ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ ᑮᓇᐅᔭᓂᑦ ᐊᑐᖅᑐᔅᓴᓂᑦ ᕿᒥᕐᕈᔨ
ᐃᖃᓗᐃᑦ, ᓄᓇᕗᑦ
ᑮᓇᐅᔭᓂᑦ ᐊᑐᖅᑐᔅᓴᓂᑦ ᕿᒥᕐᕈᔨ ᐃᖅᑲᓇᐃᔮᖃᖃᑦᑕᕐᖓᑦ ᓯᕕᑐᔪᒨᖓᔪᓂᑦ ᑲᑐᔾᔨᖃᑎᒌᒃᑯᓐᓂ ᑮᓇᐅᔭᓕᕆᔨᒃᑯᓐᓂ. ᑲᒪᒋᔭᖃᕐᐸᑦᑐᓂ ᑮᓇᐅᔭᓂᑦ ᐅᑎᖅᑐᔅᓴᓂᑦ, ᐊᑭᓕᕋᔅᓴᓕᐅᖃᑦᑕᓂᕐᒥᒃ ᐊᒻᒪᓗ ᑐᓂᓯᖃᑦᑕᓂᕐᒥᒃ ᑐᑭᓯᐅᒪᔾᔪᑎᔅᓴᓂᑦ ᓇᓪᓕᐅᒃᑯᒫᓂᑦ ᐊᒻᒪᓗ ᐸᐃᑉᐹᓂᑦ ᐃᓘᓐᓇᖏᓐᓄᒃ ᑲᑐᔾᔨᖃᑎᒌᒃᑯᓐᓂ ᐊᓪᓚᕝᕕᐅᔪᓂᑦ. ᑲᒪᒋᔭᔅᓴᖃᒃᑲᓐᓂᓲᖑᒻᒥᔪᖅ ᐊᐅᓚᑦᑎᓂᕐᒥᒃ ᓯᓚᑖᓃᙶᕐᓯᒪᔪᓂᑦ ᐃᑲᔫᑎᖃᕐᓂᕐᒧᑦ ᐊᖏᖃᑎᒌᒍᑕᐅᓯᒪᔪᓂᑦ, ᑲᒪᒋᔭᖃᖃᑦᑕᓂᕐᒥᒃ ᑮᓇᐅᔭᓂᑦ ᐊᑐᖅᑐᔅᓴᓂᑦ ᕿᒥᕐᕈᓂᕐᒥᒃ ᐊᒻᒪᓗ ᐅᓂᒃᑳᓕᐅᖃᑦᑕᓂᕐᒥᒃ ᐊᖏᔪᖅᑳᖓᓐᓄᑦ ᑮᓇᐅᔭᓕᕆᔨᒃᑯᑦ.
ᐃᖅᑲᓇᐃᔮᖅᑖᕋᔭᖅᑐᖅ ᓯᓚᑦᑐᕐᓴᕕᒻᒥ ᐸᐃᑉᐹᖅᑖᕐᓯᒪᔭᕆᐊᓕᒃ ᓇᓗᓇᐃᒃᑯᑕᕐᒥᒃ, ᖁᕝᕙᓯᓐᓂᕐᓴᒥᒃ ᐅᕝᕙᓘᓐᓃᑦ ᖁᕝᕙᓯᓐᓂᕐᐹᖓᓐᓂᒃ ᑕᒪᑐᒧᖓ ᑐᕌᖓᔪᒥᒃ (ᐆᑦᑑᑎᒋᓗᒍ: ᓄᓇᕗᑦ ᓯᕗᓂᒃᓴᕗᑦ, ᑮᓇᐅᔭᓕᕆᓂᕐᒧᑦ ᐅᕝᕙᓘᓐᓃᑦ ᐃᖅᑲᓇᐃᔭᕐᕕᒻᒥ ᐊᐅᓚᑦᑎᓂᕐᒧᑦ ᓇᓗᓇᐃᒃᑯᑕᕐᒥᒃ). ᐊᔾᔨᒌᙱᑐᓂᑦ ᑕᒪᑐᒧᖓ ᑐᕌᖓᔪᓂᑦ ᐃᖅᑲᓇᐃᔮᖃᕐᓂᑰᓗᓂ ᐊᒻᒪᓗ/ᐅᕝᕙᓘᓐᓃᑦ ᐃᓕᓐᓂᐊᕐᓯᒪᓗᓂ ᓈᒻᒪᒋᔭᐅᔪᓐᓇᕐᒥᔪᖅ.
ᐊᑕᐅᓯᕐᒥᒃ (1) ᐊᕐᕌᒍᒥᒃ ᑕᒪᑐᒧᖓ ᑐᕌᖓᓗᐊᖅᑐᒥᒃ ᐃᖅᑲᓇᐃᔮᖃᕐᓯᒪᔭᕆᐊᓕᒃ. ᖃᐅᔨᒪᑦᑎᐊᕐᓗᓂ ᑮᓇᐅᔭᓕᕆᔾᔪᑕᐅᓲᒥᒃ ᖃᕋᓴᐅᔭᒃᑯᑦ Accpacc Sage 300, ᐃᓘᓐᓇᖏᓐᓄᑦ ᑮᓇᐅᔭᓕᕆᔾᔪᑎᒥᒃ, ᐊᑭᓕᕆᐊᓕᓐᓂᑦ, ᑮᓇᐅᔭᓂᑦ ᐅᑎᖅᑐᔅᓴᓂᑦ ᐊᒻᒪᓗ ᐊᐅᓚᑦᑎᓂᕐᒧᑦ ᐱᔨᑦᑎᕋᐅᑎᓂᑦ ᑖᒃᑯᐊ ᐱᔪᒐᕆᔭᐅᒐᔭᕐᒥᔪᑦ.
ᐱᓕᕆᔪᓐᓇᑎᐊᕐᓗᓂ ᓇᒻᒥᓂᖅ ᑲᒪᒋᐊᕈᓐᓇᕐᓗᓂ ᐊᑑᑎᖃᓪᓚᕆᒃᑲᔭᖅᑐᖅ. ᐃᖅᑲᓇᐃᔭᕈᓐᓇᕐᓗᓂ ᐱᔭᕆᐊᑐᔪᒥ/ᐅᖁᒪᐃᑦᑐᒥ ᓈᒻᒪᓈᕐᓯᒪᑎᑦᑎᖃᑦᑕᕐᓗᓂ ᐱᔭᕇᕐᓯᒪᔭᕆᐊᖃᓪᓚᕆᑦᑐᓂᑦ, ᐊᑕᐅᑦᑎᒃᑯᑦ ᑲᒪᒋᔭᖃᕈᓐᓇᕐᓗᓂ ᐊᔾᔨᒌᙱᕈᓘᔭᖅᑐᓂᑦ, ᐊᒻᒪᓗ ᓇᒻᒥᓂᕐᓱᕈᓐᓇᑎᐊᕐᓗᓂ ᑕᐃᒪᐃᑦᑑᔭᕆᐊᖃᕋᔭᕐᒥᔪᖅ. ᖃᐅᔨᒪᑦᑎᐊᕐᓗᓂ ᐊᑐᕈᓐᓇᓂᕐᒥᒃ ᖃᕋᓴᐅᔭᒃᑯᑦ ᑎᑎᖅᑭᕆᔾᔪᑕᐅᕙᑦᑐᓂᑦ; ᒪᑯᓂᖓ ᑎᑎᖅᑭᕆᔾᔪᑎ, ᓈᓴᐅᓯᕆᔾᔪᑎ ᐊᒻᒪᓗ ᐅᓂᒃᑳᓕᐅᕈᑎ ᖃᐅᔨᒪᔭᕆᐊᓕᖏᑦ.
ᐃᖅᑲᓇᐃᔭᖃᑎᖃᕈᓐᓇᑎᐊᕐᓗᓂ ᑐᑭᓯᐅᒪᖃᑎᖃᕈᓐᓇᑎᐊᕐᓗᓂᓗ (ᑎᑎᕋᕐᓂᒃᑯᑦ ᐅᖃᐅᓯᒃᑯᓪᓗ), ᐊᒻᒪᓗ ᐋᖅᑭᔅᓱᐃᒍᓐᓇᑎᐊᕐᓗᓂᓗ ᑕᐃᒪᐃᑦᑑᔭᕆᐊᖃᕋᔭᖅᑐᖅ. ᑕᑯᑎᑦᑎᓯᒪᓗᓂᓗ ᐱᓕᕆᔪᓐᓇᕐᓂᖓᓂᒃ ᑎᑎᕋᕈᓐᓇᑎᐊᕐᓂᖓᓂᒃ ᑐᑭᓯᓇᖅᑐᓂᑦ ᐊᒻᒪᓗ ᐋᖅᑭᑎᐊᕐᓯᒪᔪᓂᑦ ᐊᑑᑎᖃᓗᐊᕋᔭᕐᒥᔪᑦ. ᐅᖃᓕᒫᕈᓐᓇᕐᓗᓂ, ᑎᑎᕋᕈᓐᓇᕐᓗᓂᓗ ᐅᖃᕈᓐᓇᕐᓗᓂᓗ ᐃᓄᒃᑎᑐᑦ ᐊᑑᑎᖃᓗᐊᙳᐊᕋᔭᕐᒥᔪᖅ.
ᐱᓇᓱᐊᕈᑏᑦ ᐋᑕᐅᖃᑦᑕᕈᓐᓇᖅᑐᑦ ᓇᒻᒥᓂᖅ ᐅᕝᕙᓘᓐᓃᑦ ᑐᔫᑕᐅᓗᑎᒃ ᑎᑎᖅᑲᓂᐊᕐᕕᒃᑯᑦ ᐅᕗᖓ ᑐᕌᖅᑎᓪᓗᒋᑦ:
ᑕᐃᕕᑎ ᒪᒃᐋᑕᒻᔅ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
ᐃᒡᓗᕗᑦ ᐃᓪᓗ, ᖄᖅᑎᖓᓂ ᐊᑯᓪᓕᕐᒥ
P.O. Box 1340
Iqaluit, NU X0A 0H0
ᐅᖄᓚᐅᑖ: (867) 975-8400
ᓱᒃᑲᔪᒃᑰᕈᑖ: (867) 979-3238
ᐃᕐᖐᓈᖅᑕᐅᑖ: Resumes@qia.ca
ᒪᑐᕕᔅᓴᖓ: ᒪᑐᐃᖓᓂᐊᖅᑐᖅ ᐃᓐᓄᒐᓱᓐᓂᖓᓂ