ᐱᔾᔪᑖ: ᕿᑭᖅᑕᓂᒃᑯᑦ ᐊᖑᓇᓱᑦᑎᓄᑦ ᐃᑲᔫᑎᖏᑦ

ᐊᑐᓯᕕᖓ ᐅᓪᓗᖅ: ᓯᑎᐱᕆ 13, 2021

ᐃᖃᓗᐃᑦ, ᓄᓇᕗᑦ – ᓯᑎᐱᕆ 13, 2021 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓂᒃᑯᑦ) ᒫᓐᓇ ᑐᔅᓯᕋᐅᓯᐅᕐᕕᐅᖃᑦᑕᕈᓐᓇᓯᒻᒥᔪᑦ ᐊᖑᓇᓱᑦᑎᓄᑦ ᐃᑲᔫᑎᓄᑦ (HSP). ᑖᒃᑯᐊ ᐃᑲᔫᑏᑦ ᑐᕌᖓᔪᑦ ᐊᒥᓲᓂᕐᓴᓂᑦ ᐆᒻᒪᑦᑎᐊᕆᓐᓇᖅᑐᓂᑦ ᐃᓄᔅᓯᐅᑎᓂᑦ ᓂᕿᑖᒃᑲᓐᓂᖃᑦᑕᖁᓪᓗᒋᑦ ᕿᑭᖅᑕᓂ ᓄᓇᓖᑦ ᐃᓄᐃᑦ ᐃᑲᔪᕐᓗᒋᑦ ᐊᖑᓇᓱᑦᑏᑦ ᐱᒪᔨᒋᔭᐅᕙᑦᑐᑦ ᓄᓇᓕᓐᓄᑦ. ᐊᖑᓇᓱᑦᑎᓄᑦ ᐃᑲᔫᑏᑦ ᑮᓇᐅᔭᑦ ᐊᖑᓇᓱᖃᑦᑕᓂᕐᒧᑦ ᕿᑭᖅᑕᓂ ᓄᓇᓕᓐᓂᑦ ᓂᕿᔅᓴᖃᑦᑎᐊᓂᕐᓴᐅᖁᔨᓪᓗᑎᒃ, ᐊᒻᒪᓗᑦᑕᐅᖅ ᐊᑐᐃᓐᓇᖁᓪᓗᒋᑦ ᓯᕗᒧᐊᑦᑎᑦᑎᖁᓪᓗᒋᓪᓗ ᐃᓄᐃᑦ ᐊᖑᓇᓱᖃᑦᑕᓂᕐᒧᑦ ᐃᓕᖅᑯᓯᖏᓐᓂᒃ, ᐱᐅᓯᖏᓐᓂᒃ, ᐊᒻᒪᓗ ᐱᖅᑯᓯᖅᑎᒍᑦ ᐃᓅᓯᕆᕙᑦᑕᖏᓐᓂᒃ.

ᐊᖑᓇᓱᑦᑎᓄᑦ ᐃᑲᔫᑏᑦ ᑮᓇᐅᔭᖃᖅᑎᑦᑎᔪᑦ ᑕᓪᓕᒪᓂᑦ (5) $2,000ᓂᑦ ᐃᑲᔫᑎᓂᑦ ᐊᑐᓂᑦ ᕿᑭᖅᑕᓂ ᓄᓇᓕᖏᓐᓄᑦ 13ᓄᑦ ᓄᓇᓕᐅᔪᓄᑦ. ᐊᖑᓇᓱᑦᑏᑦ ᓂᕿᑖᖅᑎᑦᑎᖃᑦᑕᕆᐊᖃᕐᓂᐊᖅᑐᑎᒃ ᓄᓇᖅᑲᑎᖏᓐᓂᒃ ᐊᑭᖃᙱᓪᓗᒋᑦ ᐱᓇᓱᐊᖃᑕᐅᔪᒪᓂᐊᖅᑲᑕ ᐊᒻᒪᓗ ᐊᑑᑎᑎᑦᑎᓂᐊᖅᑲᑕ ᐊᑐᖅᑕᐅᔭᕆᐊᓕᓐᓂᑦ ᐱᓕᕆᐊᖅᑎᒍᑦ.

ᑮᓇᐅᔭᑦ ᑖᒃᑯᓄᖓ ᐃᑲᔫᑎᓄᑦ ᑐᓂᔭᐅᓯᒪᔪᑦ ᑲᓇᑕᐅᑉ ᒐᕙᒪᒃᑯᖏᓐᓂ ᓄᓇᖃᖅᑳᕐᓯᒪᔪᓄᑦ ᓄᓇᓕᓐᓄᑦ ᐃᑲᔫᑎᑎᒍᑦ ᑮᓇᐅᔭᑦ ᐃᓚᒋᔭᐅᓪᓗᑎᒃ ᖃᓂᒪᓇᖅᑐᖅᑕᖃᕐᓂᖓᓂ−ᓄᕙᕐᔪᐊᓇᖅᑐᒥᒃ ᐃᑲᔫᑏᑦ ᓱᓕ ᑲᔪᓯᑎᑕᐅᓪᓗᑎᒃ.

ᐱᓇᓱᐊᖃᑕᐅᔪᒪᒍᕕᑦ ᑖᒃᑯᓇᙵᑦ ᐃᑲᔫᑎᓂᑦ ᐊᑏ ᐅᕗᖓ ᖃᐅᔨᒋᐊᕐᓂᐊᖅᑯᑎᑦ https://www.qia.ca/hunters-support-program/. ᐃᑲᔪᖅᑕᐅᔪᒪᒍᕕᑦ ᑐᔅᓯᕋᐅᓯᐅᕈᑎᓄᑦ, ᐅᕝᕙᓘᓐᓃᑦ ᐊᐱᖅᑯᑎᔅᓴᖃᕈᕕᑦ ᐊᓯᖏᓐᓂᒃ ᕿᑭᖅᑕᓂᒃᑯᑦ ᐃᑲᔫᑎᒋᕙᑦᑕᖏᓐᓂᒃ, ᐊᑏ ᑐᑭᓯᒋᐊᕐᕕᖃᕐᓂᐊᖅᑯᑎᑦ ᓄᓇᔅᓯᓐᓂ ᑐᓴᐅᒪᑎᑦᑎᔨᔅᓯᓐᓂᒃ.

ᐃᑲᔫᓯᐊᖅᑖᖅᑎᑕᐅᔪᑦ ᑐᔅᓯᕋᖅᑐᒥᓃᑦ ᑐᓂᓯᔭᕆᐊᖃᓛᕐᒥᔪᑦ ᓇᓕᖅᑲᖏᓐᓂᒃ ᐊᑭᓕᐅᑎᒥᓂᖏᓐᓄᑦ ᐊᒻᒪᓗ ᑎᑎᕋᕐᓗᑎᒃ ᓇᐃᓈᕐᓯᒪᓗᒋᑦ ᐅᓂᒃᑳᓂᑦ ᐊᖑᓇᓱᓐᓂᒥᓂᖏᑕ ᒥᔅᓵᓄᑦ ᐊᒻᒪᓗ ᓂᕿᑖᖅᑎᑦᑎᖃᑦᑕᕐᓯᒪᓂᖏᑕ ᒥᔅᓵᓄᑦ.

ᑐᑭᓯᒋᐊᒃᑲᓐᓂᕈᒪᒍᔅᓯ, ᐊᑏ ᑐᑭᓯᒋᐊᕐᕕᐅᖃᑦᑕᕐᓕ:

ᓯᐴᓚ ᓅᐳᓪ, ᐊᐅᓚᑦᑎᔨ, ᑐᓐᓂᖅᑯᓯᐊᔅᓴᓅᖓᔪᓂᑦ ᐃᑲᔫᓯᐊᔅᓴᓅᖓᔪᓂᓪᓗ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ
snoble@qia.ca
(867)975-8438 ᐅᕝᕙᓘᓐᓃᑦ
1.800.667.2742