ᐅᓪᓗᖅ ᓴᖅᑭᖅᑕᐅᕕᖓ: ᔫᓂ 23 2021
ᐱᔾᔪᑖ: ᐃᖃᓗᓐᓂ ᓂᕿᑖᕈᑎᔅᓴᓂᑦ ᑐᓂᓯᐅᖅᑲᐃᓂᐅᓛᖅᑐᖅ
ᐅᓪᓗᖏᑦ ᑐᑭᓯᐅᒪᔾᔪᑎᔅᓴᐃᓪᓗ:
ᓇᒡᒐᔾᔭᐅᒥ, ᔫᓂ 28 – ᐱᖓᑦᑎᕐᒧᑦ, ᔫᓂ 30, 2021, 10ᒥ ᐅᓪᓛᒃᑯᑦ – 7ᒥ ᐅᓐᓄᒃᑯᑦ ᐊᐃᔅᓯᖃᑦᑕᕕᔅᓴᐅᓛᖅᑐᖅ ᑰᓕᖕᕕᒻᒥ, ᓇᒡᒐᔾᔭᐅᒥ, ᔫᓂ 28 – 10ᒥ ᐅᓪᓛᒃᑯᑦ – 7ᒧᑦ ᐅᓐᓄᒃᑯᑦ ᐊᐃᕝ ᐅᒃᐱᒃ ᑲᑎᕕᒻᒥ ᓂᐊᖁᙴᕐᒥ
ᑕᓪᓕᒻᒥᖅ, ᔪᓚᐃ 2 – ᓯᕙᑖᕐᕕᒃ, ᔪᓚᐃ 3 ᐊᖏᕐᕋᕆᔭᐅᔪᓄᑦ ᐸᔪᑦᑎᕆᓗᑎᒃ  

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓂᒃᑯᑦ) ᐊᒻᒪᓗ ᐊᔮᔮᒃᑯᑦ ᑲᑐᔾᔨᖃᑎᒌᑦᑐᑎᒃ ᑐᖏᓕᐊᓂ ᒪᕐᕈᐊᑎᕐᓂᐊᕐᓯᒪᒻᒪᑕ ᖃᓂᒪᓇᖅᑐᖅᑕᖃᕐᓂᖓᓄᑦ ᓄᕙᕐᔪᐊᓇᖅᑐᒥᒃ ᓂᕿᑖᕈᑎᔅᓴᖃᑦᑎᐊᖁᓪᓗᒋᑦ ᓂᐅᕕᐅᑎᔅᓴᓂᑦ ᑐᓂᓯᐅᖅᑲᐃᓛᕐᖓᑕ ᐃᖃᓗᒻᒥᐅᓄᑦ ᐃᓄᓐᓄᑦ. ᓂᐅᕕᐅᑎᔅᓴᐃᑦ ᐱᔭᔅᓴᐃᑦ ᐃᓄᓕᒫᓄᑦ ᐃᖃᓗᓐᓃᑦᑐᓄᑦ ᐅᑭᐅᓕᓐᓄᑦ 16ᓂᑦ ᐅᖓᑖᓂᓗ 16ᓂᒃ ᐅᑭᐅᖃᓕᕐᓂᐊᖅᑐᓄᑦ ᔫᓂ 30, 2021ᒥ.

ᐃᓄᐃᑦ ᓂᕿᑖᕈᑎᔅᓴᓂᑦ ᑐᓂᓯᔭᐅᖃᑦᑕᓂᐊᖅᑐᑦ ᑲᑎᑦᑐᒋᑦ $275.00 ᓂᕿᑖᕈᑎᔅᓴᐃᑦ. ᐊᑕᐅᓯᖅ ᓂᐅᕕᐅᑎᔅᓴᖅ ᐊᑭᖃᖅᑐᓂ $137.50 ᐅᑭᐅᖅᑕᖅᑐᒥ ᓂᐅᕕᕋᓚᕝᕕᒻᒥ, ᐊᒻᒪᓗ ᐊᐃᑉᐹ ᓂᐅᕕᐅᑎᔅᓴᖅ ᐊᑭᖃᖅᑐᓂ $137.50 ᓂᐅᕕᕐᕕᐊᓗᒻᒥ ᓂᐅᕕᕐᕕᒻᒥ. ᑖᓐᓇ ᑐᖏᓕᕆᓕᖅᑕᖓᓂ ᒪᕐᕈᐊᑎᕐᓂᐊᕐᓯᒪᓪᓗᑎᒃ ᑐᓂᓯᐅᖅᑲᐃᓂᐅᓛᖅᑐᖅ. ᑮᓇᐅᔭᑦ ᑖᒃᑯᓄᖓ ᓂᐅᕕᐅᑎᔅᓴᓄᑦ ᑐᓂᔭᐅᓯᒪᔪᑦ ᑖᒃᑯᓇᙵᑦ ᓄᓇᖃᖅᑐᑐᖃᕐᓄᑦ ᐱᔨᑦᑎᕋᖅᑎᓄᑦ ᑲᓇᑕᒥ ᐃᓱᒫᓗᓇᕐᓯᓯᒪᑎᓪᓗᒍ (ᑐᐊᕕᕐᓇᕐᓯᓯᒪᑎᓪᓗᒍ) ᐃᑲᔫᑎᐅᓪᓗᑎᒃ ᓄᓇᓕᐅᔪᓄᑦ ᐊᑑᑎᕕᐅᔪᓄᑦ ᖃᓂᒪᓇᖅᑐᒧᑦ.

ᐃᕝᕕᑦ ᐅᕝᕙᓘᓐᓃᑦ ᐃᓚᓪᓚᑦᑖᑦ ᐊᐃᔅᓯᔪᙱᑉᐸᑦ ᓯᕗᓪᓕᕐᒥ ᓂᐅᕕᐅᑎᔅᓴᐅᔪᔪᓂᑦ, ᓂᐅᕕᐅᑎᔅᓴᖅᑖᖃᑕᐅᔪᓐᓇᖅᑐᑦ ᐃᓄᐃᑦ ᓱᓕ ᐱᔪᓐᓇᓛᖅᑐᑦ ᑖᒃᑯᓂᖓ ᑐᓂᓯᐅᖅᑲᐃᓕᖅᑲᑕ. ᑖᒃᑯᓂᖓ ᑐᓂᓯᐅᖅᑲᐃᓂᖅ ᐱᔭᕇᖅᑲᑦ ᐊᓯᐊᒍᑦ ᐱᕕᖃᒃᑲᓂᔾᔮᓛᙱᒻᒪᑕ ᐃᓄᐃᑦ ᐊᐃᔅᓯᖃᑦᑕᕈᓐᓇᓂᕐᒥᒃ ᑖᒃᑯᓂᖓ ᓂᐅᕕᐅᑎᔅᓴᓂᑦ.

• ᐃᑲᔫᓯᐊᖅᑖᖃᑕᐅᔪᓐᓇᖅᑐᑦ ᐃᖃᓗᓐᓃᑦᑐᑦ ᐃᓄᐃᑦ ᑰᓕᖕᕕᒻᒨᖃᑦᑕᓛᖁᔭᐅᕗᑦ (ᓴᓂᐅᔭᕐᕕᒃ) 10ᒥ ᐅᓪᓛᒃᑯᑦ 7ᒨᕋᓱᓐᓂᖓᓂ ᐅᓐᓄᒃᑯᑦ ᓇᒡᒐᔾᔭᐅᒥ ᔫᓂ 28 ᐱᖓᑦᑎᕐᒧᑦ ᔫᓂ 30ᒧᑦ ᐊᐃᔅᓯᖃᑦᑕᕐᓗᑎᒃ ᓂᐅᕕᐅᑎᔅᓴᖏᓐᓂᒃ.
• ᐃᑲᔫᓯᐊᖅᑖᖃᑕᐅᔪᓐᓇᖅᑐᑦ ᐃᓄᐃᑦ ᓂᐊᖁᙴᕐᒥᐅᑦ ᐊᐃᕝ ᐅᒃᐱᒃ ᑲᑎᕕᒻᒧᑦ ᐊᐃᔅᓯᖃᑦᑕᓛᖁᔭᐅᕗᑦ ᓇᒡᒐᔾᔭᐅᒥ ᔫᓂ 28 10ᒥ ᐅᓪᓛᒃᑯᑦ 7ᒨᕋᓱᓐᓂᖓᓂ ᐅᓐᓄᒃᑯᑦ.
• ᑭᒃᑯᑐᐃᓐᓇᐃᑦ ᐃᓄᓕᓐᓅᕋᔭᒍᒪᙱᑦᑐᑦ ᐸᔪᑦᑕᐅᖔᕈᒪᒐᔭᖅᑐᑦ ᐅᖄᓚᖃᑦᑕᖁᔭᐅᕗᑦ 979.1484ᒧᑦ ᐊᒻᒪᓗ ᖃᐅᔨᒃᑲᐃᖃᑦᑕᕐᓗᑎᒃ ᐃᓪᓗᒥᐅᖃᑎᒌᖑᓪᓗᑎᒃ ᖃᑦᑎᐅᒻᒪᖔᑕ ᐃᑲᔫᓯᐊᖅᑖᕈᓐᓇᖅᑐᑦ. ᑲᑎᓯᔭᕆᐊᑐᙱᓪᓗᑎᒃ ᐸᔪᑦᑎᕆᓛᖅᑐᑦ ᔪᓚᐃ 2ᒥ − ᔪᓚᐃ 3ᒧᑦ.

ᑐᑭᓯᒋᐊᒃᑲᓐᓂᕈᒪᒍᔅᓯ, ᐊᑏ ᑐᑭᓯᒋᐊᕐᕕᐅᖃᑦᑕᕐᓕ ᑖᓐᓇ:

ᔫᓕᐊ ᕌᕗᑦᔅ
ᐊᔮᔮ ᑐᓴᐅᒪᖃᑦᑕᐅᑎᑎᑦᑎᔩᑦ ᑎᒥᖓᑦ
ᑎᑎᖅᑲᓂᐊᕐᕕᖓ 8
ᐃᖃᓗᐃᑦ, ᓄᓇᕗᑦ, X0A 0H0
ᐅᖄᓚᐅᑎᕋᓛᖓ: 867-222-9388
juliar@ayaya.ca