ᐅᓪᓗᖓ ᓴᖅᑭᑕᖅ: ᒪᐃ 7, 2019

ᖃᓄᐃᓕᐅᕐᓂᖓ: ᑐᒃᓯᕋᐅᑎᓕᐅᕈᒪᔪᓄᑦ; ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ, ᐃᓕᖅᑯᓯᓕᕆᓂᕐᒧᑦ ᓄᓇᓕᖕᓄᓪᓗ ᐱᒋᐊᕈᑎᒃᓴᓄᑦ: ᐊᕐᓇᓄᑦ ᐊᒻᒪᓗ ᐊᖑᑎᓄᑦ ᑭᒡᒐᖅᑐᖅᑎᒃᓴᓂ.

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᕿᓂᕐᒪᑕ ᐅᒻᒪᕆᒃᑐᒥᒃ ᐊᒻᒪᓗ ᐱᔪᓐᓇᕐᓂᖃᑦᑎᐊᖅᑐᒥᓪᓗ ᐃᓄᖕᓂᒃ ᑲᑎᒪᔨᒃᓴᐅᓇᔭᖅᑐᓄᑦ ᑲᑎᒪᔨᕋᓛᓂ.  ᐃᓱᒪᒋᔭᐅᓂᐊᖅᑐᑦ ᐃᒪᐃᑦᑑᒍᕕᑦ, ᐱᓕᕆᑦᑎᐊᕈᓐᓇᕐᓗᑎᒃ ᐊᒻᒪᓗ ᓇᖕᒥᓂᖅ ᐱᓂᐊᕐᓂᖃᕐᓗᑎᒃ ᑭᒡᒐᖅᑐᐃᒍᒪᓂᕐᓂᒃ ᐱᔪᒪᔭᐅᔪᓄᑦ ᕿᑭᖅᑕᓂ ᐃᓄᖕᓄᑦ ᐊᒻᒪᓗ ᑐᑭᓯᐅᒪᓗᒍ ᓄᓇᕗᒥ ᐊᖏᕈᑎᖓ ᐱᔾᔪᑎᖃᖅᑐᓄᑦ ᐱᓕᕆᐊᒃᓴᕆᔭᐅᔪᓄᑦ ᐃᓂᒃᓴᒧᑦ.  

• ᕿᑭᖅᑕᓃᒃᑯᑦ ᐃᓕᖅᑯᓯᓕᕆᓂᕐᒧᑦ ᐊᒻᒪ ᓄᓇᓕᖕᓄᓪᓗ ᐱᒋᐊᕈᑎᒃᓴᓕᕆᔨᒃᑯᑦ
  • ᐊᕐᓇᓄᑦ ᑭᒡᒐᖅᑐᖅᑎ (3ᓄᑦ ᐊᕐᕌᒍᓄᑦ)
  • ᐊᖑᑎᓄᑦ  ᑭᒡᒐᖅᑐᖅᑎ (3ᓄᑦ ᐊᕐᕌᒍᓄᑦ))
  • ᐃᓅᓱᒃᑎᓄᑦ ᑭᒡᒐᖅᑐᖅᑎ (3ᓄᑦ ᐊᕐᕌᒍᓄᑦ))

ᕿᑭᖅᑕᓃᒃᑯᑦ ᐃᓕᖅᑯᓯᓕᕆᓂᕐᒧᑦ ᐊᒻᒪ ᓄᓇᓕᖕᓄᓪᓗ ᐱᒋᐊᕈᑎᒃᓴᓄᑦ ᑲᑎᒪᔨᕋᓛᖏᑦ ᐱᓕᕆᔾᔪᓯᑖᖅᑎᑕᐅᕙᑦᑐᑦ ᕿᑭᖅᑕᓃᒃᑯᑦ ᑲᑎᒪᔨᖏᓐᓂᑦ.  ᑖᒃᑯᐊ ᑲᑎᒪᔨᕋᓛᑦ ᐅᖃᐅᔾᔨᒋᐊᖅᑎᐅᔪᑦ ᐊᒻᒪᓗ ᐊᑐᓕᖁᔨᔾᔪᑎᓂᒃ ᑐᓂᓯᕙᒃᑐᑎᒃ ᑲᑎᒪᔨᓄᑦ ᐃᓅᓯᕐᓄᑦ ᐃᓕᖅᑯᓯᕐᒥᒧᓪᓗ ᒥᒃᓵᓄᑦ ᐊᒻᒪᓗ ᐱᓕᕆᐊᒃᓴᕆᔭᐅᒋᐊᖃᖅᑐᓂᒃ ᕿᑭᖅᑖᓗᖕᒥ.  ᑖᒃᑯᐊ ᐃᓕᖅᑯᓯᓕᕆᓂᕐᒧᑦ ᑲᑎᒪᔨᕋᓛᖏᑦ ᑕᓪᓕᒪᓂᒃ ᑲᑎᒪᔨᖃᖅᑐᖅ, ᐊᒻᒪᓗ ᐃᑲᔪᖅᑕᐅᓪᓗᑎᒃ ᑐᑭᒧᐊᖅᑎᑦᑎᔨᒋᔭᐅᔪᒧᑦ ᐃᓅᓯᓕᕆᓂᕐᒧᑦ ᐸᕐᓇᐃᔨᒃᑯᓐᓂᑦ.

ᕿᑭᖅᑕᓃᒃᑯᑦ ᓇᓗᓇᐃᖅᓯᒍᒪᕗᑦ ᐃᓄᖕᓂ ᐃᓚᐅᖁᔨᓂᕐᒥᒃ ᐊᑐᓕᖅᑎᑕᐅᕙᓪᓕᐊᓂᖓᓂᒃ ᓄᓇᕗᒥ ᐊᖏᕈᑎᖓ.  ᑕᐃᒪᐃᒻᒪᑦ, ᕿᑭᖅᑕᓃᒃᑯᑦ ᐊᑐᓕᖅᑎᑦᑎᓯᒪᔪᑦ ᒪᑐᐃᖓᔪᒥᒃ ᓵᓐᖓᔭᐅᕝᕕᐅᔪᓐᓇᖅᑐᒥᓪᓗ ᖃᓄᖅᑑᕈᑎᖃᕐᓂᕐᒥᒃ ᐃᓱᒪᓕᐅᕈᑎᖃᖅᑎᓪᓗᒋᑦ ᐃᓄᖕᓂᑦ ᐱᓇᓱᒃᑐᓂ.  ᖃᐅᔨᒪᓂᐊᖅᑯᓯ ᐸᓖᓯᒃᑯᓐᓂᑦ ᖃᐅᔨᓴᖅᑕᐅᒋᐊᖃᓛᖅᑐᑦ ᐱᕋᔭᒃᓯᒪᓐᖏᒃᑲᓗᐊᕐᒪᖔᑦ.

ᐱᓇᓲᑎᑎᑦ ᐊᒻᒪᓗ ᑎᑎᖅᑲᒥᒃ ᑐᓂᓯᔪᓐᓇᖅᑐᑎᑦ ᐃᓄᒃᑎᑐᑦ ᖃᓪᓗᓈᑎᑐᓪᓘᓐᓃᑦ, ᓇᓗᓇᐃᔭᖅᓯᒪᓗᑎᒃ ᓇᓪᓕᐊᖕᒥᒃ ᐃᓂᒃᓴᒧᑦ ᐱᓇᓱᖕᒪᖔᖅᐲᑦ, ᓇᓗᓇᐃᔭᖅᓯᒪᓗᒋᑦ ᐱᔪᓐᓇᕐᓂᕆᔭᑎᑦ ᐊᔪᓐᖏᓐᓂᕆᔭᑎᓪᓗ ᓇᒃᓯᐅᑎᓗᒋᑦ ᐅᕗᖓ:  

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ

ᑎᑎᖅᑲᓐᓂᐊᕐᕕᐊ 1340

ᐃᖃᓗᐃᑦ, ᓄᓇᕗᑦ X0A 0H0

ᐅᖄᓚᐅᑖ: (867) 975-8400

ᓱᑲᑦᑐᒃᑯᑦ: (867) 979-3238

ᐊᑭᖃᓐᖏᑦᑐᖅ: 1-800-667-2742

ᐃᕐᖐᓐᓈᖅᑕᐅᑖ: nominations@qia.ca

ᑐᑭᓯᒃᑲᓐᓂᕈᒪᒍᕕᑦ ᐱᕕᒃᓴᐅᔪᑦ ᒥᒃᓵᓄᑦ, ᖃᐅᔨᒋᐊᕐᕕᐅᔪᓐᓇᖅᑐᖅ ᕿᑭᖅᑕᓃᒃᑯᑦ ᐅᕝᕙᓘᓐᓃᑦ ᓄᓇᓕᖕᓂ ᑐᓴᐅᒪᑎᑦᑎᔨᖓ ᓄᓇᓕᔅᓯᓐᓂᑦ.  

ᐅᓪᓗᖅ ᑭᓪᓕᒋᔭᐅᔪᖅ ᐱᓇᓱᒍᒪᔪᓄᑦ ᒪᐃ 17, 2019 5:00ᒧᐊᖅᑎᓪᓗᒍ ᑲᓇᖕᓇᐅᑉ ᓯᕿᓐᖑᔭᖓ ᒪᓕᓪᓗᒍ.

ᐱᕙᓪᓕᐊᔪᓕᕆᔩᑦ ᑐᑭᓯᒍᒪᑉᐸᑕ, ᖃᐅᔨᒋᐊᕐᕕᒃᓴᖅ:

ᓰᒪ ᓴᕼᐊᕐ ᓯᐊᕋᕼᐄ, ᑐᑭᒧᐊᖅᑎᑦᑎᔨ, ᑐᓴᐅᒪᖃᑦᑕᐅᑎᓄᑦ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ

szerehi@qia.ca

(867) 975.8413

1.800.667.2742