭᖅᑎᓂᓪᓗ ᐸᐃᕆᕕᖕᓂᑦ, ᐅᖃᐅᓯᖃᕈᓘᔭᖅᖢᑎᒃ ᐃᓕᓐᓂᐊᖅᑎᑕᐅᓪᓗᑎᓪᓗ ᐃᑲᔫᑎᒋᔭᐅᔪᓐᓇᖅᑐᓄᑦ ᐸᐃᕆᕕᖕᓂ ᕿᑭᖅᑕᓂ ᓄᓇᓕᖕᓂᑦ.
ᑖᒃᑯᐊ ᖃᐅᔨᒋᐊᖅᑏᑦ ᐋᓐᓂᐊᖃᕐᓇᓐᖏᑦᑐᓕᕆᓂᕐᒧᑦ ᖃᐅᔨᓴᕐᕕᖓᑦ ᐅᓂᒃᑳᓚᐅᕐᒥᔪᑦ ᐃᓄᓐᖑᐃᓂᕐᒥᒃ ᐊᖓᔪᖅᑳᓄᑦ ᐱᓕᕆᐊᖓᓂᑦ. ᑖᓐᓇ ᐃᓕᖅᑯᓯᖅᑎᒍᑦ ᐱᓕᕆᐊᖓᔪᖅ ᐃᑲᔪᕐᓂᖃᕈᓐᓇᖅᑐᓂᒃ ᐊᖓᔪᖅᑳᓄᑦ ᓄᓇᓕᖕᓂᑦ, ᑐᕌᖓᓪᓗᐊᖅᖢᓂ ᕿᑐᕐᖏᐅᕐᓂᕐᒥᒃ ᐱᕈᖅᓴᐃᓂᕐᒥᒃ ᐅᖃᐅᔾᔪᕆᐊᕈᑎᒋᔭᐅᓯᒪᔪᓂᑦ ᐃᓐᓇᐃᑦ ᑲᑎᒪᔨᖏᓐᓂᑦ. ᑖᒃᑯᐊ ᓄᓇᕗᒥ ᐅᖃᓕᒫᕆᐅᖅᓴᓂᕐᒥᒃ ᑎᑎᕋᕆᐅᖅᓴᓂᕐᒥᓪᓗ ᐱᓕᕆᐊᖃᖅᑐᓂᒃ ᑎᒥᖓᑦ ᐃᓚᒋᔭᐅᖃᑕᐅᓚᐅᕐᒥᔪᑦ ᐆᑦᑑᕆᐊᖅᓯᒪᓪᓗᑎᒃ ᖃᕆᓴᐅᔭᕋᓛᒃᑯᑦ ᐃᓕᐅᖅᑲᖅᑕᐅᔪᓐᓇᖅᑐᒥᒃ ᑕᐃᔭᐅᔪᒥᒃ ᐅᖃᓕᒫᕐᓗ ᐃᒪᐃᓕᐅᖅᑎᑦᑎᔪᓐᓇᖅᑐᓂᒃ ᐅᖃᓕᒫᕆᐅᒃᓴᕈᑎᒋᔭᐅᓗᓂ ᓱᕈᓯᕐᓂ. ᑭᓪᓕᓯᓂᐊᖅᑎᑦ ᐅᓂᒃᑳᓚᐅᕐᒥᔪᑦ ᐸᐃᕆᕕᖕᓂ ᐊᐅᓚᑦᑎᓂᕐᒥᒃ.
ᑲᑎᒪᔪᑦ ᐅᓂᒃᑳᕐᕕᐅᓚᐅᕐᒥᔪᑦ ᕕᐊᑭ ᕿᓚᕝᕙᕐᒧᑦ, ᕿᑭᖅᑕᓃᒃᑯᑦ ᐃᓅᓱᒃᑐᓕᕆᔨᖓᓐᓄᑦ ᐃᓄᐃᑦ ᐅᐊᑦᑎᐊᕈᕐᓂᓴᐅᔪᓂᑦ. ᐱᓇᓱᐊᕈᓯᖅ ᐱᔭᕇᕈᑎᒋᔭᐅᓚᐅᖅᑐᖅ ᑕᕐᕆᔭᖅᑎᑕᐅᓪᓗᑎᒃ ᑕᖅᑯᑦ ᑕᕐᕆᔭᒐᒃᓴᓕᐅᖅᑎᒃᑯᓐᓂᑦ ᓱᕈᓯᕐᓄᑦ ᑕᕆᔭᒐᒃᓴᐅᓪᓗᓂ, ᑕᐃᔭᐅᔪᖅ ᐊᓈᓇᐅᑉ ᑐᐱᖓᓂ.
ᕿᑭᖅᑕᓃᒃᑯᑦ ᓴᖅᑭᑎᑦᑎᓚᐅᕐᒥᔪᑦ ᒪᕐᕉᓂᒃ ᐃᑲᔫᑎᒋᔭᐅᔪᓐᓇᖅᑐᓄᑦ ᐊᑐᖅᑕᐅᔪᓐᓇᖅᑐᓄᑦ ᐸᐃᕆᕕᖕᓄᑦ, ᓱᕐᓗ ᐊᒡᒐᓐᓄᑦ ᐊᐅᓚᑕᒐᑦ, ᐋᖅᑭᒃᓱᒐᓂ, ᐅᖃᓕᒫᒐᒃᓴᓂ ᐊᒻᒪᓗ ᐃᓕᓐᓂᐊᕈᑎᒃᓴᓂ.
ᑭᓪᓕᓯᓂᐊᕆᐊᖅᑎᓪᓗᒋᑦ, ᕿᑭᖅᑕᓂ ᐃᓄᐃᑦ ᐅᖃᓚᐅᖅᑐᖅ ᓱᕈᓯᓛᓂ ᐃᓕᓐᓂᐊᖅᑎᑦᑎᓂᕐᒥᒃ ᐊᒻᒪᓗ ᐸᐃᕆᕕᓕᕆᓂᖅ ᐱᒻᒪᕆᐅᑎᑕᐅᓚᐅᕐᒪᑎᒃ ᐱᓕᕆᐊᖑᖁᔭᐅᓪᓗᑎᒃ ᕿᑭᖅᑕᓃᒃᑯᓐᓄᑦ. ᓄᓇᓕᖕᒥᐅᑦ ᐅᖃᓚᐅᖅᑐᖅ ᐃᓕᓐᓂᐊᕈᑎᒃᓴᓂᒃ ᐱᖃᕈᒪᓪᓗᑎᒃ ᐊᒻᒪᓗ ᐃᑲᔫᑎᒋᔭᐅᔪᓐᓇᖅᑐᓄᑦ ᐃᓚᒌᓄᑦ ᐸᐃᕆᕕᖕᓄᓗ, ᐃᓕᖅᑯᓯᕐᒥᓐᖔᖅᑐᓂᒃ ᐊᒻᒪᓗ ᐃᓄᒃᑎᑑᖅᓯᒪᓗᑎᒃ. ᑖᓐᓇ ᐸᐃᕆᕕᖕᓂ ᐊᐅᓚᑦᑎᔨᓄᑦ ᑲᑎᒪᓂᖓᑦ ᐃᓚᒋᔭᖃᖅᑐᖅ ᑐᕌᒐᕆᔭᐅᔪᓐᓇᕐᓗᓂ ᑕᒪᒃᑯᓂ ᑲᔪᓯᑎᑦᑎᔪᓐᓇᕐᓂᕐᒥᒃ − ᐃᑲᔪᕈᑎᒃᓴᓂ ᐱᖃᕐᒪᑦ ᐊᑐᖅᑕᐅᔪᓐᓇᖅᑐᓄᑦ ᐸᐃᕆᕕᖕᒥ ᐊᐅᓚᑦᑎᔨᓄᑦ ᐊᐅᓚᑦᑎᑎᓪᓗᒋᑦ ᐸᐃᕆᕕᖕᓂ. ᓂᕆᐅᒋᔭᖃᖅᑐᑦ ᑲᑎᒪᒃᑲᓐᓂᕈᓐᓇᓛᖁᓪᓗᒋᑦ ᓯᕗᓂᕐᒥᒃ.
ᑖᒃᑯᐊ ᐸᐃᕆᕕᖕᓂ ᐊᐅᓚᑦᑎᔨ ᑲᑎᒪᓂᖓ ᐃᓚᒋᔭᐅᖃᑕᐅᔪᖅ ᕿᑭᖅᑕᓃᒃᑯᑦ ᐃᐱᑎᑮᖓᓂ ᐱᓕᕆᐊᖑᔪᒥᒃ, ᑐᕌᖓᓂᖃᖅᑐᒥᒃ ᐱᓕᕆᐊᒃᓴᓄᑦ ᐃᑲᔪᕐᓂᐊᖅᑐᓂᒃ ᓱᕈᓯᓛᑦ ᐃᓕᓐᓂᐊᖅᑎᑕᐅᓂᖏᓐᓄᑦ ᕿᑭᖅᑕᓂ ᓄᓇᓕᖕᓂ. ᐃᐱᑎᑮ ᑲᔪᓯᑎᑕᐅᔪᓐᓇᓚᐅᖅᑐᖅ ᑮᓇᐅᔭᖃᖅᑎᑕᐅᓪᓗᑎᒃ ᒪᑭᒋᐊᖅᑕᒃᑯᓐᓂ.
