Compassionate Travel Program Application Form

Bereavement and Compassionate Traveler's Notice

NA beneficiaries who are accessing the Bereavement and Compassionate Travel Program.

We now have a new Bereavement and Compassionate policy that came into effect on April 1, 2024. Notable updates to the program policy include:

1. Up to three (3) family members are now eligible to claim compassionate and bereavement travel benefits;
2. The shipment of remains is now included, on top of the 3 travel benefits;
3. If a connecting flight was delayed due to weather, and a traveler is required to cover his/her own accommodation, the Program may cover hotel cost for up to four (4) nights or $1,000, whichever is lower, or up to four (4) nights of billeting cost at $100 per night.
4. Program does not cover accommodation costs at the originating or final destination, or any meal costs or per-diems.
5. Gas costs can now be claimed on a reimbursement basis, up to the total value of 3 plane tickets or $6000 – whichever is lower if a family chooses to travel to their destination by means other than air transport.
6. One (1) discretionary change will be allowed free of charge. Additional changes will be at a cost of $100 per change.
7. Hotel or billeting costs will be covered on a reimbursement basis, with supporting documents. (Example: Billet Invoice)

It is the traveler’s responsibility to ensure they are at the airport and checked in on time.
QIA through travel agent will book most direct flights, avoiding layovers when and where possible.

• The Community Liaison Officer should be contact to assist in travel date changes for only the following factors:
  1. Flights cancelled due to weather
  2. Flights cancelled due to mechanical

If the funeral of the family member has already taken place, applications will still be considered if they are made within one week of the funeral and the travel will take place within 30 days of the funeral. The travel coverage provided above is a one-time financial assistance.

To be eligible for financial assistance, the terminally ill or deceased person must be a family member, and

• is/was enrolled under the Nunavut Agreement or with associated community in the region from which the financial assistance is requested pursuant to this Policy; or
• is/was the spouse or parent of an Inuk enrolled under the Nunavut Agreement or with associated community in the region from which the financial assistance is requested pursuant to this Policy.
• 2.7 A recipient (Inuk/Inuit) of financial assistance pursuant to this Policy must also be enrolled under the Nunavut Agreement and is a family member of the individual who is terminally ill and facing imminent death or has died. Proof of illness and/or death issued by the local health centre, doctor, funeral home or a relevant government agency will be required using forms/templates

Prescribed by a RIA or in the form of an official document such as a death certificate.

ᐃᓚᐃᖅᑐᓄᑦ ᐃᓚᓕᐊᕆᐊᖃᕐᓂᒧᓪᓗ ᐊᐅᓪᓚᖅᑐᓄᑦ ᖃᐅᔨᒃᑲᐃᔾᔪᑎ

ᓄᓇᕗᑦ ᐊᖏᕈᑎᖏᓐᓄᑦ ᐃᓚᒋᔭᐅᔪᑦ ᐊᑐᖅᑐᑦ ᐃᓚᐃᖅᑐᓄᑦ ᐃᓚᓕᐊᕆᐊᖃᕐᓂᒧᓪᓗ ᖃᖓᑦᑕᐅᑎᓄᑦ ᐃᑲᔫᑎᓂᑦ.

ᒫᓐᓇ ᓄᑖᓂᑦ ᐃᓚᐃᖅᑐᓄᑦ ᐃᓚᓕᐊᕆᐊᖃᕐᓂᒧᓪᓗ ᐊᑐᐊᒐᖃᓕᕋᑦᑕ ᑖᒃᑯᐊ ᐊᑐᓕᔪᔪᑦ ᐄᐳᓗ 1, 2024ᖑᑎᓪᓗᒍ. ᖃᐅᔨᒪᔭᐅᔭᕆᐊᖃᓗᐊᖅᑐᑦ ᓄᑖᕈᖅᑎᑕᐅᒋᐊᕐᓯᒪᔪᑦ ᐃᑲᔫᑎᓂᑦ ᐊᑐᐊᒐᕐᓂᑦ ᐅᑯᐊ:

1. ᐱᖓᓱᓄᑦ (3) ᑎᑭᑦᑐᒋᑦ ᐃᓚᒌᑦ ᒫᓐᓇ ᑐᔅᓯᕋᖃᑦᑕᕈᓐᓇᓯᒻᒪᑕ ᐃᓚᓕᐊᕆᐊᖃᕐᓂᕐᒧᑦ ᐃᓚᐃᖅᑐᓄᓪᓗ ᖃᖓᑦᑕᐅᑎᓄᑦ ᐃᑲᔫᓯᐊᔅᓴᓂᑦ;
2. ᐅᓯᔭᐅᔾᔪᑎᔅᓴᖏᑦ ᑎᒥᖓᓄᑦ ᒫᓐᓇ ᐱᖃᓯᐅᔾᔭᐅᓯᒪᓕᖅᑐᑦ, ᖄᖓᒍᑦ ᐱᖓᓱᓄᑦ (3) ᖃᖓᑦᑕᐅᑎᓄᑦ ᐃᑲᔫᓯᐊᔅᓴᑦ;
3. ᐊᖅᑯᓵᖅᑐᓄᑦ ᖃᖓᑕᓲᖅ ᐃᑭᕕᒋᒋᐊᖃᖅᑲᐅᔭᐃᑦ ᑭᖑᕙᕆᐊᕐᓯᒪᑉᐸᑦ ᓯᓚ ᐱᔾᔪᑎᒋᓪᓗᒍ, ᐊᒻᒪᓗ ᐊᐅᓪᓚᕐᓯᒪᔪᖅ ᐊᑭᓖᔭᕆᐊᖃᖅᑲᑦ ᓇᒻᒥᓂᖅ ᑐᔪᕐᒥᔾᔪᑎᖏᓐᓂᒃ, ᐃᑲᔫᑎᐅᕙᑦᑐᑦ ᐊᑭᓖᒍᓐᓇᑐᐃᓐᓇᕆᐊᓖᑦ ᑐᔪᕐᒥᔾᔪᑎᓄᑦ ᐊᑭᖏᓐᓂᒃ ᑎᓴᒪᓄᑦ (4) ᐅᓐᓄᓄᑦ ᓯᓂᑦᑕᕈᑎᖏᓐᓄᑦ ᐅᕝᕙᓘᓐᓃᑦ $1,000ᓂᑦ, ᓇᓪᓕᐊᑐᐃᓐᓇᖅ ᐊᑭᑭᓐᓂᕐᓴᖅ ᐊᑐᕐᓗᒍ, ᐅᕝᕙᓘᓐᓃᑦ ᑎᓴᒪᓄᑦ (4) ᐅᓐᓄᓄᑦ ᑐᔪᕐᒥᐊᖑᔭᕆᐊᖃᕐᓂᕈᕕᑦ $100ᕌᖅᑐᓂ ᐊᑐᓂᑦ ᐅᓐᓄᒃᑯᑦ.
4. ᐃᑲᔫᑏᑦ ᐊᑭᓖᖃᑦᑕᖏᒻᒪᑕ ᑐᔪᕐᒥᔾᔪᑏᑦ ᐊᑭᖏᓐᓂᒃ ᐊᐅᓪᓚᕐᕕᓐᓂᑦ ᐅᕝᕙᓘᓐᓃᑦ ᑎᑭᕝᕕᓐᓄᑦ, ᐅᕝᕙᓘᓐᓃᑦ ᓂᕆᔾᔪᑏᑦ ᐊᑭᖏᓐᓄᑦ ᐅᕝᕙᓘᓐᓃᑦ ᓂᕆᔾᔪᑎᔅᓴᓄᑦ.
5. ᒑᓯᑖᕈᑎᓄᑦ ᐊᑭᖓ ᒫᓐᓇ ᑐᔅᓯᕋᐅᑕᐅᖃᑦᑕᕈᓐᓇᓕᕐᒥᔪᖅ ᐊᑭᓕᐅᑎᒥᓂᕐᓄᑦ ᐅᑎᖅᑎᑦᑎᕕᐅᔪᓐᓇᖅᑐᑦ, ᑲᑎᓪᓗᒋᑦ ᑕᒪᕐᒥᒃ ᐱᖓᓱᓄᑦ ᖃᖓᑦᑕᐅᑎᓄᑦ ᓈᒻᒪᑦᑐᓂᑦ ᐅᕝᕙᓘᓐᓃᑦ $6000ᓄᑦ − ᓇᓪᓕᐊᑐᐃᓐᓇᖅ ᐊᑭᑭᓐᓂᕐᓴᖅ ᐊᑐᕐᓗᒍ ᐃᓚᒌᑦ ᐊᐅᓪᓚᕈᒪᓂᐊᖅᑲᑕ ᖃᖓᑕᓲᒃᑰᖏᑦᑐᖅ ᐃᖏᕐᕋᔾᔪᑎᑎᒍᑦ.
6. ᐊᑕᐅᓯᐊᕐᓗᑎᒃ (1) ᐊᓯᔾᔩᒋᐊᖃᕐᓂᖅᑲᑕ ᐊᑭᖃᕋᔭᙱᑦᑐᖅ ᐊᓯᔾᔨᖅᑕᐅᒍᑎᖓ. ᐊᓯᒃᑲᓐᓂᖏᑦ ᐊᓯᔾᔨᖅᑕᐅᒍᑎᖏᑦ ᐊᑭᖃᖃᑦᑕᓂᐊᖅᑐᑦ $100ᒥᒃ ᐊᑐᓂᑦ ᐊᓯᔾᔩᓂᑕᒫᑦ.
7. ᑐᔪᕐᒥᕕᒻᒧᑦ ᐅᕝᕙᓘᓐᓃᑦ ᑐᔪᕐᒥᐊᖑᓂᕐᒧᑦ ᐊᑭᖏᑦ ᐊᑭᓕᖅᑕᐅᖃᑦᑕᓂᐊᖅᑐᑦ ᐅᑎᖅᑎᑦᑎᕕᐅᔾᔪᑎᒋᔪᓐᓇᖅᑐᒋ ᐊᑭᓕᐅᑎᒥᓂᓯ, ᐸᐃᑉᐹᓂᑦ ᓇᓕᖅᑲᖏᓐᓂᒃ ᐃᑲᔪᕐᓯᕆᐊᕈᑎᖃᕐᓗᑎᑦ. (ᐆᑦᑑᑎᒋᓗᒍ: ᑐᔪᕐᒥᐊᖑᓂᕐᒧᑦ ᓇᓕᖅᑲᖓ)

ᐊᐅᓪᓚᕐᓯᒪᓂᐊᖅᑑᑉ ᑲᒪᒋᔭᔅᓴᒫᕆᒻᒪᒍ ᖃᐅᔨᒪᑦᑎᐊᕆᐊᖃᕐᓂᕐᒥ ᖃᖓᑕᓲᒃᑯᕕᓕᐊᕐᓯᒪᖃᑦᑕᕐᓗᑎᒃ ᖃᖓᑦᑕᐅᑎᔅᓴᖏᓐᓂᓪᓗ ᐱᖃᑦᑕᕐᓗᑎᒃ ᓈᒻᒪᓈᕐᓯᒪᓗᑎᒃ.
ᕿᑭᖅᑕᓂᒃᑯᑦ ᖃᖓᑦᑕᐅᓯᕆᔨᖓᑦ ᐃᓂᔅᓴᓕᐅᕆᓲᖅ ᑐᕋᐃᓐᓇᖅᑐᓂᑦ ᖃᖓᑦᑕᐅᑎᐅᓲᓂᑦ, ᓇᒥᑐᐃᓐᓇᖅ ᐊᖅᑯᓵᕐᓯᒪᓗᑎᒃ ᓯᓂᑦᑕᕆᐊᖃᖃᑦᑕᓂᐊᙱᒻᒪᑕ ᐊᔪᕐᓇᑎᓐᓇᒍ.

• ᓄᓇᓕᓐᓂᑦ ᑐᓴᐅᒪᑎᑦᑎᔨ ᐅᖃᕐᕕᐅᖃᑦᑕᕆᐊᓕᒃ ᐃᑲᔪᕈᓐᓇᕐᖓᑦ ᖃᖓᑦᑕᐅᑎᖏᑕ ᐅᓪᓗᖏᑦ ᐊᓯᔾᔨᕆᐊᖃᖅᑎᓪᓗᒋᑦ ᐅᑯᐊᑐᐊᖅ ᐱᔾᔪᑎᒋᓗᐊᖅᑐᒋᑦ:
  1. ᖃᖓᑕᓲᖅ ᑎᑭᔾᔮᕈᓐᓃᑎᓪᓗᒍ ᓯᓚ ᐱᔾᔪᑎᒋᓪᓗᒍ
  2. ᖃᖓᑕᓲᖅ ᑎᑭᔾᔮᕈᓐᓃᑎᓪᓗᒍ ᐱᐅᔪᓐᓃᖅᑐᒥᓂᐅᑎᓪᓗᒍ ᐊᑐᖅᑕᐅᓂᐊᖅᑲᐅᔪᖅ

ᐃᓗᕕᖅᑕᐅᔭᕇᕐᓂᖅᑲᑦ ᐃᓚᒋᔭᐅᓚᐅᖅᑐᖅ, ᑐᔅᓯᕋᐅᑏᑦ ᓱᓕ ᐃᓱᒪᒋᔭᐅᒋᐊᕈᓐᓇᖅᑐᑦ ᑐᔅᓯᕋᖅᑲᑕ ᐱᓇᓱᐊᕈᓯᖅ ᐊᑕᐅᓯᖅ ᑐᖔᓂ ᐃᓗᕕᖅᑕᐅᕕᒥᓂᖓᑕ ᐊᒻᒪᓗ ᐊᐅᓪᓚᕈᒫᕐᓂᐊᖅᑲᑦ 30 ᐅᓪᓗᐃᑦ ᑐᖔᓂ ᐃᓗᕕᖅᑕᐅᓚᐅᖅᑎᓪᓗᒍ. ᖃᖓᑦᑕᐅᑎᓄᑦ ᐊᑭᓕᐅᑏᑦ ᖁᓛᓂ ᓇᓗᓇᐃᖅᑕᐅᓯᒪᔪᑦ ᐊᑕᐅᓯᐊᕐᓗᑎᒃ ᑮᓇᐅᔭᑎᒍᑦ ᐃᑲᔫᑎᐅᒍᒫᕐᓂᐊᕐᓯᒪᒻᒪᑕ.

ᑮᓇᐅᔭᓂᑦ ᐃᑲᔫᓯᐊᖅᑖᕈᒪᒍᔅᓯ, ᑖᓐᓇ ᐋᓐᓂᐊᔪᖅ ᖁᓚᕆᔭᐅᓕᖅᑐᖅ ᐅᕝᕙᓘᓐᓃᑦ ᐃᓅᒍᓐᓃᖅᑐᖅ ᐃᓚᒋᔭᕆᐊᖃᖅᑕᐃᑦ, ᐊᒻᒪᓗ

• ᐃᓚᒋᔭᐅᓗᓂ ᐊᑎᓕᐅᖅᑕᐅᓯᒪᓗᓂ ᓄᓇᕗᑦ ᐊᖏᖃᑎᒌᒍᑎᖏᑎᒍᑦ ᐅᕝᕙᓘᓐᓃᑦ ᓄᓇᖃᕆᐊᓕᒃ ᑕᒫᓂ ᑮᓇᐅᔭᓂᑦ ᑐᔅᓯᕋᕐᕕᓐᓂᑦ ᒪᓕᑦᑐᒋᑦ ᑖᒃᑯᐊ ᐊᑐᐊᒐᐃᑦ; ᐅᕝᕙᓘᓐᓃᑦ
• ᐊᐃᑉᐸᕆᔭᐅᓗᓂ/ᐊᐃᑉᐸᕆᔭᐅᓚᐅᖅᑐᓂ ᐅᕝᕙᓘᓐᓃᑦ ᐊᖏᔪᖅᑳᕆᔭᐅᓗᓂ ᐃᓄᒻᒧᑦ ᐃᓚᒋᔭᐅᔾᔪᑎᓕᒻᒧᑦ ᓄᓇᕗᑦ ᐊᖏᖃᑎᒌᒍᑎᖏᑎᒍᑦ ᐅᕝᕙᓘᓐᓃᑦ ᓄᓇᖃᕆᐊᓕᒃ ᓄᓇᓕᓐᓂᑦ ᑕᒫᓂ ᑮᓇᐅᔭᓂᑦ ᑐᔅᓯᕋᕐᕕᓐᓂᑦ ᒪᓕᑦᑐᒋᑦ ᑖᒃᑯᐊ ᐊᑐᐊᒐᐃᑦ.
• 2.7 ᐃᑲᔫᓯᐊᖅᑖᓂᐊᖅᑐᖅ(ᑐᑦ) (ᐃᓄᒃ/ᐃᓄᐃᑦ) ᑮᓇᐅᔭᓂᑦ ᐃᑲᔫᓯᐊᔅᓴᓂᑦ ᒪᓕᑦᑐᒋᑦ ᑖᒃᑯᐊ ᐊᑐᐊᒐᐃᑦ ᐃᓚᒋᔭᐅᔭᕆᐊᖃᕐᒥᔪᖅ ᐊᑎᓕᐅᖅᑕᐅᓯᒪᓗᓂ ᓄᓇᕗᑦ ᐊᖏᖃᑎᒌᒍᑎᖏᑎᒍᑦ ᐊᒻᒪᓗ ᐃᓚᒋᔭᐅᓗᓂ ᑖᔅᓱᒧᖓ ᐃᓄᒻᒧᑦ ᐋᓐᓂᐊᔪᒧᑦ ᖁᓚᕆᔭᐅᓕᖅᑐᒧᑦ ᐅᕝᕙᓘᓐᓃᑦ ᐃᓅᔪᓐᓃᖅᑐᒧᑦ. ᓇᓗᓇᐃᒃᑯᑕᕐᒥᒃ ᐱᔭᕆᐊᖃᕐᓂᐊᖅᑐᒍᑦ ᐋᓐᓂᐊᓂᖓᑕ ᒥᔅᓵᓄᑦ ᐊᒻᒪᓗ/ᐅᕝᕙᓘᓐᓃᑦ ᐃᓅᔪᓐᓃᕐᓂᖓᓂᒃ ᓄᓇᔅᓯᓐᓂ ᐋᓐᓂᐊᕕᒻᒥᑦ, ᓘᒃᑖᕐᒥᑦ, ᐃᓗᕕᓕᕆᔨᓂᑦ ᐅᕝᕙᓘᓐᓃᑦ ᒐᕙᒪᒃᑯᓐᓂᑦ ᐱᓕᕆᔨᓂᑦ ᑕᒪᑐᒧᖓ ᐊᑐᕐᓗᑎᒃ ᐊᑐᖅᑕᐅᓲᓂᑦ ᑎᑎᕋᕐᕕᔅᓴᓂᑦ/ᑎᑎᖅᑭᕆᔾᔪᑕᐅᕙᑦᑐᓂᑦ

ᑎᑎᕋᖅᑕᐅᓯᒪᓗᓂ ᐊᕕᑦᑐᕐᓯᒪᓂᐅᔪᓂᑦ ᐃᓄᐃᑦ ᑲᑐᔾᔨᖃᑎᒌᖏᓐᓂᑦ ᐅᕝᕙᓘᓐᓃᑦ ᑎᑎᖅᑲᓚᑦᑖᖑᓗᓂ ᓲᕐᓗ ᑐᖁᓂᖓᑕ ᒥᔅᓵᓄᑦ ᓇᓗᓇᐃᒃᑯᑕᖅ.

I acknowledge that I have read and understand the notice above / ᐅᕙᖓ ᓇᓗᓇᐃᕐᓯᕗᖓ ᐅᖃᓕᒫᕐᓯᒪᓂᕋᖅᑐᖓ ᑐᑭᓯᓂᕋᖅᑐᖓᓗ ᑖᒃᑯᓂᖓ ᖃᐅᔨᒃᑲᐃᔾᔪᑎᓂᑦ ᖁᓛᓂ ᑎᑎᕋᖅᑕᐅᓯᒪᔪᓂᑦ.

ᐊᑎᓕᐅᖅᑕᖏᑦ ᐅᓪᓗᖓᓂ ᑕᕝᕙᓂ