ᓴᖅᑭᑎᑦᓯᓯᐊᖅᑐᒥᒃ ᐊᕐᕌᒍᑕᒫᑦᓯᐅᒻᒥᒃ ᑲᑎᒪᓂᖃᖅᑲᐅᔪᒍᑦ ᐊᒻᒪ ᑲᑎᒪᔩᑦ ᑲᑎᒪᓂᖏᓐᓂ ᓯᕗᓪᓕᖅᐹᒥ ᐱᓇᓱᐊᕈᓯᐊᓂ ᑕᖅᑭᐊᑕ ᐅᒃᑑᕝᕙ, ᐃᓚᖃᓚᐅᕐᒥᔪᖅ ᓂᕆᕕᒡᔪᐊᖅᑎᑦᓯᓪᓗᑎᒃ ᐱᓐᖑᐊᖅᑎᓪᓗᒋᑦ ᐃᓐᖏᖅᑏᑦ ᐅᕙᒍᑦ ᐊᒻᒪ ᐊᒥᒻᒪᕆᖕᓂᑦ ᐊᖏᔫᑎᓂᒃ ᓴᓚᒃᓴᐅᑎᑖᕈᑎᒃᓴᓂᒃ ᓲᕐᓗ ᖃᖓᑦᑕᐅᑏᑦ.

ᑕᑯᒃᓴᐅᓗᐊᖅᑐᓂ ᐃᓱᒪᓕᐅᕈᑕᐅᓂᖓ ᑖᓐᓇ ᕿᑭᖅᑕᓂ ᐃᓄᐃᑦ ᑲᑐᔾᔨᑎᒌᖏᑦᑕ ᑲᑎᒪᔨᖏᑦ ᐃᑲᔪᖅᓱᐃᓂᐊᕐᓂᕐᒥᓂᒃ ᓴᖅᑭᑎᑕᐅᒍᒪᓂᖓ ᓄᓇᕗᒥ ᐱᖅᑯᓯᓕᕆᕝᕕᒃ ᑎᑭᑦᑐᒍ  $5 –ᒥᓕᔭᓄᑦ.

ᑖᒃᑯᐊ ᕿᑭᖅᑕᓂ ᐃᓄᐃᑦ ᑲᑐᔾᔨᑎᒌᖏᑦ ᑲᑎᒪᔨᖏᑦ ᑕᑯᒍᒪᖕᒪᑕ ᓄᓇᕗᒥ ᐱᖅᑯᓯᓕᕆᕕᒃᓴᒥᒃ ᐱᓪᓗᒋᑦ ᐃᓄᐃᑦ ᓇᖕᒥᓂᖏᓐᓂ ᓄᓇᓂ ᐃᖃᓗᖕᓂ.  ᐅᒃᐱᕈᓱᖕᒪᑕ ᓴᖅᑭᒋᐊᖃᓕᕐᓂᖏᓐᓂᒃ ᑕᒪᒃᑯᐊ ᐃᓄᐃᑦ ᐱᖁᑎᑐᖃᕕᓂ    ᖏᑦ ᐊᒻᒪ ᑭᓇᐅᓂᖏᓐᓄᑦ ᑎᑎᕋᖅᓯᒪᔪᑦ ᐅᑎᖅᑎᑕᐅᖁᓪᓗᒋᑦ ᐃᓄᐃᑦ ᓄᓇᖓᓐᓄᑦ.

ᓄᓇᕗᑦ ᓱᓕ ᐊᕕᒃᑐᖅᓯᒪᓂᐅᑐᐊᖑᓕᖅᑐᖅ ᑲᓇᑕᒥ ᑎᒃᑯᐊᖅᑕᐅᓯᒪᔪᒥᒃ ᐱᖅᑯᓯᑐᖃᓕᕆᕕᖃᕋᑎᒃ ᐃᓂᒃᓴᒥᒃ ᐊᒻᒪ ᓴᖅᑭᑎᑦᓯᒪᔾᔪᑎᒃᓴᓂᒃ ᐃᑦᑕᕐᓂᑕᕐᓂᒃ ᖃᓄᐃᓯᒪᓂᑦᑎᓐᓂᒃ.  ᑖᒃᑯᐊ ᓄᓇᕗᑦ ᒐᕙᒪᖏᑦ ᑲᔪᓯᓯᒪᔪᑦ ᐊᑐᓂᐊᕈᒪᓪᓗᑎᒃ ᐅᖓᑖᓄᑦ $1-ᒥᓕᔭᓐ ᐊᕐᕌᒍᑕᒫᑦ ᐊᑭᓕᐅᑕᐅᕙᒃᑐᓂᒃ ᐊᑭᖏᓐᓄᑦ ᑐᖅᑯᓯᓯᒪᕕᖕᒧᑦ ᐊᒻᒪ ᐱᐅᖅᓱᐊᖅᑕᐅᓂᖏᓐᓄᑦ ᐅᖓᑖᓃᑦᑐᑦ 140,000 ᐃᓄᐃᑦ ᐱᖁᑎᑐᖃᖏᑦ ᐃᓂᐅᔪᓂ ᓯᓚᑖᓂ ᐊᕕᒃᑐᖅᓯᒪᓂᑦᑕ.

ᑖᒃᑯᐊ ᓄᓇᕗᒥ ᐊᖏᕈᑏᑦ ᐃᓕᑕᖅᓯᓯᒪᔪᑦ ᑭᓐᖒᒪᒋᔭᐅᓂᖓᓂᒃ ᐋᖅᑭᒃᑕᐅᓂᒃᓴᖓ ᐃᒡᓗ ᓄᓇᕗᒥ ᓄᓇᑖᕐᕕᐅᓯᒪᔪᓂ ᐱᐅᖅᓱᐊᕐᕕᐅᓂᐊᖅᑐᓂᒃ ᐊᒻᒪ ᐊᐅᓚᑕᐅᓗᑎᒃ ᐊᒥᓲᓂᖅᓴᑦ ᐃᑦᑕᕐᓂᑕᐃᑦ ᑎᑎᕋᖅᓯᒪᔪᑐᖃᑦ.

ᕿᑭᖅᑕᓂ ᐃᓄᐃᑦ ᑲᑐᔾᔨᑎᒌᖏᑦ ᑲᔪᓯᑎᑦᓯᓂᐊᖅᑐᑦ ᐃᑲᔪᖅᓱᐃᔾᔪᑎᒥᒃᓂ ᑖᒃᑯᐊ $70 ᑎᑭᓪᓗᒍ $90-ᒥᓕᔭᓐ ᐱᓕᕆᐊᖑᓂᐊᖅᑐᒨᖓᔪᑦ ᐱᔭᐅᒃᐸᑕ ᑮᓇᐅᔭᖃᖅᑎᑕᐅᓗᑎᒃ ᐊᕕᒃᑐᖅᓯᒪᓂᐅᔫᑉ ᐊᒻᒪ ᒐᕙᒪᑐᖃᒃᑯᑦ ᒐᕙᒪᖏᓐᓂᒃ ᐊᒻᒪ ᖃᑦᓯᑲᓪᓚᐃᑦ ᐊᓯᖏᑦ ᓴᖅᑭᑎᑦᓯᒍᑕᐅᔪᓐᓇᕐᓂᐊᖅᑐᑦ ᐃᓕᕆᐊᒃᓴᒧᑦ.

ᕿᑭᖅᑕᓂ ᐃᓄᐃᑦ ᑲᑐᔾᔨᑎᒌᖏᑦ ᑎᓕᐅᕆᒍᒪᔪᑦ ᐊᓯᖏᓐᓂᒃ ᐃᓚᐅᔾᔪᑎᖃᖅᑐᓂᒃ ᐃᓚᐅᖁᓪᓗᒋᑦ ᓴᖅᑭᑎᑕᐅᔾᔪᑎᒃᓴᒻᒪᕆᐊᓂᒃ ᓄᓇᕗᒥ ᐱᖅᑯᓯᑐᖃᓕᕆᕕᒃᓴᖅ ᐊᕕᒃᑐᑦᓯᒪᓂᑦᑎᓐᓂ.  ᐃᑲᔪᖅᑎᒌᒡᓗᑎᒃ ᑕᒪᒃᑯᑦ ᓄᓇᕗᑦ ᒐᕙᒪᖏᑦ, ᐃᓄᐃᑦ ᑲᑐᔾᔨᖃᑎᒌᖏᑦ ᐊᒻᒪ ᐊᓯᖏᑦ ᐊᑕᓂᖃᖅᑐᑦ ᑲᑐᔾᔨᖃᑎᒌᑦ ᐱᑕᖃᕆᐊᖃᕐᓂᐊᖅᑐᖅ ᓯᕗᒻᒧᐊᒋᐊᖁᓪᓗᒍ ᓄᓇᕗᒥ ᐱᖅᑯᑎᑐᖃᓕᕆᕝᕕᒃᓴᖅ.

ᓴᖅᑭᑎᑕᐅᓂᖓ ᓄᑖᖅ ᐊᑐᕐᓂᐊᖅᑕᖓᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦᑕ ᐱᓕᕆᐊᒃᓴᖏᑦ ᐃᑲᔫᑏᑦ

ᐃᓚᖓᑦ ᖁᕕᐊᓇᕐᓂᖅᐹᖑᔪᖅ ᐱᕙᓪᓕᐊᑎᑕᐅᔪᖅ ᓴᖅᑭᓚᐅᖅᑐᖅ ᑲᑎᒪᔪᓂ ᓴᖅᑭᑎᑕᐅᓂᖓ ᓄᑖᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒋᖏᑦᑕ ᐃᑲᔫᑎᒃᓴᖏᑦ ᐱᓕᕆᐊᑦ.  ᑖᒃᑯᐊ ᓄᑖᑦ ᐱᓕᕆᐊᑦ ᐋᖅᑭᒃᓱᖅᑕᐅᓚᐅᖅᑐᑦ ᒪᓕᒃᑐᒋᑦ ᐃᓚᐅᓂᖏᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒋᖏᑦ ᑐᓴᖅᑕᖏᑦ ᑖᒃᑯᓇᓐᖓᑦ ᐃᓘᓐᓇᖏᓐᓂᒃ 13 ᕿᑭᑕᓂ ᓄᓇᓕᖕᓂᑦ ᐳᓚᕋᓐᓂᖃᖅᑎᓪᓗᒋᑦ ᐋᔩᕋᕈᑎᖃᖅᑐᑎᒃ ᑕᒫᓂ ᐅᐱᕐᖔᖑᖅᑲᐅᔪᖅ.

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᒫᓐᓇ ᐱᑕᖃᓕᖅᑐᑦ ᐸᐃᕆᕕᓕᕆᔾᔪᑎᓂᒃ ᐊᒻᒪ ᐃᓕᓐᓂᐊᕐᓂᐊᓕᓵᖅᑐᓄᑦ ᐱᓕᒻᒪᒃᓴᐅᑏᑦ ᐱᓕᕆᐊᑦ ᐃᓚᖃᖅᑐᑦ ᒪᕐᕈᐃᓕᖓᔫᖕᓂᑦ:  ᐊᖓᔪᖅᑳᕆᔭᐅᔪᑦ ᐊᑭᑭᓪᓕᒋᐊᖅᓯᒪᔾᔪᑎᖏᑦ ᐸᐃᕆᕕᖕᓄᑦ ᐊᒻᒪ ᓄᑖᓄᑦ ᐃᑲᔫᑕᐅᓂᐊᖅᑐᓄᑦ ᐸᐃᕆᕕᖕᓄᑦ.

ᕿᑭᖅᑕᓂ ᐃᓚᒌᑦ ᑎᑎᖅᑕᐅᓯᒪᔪᑦ ᓄᓇᑖᕈᑎᓂ ᐊᑎᖃᖃᑕᐅᔪᑦ ᕿᑐᓐᖓᖃᖅᑐᑦ ᑎᑎᖅᑕᐅᓯᒪᓪᓗᑎᒃ ᐊᐃᕆᕕᖕᓃᑦᑐᑦ ᓚᐅᓴᓐᓯᖃᖅᑐᓂ ᐸᐃᕆᕕᖕᓂ.  ᕿᑭᖅᑕᓂ ᐃᓄᐃᑦ ᐊᖓᔪᖅᑳᕆᔭᐅᔪᑦ ᒫᓐᓇᐅᔪᖅ ᑲᑭᕙᒃᑯᓐᓂᒃ ᐃᑲᔫᓯᐊᖅᐸᒃᑐᑦ $19/ ᐅᓪᓗᖅ ᐊᑕᐅᓯᖅ ᐊᑭᑭᓪᓕᒋᐊᕈᑎᒋᓂᐊᖅᑕᖏᑦ  ᒫᓐᓇ ᐱᖃᑦᑕᓕᖅᑐᑦ $24/ᐅᓪᓗᕐᒧᑦ ᐊᑭᑭᓪᓕᒋᐊᕈᑏᑦ ᐊᐃᕆᕕᖕᓄᑦ.

ᑖᒃᑯᐊ ᐊᑭᑭᓪᓕᒋᐊᖅᓯᒪᔾᔪᑏᑦ ᓴᖅᑭᑎᑕᐅᓯᒪᓂᐊᖅᑐᑦ ᐅᒃᑑᕝᕙ 2017 ᑎᑭᓪᓗᒍ ᒫᔾᔨ 2019 ᐊᑭᖏᑦ ᑎᑭᒍᓐᓇᖅᑐᑎᒃ  $1,250/ ᐊᑕᐅᓯᕐᒧᑦ ᓱᕈᓯᕐᒧᑦ ᐊᕐᕌᒍᑕᒫᑦ ᑮᓇᐅᔭᖅᑐᓗᐊᓐᖏᓐᓂᖅᓴᐅᔾᔪᑕᐅᓪᓗᑎᒃ ᕿᑭᖅᑕᓂ ᐊᖓᔪᖅᑳᕆᔭᐅᔪᓄᑦ.

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐋᖅᑭᒃᓱᐃᕙᓪᓕᐊᖕᒥᔪᑦ ᓄᑖᓂᒃ ᐃᓕᖅᑯᓯᑎᓐᓄᑦ ᑐᕌᖓᓂᖅᓴᓂᒃ ᐃᑲᔫᑎᒃᓴᓂᒃ ᐸᐃᕆᕕᖕᓂ ᕿᑭᖅᑕᓂ. ᐊᒥᓱᑦ ᐊᖓᔪᖅᑳᕆᔭᐅᔪᑦ ᓇᓗᓇᐃᖅᓯᓯᒪᖕᒪᑕ ᐱᑕᖃᕆᐊᖃᕐᓂᖏᓐᓂᒃ ᐃᑲᔫᑎᒃᓴᑦ – ᓲᕐᓗ ᐅᖃᓕᒫᒐᑦ ᐅᕝᕙᓘᓐᓃᑦ ᐱᓐᖑᐊᑦ, ᐃᓄᒃᑎᑑᖅᑐᑦ ᐊᒻᒪ ᒪᓕᒃᓯᒪᔪᑦ ᐃᓄᐃᑦ ᐃᓕᖅᑯᓯᖏᓐᓂᒃ.  ᑕᒪᒃᑯᐊ ᐃᑲᔫᑎᒃᓴᑦ ᑐᓂᔭᐅᔪᓐᓇᖅᓯᓂᐊᖅᑐᑦ ᕿᑭᖅᑕᓂ ᐊᐃᕆᕕᖕᓄᑦ ᐊᕐᕌᒍᐊᓂ 2018.

ᐋᖅᑭᒃᓱᐃᓯᒪᖕᒥᔪᒍᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐃᓕᖅᑯᓯᓕᕆᓂᕐᒧᑦ ᐱᓕᕆᐊᖏᑦ  (Q-CAP).   ᑖᓐᓇ ᐱᓕᕆᐊᖅ ᓴᖅᑭᑎᑦᓯᒍᑕᐅᓂᐊᖅᑐᖅ ᑎᑭᒍᓐᓇᕐᓗᒍ  $33,000/ ᐊᕐᕌᒍᑕᒫᑦ ᐃᓕᖅᑯᓯᓕᕆᓂᕐᒧᑦ ᐱᓕᕆᐊᓄᑦ ᕿᑭᖅᑕᓂ ᓄᓇᓕᐅᔪᓂ.

ᕿᑭᖅᑕᓂ ᐃᓄᐃᑦ ᓇᓗᓇᐃᖅᓯᓯᒪᖕᒪᑕ ᐱᑕᖃᕆᐊᖃᕐᓂᖏᓐᓂᒃ ᐃᓕᖅᑯᓯᓕᕆᔾᔪᑏᑦ ᐃᑲᔫᑎᒐᔭᖅᑐᖅ ᐃᓕᖅᑯᓯᑐᖃᒃᑯᑦ ᐊᔪᕈᓐᓃᖅᓴᓂᕐᒥᑦ ᐊᒻᒪ ᓴᓐᖏᒃᑎᑉᐹᓪᓕᕈᑎᒃᓴᓂᒃ ᐃᓄᐃᑦ ᑭᓇᐅᓂᖏᓐᓂᒃ.  ᐱᑕᖃᕆᐊᖃᕐᓂᕋᐃᖕᒥᔪᑦ ᓇᓗᓇᐃᖅᓯᓪᓗᑎᒃ ᐃᓕᖅᑯᓯᓕᕆᔾᔪᑎᓂᒃ ᐱᓕᕆᐊᓂᒃ ᓴᖅᑭᐅᒪᑎᑦᓯᖁᓪᓗᒋᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ.

ᑖᒃᑯᐊ ᐱᔾᔪᑎᒋᓪᓗᒋᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᓴᖅᑭᑎᑦᓯᔪᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐃᓕᖅᑯᓯᓕᕆᓂᕐᒧᑦ ᐱᓕᕆᐊᖏᑦ  ᒪᓂᒪᓂᐊᖅᑐᑦ ᒪᕐᕈᐃᓕᖓᓗᑎᒃ:

• ᓯᕗᓪᓕᖅᐹᖅ ᑐᒃᓯᕋᐅᑏᑦ ᒪᓕᒃᓯᒪᓗᑎᒃ  ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐃᓕᖅᑯᓯᓕᕆᓂᕐᒧᑦ ᐱᓕᕆᐊᖏᓐᓂᒃ  .
  • ᑕᒪᓐᓇ ᐊᑐᖅᑕᐅᒋᐊᓕᒃ ᐊᔾᔨᐸᓗᒋᓂᐊᖅᑕᖓ ᓴᖅᑭᐅᒪᑎᓚᐅᖅᑕᑦᑕ ᓄᓇᓕᖕᓂ ᐱᒋᐊᖅᑎᑦᓯᓂᕐᒧᑦ ᐱᓕᕆᐊᑦ.

ᓄᓇᓕᖕᓂ ᑲᑐᔾᔨᔪᑦ, ᑲᑐᔾᔨᖃᑎᒌᑦ ᐅᕝᕙᓘᓐᓃᑦ ᐊᑐᓃᖅᑐᑦ ᐃᓄᐃᑦ ᑐᒃᓯᕋᕈᓐᓇᖅᑐᑦ ᑮᓇᐅᔭᖅᑑᑎᒃᓴᓂᒃ ᓴᖅᑭᐅᒪᑎᑦᓯᓂᐊᕐᓗᑎᒃ ᐃᓕᖅᑯᓯᓕᕆᓂᕐᒧᑦ ᐱᓕᕆᐊᓂᒃ ᑕᐅᑐᒐᕆᓗᒋᑦ ᓄᓇᒦᓐᓂᖅ ᐅᕝᕙᓘᓐᓃᑦ ᒥᖅᓱᕐᓂᕐᒨᖓᔪᑦ ᐱᓕᕆᐊᑦ.  ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐃᖅᑲᓇᐃᔭᖅᑎᖏᑦ ᒫᓐᓇ ᐱᓕᕆᐊᖃᖅᑐᑦ ᐋᖅᑭᒃᓯᒪᓂᒃᓴᖏᓐᓂᒃ ᑐᒃᓯᕋᕐᓗᓂ ᐃᓕᖅᑯᓯᐅᒋᐊᓖᑦ ᐊᒻᒪ ᒪᓕᒋᐊᓖᑦ.  ᑖᒃᑯᐊ ᐃᓕᖅᑯᓯᓕᕆᓂᕐᒧᑦ ᐱᓕᕆᐊᓄᑦ ᑐᒃᓯᕋᐅᑏᑦ-ᐱᓕᕆᐊᓄᑦ ᐱᒋᐊᕐᓂᐊᖅᑐᑦ ᐊᕐᕌᒍᐊᓂ 2018.

• ᑐᒡᓕᐊᓂ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᓴᖅᑭᐅᒪᑎᑦᓯᔨᐅᓗᑎᒃ ᑖᒃᑯᓂᖓ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐃᓕᖅᑯᓯᓕᕆᓂᕐᒧᑦ ᐱᓕᕆᐊᓂᒃ.

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ  ᐃᖅᑲᓇᐃᔭᖅᑎᖏᑦ ᐱᓕᕆᖃᑎᖃᖅᑐᑦ ᓄᓇᓕᖕᓂᑦ ᐃᑲᔪᖅᑎᒋᓪᓗᒋᑦ ᐱᕙᓪᓕᐊᑎᑕᐅᓂᖏᓐᓂᒃ ᐊᒻᒪ ᐆᒃᑐᕋᐅᑕᐅᔪᑦ ᐃᓕᖅᑯᓯᓕᕆᔾᔪᑏᑦ ᐱᓕᕆᐊᑦ.  ᑖᒃᑯᐊ ᐱᓕᕆᐊᑦ ᓴᖅᑭᐅᒪᑎᑕᓂᐊᖅᑐᑦ ᑖᒃᑯᓄᖓ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᓄᑦ ᓄᓇᓕᖕᓂ, ᓴᖅᑭᓯᒪᕕᐅᓐᖏᑦᑐᓂ ᐃᓕᖅᑯᓯᓕᕆᔾᔪᑎᓂᒃ ᑐᒃᓯᕋᐅᑎᓂᒃ ᐱᓕᕆᐊᒧᑦ.  ᑖᒃᑯᐊ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᑕᖅᑭᐅᒪᑎᑕᖏᑦ ᐃᓕᖅᑯᓯᓕᕆᔾᔪᑏᑦ ᐱᓕᕆᐊᑦ ᐱᒋᐊᖅᑕᐅᓂᐊᖅᑐᑦ ᐊᕐᕌᒍᐊᓂ 2018-19.

ᑖᒃᑯᐊ ᓄᑖᑦ ᐱᓕᕆᐊᑦ ᐱᒋᐊᖅᓯᒪᔪᑦ ᑖᒃᑯᓇᓐᖓᑦ ᓄᑖᓂᒃ ᑮᓇᐅᔭᖅᑖᖅᐸᓪᓕᐊᓂᕐᒧᑦ ᐊᑐᐊᒐᕐᓂᒃ ᓴᖅᑭᑎᑕᐅᓚᐅᖅᑐᑦ ᑭᖑᕚᓄᑦ ᑮᓇᐅᔭᑦ ᐊᒻᒪ ᐃᑲᔫᑎᒃᓴᓄᑦ ᑮᓇᐅᔭᑦ.  ᑖᒃᑯᐊ ᑭᖑᕚᓄᑦ ᐃᑲᔫᑎᒃᓴᑦ ᐱᕈᖅᐸᓪᐊᓕᓂᖏᑦ ᑮᓇᐅᔭᑎᒍᑦ ᐃᑲᔫᑕᐅᓂᐊᖅᑐᑦ ᐃᑲᔫᑎᓄᑦ ᑮᓇᐅᔭᓄᑦ ᐅᓄᖅᓯᕙᓪᓕᐊᔾᔪᑕᐅᓗᑎᒃ ᐱᓕᕆᐊᒃᓴᓄᑦ ᐃᑲᔫᑎᓂᒃ ᐃᓄᖕᓄᑦ.

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐄᐱᑎᑮ ᐱᓕᕆᐊᖏᑦ

ᐊᓯᐊᑦᑕᐅᖅ ᐊᖏᔪᖅ ᐊᖏᕈᑕᐅᓚᐅᖅᑐᖅ ᐊᕐᕌᒍᑕᒫᖅᓯᐅᒻᒥᒃ ᑲᑎᒪᕕᒡᔪᐊᕐᓂᕐᒥ ᑖᒃᑯᐊ  ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐃᐱᑎᑮ ᐱᓕᕆᐊᑦ.  ᑖᓐᓇ ᓄᑖᖅ ᐱᓕᕆᐊᖅ ᐋᖅᑭᒃᓱᖅᑕᐅᓯᒪᔪᖅ ᐃᑲᔫᑎᖁᓪᓗᒍ ᐸᐃᕆᕕᖕᓄᑦ ᕿᑭᖅᑕᓂ ᐱᕈᖅᐸᓪᓕᐊᔾᔪᑎᒃᓴᑦ ᐊᔪᕈᓐᓃᖅᓴᓂᒃᑯᑦ.

ᐄᐱᑎᑮ ᐋᖅᑭᒃᓱᖅᑕᐅᓯᒪᖕᒥᔪᑦ ᐅᓄᖅᓯᒋᐊᕈᑎᒃᓴᓂᒃ ᐃᓕᖅᑯᓯᕐᓅᖓᔪᓂᒃ ᐊᒻᒪ ᐅᖃᐅᓯᕐᓄᑦ ᓈᒻᒪᒃᑐᓂᒃ ᐃᓕᓐᓂᐊᕐᓂᐊᓕᓵᖅᑐᓄᑦ ᐃᑲᔫᑎᒃᓴᑦ.  ᑖᒃᑯᐊ ᐱᓕᕆᐊᑦ ᐱᒋᐊᕐᓂᐊᖅᑐᑦ ᓴᖅᑭᑎᑕᐅᓗᑎᒃ  2018 ᐊᒻᒪ 2019.

ᐊᑖᒍᑦ ᐄᐱᑎᑮ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᓴᖅᑭᐅᒪᑎᑦᓯᓂᐊᖅᑐᑦ ᓯᑕᒪᓂᒃ ᐱᓕᕆᐊᒃᓴᓂᒃ ᕿᑭᖅᑕᓂ.  ᓯᕗᓪᓕᖅᐹᖅ ᐄᐱᑎᑮ ᐱᓕᕆᐊᖑᓂᖓ ᑐᕌᖓᔪᖅ  ᐃᓚᒌᓄᑦ ᐅᖃᓕᒫᕆᐅᖅᓴᓂᕐᒧᑦ ᑲᑎᖅᓱᖅᓯᒪᔪᑦ.  ᑖᒃᑯᐊ ᐃᑲᔫᑎᒃᓴᑦ ᑲᑎᖅᓱᖅᓯᒪᔪᑦ ᓴᖅᑭᑎᑕᐅᓂᐊᖅᑐᑦ ᐃᓘᓐᓇᖏᓐᓄᑦ ᓱᕈᓯᕐᓄᑦ ᕿᑭᖅᑕᓂ ᐃᓕᓐᓂᐊᕐᓂᐊᓕᓵᖅᑐᓄᑦ ᐊᕐᕌᒍᐊᓂ ᓯᑎᐱᕆ 2018.  ᑖᒃᑯᐊ ᐃᑲᔫᑏᑦ ᐃᓚᖃᕐᓂᐊᖅᑐᑦ ᐅᖃᓕᒫᒐᕐᓂᑦ, ᐱᓐᖑᐊᒐᒃᓴᓂᒃ, ᐱᓕᕆᐊᒃᓴᓂᒃ ᑎᑎᕋᖅᓯᒪᔪᑎᒍᑦ ᐊᒻᒪ ᐊᓯᖏᑦ ᐊᔾᔨᐅᖏᑦᑐᑦ ᐃᑲᔫᑎᒃᓴᑦ ᐃᓚᒌᑦ ᐅᖃᓕᒫᕆᐅᖅᓴᓂᖏᓐᓄᑦ.

ᑐᒡᓕᐊᓂ ᐱᓕᕆᐊᑦ ᐄᐱᑎᑮᒃᑰᖅᑐᑦ  ᐃᓐᓇᒻᒪᕇᑦ ᐸᕆᕕᖕᒦᓐᓂᖏᓐᓄᑦ ᐱᓕᕆᐊᑦ.  ᑕᒪᓐᓇ ᐱᒋᐊᖅᑎᑕᐅᓯᒪᔪᖅ ᐃᑲᔪᖅᓱᐃᔾᔪᑕᐅᓪᓗᓂ ᐃᓐᓇᒻᒪᕇᑦ ᐃᓚᐅᖁᓪᓗᒋᑦ ᐸᐃᕆᕕᖕᓂ ᕿᑭᖅᑕᓂ.

ᐱᖓᔪᐊᑦ ᐄᐱᑎᑮ ᐱᓕᕆᐊᒃᓴᖓ  ᐸᐃᕆᕕᓕᕆᓂᕐᒧᑦ ᑲᑎᒪᕕᒡᔪᐊᓂᖅ.  ᑕᒪᓐᓇ ᑲᑎᒪᕕᒡᔪᐊᕐᓂᖅ ᐱᑕᖃᖅᑎᑕᐅᓂᐊᖅᑐᖅ ᐱᕕᒃᓴᖃᕐᕕᐅᓗᓂ 3-5 ᐅᓪᓗᓄᑦ ᐃᓕᓐᓂᐊᕐᓗᑎᒃ ᐊᒻᒪ ᐱᓕᒻᒪᒃᓴᕐᓗᑎᒃ ᐸᐃᕆᕕᖕᒥ ᐊᐅᓚᑦᑎᔨᐅᓂᕐᒧᑦ ᕿᑭᖅᑕᓂ.

ᓯᑕᒪᖓᑦ ᑖᒃᑯᐊ ᐄᐱᑎᑮ ᐱᓕᕆᐊᑦ ᐃᓕᓐᓂᐊᕐᕕᐅᓗᓂ ᐸᐃᕆᕕᓕᕆᓂᕐᒧᑦ ᑲᑎᒪᔨᓄᑦ. ᐄᐱᑎᑮ ᐱᓕᕆᐊᑦ ᑮᓇᐅᔭᖃᖅᑎᑕᐅᓪᓗᑎᒃ $500,000 ᑖᒃᑯᓇᓐᖓᑦ ᒪᑭᒋᐊᖅᑕ, ᐋᖅᑭᒃᑕᐅᓯᒪᔪᑦ ᑖᒃᑯᓄᖓ ᒪᑭᒋᐊᖅᑕ ᐃᓕᓐᓂᐊᕐᓂᕐᒧᑦ ᑯᐊᐳᕇᓴᓐ.

ᑖᒃᑯᐊ ᑮᓇᐅᔭᑦ ᐱᔭᐅᕙᒃᑐᑦ ᐊᖏᕈᑎᖏᑎᒍᑦ ᑖᒃᑯᐊ ᓄᓇᕗᑦ ᑐᓐᖓᕕᒃ ᑎᒥᖓᑦ ᐊᒻᒪ ᒐᕙᒪᑐᖃᒃᑯᑦ.