ᐅᓪᓗᖓ ᓴᖅᑭᑕᖅ: ᒪᐃ 12, 2021
ᐱᔾᔪᑦ: ᕿᑭᖅᑕᓃᒃᑯᑦ ᐃᓱᒫᓗᖕᓇᖅᓯᑐᒦᑎᓪᓗᑕ ᓅᓐᓂᕐᒧᑦ/ᓄᓇᓕᐊᕐᓂᕐᒧᓪᓗ ᐃᑲᔫᑎᑦ, ᐃᖃᓗᖕᓂ ᑭᙵᕐᓂᓗ.  

ᐱᔾᔪᑎᒋᓪᓗᒍ ᓯᐊᒻᒪᒃᐸᓪᓕᐊᓂᖓᓂᒃ ᓄᕙᓐᓇᕐᔪᐊᖅ-19 ᓄᓇᓕᖕᓂ ᓄᕙᓐᓇᕐᔪᐊᖃᖅᑐᓂᒃ  ᐅᕝᕙᓘᓐᓃᑦ ᓄᕙᓐᓇᕐᔪᐊᖃᓚᐅᖅᑐᓂᒃ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᒪᑐᐃᖅᓯᒃᑲᓐᓂᖅᑐᑦ ᐃᓱᒫᓗᖕᓇᖅᑐᒦᑎᓪᓗᑕ ᐃᑲᔫᑎᓂᒃ ᓅᓐᓂᕐᒧᑦ/ᓄᓇᓕᐊᕐᓂᕐᒧᓪᓗ ᐱᓕᕆᐊᖓᓂ ᐃᓄᖕᓄᑦ ᑭᙵᕐᓂ ᐃᖃᓗᓐᓂ.

ᓄᕙᓐᓇᕐᔪᐊᖅ-19 ᐱᓪᓗᒍ ᓅᓐᓂᕐᒧᑦ/ᓂᓕᐊᕐᓂᕐᒧᓪᓗ ᐃᑲᔫᑎᖓ ᐊᑯᓂᐅᓂᐊᙱᑦᑐᒥᒃ ᑮᓇᐅᔭᑎᒍᑦ ᐃᑲᔫᑎᒋᔭᐅᓇᓱᒃᑐᑦ ᐃᓄᖕᓄᑦ ᐊᒃᑐᖅᑕᐅᓯᒪᔪᓄᑦ ᓄᕙᓐᓇᕐᔪᐊᖅ-19ᒧᑦ.  ᐊᑕᐅᓯᐊᕐᓗᑎᒃ $1,500ᓂ ᑮᓇᐅᔭᖅᑖᕐᓂᐊᖅᑐᑦ ᐊᑐᓂ ᐃᒡᓗᖃᖅᑎᐅᔪᑦ ᑐᒃᓯᕋᕈᓐᓇᖅᑐᑦ.

ᑮᓇᐅᔭᐃᑦ ᐱᔭᐅᓯᒪᔪᑦ ᒐᕙᒪᑐᖃᒃᑯᑦ ᓄᓇᖃᖅᑐᑐᖃᑦ ᓄᓇᓕᖏᓐᓄᑦ ᐃᑲᔫᑎᒋᔭᖏᓐᓂᑦ. ᑖᒃᑯᐊ ᑮᓇᐅᔭᐃᑦ $1,235,000 ᐊᑐᖅᑕᐅᓂᐊᖅᑐᑦ ᑕᒪᑐᒧᖓ ᐱᓕᕆᐊᕐᒥ ᑭᒡᓕᒋᓗᒍ ᔫᓐ 30, 2021ᒥ ᐅᕝᕙᓘᓐᓃᑦ ᑮᓇᐅᔭᐃᑦ ᓄᖑᑕᐅᑉᐸᑕ.

ᑖᒃᑯᐊ ᐃᑲᔫᑎᑦ ᐊᑐᖅᑕᐅᒍᓐᓇᖅᑐᑦ ᐃᑲᔫᑕᐅᓗᑎᒃ ᐃᓕᖕᓂ ᐃᓚᒋᔭᕐᓂᓗ ᐃᓄᑑᒋᐊᖅᑐᕈᓐᓇᕐᓗᓯ ᓄᓇᒧᑦ ᖃᓂᒪᓇᖅᑐᖃᖅᑎᓪᓗᒋᑦ ᐃᖃᓗᓐᓂ ᑭᙵᕐᓂᓘᓐᓃᑦ.  ᐅᖅᓱᖅᑖᕈᑎᒋᔭᐅᓗᓂᓘᓐᓃᑦ, ᓴᒃᑯᓂᒃ, ᑕᖁᐊᒃᓴᓂᒃ, ᐊᓯᖏᓐᓂᒡᓘᓐᓃᑦ ᐱᖁᑎᓂᒃ ᐊᑐᕆᐊᖃᖅᑕᕐᓂ ᓅᓯᒪᑎᓪᓗᓯ.  ᐅᐱᕐᖔᕐᒥ ᐊᐅᓕᖅᑎᓪᓗᒍ ᐃᖃᓗᓐᓂ, ᐊᑐᖅᑕᐅᔪᓐᓇᕐᒥᔪᖅ ᓱᕐᓗ ᐅᒥᐊᖅᑐᕐᓇᖅᓯᐸᓪᓘᓐᓃᑦ.

ᑐᒃᓯᕋᐅᑎᑦ ᑐᓂᔭᐅᓯᒪᓕᖅᑎᓪᓗᒍ, ᐅᑕᖅᑭᒋᐊᖃᕐᓂᐊᖅᑐᓯ 10ᓂᑦ 15ᓄᑦ ᐅᓪᓗᓂ ᕿᒥᕐᕈᔭᐅᒋᐊᖃᕐᓂᖓᓄᑦ ᐊᖏᖅᑕᐅᒋᐊᖃᕐᓂᖓᓂᓗ.  ᐊᖏᖅᑕᐅᓯᒪᓕᖅᐸᑦ, ᓯᒃᑭᓕᐅᕐᓗᑎ ᓇᒃᓯᐅᔾᔭᐅᓗᑎᒃ ᑎᑎᖅᑲᒃᑯᕕᒃᑯᑦ.

ᑐᒃᓯᕋᖃᑕᐅᒍᒪᒍᕕᑦ ᖃᕆᓴᐅᔭᒃᑯᑦ ᐅᕗᙵᕐᓗᑎ: https://www.qia.ca/iu/ᐳᕝᕕᕆᓐᓇᖅᑐᖅ-ᖃᓂᒪᓇᖅ19-ᕿᑭᖅᑕᓃᒃ/

ᑐᑭᓯᒃᑲᓐᓂᕈᒪᒍᕕᑦ ᑐᒪᑐᒥᖓ ᐱᓕᕆᐊᕐᒥ, ᓇᒃᓯᐅᔾᔨᒍᓐᓇᖅᑐᑎᑦ ᐃᕐᖐᓐᓈᕈᑎᑎᒍᑦ ᐅᕗᖓ: COVID-19@qia.ca ᐅᕝᕙᓘᓐᓃᑦ
ᐅᖄᓚᐅᑖ: 1-867-975-8383.

ᑐᑭᓯᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒃᓴᖅ:
ᕕᐅᓪ ᕼᐋᑉᑭᓐᔅ, ᑐᑭᒧᐊᒃᑎᑦᑎᔨᐅᑲᐃᓐᓇᖅᑐᖅ ᑐᓴᖃᑦᑕᐅᑎᓕᕆᓂᕐᒧᑦ,
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
whopkins@qia.ca
867.975.8413 ᐅᕝᕙᓘᓐᓃᑦ
1.800.667.2742