ᐱᕙᓪᓕᐊᔪᑦ ᓴᖅᑭᑕᑦ
ᖃᐅᔨᒃᑲᐃᔾᔪᑎ ᑲᑎᒪᓂᐅᓛᖅᑐᒥᒃ ᐊᕐᕌᒍᑕᒫᕐᓯᐅᒻᒥᑦ ᑲᑎᒪᕕᔾᔪᐊᕐᓂᖃᓛᕐᖓᑕ ᑲᑎᒪᔩᑦ
ᖃᐅᔨᒃᑲᐃᔾᔪᑎ ᑲᑎᒪᓂᐅᓛᖅᑐᒥᒃ ᐊᕐᕌᒍᑕᒫᕐᓯᐅᒻᒥᑦ ᑲᑎᒪᕕᔾᔪᐊᕐᓂᖃᓛᕐᖓᑕ ᑲᑎᒪᔩᑦ ᖃᐅᔨᒃᑲᐃᕗᒍᑦ, ᒪᓕᒃᑐᒍᑦ ᐃᓚᖓ 5.01.02 ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᒪᓕᒐᕋᓛᖏᓐᓃᑦᑐᖅ, ᐊᕐᕌᒍᑕᒫᕐᓯᐅᒻᒥᑦ ᑲᑎᒪᕕᔾᔪᐊᕐᓂᖃᓛᕐᖓᑕ ᑲᑎᒪᔩᑦ ᐊᒃᑐᕝᕙ 8, 2024ᖑᓕᖅᑲᑦ 8:30ᑉᐸᑦ ᐅᓪᓛᒃᑯᑦ ᐱᒋᐊᕐᓗᑎᒃ ᑲᓇᓐᓇᐅᑉ ᓯᕿᙳᔭᖓ ᒪᓕᑦᑐᒍ ᐃᖃᓗᓐᓂ. ᐃᓚᓕᐅᑎᓯᒪᓛᕐᒥᔪᑦ ᑲᑎᒪᓂᖓᓐᓂ ᑲᑎᒪᔾᔪᑎᒋᓛᖅᑕᖏᓐᓄᑦ ᐃᓱᒪᔅᓴᕐᓯᐅᕈᑕᐅᒋᐊᖃᓛᖅᑑᒃ ᒪᕐᕉᒃ (2) ᐱᒻᒪᕆᐅᔫᒃ ᐱᖁᔨᕗᖔᕈᑏᒃ ᓈᒻᒪᒋᔭᐅᓂᖏᑦ ᐋᖅᑭᒋᐊᖅᑕᐅᓯᒪᔪᑦ ᒪᓕᒐᕋᓛᖏᓐᓂᑦ ᑕᓪᓕᒪᒋᓕᖅᑕᖏᓐᓂ (5) ᐊᓯᔾᔨᖅᑐᒍ ᓂᕈᐊᖅᑕᐅᕕᒋᕙᑦᑕᖓ ᐊᖏᔪᖅᑳᕐᒧᑦ−ᑐᖏᓕᐅᓂᕐᒧᑦ ᐃᓂᐅᔫᑉ ᐃᖅᑲᓇᐃᔮᖑᐃᓐᓇᕐᓗᓂ ᐋᖅᑭᓯᒪᖁᓕᖅᑐᒍ: ᐊᒻᒪᓗ ᓈᒻᒪᒋᔭᐅᓂᖏᑦ ᐋᖅᑭᒋᐊᕆᐊᖃᙳᓱᓕᖅᑐᑦ ᑖᓐᓇ ᐱᔾᔪᑎᒋᓪᓗᒍ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ ᑮᓇᐅᔭᓕᕆᓂᕐᒧᑦ ᐊᑐᐊᒐᑦ […]
September 13, 2024ᕿᑭᖅᑕᓃᒃᑯᑦ ᕿᓂᖅᑐᑦ ᑲᑎᒪᔨᒃᓴᒥᒃ ᐃᓄᖃᕈᓐᓃᖅᓯᒪᔪᒥᒃ ᑲᑎᒪᔨᓂᑦ
ᐃᖃᓗᐃᑦ, ᓄᓇᕗᑦ, ᓯᑎᐱᕆ 11, 2024 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᕿᓂᕐᒪᑕ ᑲᑎᒪᔨᙳᕈᒪᒐᔭᖅᑐᒥᒃ ᑲᑭᕙᒃ ᑲᑐᔾᔨᖃᑎᒌᖏᑕ ᑲᑎᒪᔨᖏᓐᓄᑦ. ᑲᑭᕙᒃ ᑲᑐᔾᔨᖃᑎᒌᖏᑕ ᑲᑎᒪᔨᖏᑦ ᐊᑕᐅᓯᖅ ᐃᓂᒃᓴᖅ, ᐊᑕᐅᓯᕐᒥ ᐊᕐᕌᒍᒥ ᑲᑎᒪᔨᐅᓗᓂ ᐃᓄᐃᑦ ᕿᑭᖅᑕᓂᒥᐅᑕᐃᑦ ᐆᒃᑐᕈᓐᓇᖅᑐᑦ. ᑲᑎᒪᔨᐅᖃᑕᐅᔪᒪᒍᕕᑦ ᓇᒃᓯᐅᔾᔨᔪᓐᓇᖅᑐᑎᑦ ᐃᖅᑲᓇᐃᔮᕆᓯᒪᔭᕐᓂᑦ ᓇᓕᖅᑲᓂᒃ ᐅᕝᕙᓘᓐᓃᑦ ᑕᑕᑎᕐᓗᒍ ᑕᑕᑎᒐᒃᓴᖅ ᐅᕙᙵᑦ ᖃᕆᓴᐅᔭᒦᑦᑐᒥᑦ: https://www.qia.ca/application-for-board-or-committees/, ᖃᐅᔨᒋᐊᕐᓗᒍ ᓄᓇᓕᖕᓂ ᑐᓴᐅᒪᑎᑦᑎᔨ ᐅᕝᕙᓘᓐᓃᑦ ᑐᓂᓯᓗᑎᒃ ᐃᖅᑲᓇᐃᔮᕆᓯᒪᔭᕐᓂᑦ ᓇᓕᖅᑲᓂᒃ ᐊᒻᒪ ᑎᑎᖅᑲᒥᒃ ᓇᓗᓇᐃᔭᐅᑎᓂᒃ ᓇᓕᐊᑐᐃᓐᓇᖓᓄᑦ ᕿᑭᖅᑕᓃᒃᑯᑦ ᓄᓇᓕᖕᓂᑦ ᑐᓴᐅᒪᑎᑦᑎᔨᒃᑯᑦ ᑎᑎᕋᕐᕕᖏᓐᓄᑦ. ᑐᑭᓯᒃᑲᓐᓂᕈᒪᒍᕕᑦ ᐅᕝᕙᓘᓐᓃᑦ ᐱᓇᓱᖃᑕᐅᔪᒪᒍᕕᑦ ᐊᖅᑯᑎᒋᔪᓐᓇᕐᒥᔭᐃᑦ […]
September 11, 2024ᑐᔅᓯᕋᐅᓯᐅᖁᔨᔾᔪᑎ ᕿᑭᖅᑕᓂ ᐃᓕᖅᑯᓯᓕᕆᓂᕐᒧᑦ ᐱᓕᕆᐊᕐᒧᑦ 2024-2025
ᐃᖃᓗᐃᑦ, ᓄᓇᕗᑦ, ᓯᑎᐱᕆ 11, 2024 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (QIA) ᐃᓄᓐᓂᑦ ᑎᓕᐅᕆᔪᑦ ᑐᔅᓯᕋᐅᑎᖃᕐᓗᑎᒃ ᑐᓂᓯᖃᑦᑕᖁᓪᓗᒋᑦ ᕿᑭᖅᑕᓂ ᐃᓕᖅᑯᓯᓕᕆᓂᕐᒧᑦ ᐱᓕᕆᐊᕐᒧᑦ (QCAP) 2024-2025 ᐊᕐᕌᒍᒥ ᑮᓇᐅᔭᓄᑦ ᐊᐅᓚᕕᖓᓐᓂ, ᐅᑭᐊᔅᓵᖅ/ᐅᑭᐅᖅ ᐱᓕᕆᐊᔅᓴᓄᑦ ᑐᕌᖓᔪᓂᑦ. ᑭᒃᑯᑐᐃᓐᓇᐃᑦ ᐃᓄᐃᑦ ᐊᒻᒪᓗ ᓄᓇᓕᓐᓂᑦ ᑲᑐᔾᔨᖃᑎᒌᑦ ᑕᒪᕐᒥᒃ ᕿᑭᖅᑕᓂ ᓄᓇᓕᖏᓐᓃᑦᑐᑦ ᑐᓂᓯᖃᑦᑕᖁᔭᐅᓕᕆᕗᑦ ᑐᔅᓯᕋᐅᑎᓂᑦ ᐱᓕᕆᐊᔅᓴᓄᑦ ᐊᐅᓚᓂᖃᖃᑦᑕᓛᖅᑐᓄᑦ ᓄᕕᐱᕆ 1, 2024ᒥ ᒫᑦᓯ 31, 2025ᒧᑦ. ᕿᑭᖅᑕᓂ ᐃᓕᖅᑯᓯᓕᕆᓂᕐᒧᑦ ᐱᓕᕆᐊᖅ ᑮᓇᐅᔭᖃᖅᑎᑦᑎᖃᑦᑕᓲᑦ ᓄᓇᓕᓐᓂᑦ ᐱᓕᕆᐊᔅᓴᓂᑦ ᓄᓇᖅᑲᑎᖏᓐᓄᑦ ᐃᓚᐅᕕᐅᓂᐊᖅᑐᓂᑦ ᐃᓕᓐᓂᐊᕐᕕᐅᓂᐊᖅᑐᓂᓪᓗ ᐱᖅᑯᓯᖅᑎᒍᑦ ᓴᓇᔾᔪᓯᕐᓂᑦ, ᓲᕐᓗ […]
September 11, 2024ᕿᑭᖅᑕᓃᒃᑯᑦ ᕿᓂᖅᑐᑦ ᑲᑎᒪᔨᐅᒍᒪᒐᔭᖅᑐᓄᑦ ᐊᔾᔨᒌᙱᑦᑐᓂᒃ ᐃᓂᓄᑦ
ᐃᖃᓗᐃᑦ, ᓄᓇᕗᑦ, ᐊᒡᒌᓯ 20, 2024 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᐃᓄᖕᓂᒃ ᕿᓂᕐᒪᑕ ᐆᒃᑐᕈᒪᒐᔭᖅᑐᓂᒃ ᑲᑎᒪᔨᒃᓴᐅᓂᕐᒧᑦ ᓇᓕᐊᖕᓂᑐᐃᓐᓇᖅ ᖁᓕᐅᔪᓂᑦ ᑲᑎᒪᔨᐅᕝᕕᐅᔪᓂᒃ ᓇᓗᓇᐃᔭᖅᓯᒪᔪᓂᒃ ᐊᑖᓂ. ᑲᑭᕙᒃᑯᑦ ᐃᑲᔫᓯᐊᒃᓴᓕᕆᓂᕐᒧᑦ ᐊᑐᕐᓂᕐᒧᓪᓗ ᑲᑎᒪᔨᕋᓛᑦ ᐊᑕᐅᓯᖅ ᐃᓂᒃᓴᖅ, 3-ᓄᑦ ᐊᕐᕌᒍᓄᑦ ᑲᑎᒪᔨᐅᓗᓂ ᐃᓄᐃᑦ ᕿᑭᖅᑕᓂᒥᐅᑦ ᐆᒃᑐᕈᓐᓇᖅᑐᑦ ᕿᑭᖅᑖᓗᒃ ᑯᐊᐸᕇᓴᓐ ᐊᑕᐅᓯᖅ ᐃᓂᒃᓴᖅ, 3-ᓄᑦ ᐊᕐᕌᒍᓄᑦ ᑲᑎᒪᔨᐅᓗᓂ ᐃᓄᐃᑦ ᕿᑭᖅᑕᓂᒥᐅᑦ ᐆᒃᑐᕈᓐᓇᖅᑐᑦ ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᖅᓯᕝᕕᖕᒥ ᑲᑐᔾᔭᐅᔪᒥᒃ ᐸᕐᓇᐃᓂᕐᒥᒃ ᐊᐅᓚᑦᑎᓂᕐᒥᓪᓗ ᑲᑎᒪᔨᕋᓛᖏᑦ, ᐊᑕᐅᓯᖅ ᐃᓂᒃᓴᖅ, 3-ᓄᑦ ᐊᕐᕌᒍᓄᑦ ᑲᑎᒪᔨᐅᓗᓂ ᐃᓄᐃᑦ ᖃᐅᓱᐃᑦᑐᕐᒥᐅᑦ/ᐊᐅᓱᐃᑦᑐᕐᒥᐅᓪᓗ […]
August 20, 2024ᓄᓘᔮᖕᓂ ᐱᓕᕆᐊᖅ ᐊᕐᕌᒍᑕᒫᑦ ᐱᓕᕆᐊᒥᒃ ᕿᒥᕐᕈᓂᕐᒧᑦ ᑲᑎᒪᓂᖅ – ᐃᒡᓗᓕᒃ
ᐃᖃᓗᐃᑦ, ᓄᓇᕗᑦ, ᐋᒡᒋᓯ 9, 2024 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐊᒻᒪᓗ ᐹᕙᓐᓛᓐ ᓴᕕᒃᓴᓂᒃ ᐅᔭᕋᖕᓂᐊᖅᑏᑦ ᑯᐊᐳᕇᓴᖓᑦ (ᐹᕙᓐᓛᓐ) ᖁᕕᐊᓱᒃᑐᑦ ᑲᑎᒪᑎᑦᑎᓛᓕᕐᓂᖏᓐᓂᒃ ᓄᓘᔮᖕᓂ ᐱᓕᕆᐊᖅ ᐊᕐᕌᒍᑕᒫᑦ ᐱᓕᕆᐊᒥᒃ ᕿᒥᕐᕈᓂᕐᒧᑦ ᑲᑎᒪᓂᕐᒥᒃ ᐃᒡᓗᓕᖕᒥ ᓯᑎᐱᕆ 10, 11, ᐊᒻᒪᓗ 12, 2024 ᐱᙳᐊᕐᕕᖕᒥ. ᑖᓐᓇ ᑲᑎᒪᓂᖅ ᐋᔩᖃᑎᒌᒍᑕᐅᓯᒪᔪᖅ ᐃᑲᔫᑎᒃᓴᑦ ᑕᐃᑰᓇ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐱᕚᓪᓕᕈᑎᒃᓴᓄᓪᓗ ᐊᖏᕈᒻᒥ. ᐊᕐᕌᒍᑕᒫᑦ ᐱᓕᕆᐊᒥᒃ ᕿᒥᕐᕈᓂᕐᒧᑦ ᑲᑎᒪᓂᖅ ᐱᕕᒃᓴᐅᔪᖅ ᐅᖃᖃᑎᒌᒍᑕᐅᓗᑎᒃ ᐱᓕᕆᐊᒧᑦ-ᐊᒃᑐᐊᔪᑦ ᐱᓇᐅᓗᑕᑦ ᓄᓘᔮᖕᓂ ᐱᓕᕆᐊᒥᑦ ᑕᓪᓕᒪᓄᑦ ᓄᓇᓕᖕᓄᑦ. ᐃᓂᐅᔪᖅ ᓄᓇᓖᑦ ᑭᒡᒐᖅᑐᐃᔨᖏᑦ […]
August 9, 2024ᕿᑭᖅᑕᓃᒃᑯᑦ ᑎᒍᓯᓕᕐᒥᔪᑦ ᑐᒃᓯᕋᐅᑎᓂ 2024-2025ᒧᓪᓗ ᐃᓕᓐᓂᐊᕆᐊᒃᑲᓐᓂᕈᑎᒃᓴᓂᒃ
ᐃᖃᓗᐃᑦ, ᓄᓇᕗᑦ – ᐊᒡᒌᓯ 7, 2024 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᒪᑐᐃᖓᑎᑦᑎᓕᕐᒥᔪᑦ ᑐᒃᓯᕋᐅᑎᓕᐅᕈᒪᔪᓄᑦ 2024-2025ᒧᓪᓗ ᐃᓕᓐᓂᐊᕐᓇᐅᑉ ᐊᕐᕌᒍᖓᓂᑦ. ᐃᓕᓐᓂᐊᖅᑏᑦ ᑐᒃᓯᕋᐅᑎᓕᐅᕈᓐᓇᖅᓯᔪᑦ ᐊᑐᕐᓗᒍ ᐋᖅᑭᒋᐊᖅᑕᐅᓯᒪᓕᖅᑐᒥᒃ, ᐱᔭᕆᐊᑭᓪᓕᑎᑕᐅᓯᒪᔪᒥᒃ ᑕᑕᑎᒐᒃᓴᒥᒃ ᑕᒪᐃᓐᓄᑦ ᕿᑭᖅᑕᓃᒃᑯᑦ ᐃᓕᓐᓂᐊᕆᐊᒃᑲᓐᓂᕈᑎᒃᓴᖏᓐᓄᑦ ᐊᒻᒪᓗ ᔮᓐ ᐊᒪᕈᐊᓕᒃ ᐃᓕᓐᓂᐊᕆᐊᒃᑲᓐᓂᕈᑎᒃᓴᖓᓄᑦ. ᑖᓐᓇ 8ᒋᓪᓗᓂᐅᒃ ᐊᕐᕌᒎᓕᕐᒪᑦ ᕿᑭᖅᑕᓃᒃᑯᑦ ᒪᓂᒪᑎᑦᑎᓂᖏᓐᓄᑦ ᐃᓕᓐᓂᐊᕆᐊᒃᑲᓐᓂᕈᑎᒃᓴᓂᒃ ᐊᑭᓕᖕᒥᒃ $205,000ᑖᓚᓂ. 80ᓂᒃ ᕿᑭᖅᑕᓃᒃᑯᑦ ᐃᓕᓐᓂᐊᕆᐊᒃᑲᓐᓂᕈᑎᒃᓴᖏᑦ, ᐊᑐᓂ ᐊᑭᖃᖅᑐᓂᒃ $2,500, ᑐᓂᔭᐅᕙᒃᑐᑦ ᑕᐃᒃᑯᓄᖓ ᓯᕗᓪᓕᐅᔪᓄᑦ ᑕᑕᑎᖅᓯᒪᔪᓂᒃ ᐃᓕᓐᓂᐊᖅᑎᓂᑦ ᕿᑭᖅᑕᓂ ᓄᓇᓕᖏᓐᓂᑦ ᐃᓕᓐᓂᐊᕆᐊᕐᓂᐊᖅᑐᓄᑦ ᓯᓚᑦᑐᖅᓴᕐᕕᖕᓄᑦ. ᑖᓐᓇ ᔮᓐ ᐊᒪᕈᐊᓕᒃ […]
August 7, 2024ᖃᐅᔨᓴᕐᓂᖅ ᐅᔭᕋᖅᑕᕐᕕᖕᒥᑦ ᑲᖏᖅᓱᑯᑖᖕᒥ, ᑕᑦᓯᑦᑐᕐᒥᓗ
ᐃᖃᓗᐃᑦ, ᓄᓇᕗᑦ, ᔪᓚᐃ 30 2024 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᑐᓴᖅᑎᑦᑎᔪᒪᕗᑦ ᐃᓄᖕᓂᒃ ᑭᙵᕐᒥᐅᓂᒃ ᑭᒻᒥᕈᒻᒥᐅᓂᓗ ᐅᔭᕋᖅᑕᕐᕕᖕᒥ ᖃᐅᔨᓴᖅᑐᖃᓛᕐᓂᖓᓄᑦ ᑲᖏᖅᓱᑯᑖᖕᒥᑦ, ᑕᑦᓯᖅᑐᕐᒥᓗ, ᐊᒡᒌᓯ 30, 2024ᒥ. ᑖᓐᓇ ᐅᔭᕋᖅᑕᕐᕕᒃ ᑭᙵᐃᓪᓗ ᕿᒻᒥᕉᑉᓗ ᐊᑯᓐᓂᖓᓐᓃᑦᑐᖅ. ᐸᕝᕕᓴᖅᑐᖃᖃᑦᑕᑲᐃᓐᓇᕐᓂᐊᕐᒪᑦ ᖃᐅᔨᓴᖅᑎᓪᓗᒋᑦ ᐅᔭᕋᒃᑕᕐᕕᖕᒥ ᑖᒃᑯᐊ ᖃᐅᔨᓴᕐᓂᐊᖅᑐᑦ ᖁᓛᒍᓕᒃᑰᖃᑦᑕᕐᓂᐊᕐᒪᑕ. ᐱᔾᔪᑎᒋᓪᓗᒍ ᖃᐅᔨᓴᕈᒪᓂᖏᑦ ᓴᖅᑭᑎᑦᑎᔪᒪᓪᓗᑎᒃ ᐊᑐᓕᖁᔾᔪᑎᓂᒃ ᒥᒃᖠᒋᐊᕈᑕᐅᓂᐊᖅᑐᓂᒃ ᐸᓯᔭᐅᔪᓐᓇᕐᓂᕐᒨᖓᔪᓂᒃ ᐱᔾᔪᑎᒋᓪᓗᒍ ᐊᒻᒪᓗ ᐋᖅᑭᒋᐊᕐᓗᒍ ᐃᓄᖕᓄᑦ ᐊᑦᑕᕐᓇᕈᓐᓃᖁᓪᓗᒍ ᐅᔭᕋᒃᑕᕐᕕᒃ. ᕿᑭᖅᑕᓃᒃᑯᑦ ᓇᓗᓇᐃᔭᖅᓯᒪᖕᒪᑦ ᐊᑦᑕᕐᓇᖅᑐᒦᑎᑦᑎᑕᐃᓕᒍᒪᓪᓗᑎᒃ ᐃᓄᖕᓂᒃ ᐊᒻᒪᓗ ᐱᓕᕆᓂᐊᖅᖢᑎᒃ ᓇᓗᓇᐃᔭᐃᓂᕐᒥᒃ ᐱᕕᒃᓴᐅᔪᓐᓇᕐᓂᐊᖅᑐᓂᒃ ᐊᑦᑕᕐᓇᙱᑦᑐᒃᑯᑦ ᐅᔭᕋᒃᑕᕈᓐᓇᕐᓂᕐᒧᑦ. ᑖᓐᓇ […]
July 30, 2024