ᐃᖃᓗᐃᑦ, ᓄᓇᕗᑦ − ᐄᐳᓗ 15, 2021 – ᐃᑉᐸᔅᓴᖅ ᐅᓐᓄᒃᑯᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓂᒃᑯᑦ) ᖃᐅᔨᓕᓚᐅᕐᖓᑕ ᓯᕗᓪᓕᕐᐹᒥᒃ ᓇᓗᓇᐃᖅᑕᐅᔪᖃᕐᓂᖓᓂᒃ ᓄᕙᕐᔪᐊᓇᖅᑐᒧᑦ ᖃᓂᒻᒪᑦᑐᖃᕐᓂᖓᓂᒃ ᐃᖃᓗᓐᓂ. ᑎᓕᐅᕆᕗᒍᑦ ᐃᓄᓕᒫᓂᑦ ᓈᓚᖁᓪᓗᒋᑦ ᐃᓄᓕᒫᓄᑦ ᐋᓐᓂᐊᖅᑕᐃᓕᓂᕐᒧᑦ ᐊᑐᖅᑕᐅᖁᔭᐅᔪᓂᑦ ᐊᖏᔪᖅᑳᖓᓐᓄᑦ ᐋᓐᓂᐊᖅᑐᓕᕆᔨᒃᑯᑦ (CPOH).

“ᒫᓐᓇ ᓴᖅᑭᔮᖅᑎᑦᑎᔭᕆᐊᖃᕋᑦᑕ ᑐᙵᓇᕐᓂᑎᓐᓂᒃ, ᐊᒻᒪᓗ ᐅᕙᒍᑦ ᐊᑐᓂᑦ ᑲᒪᒋᔭᖃᕐᓗᑕ ᓯᐊᒻᒪᖁᓇᒍ ᓇᒧᑐᐃᓐᓇᖅ ᓄᕙᕐᔪᐊᓇᖅᑐᖅ ᐊᒻᒪᓗ ᓴᐳᑎᓗᒋᑦ ᓄᓇᖅᑲᑎᕗᑦ,” ᐅᖃᖅᑐᖅ ᕿᑭᖅᑕᓂᒃᑯᑦ ᐊᖏᔪᖅᑳᖓᑦ ᐸᐅᓗᓯ ᐊᕿᐊᕈᖅ. “ᐃᖃᓗᒻᒥᐅᑦ ᓄᓇᕗᒻᒥᐅᓪᓗ ᑕᑯᑎᑦᑎᓯᒪᒻᒪᑕ ᓄᕙᕐᔪᐊᓇᖅᑐᒥᒃ ᖃᓂᒪᓇᖅᑐᖅᑕᖃᙱᒍᓐᓇᕐᓂᖓᓂᒃ. ᐃᑲᔪᖅᑎᒌᓚᐅᖅᑕ ᑕᒪᓐᓇ ᐱᑕᖃᕐᓂᐊᖏᒻᒪᑦ ᑕᒫᓂ.”

ᐱᔾᔪᑎᒋᓪᓗᒋᑦ ᓄᑖᑦ ᖃᓄᖅᑑᕈᑕᐅᔪᑦ ᓴᐳᔾᔨᓯᒪᒋᐊᕐᓂᕐᒧᑦ ᕿᑭᖅᑕᓂᒃᑯᑦ ᐊᓪᓚᕝᕕᖏᑦ ᐃᖃᓗᓐᓂ ᒪᑐᔪᑦ ᐃᓄᓕᒫᓄᑦ ᐊᒻᒪᓗ ᕿᑭᖅᑕᓂᒃᑯᑦ ᐃᖅᑲᓇᐃᔭᖅᑎᖏᑦ ᐃᖅᑲᓇᐃᔭᕐᓂᐊᖅᑐᑦ ᐊᖏᕐᕋᕐᓯᒪᐅᕐᓗᑎᒃ ᖃᐅᔨᒃᑲᖅᑕᐅᓇᓱᓐᓂᑎᓐᓂ ᖃᓄᐃᓕᖓᓂᐊᕐᒪᖔᑦᑕ.

ᕿᑭᖅᑕᓂᒃᑯᑦ ᑎᓕᐅᕆᕗᑦ ᕿᑭᖅᑕᓂ ᓄᓇᓕᓕᒫᓂᑦ ᐃᓄᓐᓂᑦ ᓱᓕ ᖃᓂᒻᒪᒌᒃᑯᒧᑦ ᑲᐱᔭᐅᓯᒪᙱᑦᑐᓂᑦ ᐊᑎᓕᐅᖅᑕᐅᖃᑦᑕᖁᓪᓗᒋᑦ ᐊᑎᓕᖅᑕᐅᓴᕋᐃᒋᐊᕐᔫᒥᓗᑎᒃ. ᓄᓇᓕᓐᓂᑦ ᖃᓂᒻᒪᒌᒃᑯᑎᓄᑦ ᑲᐱᓯᖃᑦᑕᕐᓂᐅᔪᑦ ᖃᐅᔨᒋᐊᕋᔅᓴᐃᑦ ᓄᓇᕗᑦ ᒐᕙᒪᒃᑯᖏᑕ ᖃᕋᓴᐅᔭᒃᑯᑦ ᑐᑭᓯᒋᐊᕈᑎᖃᕐᕕᖓᓐᓂ, ᐊᒻᒪᓗ ᐃᖃᓗᒻᒥᐅᑦ ᐅᑭᐅᓖᑦ 18ᓂᑦ ᐅᖓᑖᓂ ᐃᓂᔅᓴᓕᐅᖃᑦᑕᕈᓐᓇᖅᑐᑦ ᖃᓂᒻᒪᒌᒃᑯᑎᒧᑦ ᑲᐱᔭᐅᔾᔪᑎᔅᓴᖏᓐᓄᑦ ᐅᖄᓚᖃᑦᑕᕐᓗᑎᒃ ᐅᕗᖓ 975-4800.

ᑐᑭᓯᒋᐊᒃᑲᓐᓂᕈᒪᒍᔅᓯ, ᑐᑭᓯᒋᐊᕐᕕᐅᖃᑦᑕᕐᓕ ᑖᓐᓇ:

ᐅᐃᓪ Hᐊᑉᑭᓐᔅ,
ᑭᖑᕝᕕᐅᑎᓯᒪᑲᐃᓐᓇᖅᑐᖅ ᑐᑭᒧᐊᒃᑎᑦᑎᔨᖓᓐᓄᑦ ᑐᓴᐅᒪᖃᑦᑕᐅᑎᑎᑦᑎᓂᕐᒧᑦ,
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ
whopkins@qia.ca
867.975.8413/1.800.667.2742