ᐃᖃᓗᐃᑦ, ᓄᓇᕗᑦ, ᔭᓄᐊᕆ 20, 2023 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᐃᓚᐅᔪᖁᑎᖏᑦ ᑲᑎᒪᔨᖏᓪᓗ ᑲᑎᒪᔭᕇᖅᑐᑦ ᐅᓪᓗᒥ ᐊᖅᓴᕐᓃᑦ ᑐᔪᕐᒥᕕᐊᓂ ᑲᑎᒪᑎᓪᓗᒋᑦ. ᐱᖁᔨᕗᖔᕈᑎᓂᒃ ᑲᔪᓯᑎᑦᑎᓚᐅᖅᑐᑦ ᑲᑎᒪᓂᕐᒥᒃ.
• ᐊᖏᖅᑕᐅᓂᖓ ᐊᒥᓱᓄᑦ ᐊᕐᕌᒍᓄᑦ ᑐᓐᓂᖅᑯᓯᖅᑕᐅᓂᕐᒧᑦ ᐊᖏᕈᑎᖃᕐᓂᖅ ᒐᕙᒪᑐᖃᒃᑯᓐᓂ ᑮᓇᐅᔭᖅᑖᕐᓂᐊᕐᒪᑕ $25 ᒥᓕᔭᓂᒃ ᐊᑐᕐᓂᐊᖅᑐᓂᒃ ᐊᑐᓕᖅᑎᑕᐅᓂᖓ ᕿᑭᖅᑕᓃᒃᑯᑦ ᑲᑐᔾᔨᒍᑕᐅᔪᒥᒃ ᐃᓕᓐᓂᐊᖅᑎᑦᑎᓂᕐᒥᒃ ᐱᓕᒻᒪᒃᓴᐃᓂᕐᒥᓗ ᐱᓕᕆᐊᖓᓄᑦ
• ᐊᖏᖅᑕᐅᓂᖓ ᑮᓇᐅᔭᐃᑦ$46.8ᒥᓕᔭᓐ ᓄᓇᖃᖅᑐᑐᖃᐃᑦ ᓄᓇᓕᖏᓐᓄᑦ ᐊᑭᑐᔫᑎᓕᕆᓂᕐᒧᑦ ᐊᑐᕐᓂᐊᖅᑐᑦ ᑕᓪᓕᒪᓄᑦ ᐱᒻᒪᕆᐋᓗᖕᓄᑦ ᐱᓕᕆᐊᒃᓴᓄᑦ ᕿᑭᖅᑖᓗᖕᒥ.• ᐊᖏᖅᑕᐅᓂᖓ ᐃᓕᔭᐅᓗᑎᒃ ᐊᖑᓇᓱᒃᑎᓄᑦ ᐃᑲᔫᑏᑦ ᑮᓇᐅᔭᖏᑦ ᓇᐅᑦᑎᖅᓱᖅᑏᑦ ᐱᓕᕆᐊᒃᓴᖏᓐᓄᑦ ᑕᓪᓕᕈᑎᐅᑉ ᐃᒪᖓᓂᑦ ᓄᓇᓕᖕᓂ ᐊᒻᒪᓗ ᑮᓇᐅᔭᖅᑖᒃᑲᓐᓂᕈᓐᓇᕐᓗᑎᒃ ᐊᑐᕐᓂᐊᖅᑐᓂᒃ ᐊᖏᓪᓕᒋᐊᖅᑕᐅᓂᖓ ᓇᐅᑦᑎᖅᓱᖅᑏ 8ᓄᑦ ᕿᑭᖅᑖᓗᖕᒥ ᓄᓇᓕᐅᔪᓄᑦ ᐱᖃᙱᑦᑐᓄᑦ
• ᐊᖏᖅᑕᐅᓂᖓ ᐃᖅᑲᓇᐃᔭᖃᑎᖃᖅᐸᓪᓕᐊᓂᖅ ᑕᕆᐅᓕᕆᓂᕐᒧᑦ ᐅᑭᐅᖅᑕᒥᒃ ᑲᓇᑕᒥ ᐊᖏᖃᑎᒌᒍᓐᓇᕐᓗᑎᒃ ᐱᓕᕆᐊᖑᓂᐊᖅᑐᒥᒃ ᐊᐅᓚᑦᑎᔾᔪᑎᒋᔭᐅᓂᐊᖅᑐᒧᑦ ᐸᕐᓇᐃᓂᕐᒥᒃ ᐅᑭᐅᖅᑕᖅᑐᒥ ᐱᓕᕆᐊᒃᓴᐅᓂᐊᖅᑐᒥᒃ ᕿᑭᖅᑖᓗᖕᒥ.
ᓂᕈᐊᒐᒃᓴᓕᐅᕐᓂᖅ ᐊᖓᔪᖅᑳᑉ ᑐᖏᓕᐊᑕ ᐃᓂᐊᓄᑦ ᐊᒻᒪᓗ ᓯᕗᓕᖅᑎᓂ ᑲᑎᒪᔨᒃᓴᓂᑦ ᓂᕈᐊᓚᐅᖅᑐᑦ. ᓕᕙᐃ ᐹᓇᐹᓯ ᕿᑭᖅᑕᓂᒃᑯᓐᓄ ᐊᖓᔪᖅᑳᑉ ᑐᖏᓕᕆᓂᐊᓕᖅᑕᖓ ᑎᑭᓪᓗᒍ 2024ᒧᑦ ᓂᕈᐊᕐᓂᕐᒧᑦ, ᔨᐅᕆᒥ ᑐᕐᖔᓗᒃ ᑲᑎᒪᔨᓄ ᓂᕈᐊᕐᒃᑕᐅᓪᓗᓂ ᓕᕙᐃ ᐹᓇᐹᓯ ᐃᓂᒋᓚᐅᕐᒃᑕᖓᓄ ᑎᑎᕋᕐᒃᑎ−ᑮᓇᐅᔭᓕᕆᔨ ᐊᒻᒪᓗ ᑖᒃᑯᐊ ᑲᑎᒪᔩᑦ ᓇᓗᓇᐃᔭᖅᓯᒪᔪᑦ ᐊᑖᓂ ᕿᑭᖅᑕᓃᒃᑯᑦ ᓯᕗᓕᖅᑎᖏᓐᓄ, ᕿᑭᖅᑕᓃᒃᑯᑦ ᑮᓇᐅᔭᓕᕆᓂᕐᒧᑦ ᑲᑎᒪᔨᕋᓛᖏᓄ ᑲᑎᒪᔨᐅᖃᑕᐅᓂᐊᖅᑐᑦ:
• ᓵᓕ ᖁᒻᒧᐊᕐᒃᑐᕐᒃ, ᓯᕗᓕᖅᑏᑦ ᑲᑎᒪᔨᐅᓂᕐᒧᑦ
• ᑖᒥ ᐋᑲᕙ, ᓯᕗᓕᖅᑏᑦ ᑲᑎᒪᔨᐅᓂᕐᒧᑦ
• ᐲᑕ ᐃᕙᓗ, ᕿᑭᖅᑕᓂᒃᑯᑦ ᑮᓇᐅᔭᓕᕆᓂᕐᒧᑦ ᑲᑎᒪᔨᕋᓛᖏᑦ
• ᓯᑏᕕ ᐊᐅᓪᓚᕿᐊ, ᕿᑭᖅᑕᓂᒃᑯᑦ ᑮᓇᐅᔭᓕᕆᓂᕐᒧᑦ ᑲᑎᒪᔨᕋᓛᖏᑦ
ᑐᓴᒐᒃᓴᐅᑉ ᒥᒃᓵᓄᑦ ᑐᑭᓯᒃᑲᓐᓂᕈᒪᔪᖃᖅᐸᑦ, ᖃᐅᔨᒋᐊᕐᕕᐅᔪᓐᓇᖅᑐᖅ:
ᑭᐊᕋᓐ ᕙᓚᕋᑎ
ᑐᑭᒧᐊᒃᑎᑦᑎᔨ, ᑐᑭᒧᐊᒍᑎᒃᓴᓂ ᑐᓴᐅᒪᑎᑦᑎᔾᔪᑎᓂᒃ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
(P) 867.975.8398 ᐅᕝᕙᓘᓐᓃᑦ ᐊᑭᖃᙱᑦᑐᒧᑦ ᐅᖄᓚᓗᑎᑦ 1.800.667.2742
kflaherty@qia.flywheelsites.com
