ᐃᖃᓗᐃᑦ, ᓄᓇᕗᑦ, ᐋᒡᒋᓯ 9, 2024 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐊᒻᒪᓗ ᐹᕙᓐᓛᓐ ᓴᕕᒃᓴᓂᒃ ᐅᔭᕋᖕᓂᐊᖅᑏᑦ ᑯᐊᐳᕇᓴᖓᑦ (ᐹᕙᓐᓛᓐ) ᖁᕕᐊᓱᒃᑐᑦ ᑲᑎᒪᑎᑦᑎᓛᓕᕐᓂᖏᓐᓂᒃ ᓄᓘᔮᖕᓂ ᐱᓕᕆᐊᖅ ᐊᕐᕌᒍᑕᒫᑦ ᐱᓕᕆᐊᒥᒃ ᕿᒥᕐᕈᓂᕐᒧᑦ ᑲᑎᒪᓂᕐᒥᒃ ᐃᒡᓗᓕᖕᒥ ᓯᑎᐱᕆ 10, 11, ᐊᒻᒪᓗ 12, 2024 ᐱᙳᐊᕐᕕᖕᒥ. ᑖᓐᓇ ᑲᑎᒪᓂᖅ ᐋᔩᖃᑎᒌᒍᑕᐅᓯᒪᔪᖅ ᐃᑲᔫᑎᒃᓴᑦ ᑕᐃᑰᓇ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐱᕚᓪᓕᕈᑎᒃᓴᓄᓪᓗ ᐊᖏᕈᒻᒥ.
ᐊᕐᕌᒍᑕᒫᑦ ᐱᓕᕆᐊᒥᒃ ᕿᒥᕐᕈᓂᕐᒧᑦ ᑲᑎᒪᓂᖅ ᐱᕕᒃᓴᐅᔪᖅ ᐅᖃᖃᑎᒌᒍᑕᐅᓗᑎᒃ ᐱᓕᕆᐊᒧᑦ-ᐊᒃᑐᐊᔪᑦ ᐱᓇᐅᓗᑕᑦ ᓄᓘᔮᖕᓂ ᐱᓕᕆᐊᒥᑦ ᑕᓪᓕᒪᓄᑦ ᓄᓇᓕᖕᓄᑦ. ᐃᓂᐅᔪᖅ ᓄᓇᓖᑦ ᑭᒡᒐᖅᑐᐃᔨᖏᑦ ᐅᖃᐅᓯᒃᓴᖃᕐᓗᑎᒃ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᓄᑦ ᐹᕙᓐᓛᓐᑯᓐᓄᓪᓗ ᐊᕙᑎᒧᑦ ᐊᒃᑐᐃᓂᕐᓄᑦ, ᐸᓚᐅᒪᑎᑦᑎᓇᓲᑎᓄᑦ ᐊᒻᒪᓗ ᖃᐅᔨᓴᖅᐸᓪᓕᐊᖏᓐᓇᕐᓂᕐᒧᑦ ᐸᕐᓇᐅᑎᓄᑦ, ᐊᑐᓕᖁᔨᔾᔪᓯᐅᕐᓗᑎᒃ ᑕᒪᐃᓐᓅᖓᔪᒧᑦ ᐱᓕᕆᐊᖅ ᐱᐅᓯᕚᓪᓕᖁᓪᓗᒍ.
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᓄᓇᓕᖕᓂ ᑲᑎᒪᔩᑦ ᐊᒻᒪᓗ ᓂᕈᐊᖅᑕᐅᓯᒪᔪᑦ ᐃᓐᓇᐃᑦ ᒪᒃᑯᒃᑐᓪᓗ ᑕᓪᓕᒪᓂ ᓄᓇᓕᖕᓂ ᒥᑦᑎᒪᑕᓕᖕᒥ, ᐃᒃᐱᐊᕐᔪᖕᒥ, ᑲᖏᖅᑐᒑᐱᖕᒥ, ᓴᓂᕋᔭᖕᒥ, ᐃᒡᓗᓕᖕᒥᓗ ᑲᑎᒪᔭᖅᑐᕐᓂᐊᖅᑐᑦ ᑕᕝᕗᖓ ᑲᑎᒪᓂᕐᒧᑦ. ᓄᓇᖃᖅᑐᑦ ᐃᒡᓗᓕᖕᒥ ᑐᙵᓱᒃᑎᑕᐅᔪᑦ ᐃᓚᐅᔪᓐᓇᖅᖢᑎᒃ ᓈᓚᒋᐊᖅᑐᕐᓗᑎᒡᓗ ᑲᑎᒪᓂᐅᔪᒥ. ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐱᕚᓪᓕᕈᑎᒃᓴᓄᓪᓗ ᐊᖏᕈᒻᒥ ᐊᑐᓕᖅᑎᑦᑎᓂᕐᒧᑦ ᐃᖅᑲᓇᐃᔭᖅᑏᑦ ᑕᒪᕐᒦᖕᓂ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ ᐊᒻᒪᓗ ᐹᕙᓐᓛᓐᑯᓐᓂ ᐃᓚᐅᓂᐊᖅᑐᑦ ᐅᓂᒃᑳᕐᓗᑎᒡᓗ ᐅᖃᐅᓯᒃᓴᖃᕐᕕᐅᔪᒪᓗᑎᒡᓗ.
ᐃᓱᓕᒃᑯᓂ ᐊᕐᕌᒍᑕᒫᑦ ᐱᓕᕆᐊᒥ ᕿᒥᕐᕈᓂᕐᒧᑦ ᑲᑎᒪᓂᖅ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐹᕙᓐᓛᓐᑯᓪᓗ ᐋᖅᑭᒃᓱᐃᓂᐊᖅᑐᑦ ᐅᖃᐅᓯᒃᓴᓂᒃ ᐊᒻᒪᓗ ᐊᑐᓕᖁᔨᔾᔪᑎᓂᒃ ᐅᓂᒃᑳᓕᐅᕐᓗᒋᑦ ᐃᓄᓕᒫᓄᑦ ᑐᓴᐅᒪᔾᔪᑕᐅᓕᕐᓗᑎᒃ. ᐊᑐᐃᓐᓇᐅᓕᕋᔭᖅᑐᑦ ᓄᙳᐊᓂ ᑎᓯᐱᕆ, 2024-ᒥ ᖃᕆᓴᐅᔭᒃᑯᑦ ᐅᕘᓇ www.qia.ca ᐊᒻᒪᓗ www.baffinland.com .
ᑐᓴᒃᑲᓐᓂᕈᒪᒍᕕᑦ, ᐅᖃᖃᑎᒋᔪᓐᓇᖅᑕᑎᑦ ᐅᑯᐊ:
ᑭᐅᕙᓐ ᕝᓕᐅᕋᑎ
ᑐᑭᒧᐊᒃᑎᑎᔨ, ᖃᓄᖅᑑᕈᑕᐅᓯᒪᔪᓄᑦ ᑐᓴᐅᒪᖃᑎᒌᖕᓂᕐᓄᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ
(ᐅᖄᓚᐅᑖ) 867.975.8398 ᐊᑭᖃᙱᑦᑐᒃᑯᓪᓘᓐᓃᑦ 1.800.667.2742
kflaherty@qia.ca
ᐲᑕ ᐊᒃᒪᓐ | ᐊᖓᔪᖅᑳᖅ ᐱᖃᖅᑎᓄᑦ ᐱᓕᕆᖃᑎᒌᖕᓂᕐᒧᑦ ᐊᒻᒪᓗ ᑐᓴᐅᒪᖃᑎᒌᖕᓂᕐᒧᑦ
ᐆᒃᕕᐅ ᐊᖓᔪᖅᑳᖃᕐᕕᖕᒥ ᑎᑎᕋᕐᕕᒃ
ᐅᖄᓚᐅᑎᕋᓛᖓ: +1 289 834 0744
ᖃᕆᓴᐅᔭᒃᑯᑦ ᐃᕐᖐᓈᖅᑕᐅᑎᒃᑯᑦ: Peter.Akman@baffinland.com
www.baffinland.com
