ᐃᓄᖕᓄᑦ ᑐᓴᒐᒃᓴᖅ – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᒪᑐᐃᖅᓯᒃᑲᓐᓂᖅᑐᑦ ᕿᑭᖅᑕᓂᒥᐅᑦ ᐃᓄᐃᑦ ᖃᓪᓗᓈᓃᑦᑐᓄᑦ ᐃᑲᔫᑎᒥᒃ −ᑐᒃᓯᕋᐅᑎᓕᐅᕈᒪᔪᓄᑦ ᓂᕆᔭᒃᓴᖃᑦᑎᐊᕆᐊᖃᕐᓂᕐᒧᑦ ᑐᕌᖓᔪᒥᒃ
ᐱᔾᔪᑦ: ᕿᑭᖅᑕᓂᒥᐅᑦ ᐃᓄᐃᑦ ᖃᓪᓗᓈᓃᑦᑐᓄᑦ ᐃᑲᔫᑎ – ᓂᕆᔭᒃᓴᖃᑦᑎᐊᕆᐊᖃᕐᓂᕐᒨᖓᔪᓂᒃ ᑐᒃᓯᕋᐅᑎᓕᐅᕈᒪᔪᓄᑦ ᒪᑐᐃᖅᑕᐅᔪᖅ
ᐅᓪᓗᖅ ᐱᒋᐊᖅᑕᐅᓂᖓ: ᔭᓐᓄᐊᓕ 17, 2022
ᐃᖃᓗᐃᑦ, ᓄᓇᕗᑦ – ᔭᓐᓄᐊᓕ 17, 2022 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᑎᒍᓯᕙᓪᓕᐊᓕᕐᒥᔪᑦ ᑐᒃᓯᕋᐅᑎᓂᒃ ᑐᒃᓯᕋᐅᑎᓕᐅᕈᒪᔪᓄᑦ ᕿᑭᖅᑕᓂᒥᐅᑦ ᐃᓄᐃᑦ ᖃᓪᓗᓈᓃᑦᑐᓄᑦ ᐃᑲᔫᑎᒥᒃ − ᓂᕆᔭᒃᓴᖃᑦᑎᐊᕆᐊᖃᕐᓂᕐᒧᑦ ᑐᕌᖓᓪᓗᓂ. ᑖᓐᓇ ᐃᑲᔫᑎ ᐊᑕᐅᓯᐊᖅᑕᐅᓗᓂ $500.00ᑖᕐᓂᐊᖅᑐᑦ ᐊᑐᓂ ᐃᒡᓗᖃᖅᑎᐅᔪᑦ, ᕿᑭᑦᑕᓂᒥᐅᑕᐅᔪᓄᑦ ᖃᓪᓗᓈᓃᓕᖅᑐᓂᒃ. ᑖᓐᓇ ᐃᑲᔫᑎ ᐃᒫᒃ ᐋᖅᑭᒃᓯᒪᔪᑦ ᑕᐃᒃᑯᐊ ᑐᒃᓯᕋᐅᑎᓕᐅᖅᑳᖅᑐᑦ ᑐᓂᔭᐅᖅᑳᖃᑦᑎᐊᕐᓂᐊᖅᑐᑦ, ᔭᓐᓄᐊᓕ 31ᒧᑦ ᑎᑭᓪᓗᒍ ᐅᕝᕙᓘᓐᓃᑦ ᑮᓇᐅᔭᐃᑦ ᓄᖑᑕᐅᑉᐸᑕ.
ᑖᓐᓇ ᐃᑲᔫᑎ ᓂᕆᔭᒃᓴᖃᑦᑎᐊᕆᐊᖃᕐᓂᕐᒧᑦ ᑐᕌᖓᔪᖅ ᐊᑐᐃᓐᓇᔪᖅ ᕿᑭᖅᑕᓂᒥᐅᑦ ᐃᓄᖕᓄᑦ ᓄᓇᕘᑉ ᓯᓚᑖᓃ ᓇᔪᖅᑐᓂᒃ ᐊᒻᒪᓗ 16ᓂ ᐅᖓᑖᓂ ᐊᕐᕌᒍᖃᕈᕕᑦ ᐊᕐᕌᒍᑖᕐᓂᐊᕈᕕᓪᓘᓐᓃᑦ ᒫᑦᓯ 31, 2022ᒥ. ᑖᓐᓇ ᐃᑲᔫᑎ ᐋᖅᑭᒃᓯᒪᔪᑦ ᐊᑕᐅᓯᐊᖅᑕᐅᓗᓂ ᐊᑭᓕᖅᑕᐅᓂᐊᖅᑐᖅ ᐊᑐᓂ ᐃᒡᓗᖃᖅᑎᐅᔪᑦ. ᐊᑕᐅᓯᕐᒥᙶᖅᑐᑦ ᐃᒡᓗᒥᐅᑕᐅᖃᑕᐅᔪᑦ ᐱᓇᓱᒃᑐᖃᒃᑲᓐᓂᖅᐸᑦ ᑐᓂᔭᐅᔾᔮᙱᑦᑐᑦ. ᐊᑭᓕᖅᑕᐅᓂᐊᖅᑐᑦ ᓯᒃᑭᒃᑯᑦ ᐊᒻᒪ ᓇᒃᓯᐅᔾᔭᐅᓗᑎᒃ ᑎᑎᖅᑲᒃᑯᕕᒃᑯᑦ. ᑐᒃᓯᕋᖅᑐᑦ ᐅᑕᖅᑭᓂᐊᖅᑐᒃᓴᐅᕗᑦ 4ᓂ ᐱᓇᓱᐊᕈᓯᓂᒃ ᐱᓕᕆᐊᖑᓂᖏᓐᓂ.
ᐱᓇᓱᖃᑕᐅᒍᒪᒍᕕᑦ ᖃᐅᔨᒋᐊᕐᓗᑎᑦ ᐅᕗᖓ ᖃᕆᓴᐅᔭᒃᑯᑦ: https://www.qia.ca/food-security-qikiqtani-urban-inuit-program/. ᐃᑲᔪᖅᑕᐅᒋᐊᖃᕈᕕᑦ ᑐᒃᓯᕋᐅᑎᓕᐅᕐᓂᕐᒥᒃ, ᐅᕝᕙᓘᓐᓃᑦ ᐊᓯᖏᓐᓂᑦ ᕿᑭᖅᑕᓃᒃᑯᑦ ᓄᕙᓐᓇᕐᔪᐊᖅ-19ᒨᖓᔪᓂᒃ ᐱᓕᕆᐊᓂᒃ ᐅᖄᓚᒍᓐᓇᖅᑐᑦ ᐅᕗᖓ (867) 975-8383, ᐅᕝᕙᓘᓐᓃᑦ ᐃᕐᖐᓐᓈᕈᑎᒃᑯᑦ ᓇᒃᓯᐅᔾᔨᓗᑎᑦ ᐅᕗᖓ COVID-19@qia.ca.
ᑖᓐᓇ ᕿᑭᖅᑕᓂᒥᐅᓄᑦ ᐃᓄᖕᓄᑦ ᖃᓪᓗᓈᓃᑦᑐᓄᑦ ᐱᓕᕆᐊᖓ ᐅᐃᒍᒋᐊᕈᑎᒋᔭᐅᓯᒪᔪᖅ ᕿᑭᖅᑕᓃᒃᑯᑦ ᓯᕗᓪᓕᕐᒥᑦ ᒪᓂᒪᑎᓚᐅᖅᑕᖓᓂᑦ ᓄᕙᓐᓇᕐᔪᐊᖅ-19ᒥᑦ ᓂᕆᔭᒃᓴᖃᑦᑎᐊᕆᐊᖃᕐᓂᕐᒧᑦ ᐱᓕᕆᐊᖑᔪᓂᑦ. ᑖᒃᑯᐊ ᑮᓇᐅᔭᐃᑦ ᐱᓯᒪᔪᑦ ᓄᓇᖃᖅᑐᑐᖃᓕᕆᔨᓂᑦ ᑮᓇᐅᔭᖏᓐᓂᑦ. ᑮᓇᐅᔭᐃᑦ ᐊᑐᖅᑐᒃᓴᑦ $500,000ᖑᔪᑦ.
ᑐᑭᓯᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒃᓴᖅ:
ᐃᓄᒃᓱᒃ ᐊᒃᓴᕐᓂᖅ
ᐱᓕᕆᐊᓄᑦ ᐊᐅᓚᑦᑎᔨ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
COVID-19@qia.ca
(867)975-8383 ᐅᕝᕙᓘᓐᓃᑦ
1.800.667.2742