ᕿᑭᖅᑕᓃᒃᑯᑦ ᓴᖅᑭᑎᑦᑎᕗᑦ ‘ᓂᕈᐊᕐᓂᕗᑦ’ᒥ
ᐃᖃᓗᐃᑦ, ᓄᓇᕗᑦ – ᐅᑐᐱᕆ 16, 2017 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᓴᖅᑭᑎᑦᑎᓂᐊᕐᒪᑕ “ᓂᕈᐊᕐᓂᕗᒻᒥ,” ᑖᓐᓇᓗ ᑲᔪᖏᖅᓴᐃᔾᔪᑎᒋᔭᐅᓂᐊᖅᑐᖅ ᐃᓄᐃᑦ ᐃᓚᐅᑦᑎᐊᖁᓪᓗᒋᑦ ᓄᓇᕗᒥ 2017ᒥ ᓂᕈᐊᕐᓇᒥ.
“ᕿᑭᖅᑖᓗᖕᒥ ᐃᓄᖕᓂᑦ ᐃᓚᐅᖁᔨᑦᑎᐊᕋᑦᑕ ᓄᓇᕗᒥ ᓂᕈᐊᕐᓂᖓᓂ ᐊᒻᒪᓗ ᑐᓴᐅᒪᑦᑎᐊᕋᓱᓪᓗᓯ ᐃᓱᒫᓘᑎᒋᔭᐅᔪᓂᒃ ᐊᑦᑐᐃᒍᑕᐅᔪᓄᑦ ᓄᓇᓕᑦᑎᓐᓂ,” ᐅᖃᖅᑐᖅ ᕿᑭᖅᑕᓃᒃᑯᑦ ᐊᖓᔪᖅᑳᖓ ᐸᐅᓗᓯ ᐊᕿᐊᕈᖅ, “ᐊᖏᕐᕋᕆᒐᑦᑎᒍ, ᓯᕗᓂᒃᓴᕆᓪᓗᑎᒍᓪᓗ ᐊᒻᒪᓗ ᓂᕈᐊᕈᓐᓇᖅᖢᑕ.”
ᑖᓐᓇ ᑲᖏᔪᖅᓴᐃᔾᔪᑎᒋᔭᐅᔪᖅ ᓂᕈᐊᕈᓐᓇᖅᑐᓂᒃ ᓂᕈᐊᕆᐊᖅᑐᖁᔨᑦᑎᐊᖅᖢᑕ ᐊᒻᒪᓗ ᖃᓄᖅᑑᕈᑎᒃᓴᖃᖅᖢᓂᓗ ᑐᓴᐅᒪᑦᑎᐊᕐᓗᑎᒃ ᓇᓖᕌᕈᑎᖃᕈᓐᓇᓛᕐᒪᑕ ᐅᑎᐱᕆ 30, 2017ᒥ, ᓂᕈᐊᕐᓇᐅᑉ ᐅᓪᓗᖓᓂ.
ᐅᓪᓗᓂ ᖃᐃᔪᓄᑦ ᕿᑭᖅᑕᓃᒃᑯᑦ ᓴᖅᑭᑎᑦᑎᖃᑦᑕᕐᓂᐊᕐᒪᑕ ᐊᔾᔨᒋᓐᖏᑦᑐᓂᕐᒃ ᓂᕈᐊᕐᓂᕐᒧᑦ ᑐᕌᖓᔪᓂᒃ ᖃᕋᓴᐅᔭᒃᑯᑦ ᐊᒻᒪᓗ ᐃᑭᐊᖅᑭᕕᖏᑦᑎᒍᓪᓗ “ᓂᕈᐊᕐᓂᕗᑦ ᒥᒃᓵᓄᑦ”.
ᑖᓐᓇ ᑲᔪᖏᖅᓴᐃᔾᔪᑎᒋᔭᐅᔪᖅ ᐱᖃᐅᓯᑎᓯᒪᓂᐊᖅᑐᖅ ᒪᕐᕉᓂ ᐅᖃᐅᓯᓕᖕᒥᑦ ᑕᕐᕆᔭᒐᒃᓴᓂ ᐅᖃᐅᓯᕆᔭᐅᓗᑎᒃ ᐱᒻᒪᕆᐅᔪᑎᑕᐅᔪᓂᒃ ᐃᓱᒫᓘᑎᓂᒃ ᕿᑭᖅᑖᓗᖕᒥᑦ ᐃᓄᖕᓄᑦ.
ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒃᓴᖅ:
ᓰᒪ ᓴᕼᐊᕐ ᓯᐊᕋᕼᐃ
ᑐᑭᒧᐊᖅᑎᑦᑎᔨ, ᑐᓴᐅᒪᖃᑦᑕᐅᑎᓕᕆᓂᕐᒧᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
szerehi@qia.ca
(867) 975.8413
1.800.667.2742