ᐃᖃᓗᐃᑦ, ᓄᓇᕗᑦ – ᒪᐃ 3, 2017 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᑲᑐᔾᔨᖃᑎᒌᖏᑦ) ᒫᓐᓇ ᑐᔅᓯᕋᐅᑎᓂᑦ ᐱᖃᑦᑕᕈᓐᓇᓯᒻᒥᒻᒪᑕ 2017-2018ᒥ ᐃᓚᒌᒃᑐᓄᑦ ᑮᓇᐅᔭᓂᑦ.

“ᑲᑐᔾᔨᖃᑎᒌᒃᑯᑦ ᐃᓚᒌᒃᑐᓄᑦ ᑮᓇᐅᔭᖏᑦ ᐃᑲᔫᑕᐅᓯᒪᕕᐅᑎᒻᒪᑕ ᐱᙳᐊᖅᑐᓕᕆᓂᕐᒧᑦ ᒥᕐᖑᐃᓯᕐᕕᓕᕆᓂᕐᒧᓪᓗ ᑲᑐᔾᔨᖃᑎᒌᒃᑯᓐᓄᑦ ᓄᓇᕗᒥ,” ᐅᖃᖅᑐᖅ ᑖᓐ ᑰᕆ, ᑐᑭᒧᐊᑦᑎᑦᑎᔨ.

“ᑮᓇᐅᔭᑦ ᐊᐅᓚᑦᑎᔾᔪᑎᒋᔪᓐᓇᕐᓯᒪᒐᑦᑎᒍ ᐊᑑᑎᓕᓐᓂᑦ ᐱᓕᕆᐊᓂᑦ ᐊᑐᖅᑎᑦᑎᕙᑦᑐᓂᑦ ᓯᕗᓕᕐᓯᓂᕐᒥᒃ ᐊᒻᒪᓗ ᐱᓕᕆᔪᓐᓇᕐᓯᑎᑦᑎᕙᓪᓕᐊᓂᕐᒥᒃ ᐃᓄᓐᓄᑦ ᐃᓅᓱᑦᑐᓄᑦ.”

ᖁᔭᓐᓇᒦᖅᑯᒍᑦ ᑮᓇᐅᔭᑎᒍᑦ ᐃᑲᔪᖅᑕᐅᓯᒪᓂᕗᑦ ᐃᓚᒌᒃᑐᓄᑦ ᑮᓇᐅᔭᑎᒍᑦ, ᐱᙳᐊᖅᑐᓕᕆᓂᕐᒧᑦ ᒥᕐᖑᐃᓯᕐᕕᓕᕆᓂᕐᒧᓪᓗ ᑲᑐᔾᔨᖃᑎᒌᖏᑦ ᓄᓇᕗᒥ ᐅᓪᓗᒃᑯᑦ ᑭᐱᙳᐃᔭᐃᑎᑦᑎᖃᑦᑕᕈᓐᓇᔪᔪᑦ ᐊᒻᒪᓗ ᓯᕗᓕᕐᓯᓂᕐᒥᒃ ᐃᓕᓐᓂᐊᑎᑦᑎᖃᑦᑕᕈᓐᓇᔪᔪᑦ ᐅᖓᑖᓃᑦᑐᓂᑦ 600 ᓱᕈᓯᕐᓂᑦ ᐃᓅᓱᑦᑐᓂᓪᓗ ᑕᓪᓕᒪᓂᑦ ᕿᑭᖅᑕᓂ ᓄᓇᓕᓐᓂᑦ ᐊᕐᕌᓂ.

“ᑲᑐᔾᔨᖃᑎᒌᒃᑯᑦ ᐃᓚᒌᒃᑐᓄᑦ ᑮᓇᐅᔭᖏᑦ ᐋᑦᓰᑯᓐᓂᒃ ᐃᓕᓐᓂᐊᑎᑦᑎᒍᓐᓇᔪᔪᑦ Hᐊᓐᓇᓚᖏᓐᓃᑦᑐᓂᑦ ᓱᕈᓯᕐᓂᑦ ᐃᓅᓱᑦᑐᓂᓪᓗ ᐃᒡᓗᓕᖕᒥ ᐱᙳᐊᕈᓘᔭᖃᑦᑕᓂᕐᒥᒃ ᐊᒻᒪᓗ ᓂᔾᔭᐅᓯᔭᖃᑦᑕᓂᕐᒥᒃ, ᐅᖃᖅᑐᖅ ᐋᑦᓰᒃᑯᓐᓃᙶᕐᓯᒪᔪᖅ ᒋᓛᒻ ᓴᓚᑎᓐ.

ᐱᖓᓱᓂᑦ ᐊᕐᕌᒍᓂᑦ ᐊᓂᒍᖅᑐᓂᑦ ᐃᑲᔪᖅᑕᐅᓪᓗᑎᒃ ᑮᓇᐅᔭᓄᑦ ᐋᑦᓰᒃᑯᑦ ᐃᓅᓱᑦᑐᓕᕆᓂᕐᒥ ᐃᓕᓐᓂᐊᑎᑦᑎᖃᑦᑕᔪᔪᑦ ᐅᖓᑖᓃᑦᑐᓂᑦ 300 ᓱᕈᓯᕐᓂᑦ ᐃᓅᓱᑦᑐᓂᓪᓗ Hᐊᓐᓇᓚᖏᓐᓃᓗᐊᖅᑐᓂᓪᓗ ᓱᓕ ᖃᐃᔪᖃᖃᑦᑕᖅᑐᓂ ᐃᓚᒋᔭᐅᔭᖅᑐᖅᑐᓂᑦ.

ᐃᓚᒌᒃᑐᓄᑦ ᑮᓇᐅᔭᑦ ᐃᓚᒋᔭᐅᒻᒪᑕ ᓄᓘᔮᓕᕆᓂᕐᒥ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐃᑲᔫᓯᐊᖅᑖᕈᑎᔅᓴᖏᓐᓄᓪᓗ ᐊᖏᕈᑎᓂᑦ (ᐊᖏᕈᑏᑦ). ᐋᖅᑭᑦᑕᐅᓯᒪᔪᑦ ᑲᑐᔾᔨᓪᓗᑎᒃ ᐃᑲᔫᑎᒋᖃᑦᑕᕐᓯᒪᔭᖏᓐᓄᑦ ᐹᕕᓐᓛᓐ ᓴᕕᕋᔭᔅᓴᒥᒃ ᐅᔭᕋᓐᓂᐊᖅᑎᑦ ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ. ᑮᓇᐅᔭᑦ ᐊᐅᓚᑕᐅᕙᑦᑐᑦ ᑲᑐᔾᔨᖃᑎᒌᒃᑯᓐᓂᑦ.

ᑮᓇᐅᔭᑦ ᐱᔭᔅᓴᐅᕗᑦ ᑲᑐᔾᔨᖃᑎᒌᓄᑦ, ᑲᑎᒪᔨᕋᓛᕐᓄᑦ, ᑲᑐᔾᔨᖃᑎᒌᓄᑦ, ᐊᒻᒪᓗ ᑭᒃᑯᑐᐃᓐᓇᕐᓄᑦ ᑲᑐᔾᔨᖃᑎᖃᕐᐸᑦᑐᓂᑦ ᐅᕝᕙᓘᓐᓃᑦ ᐃᖅᑲᓇᐃᔮᖃᕐᐸᑦᑐᓂᑦ ᑲᑐᔾᔨᖃᑎᖃᖅᑐᑎᒃ ᐃᒃᐱᐊᕐᔪᒻᒥᐅᓂᑦ, ᑲᖏᖅᑐᒑᐱᒻᒥᐅᓂᑦ, ᓴᓂᕋᔭᒻᒥᐅᓂᑦ, ᐃᒡᓗᓕᖕᒥᐅᓂᑦ, ᒥᑦᑎᒪᑕᓕᒻᒥᐅᓂᓪᓗ.

ᐱᓕᕆᐊᑦ ᓂᕈᐊᖅᑕᐅᕙᑦᑐᑦ ᑕᑯᔾᔪᑕᐅᖃᑦᑕᓂᐊᖅᑐᑦ ᓈᒻᒪᑦᑐᒥᒃ ᐱᕙᓪᓕᐅᑎᑎᑦᑎᖃᑦᑕᕐᓂᖏᓐᓂᒃ ᐃᓄᓐᓄᑦ ᕿᑭᖅᑕᓂ ᐅᐊᓐᓇᖓᓂᒥᐅᓂᑦ ᓄᓇᓕᓐᓂᑦ, ᐃᓚᒌᑦᑎᐊᑲᓐᓂᓂᕐᒥᒃ , ᐊᒻᒪᓗ ᐃᖅᑲᓇᐃᔮᖃᕈᓐᓇᓂᕐᒧᑦ ᐅᐸᓗᖓᐃᕐᓯᒪᓂᕐᒧᑦ.

ᑐᔅᓯᕋᐅᑏᑦ ᑐᓂᔭᐅᖃᑦᑕᕈᓐᓇᖅᑐᑦ ᐊᕐᕌᒍᒥ ᖃᖓᑐᐃᓐᓇᓕᒫᑦᑎᐊᖅ.

ᑐᑭᓯᒋᐊᒃᑲᓐᓂᕈᒪᒍᔅᓯ ᑐᑭᓯᒋᐊᖃᑦᑕᕕᔅᓴᖅ:

ᓰᒪ ᓴHᐋ ᓯᐅᕋHᐃ,

ᐊᖏᔪᖅᑳᖅ ᑐᓴᐅᒪᖃᑦᑕᐅᑎᓂᕐᒧᑦ,

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ

szerehi@qia.ca

(867) 975.8413

1.800.667.2742

ᑎᑎᕋᕐᓗᒋᑦ ᐱᓕᕆᐊᑦ ᐊᒻᒪᓗ ᐊᑐᖅᑕᐅᓯᒪᔪᑦ ᐃᑲᔪᖅᑕᐅᓯᒪᔪᑦ ᑮᓇᐅᔭᑎᒍᑦ ᒫᓐᓇᕋᑖᖅ:

2017 – 05 – 03 – Call for applications – Ilagiiktunut Fund 2017-2018 ᐃᓄᒃᑎᑐᑦ