ᐃᖃᓗᐃᑦ, ᓄᓇᕗᑦ, ᔮᓐᓄᐊᓕ 6, 2022 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓂᒃᑯᑦ) ᐱᓇᓱᐊᕈᑎᖏᑦ ᐃᑲᔪᕐᓂᕐᒧᑦ ᓂᕿᔅᓴᖃᑦᑎᐊᖁᔨᓪᓗᑎᒃ ᐊᒻᒪᓗ ᐃᓄᑑᑦᑎᐅᑎᓯᒪᓗᑎᒃ ᐊᓂᑦᑕᐃᓕᑲᐃᓐᓇᕆᐊᓕᓐᓄᑦ ᓄᕙᕐᔪᐊᓇᖅᑐᒧᑦ ᐊᐃᑦᑐᖅᑕᐅᓯᒪᔪᓂᑦ ᓄᓇᓕᐅᔪᓂᑦ ᑲᔪᓯᕗᑦ ᓄᑖᓂᑦ ᓂᕿᑖᕈᑎᔅᓴᓂᑦ ᐊᒻᒪᓗ ᓂᕿᓂᑦ ᐸᔪᑦᑎᕆᒍᑎᔅᓴᓂᑦ ᐃᑲᔫᑎᖃᖅᑐᑎᒃ ᒥᑦᑎᒪᑕᓕᒻᒥ. ᕿᑭᖅᑕᓂ ᓄᓇᓖᑦ ᐃᓄᐃᑦ ᒥᑦᑎᒪᑕᓕᒻᒥ ᓂᕿᑖᕈᑎᔅᓂᑦ ᐱᖃᑦᑕᕈᓐᓇᓂᐊᕐᖓᑕ $250ᒥᑦ ᐊᑭᓕᓐᓂᑦ ᐊᑐᓂᑦ.

“ᐅᕙᒍᑦ ᑕᒪᑦᑕ ᑲᒪᒋᔭᕆᐊᓕᑦᑎᓐᓂᒃ ᑲᒪᔭᕆᐊᖃᕋᑦᑕ ᐃᑲᔪᕐᓗᑕ ᓯᐊᒻᒪᐸᓪᓕᐊᑐᐃᓐᓇᖁᓇᒍ ᓄᕙᕐᔪᐊᓇᖅᑐᖅ,” ᐅᖃᖅᑐᖅ ᕿᑭᖅᑕᓂᒃᑯᑦ ᐊᖏᔪᖅᑳᖓᑦ ᐅᓛᔪᒃ ᐊᑭᓱᒃ. “ᑖᒃᑯᐊ ᐃᑲᔫᑏᑦ ᐃᓚᒋᔭᐅᒻᒪᑕ ᖃᐅᔨᒪᒍᑎᒋᓂᐊᖅᑐᑎᒍ ᓄᓇᓖᑦ ᐊᑦᑕᓇᖅᑐᒦᖁᓇᒋᑦ ᖃᓄᐃᖁᓇᒋᓪᓗ.”

“ᓄᓇᓕᕗᑦ ᐸᓚᕐᓯᑎᑦᑎᔪᓐᓇᕐᖓᑕ ᑕᒪᑐᒥᖓ,” ᐅᖃᖅᑐᖅ ᒥᑦᑎᒪᑕᓕᒻᒥᐅᓂᑦ ᑲᑎᒪᔨᐅᖃᑕᖅ ᑲᑕᕇᓇ ᐸᓪᓗᖅ. “ᑎᓕᐅᕆᕗᖓ ᑭᒃᑯᑐᐃᓐᓇᓕᒫᑦᑎᐊᓂᑦ ᓈᓚᖁᓪᓗᓯ ᐃᓄᓕᒫᓄᑦ ᐋᓐᓂᐊᖅᑕᐃᓕᑎᑦᑎᓂᕐᒧᑦ ᐊᑐᖁᔭᐅᓯᒪᔪᓂᑦ ᐊᒻᒪᓗ ᖃᓂᒻᒪᒌᒃᑯᑎᒧᑦ ᑲᐱᔭᐅᖃᑦᑕᖁᓪᓗᓯ.”

ᕿᑭᖅᑕᓂᒃᑯᑦ ᐸᔪᑦᑎᕆᖃᑦᑕᖅᑐᑦ ᓂᕿᑖᕈᑎᔅᓴᓂᑦ ᐊᒻᒪᓗ ᓂᕿᓂᑦ ᒥᑦᑎᒪᑕᓕᒻᒥ ᑲᑐᔾᔨᖃᑎᖃᖅᑐᑎᒃ ᐅᑭᐅᖅᑕᖅᑐᒥ ᑯᐊᐸᒃᑯᓐᓂᑦ. ᑮᓇᐅᔭᑦ ᕿᑭᖅᑕᓂᒃᑯᑦ ᓄᕙᕐᔪᐊᓇᖅᑐᖅᑕᖃᖅᑎᓪᓗᒍ ᐃᑲᔫᑎᖏᑦ ᐅᑯᓇᙶᕐᓯᒪᔪᑦ ᑲᓇᑕᐅᑉ ᒐᕙᒪᒃᑯᖏᓐᓂ ᓄᓇᖃᖅᑳᕐᓯᒪᔪᓄᑦ ᓄᓇᓕᐅᔪᓄᑦ ᐃᑲᔫᑏᑦ ᑮᓇᐅᔭᑦ.

ᐃᒫᒃ ᐋᖅᑭᓯᒪᓂᐊᖅᑐᑦ:

• ᐱᒋᐊᕐᓗᑎᒃ ᐱᓇᓱᐊᕈᓯᖓᓂ ᔮᓐᓄᐊᓕ 10 2022, ᕿᑭᖅᑕᓂᒃᑯᑦ ᐊᒻᒪᓗ ᐅᑭᐅᖅᑕᖅᑐᒥ ᑯᐊᐸᒃᑯᑦ ᑐᓂᓯᐅᖅᑲᐃᖃᑦᑕᓂᐊᖅᑐᑦ ᓂᕿᑖᕈᑎᔅᓴᓂᑦ ᐊᒥᓲᓂᓕᓐᓂᑦ $250.
• ᓂᕿᑦ ᐸᔪᑦᑎᕆᖃᑦᑕᓂᐊᕐᒥᔪᑦ ᑲᓲᑎᖃᑎᖃᖅᑕᐃᓕᓗᑎᒃ ᐊᑐᓂᑦ ᐃᓄᓐᓂᑦ ᐃᓪᓗᒥᐅᖃᑎᒌᓄᑦ ᒥᑦᑎᒪᑕᓕᒻᒥ.
• ᑐᖏᓕᐊᓂ ᓂᐅᕕᐅᑎᔅᓴᐃᑦ ᐊᒥᓲᓂᓖᑦ $250ᓂᑦ ᑐᓂᐅᖅᑲᖅᑕᐅᓛᖅᑐᑦ ᑕᒫᓂ ᖃᓂᒋᔭᖓᓂᓘᓐᓃᑦ ᔮᓐᓄᐊᓕ 24 2022.

ᐃᓄᐃᑦ ᐃᓪᓗᒥᐅᖃᑎᒌᒐᓴᐃᑦ ᐊᑕᐅᑦᑎᒥ ᐅᖄᓚᖃᑦᑕᖁᔭᐅᒐᓗᐊᑦ ᕿᑭᖅᑕᓂᒃᑯᑦ ᓄᓇᓕᓐᓂᑦ ᑐᓴᐅᒪᑎᑦᑎᔨᖓᓐᓄᑦ ᑐᑭᓯᒋᐊᒃᑲᓐᓂᖃᑦᑕᕐᓗᑎᒃ ᐃᑲᔫᑎᔅᓴᑲᓐᓃᑦ ᒥᔅᓵᓄᑦ.

ᑐᑭᓯᒋᐊᒃᑲᓐᓂᕈᒪᒍᔅᓯ ᑖᒃᑯᐊ ᐃᑲᔫᑏᑦ ᒥᔅᓵᓄᑦ, ᑎᑎᕋᕈᓐᓇᖅᑐᓯ ᖃᕋᓴᐅᔭᒃᑯᑦ ᐃᕐᖐᓐᓈᕈᑎᒃᑯᑦ: COVID-19@qia.ca ᐅᖄᓚᓗᓯᓗᓐᓃᑦ ᐅᕗᖓ: 1-867-975-8383.

ᐊᑏ ᖃᐅᔨᒋᐊᖃᑦᑕᕆᔅᓯ ᕿᑭᖅᑕᓂᒃᑯᑦ ᖃᕋᓴᐅᔭᒃᑯᑦ ᑐᑭᓯᒋᐊᕈᑎᖃᕐᕕᖓᓐᓄᑦ ᐅᕗᖓ qia.ca ᑐᑭᓯᑦᑎᐊᕐᓂᐊᕋᔅᓯ ᐊᒻᒪᓗ ᖃᐅᑕᒫᑦ ᑐᑭᓯᑎᑦᑎᒋᐊᕈᑕᐅᕙᑦᑐᓂᑦ.

ᑐᑭᓯᒋᐊᒃᑲᓐᓂᕈᒪᒍᔅᓯ, ᐊᑏ ᑐᑭᓯᒋᐊᕐᕕᐅᖃᑦᑕᕐᓕ:
ᐅᐃᓪ Hᐊᑉᑭᓐᔅ, ᑭᖑᕝᕕᐅᑎᓯᒪᑲᐃᓐᓇᖅᑐᖅ ᑐᑭᒧᐊᑦᑎᑦᑎᔨᐅᓂᕐᒧᑦ ᑐᓴᐅᒪᖃᑦᑕᐅᑎᔪᓕᕆᓂᕐᒧᑦ,
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
whopkins@qia.ca
867.975.8413 or
1.800.667.2742